تحليل معدل الترسيب ESR

Normal range
Male 1-15
Female 1- 20
Child 1- 10

🔵 حالات زيادة ال ESR

1- Infections
2- Anemia

🟣 لو المعدل زاد اكتر من 100

1- T.B
2- Malignancy
3- Autoimmune

🟡 حالات نقص ال ESR

1- Polycythemia
2- Hypoalbuminemia
3- Sickle cell anemia

خلصت شيفت النهارده وشخصت حالتين مهمين:
Ischemic stroke و Migraine
بصراحة كنت مبسوط جدًا بحالة الـ migraine تحديدًا، لأن المريضة بقالها أكتر من سنة بتعاني من headache، واتشخصت قبل كده كذا مرة إنها tension headache، وده لأن pain كان bilateral مش unilateral
لكن الحمد لله المرة دي قدرنا نوصل للتشخيص الصح
إن شاء الله هنزل لكم إسكيمة بسيطة ومميزة جدًا تساعدكم تشخصوا الـ migraine بسهولة…
إسكيمة مش هتنسوها طول حياتكم ✨
اتعلمتها من النايب بتاعي، ربنا يبارك فيه 🤍

⭐Diagnosis of Migraine :

5 – 4 – 3 – 2 – 1 Rule

🔹 5
الـ headache يكون حصل على الأقل 5 مرات
(ماينفعش يتشخص من مرة أو مرتين)

🔹 4 – 3
مدة الألم:
من 4 ساعات لحد 3 أيام

🔹 2 (PUMA) بوما
لازم يكون في 2 على الأقل من:
P → Pulsating (نبضي)
U → Unilateral (ناحية واحدة)
M → Moderate to severe (متوسط لشديد)
A → Affects daily activity (مأثر على النشاط اليومي)

🔹 1
واحد على الأقل من:
Photophobia / Phonophobia
أو
Nausea / Vomiting
—
💡 كده تبقى اسكيمة سريعة تحفظها وتطبقها بسهولة في الشيفت

د. على سيف الدين

ولو عاملت الناس بالفضل ألف مرة،
ثم عاملتهم بالعدل مرة؛
لنسوا الألف ونصبوا لك العداوة بواحدة.
ولو بذلت لهم وقتك وجهدك ومالك؛ ما سلمت منهم.

فانظر الذي فيه رضا الله، ثم مصلحتك فالزمه، فليس إلى السلامة من الناس سبيل، ولا إلى إرضائهم طريق.

كلمتين عن اختيار التخصص بما إننا داخلين على حركة نيابات والرسايل كترت.. ركز في الكلام دا عشان ممكن ماتلاقيش حد يقولهولك..

- قبل أي حاجه لازم تبقى عارف ومتأكد إن تخصصك دا رزق.. ورزقك مكتوبلك من قبل ما تتولد.. فـ ماتقعدش تجهد تفكيرك في أمر منقضي.. اسعى واعمل اللي عليك وسيبها على الله..

- اختيار المكان من أهمية اختيار التخصص.. انت ممكن تاخد تخصص عالي جداً، ويطلع مش موجود أصلاً في المستشفى اللي انت مختارها وتروح تترمي في الطوارئ طول فترة نيابتك وماتتعلمش حرف..

- انزل شوف المكان بنفسك قبل ما تكتبه.. في ناس نفوسهم وحشة هيقولولك إن المكان كويس عشان تروح تغطي الجدول معاهم وتريحهم.. وفي ناس هيقولولك على المكان وحش وهو في الحقيقة ممتاز عشان ماتروحش تزاحمهم..

- شوف أولوياتك، وماتبصش تحت رجليك.. ماتقولش مثلا هاخد التخصص الفلاني عشان أجيب فلوس بدري واتجوز.. خلي بالك، التخصص دا هتعيش فيه بقيت حياتك..

- لازم التخصص يناسب شخصيتك.. يعني ماينفعش تبقى بتتوتر بسرعة وتاخد تخصص جراحي دقيق.. ماينفعش تبقى ضعيف جسمانياً وتروح تاخد جراحة عظام.. ماينفعش تبقى رهيف المشاعر وتروح تاخد طوارئ ولا عناية....

- لو قطعت شوط في معادلة أو زمالة أجنبية وخلاص واخد قرار السفر، خد تخصص مريح في مكان مريح عشان تعرف تشتغل ع الهادي وتذاكر في الشغل وتجيب فلوس عشان امتحاناتك وتخلع في السريع سريع..

- ماتاخدش نيابة جامعة استخسار مجموع..

- ماتبقاش أهوج وتاخد مثال نادر في تخصص نادر وتقول أنا هاخد التخصص عشان ابقى زي فلان.. الظروف زمان كانت مختلفة عن دلوقتي.. والناس اللي نجحوا نجاح ساحق اتوفرلهم عوامل كتير صعب تتوفرلك.. حوار بقى هاخد جراحة قلب وصدر عشان أبقى مجدي يعقوب دا بِطِل خلاص..

