በዘንዘልማ ጎንባት ቀበሌ ለመንቀሳቀሰ የሞከረው የሰው በላው ቡድን ሙትና ቁስለኛ ተደረገ።
(ኢትዮ 360-ጥር 20/2017)የአማራ ፋኖ በጎጃም አንደኛ ክፍለ ጦር ባህርዳር ብርጌድ በዘንዘልማ ጎንባት ቀበሌ ለመንቀሳቀሰ በሞከረው የሰው በላው ቡድን ላይ በፈጸሙት ድንገተና ጥቃት ሰባቱን ላይመለስ ሲሸኙት 5 ደግሞ ማቁሰላቸውን አመራሮቹ ለኢትዮ 360 ገለጹ።
ባህርዳር ብርጌድ በሚያስተዳድራቸው የተለያዩ ቀጠናዎች አንዱ በሆነው በዘንዘልማ ወይንም ልዩ ቦታው ጎንባት ቀበሌ ላይ የገዳዩ ቡድን ሃይል ዛሬ ለሊቱን ለመጓዝ እንቅስቃሴ መጀመሩን ይናገራሉ።
በሌሊት ጉዞ በማድረግ እቅዱን ለማሳካት የተንቀሳቀሰውን ይሄ ሃይል ብዙም ሳይጓዝ የደረሰበት የፋኖ ሃይል 7ቱን ወደ አስከሬንነት ቀይሮና አምስቱን አቁስሎ ከመንገዱ አስቀርቶ ቁስለኛና አስክሬኑን ይዞ እንዲሄድ አድርጎታል ብለዋል።
ይህ በእንዲህ እንዳለም በአካባቢው ለጠላት መረጃዎችን በማቀበል፣በየመጠጥ ቤቶች እየዞረ መረጃዎችን በመሰብሰብና የወንዳጣ ኢየሱስ እናአባራጅ ጊዮርጊስ ልዩ ቦታው ጭቃ መደብ ጎጥ የ31 አርሶአደር የግል ትጥቃቸውን ከጠላት ጋር በመሆን ቤትለቤት እየዞረ ያስወሰደው ባንዳን ላይመለስ አድርገው እንደሸኙትም ነው ለኢትዮ 360 በላኩት መረጃ ላይ ያሰፈሩት።
የባህርዳር ከተማ ባለሀብቶችን ከሰው በላው ቡድን ጋር በመሆን፣ በመጠቆም እና በማገት የፋኖን ስም ሲያጠለሽ እና በህዝብ ዘንድ ፋኖ እንዲጠላ ሲያደርግ የነበረ ዋነኛ ተባባሪ ባንዳ ቻሌ ድልነሳ ልዩ ቦታው አባራጅ ላይ እስከወዲያኛው ተሸኝቷል ብለዋል።