#Update

" የፈተናውን ውጤት በአጭር ጊዜ እናሳውቃለን " - የትምህርት ምዘናና ፈተናዎች አገልግሎት

የትምህርት ምዘናና ፈተናዎች አገልግሎት የሁለተኛው ዙር የ12ኛ ክፍል ፈተና በሰላም መጠናቀቁን አሳውቋል።

አገልግሎቱ ፤ ይህ የፈተና ሥራ በውጤታማነት እንዲጠናቀቅ አወንታዊ አስተዋጽኦ ላበረከቱ ምስጋና ያቀረበ ሲሆን ለተፈታኞች ደግሞ መልካም ውጤት ተመኝቷል።

" በአጭር ጊዜ ውስጥ የፈተናውን ውጤት የምናሳውቅ ይሆናል " ያለው የትምህርት ምዘናና ፈተናዎች አገልግሎት ፤ ተፈታኞች በትዕግስት እንዲጠባበቁ መልዕክት አስተላልፏል።

በትግራይ ክልል  ትምህርት ለመጀመር በሚቻልበት ሁኔታ ላይ ውይይት እና ምልከታ ተካሄደ።
-----------------------------------------

የትምህርት ሚኒስቴር ከፍተኛ  የባለሙያዎች ቡድን በትግራይ ክልል ትምህርት ለመጀመር  በሚቻልበት ሁኔታ ላይ ውይይት እና  ምልከታ አድርገዋል።

የባለሙያዎቹ ቡድን  ምልከታውን ያደረገው በማዕከላዊ ዞንና በሰሜን ምዕራብ ዞኖች ስር ባሉ የመጀመሪያና ሁለተኛ ደረጃ ትምህርት ቤቶች እንዲሁም በአክሱም ዩኒቨርስቲ ሽሬ እና አድዋ ካምፓስ ነው።

ቡድኑ በዞኖቹ  ትምህርት ለማስጀመር  ባሉ አስቻይ ሁኔታዎችና ትምህርት ቤቶቹ ባሉበት ቁመና ዙሪያ ከየዞኖቹ  የትምህርት ስራ አመራሮችና ባለሙያዎች ጋር ውይይት አድርጓል።

ከሁለተኛ እና አንደኛ ደረጃ ትምህርት ቤቶች ርዕሰ መምህራን ፣ ምክትል ርዕሰ መምህራን ፣ ሱፐርቫይዘሮች እንዲሁም ከ ዩኒቨርስቲ አመራሮች ጋር በተደረገው ውይይት በተፈጠረው ሰላም ትምህርት ለመጀመር እንደሚያስችል ተጠቁሟል።

በውይይቶቹም በትምህርት ቤቶች  እና ዩኒቨርስቲዎች የተፈጸሙ  ዘረፋዎችና  ትምህርት ቤቶች የተፈናቃዮች ማረፊያዎች  መሆናቸውና ሌሎችም  ተግዳሮቶች  ቢኖሩም ተቋርጦ የነበረውን ትምህርት እንዲጀመር   ከፍተኛ ፍላጎት መኖሩ ተመለክቷል።

በመሆኑም የተጓደሉ መሰረታዊ ግብአቶች ተሟልተው ባጭር  ጊዜ በዞኖቹ  የተቋረጠው ትምህርት ሊጀመር እንደሚገባ በምልከታው ወቅት መግባባት ላይ ተደርሷል።

#NationalExitExam

ሁለተኛው ዙር አገር አቀፍ የቅድመ ምረቃ ተመራቂ ተማሪዎች የመውጫ ፈተና ዛሬ መሰጠት ጀምሯል፡፡

ከ149 ሺህ በላይ ተፈታኞች በ204 የፈተና ፕሮግራሞች ፈተናውን እንደሚወስዱ ትምህርት ሚኒስቴር ገልጿል፡፡

ከዛሬ የካቲት 06/2016 ዓ.ም ጀምሮ እስከ የካቲት 11/2016 ዓ.ም የሚቆየው የመውጫ ፈተና፤ በ47 የመንግሥት ተቋማት ውስጥ በሚገኙ 84 የፈተና ማዕከላት ይሰጣል ተብሏል።

ምስል፦ ሚዛን-ቴፒ ዩኒቨርሲቲ

ቴሌግራም በሰዓታት ውስጥ በሚሊዮን የሚቆጠሩ አዳዲስ ተጠቃሚዎች አገኘ።

ዓለም ላይ ለሰዓታት ፌስቡክ እና ኢንስታግራም መቋረጣቸውን ተከትሎ " ቴሌግራም "ን በሚሊዮን የሚቆጠሩ ሰዎች መቀላቀላቸውን የቴሌግራም መስራች እና ዋና ስራ አስፈፃሚ ፓቨል ዱሮቭ ገለጹ።

ዋና ስራ አስፈፃሚው ፤ " ኢንስታግራም እና ፌስቡክ በተቋረጡበት ባለፉት ሰአታት በሚሊዮን የሚቆጠሩ ሰዎች ቴሌግራም ላይ  ሲመዘገቡ እና ይዘቶችን ሲያጋሩ ቆይተዋል " ብለዋል።

" ቴሌግራም " ከእነዚህ አገልግሎቶች የበለጠ አስተማማኝ ነው ሲሉም አክለዋል።

" ምንም እንኳን ከሜታ አንድ ሺህ ጊዜ ያነሱ ቋሚ የሆኑ ሰራተኞች ቢኖሩንም በመተግበሪያው ላይ አዳዲስ ይዘቶችን ለማሻሻል እና አዳዲስ ፈጠራዎችን ለማከል ፈጣኖች ነን " ብለዋል።

ዋና ስራ አስፈፃሚው ፤ " በ2023 ሙሉ ከዓመቱ 525,600 ደቂቃዎች ውስጥ የቴሌግራምን አገልግሎት ማግኘት ያልተቻለው በአጠቃላይ ለ9 ደቂቃ ብቻ ነው " ያሉ ሲሆን " ይህም 99.999983% ቴሌግራም ስራ ላይ እንደነበር አመላካች ነው " ሲሉ ገልጸዋል።