- ماتروحش تسأل حد فاشل عن مزايا وعيوب تخصص ما، هيقولك التخصص كله عيوب وهيكرهك فيه، مش عشان التخصص وحش لأ، لكن عشان هو فاشل..

- الجامعة أوڤرريتد..

- جميل إن يكون عندك شغف في تخصص معين.. لكن لو شغفك مش واقعي اركنه على جنب.. في تخصصات بتتاخد بالوراثة، لو أنت فيرست چينيريشن ابعد عنها.. وفي تخصصات بتحتاج مصاريف كتير عشان تتعلم فيها، دي بيدخلها أبناء الطبقة الأرستقراطية اللي عندهم مصدر دخل بعيد عن الطب يصرفوا بيه على نفسهم لحد ما يخلصوا الدكتوراة..

- حطي حياتك الإجتماعية في الحسبان وانتي بتختاري التخصص.. ماتروحيش تاخدي تخدير ولا قلب وانتي ناوية تتجوزي وتكوّني أسرة..

د. محمد فهيم

طبعاً الكلام ده جهل ومخالف للشريعه الإسلامية حيث
أكد النبي ﷺ على تكريم الإناث ورفع شأنهن، موصياً بحسن معاملتهن باعتبارهن شقائق الرجال، ومبشراً من يُحسن تربية بناته بالجنة. شملت وصاياه: "استوصوا بالنساء خيراً"، "النساء شقائق الرجال"، وأن الإناث ستر من النار لمن صبر عليهن، معتبراً رعاية البنات سبباً للجنة.

عم عبده اللي طول عمره بيحارب مع الكوليسترول الضار، كل يوم بينسى الحباية، وكل مرة يفتكرها تجي له آلام عضلية تخليه يكره العلاج. فجأة الدكتور يقوله: "انسَ الحبوب، وخد حقنة مرتين في السنة، وهتشوف الكوليسترول بينزل للنص!"
ده مش فيلم خيال علمي… ده واقع اسمه Leqvio (Inclisiran)، الدواء اللي قلب قواعد اللعبة في طب القلب.

- الكبد بيطلع بروتين مزعج اسمه PCSK9، وظيفته إنه يكسّر مستقبلات LDL اللي بتنظف الدم من الكوليسترول. النتيجة؟ تراكم الدهون وسد الشرايين.
- Leqvio مش بيحارب البروتين نفسه، لكنه بيعمل حركة أذكى: بيوقف الرسالة الجينية (mRNA) اللي بتقول للخلايا "اصنعوا PCSK9". كأنه بيقطع التيار الكهربائي قبل ما الجهاز يشتغل.
- بمجرد ما الرسالة تتوقف، الكبد يبطل ينتج البروتين، والمستقبلات تفضل حية ونشطة، تشتغل زي مكانس كهربائية تنظف الدم من الكوليسترول بنسبة تصل لـ 52%!

💉 جرعة كأنها تطعيم:
- أول حقنة يوم البداية.
- الثانية بعد 3 شهور.
- وبعدها كل 6 شهور فقط.
يعني المريض يتعامل معاها كأنها "تطعيم دوري"، مش علاج يومي مرهق.

Leqvio مش مجرد دواء، ده حل جذري لمشكلة أزلية: التزام المريض بالعلاج. ملايين المرضى بيفشلوا في السيطرة على الكوليسترول لأنهم بينسوا أو مش قادرين يتحملوا الآثار الجانبية للـ Statins. هنا بييجي دور Leqvio، اللي بيحوّل رحلة العلاج من "معركة يومية" إلى "خطوة بسيطة كل نصف سنة".

بصراحة، إحنا قدام ثورة دوائية بتعيد تعريف مفهوم العلاج طويل المدى.

Dr Ehab ElHadary

‏يُعجزك عن الحَل.. ثُم يُعجزك بالحَل.

"قَدير، قَادر، مُقتدر"

عزيزى الزميل طالب الطب
خدها قاعدة: ذاكر واقرأ

كونك بتقرا هتعرف تشخص الامراض وتعالجها صح
كونك بتقرا هتعرف تتناقش مع زملائك الاطباء صح
كونك بتقرا هيخلي دماغك علي طول حاضرة
كونك بتقرا معناه انك شايل الامانة والمسؤولية صح
كونك بتقرا معناه انك دايما Updated علي طول

اقرأ…اقرأ…اقرأ

زعلان اقرأ
مبسوط اقرأ
مرتاح اقرأ
تعبان اقرأ

طول ما فيك النفس اقرأ

وما اوتيتم من العلم الا قليلا👌

Dr hesham wageh

الفكرة إن سنة الامتياز تكون سنتين فعلًا فكرة مميزة جدًا، لأنها بتدي فرصة أكبر للاحتكاك بحالات أكتر، وكمان بتخليك تشوف تنوع أوسع من التخصصات. وده مهم جدًا، لأنه ممكن يفتح لك مجالات ماكنتش في بالك من البداية.
أنا شخصيًا مكنتش متخيل إني ممكن أنزل عظام أو مخ وأعصاب، لكن لما خضت التجربة استفدت بشكل كبير. وفعلاً المقولة صحيحة: العلم بالشئ ولا الجهل بيه.
لكن كنت أتمنى إن مدة بعض الراوندات تبقى أقل شوية، وفي المقابل نضيف راوندات تانية. يعني حتى لو مش ناوي تتخصص في مجالات زي المسالك أو الأوعية، مجرد إنك تنزلها وتتعلم الأساسيات فيها ده بيفرق معاك جدًا بعد كده، خصوصًا في الشغل العملي.
حاليًا أنا مبسوط جدًا في راوند المخ والأعصاب، وأكتر من أي راوند تاني. رغم إني في البداية مكنتش بحبه، لكن مع المذاكرة والتعامل مع الحالات، نظرتي اتغيرت تمامًا… ويوم بعد يوم بحس بتطور وراحة أكتر فيه.

You see what you know
كلما علمت أكثر
كان لما تري دلالات متعددة
قد يدخل رجل مسن عيادة طبية
ومعه فحص سكر
فيراه غير المتخصص
" مريض سكر نكتب له علاج"

ويسأل المتخصص نفسه:

هل هو سكر نوع ثاني أم أول؟
في بدايته أو مر عليه اكثر من خمسة عشر عاما؟
سكر مع قصور كلوي او فشل قلب؟
سكر تحت التحكم؟
هل يحتاج الانسولين ؟
هل لديه جهاز تحليل سكر؟
هل يخاف من الابر ؟
هل يمكنه رؤية مؤشر محقن الانسولين؟
هل هو متعلم؟
هل عنده نوبات انخفاض سكر متكررة مع خطر السقوط؟
هل اصيب بجلطات سابقة؟
ما هو وضع عينه؟
ما هو مستوي الدهون عنده ؟
كم ضغطه؟
ما هو مستوي حمض البوليك في دمه؟
ما هي باقي علاجاته ؟
ما هو وضع التغذية عنده والبلع ؟
من يتحمل كلفة علاجه ؟
هل يفحص قدمه بانتظام ؟
هل هناك من قدم له التوعية الصحية والغذائية؟

ما اسهل ان تمسك ورقة وتكتب عليها علاجا
وما اصعب ان تدرس كثيرا وتسال كثيرا وتختار العلاج الانسب

د.السيد المر

حالة للتاريخ شخصها العبد لله🥳
نسبة حدوثها حالة كل  50 ل100 الف طفل ، يعني تعيش مهما تعيش ممكن متشوفهاش ايأ كان نيابتك فين..
------
طفل 3 سنين بيتحجز كل شوية ب غيبوبة كبد بيتحط عالفينت كل شوية يقعد اللي يقعده فالعناية و يخرج مبيكملش 20 يوم و يرجع العناية عالفينت تاني
بيدخل بشكوى الأم
جفاف ، ترجيع ، فقدان للوعي اللي بيدخله العنايه علطول ب امونيا عالية ممكن توصل ل 600 اللي بتدخله ف غيبوبة كبد
و طبعا تاخر فالمشي و الكلام و كله و عملو رنين عالمخ مفيش حاجة و راحو لدكاترة كتير قالو علاج طبيعي و تمارين تخاطب وكده
لما بيدخل العناية بياخد sodium benzoate عشان الامونيا دي و لحد ما يفوق و يتشال من عالفينت و هكذا كل مرة و يظبطوله الabg و يخرج بدون معرفة سبب ده كل مرة لانه بيخرج بتحاليل سليمة برضو و يرجع تاني بعد فترة العناية تاني
--------------
لحد ما وقع ف ايد العبد لله فالطوارئ جي ب درجة وعي 6 و برضو حجزته و حطيته عالفينت ل
Severe metabolic acidosis (high anion gap)
Hyperammonemia 700
Severe dehydration
Tachypnea
Urea 400
Creat 6
Brain edema
طبعا الاهل معاهم مجلد تحاليل و اشعات كان عاملها قبل كده ف كل مرة  يتحجز ف مكنش history taking ع الواقف دا كان مييتنج قعد ساعتين
-----
الولد اتعمله غسيل كلى طبعا و ظبطت له كل حاجة و تحاليله ك نفس الوضع اللي كل مرة فيه بيتحجز برضو و خلاص هيتفصل من عالفينت بعد 18 يوم في العناية و لكن يبقى هنا السؤال ، اييه السبب برضو لانه بيدخل ب نفس الاعراض كل مرة بس المرة دي اول مرة يغسل كلى
ـــــــــــــــــــــ
تقرير الخروج بتاعه من المستشفيات الحكومة و الجامعة كله شاكك ف انها مشكلة فالميتابولزم وانه يروح القاهرة احسن
حظه حلو لان اهله مقتدرين ماديا جدا لاني طلبت حاجات غالية و تحاليل اتعملت بره مصر  ف المانيا
Serum ammonia
Lactate
Blood glucose
Plasma amino acids
Acylcarnitine profile
Urine organic acids esp glycine
Serum vit B12
Plasma homocysteine
Homocysteine in urine
و بعد ما خرج من عندي و مستنيين التحاليل إلييك النتيجة والتشخيص
Methylmalonic acidemia (MMA)

و فالحالة دي بيكون في defect فالميتابولزم بتاع بعض الاحماض الامينية نتيجة ل مشكلة فالانزيم اللي عمل القلق ده كله و بهدلنا و مرمط الولد و خسسه ٤ كيلو ف ٦ شهور من وزنه
Methylmalonyl CoA Mutase
و مشكلة ف المحفز الاساسي الكوبالمينvit b12
فالحمض بيتراكم و مبتعرفش تدخل كريبس سايكل تتحرق ف بتدخله ف كل الهيصة دي
ـــــــــــ
الخلاصة الولد جسمه مبيعرفش يتعامل بروتين نهائي ولا دهون
العلاج طبعا بيفضل طول عمره ماشي على حاجتين
L carnitine
Vitb12
و ده مش علاج دا كونترول للحالة زي السكر كده الانسولين ده كونترول بس لكن السبب الاساسي متعالجش لسه
طبعا الانزيم ده موجود بره بس مكلف جدا جدا جدا جدااااااااا  لكن الكارنتين و فيتامين ١٢ كويسين و هيأدو الغرض
واهم حاجة دايت محترم يمشي عليه و دايت البان معين و احماض أمينية متكسرة جاهزة شبه بتوع الجيم كده و تم تحويل الحالة ل استاذ تغذية للتعامل


Dr sherif mallaha

يا صديقي زي ما بتشخص الshock بالsigns of organ hypoperfusion وليس رقم الblood pressure كذلك العكس لو عيان shocked ومحطوط علي levophed and dobutamine وضغطه وصل ل١١٠/٧٠ هل من العقل اني أشيل الvasopressor او أقللهم كجرعات عالsyringe pump عشان ضغطه وصل ل١١٠/٧٠ من غير ما اتأكد هل فيه organ perfusion ولا لا ؟!

سيناريو مكرر لعيان shocked ومحطوط علي ليفو مثلا هتيجي التمريض تقولك ضغطه ١١٠/٧٠ انزل بالليفو هتقوله اة ؟! من غير ما تروح تشوف جايب بول إد ايه من الصبح ووعيه ايه ونبضه محسوس حلو ولا لا ولا الlactate كام دلوقتي تبقا مصيبه طبعا

زي ما بتشخص الshock بالtissue perfusion يبقا تستبعدها بالtissue perfusion ورقم الضغط ملوش قيمه بتاتا

د.احمد ابوشنب

كان معايا حالة أول انبارح
Female patient 30 years old
Medical free
بتشتكى من تنميل في ال
left side arm , leg from 1 hour
سألتها ايه فى حاجة مزعلاكى 😂
قالتلى آه كنت اتخانقت مع جوزى شويه
سألتها طب الموضوع ده اول مره يحصل ولا حصلك قبل كدا
قالتلى حصل قبل كدا كذا مره بعد ما بتتعصب برضو وبيفك لوحده
فأنا قولت دى حالة سايكك مش محتاجه يعنى
فعشان مظلمهاش كلمت نايب المخ والاعصاب ينزل يفحصها
المهم نزل سألها فى صداع ولا لا
قالتله آه بيحصل كل مره بعد ما بحس بالتنميل ده
المهم الدكتور شخصها
Hemiplegic migraine
وطلب منها رنين وتابع معاهم فى العيادة

ودا تشخيص أول مره أنا أسمعه بصراحه
فبذاكر دلوقتي محاضره ال migraine
سبحان الله لاقيت د. محمد شارحها بالظبط
قولت ياريتى سمعت المحاضره دى من يومين
كنت هتبسط جامد لو شخصت حالة دى

هنزلكم بكره حالة قرأت المعلومه على الفيس بالصدفة مكنتش عارفها
سبحان الله لاقيتها تانى يوم فى الشيفت وشخصت بيها حالة صعبه