‏مش كل WBC مرتفع يعني عند المريض infection.
في الطوارئ
ممكن تشوف WBC = 20,000
ولا يكون فيه أي بكتيريا أصلاً.
فما السبب؟
‏فيه شيء اسمه
Stress Leukocytosis.

يرتفع عدد كريات الدم البيضاء بسبب:
Trauma
Seizures
Acute MI
حتى الجهد او الألم.
بدون وجود عدوى.
‏السبب أن الجسم يفرز Catecholamines مثل
Epinephrine و Norepinephrine.
هذي الهرمونات تسبب انتقال الكريات البيضاء من جدار الأوعية إلى الدم
(عملية اسمها demargination).
فيظهر التحليل أن WBC مرتفع فجأة.
‏عشان كدا في الطوارئ:
مريض بعد seizure مثلاً
ممكن يجيك
WBC = 18,000
وهذا طبيعي نسبياً بعد التشنج
وما يعني مباشرة أن فيه infection.

‏النقطة المهمة:
تشخيص infection لا يعتمد على WBC لحاله.
لازم تربط بين:
Clinical picture
Vital signs
CRP / Procalcitonin
مصدر للعدوى

د.محمد الجمال

”رُبَّما كان زِمامُ العافيةِ بيَدِ البَلاء، وكانت النِّعمة في عاقبةِ المُصيبة، وكانَ الإنسانُ عابسًا في طلعة القدر والقدر يضحكُ له.“

- الرافعي.

فى مجموعة بتشترك فى كورس الطوارئ وهياخدوا خصم إضافى
وناقص فردين لو حد حابب يشترك في الكورس يبعتلى برايفت أضيفه معاهم

@A_m_Ebrahim

علشان ناس كتير بتسأل في الموضوع ده.

من الحاجات إللي بقت بتتشخص ويتكتب لها علاج زيادة عن اللزوم وعمال علي بطال جرثومة المعدة Helicobacter pylori.

أولا : ال stool antigen وال urease breath test هم الاتنين not reliable في التشخيص. ال Gold standard في التشخيص هو ال upper endoscopy with biopsy.

ثانياً: معظم الحالات اللي بيكون عندها Recurrent abdominal pain بيكون Functional in origin ومش indicated إنك تعمل H pylori testing فيها وحتي لو طلع Positive مفيش indication إنك توصف لها علاج.

ثالثاً: ال indications of treatment لحالات ال H pylori هي :

١) إن يكون عندك Confirmed peptic ulcer disease بال endoscopy وال H pylori تطلع positive.
٢) إن يكون فيه أعراض Gastritis واضحة و severe واتعمل endoscopy وطلع فيه gastritis و H pylori positive.

٣) إن يكون عندك حالة Refractory iron deficiency anemia وغير مستجيبة للعلاج وتعمل لها H pylori testing ويطلع positive وكمان بعد ما تستبعد اي سبب تاني لل iron deficiency anemia.

٤) إن يكون Symptomatic وفيه positive family history of gastric cancer عند 1st degree relative وتعمل ال H pylori testing ويطلع positive.

٥) فيه مصادر بتقول لو حالة Chronic ITP واخدت Steroids and IVIG ولسه فيه Significant thrombocytopenia وعملت H pylori testing وطلع positive تبدأ ال treatment لأن ال H pylori في الحالات دي ممكن تعمل immune triggering وتزود ال thrombocytopenia علشان كده يتعمل لها eradication.

غير كده مفيش indication إنك تدي علاج لحالة H pylori positive.

د /وليد علي إبراهيم المرواني.

" بعضُ الحقائقِ إذا تأخرت، لم تَعُدْ خيرًا من غيابِها."

في نهاية نباطشية عناية هادئة وفاضل ساعتين قبل م أسلم الشيفت وامشي..

بييجي نداء من أوضة المناظير عندنا : الحقوا في مريض تبع حد في المستشفى تعبان وعنده Hematemsis

صحيت جري ورحت أشوف المريض ولقيته متعصب جدًا وبيزعق و agitated والناس حواليه بتطمنه واللي جنبه واللي بيجيبله ماية يشرب عشان يهدا

بيطلع أستاذ بيهديه ويقول للي تبعه انه هنحجزه في العناية كام ساعة يتحط على PPI infusion وبعدها نعمله upper endoscopy عشان نطمن على سبب ال Hematemsis ده

سلمت زميلي انه اتحجز في سرير 1 في العناية الفلانية ومشيت

جيت تاني يوم استلم ف لقيت المريض على سرير 1 ده intubated, ventilated and sedated ولقيت واصل بيه علاجات كتير و و..

ف بسال زميلي هو فين البيشنت التاني اللي سلمتهولك؟ عمل المنظار ومشي ولا راح فين؟

قالي لا م هو ده نفس البيشنت، الوعي بتاعه ازداد سوءًا، تشنجات كتير، بدأ يحصله aspiration ف كان الأكثر أمانًا إنه يتحط على جهاز التنفس الصناعي مع ال sedation و Anticonvulsant وباقي العلاج ال supportive

المريض معندوش تاريخ مرضي بأي حاجة مزمنة، كل التحاليل بتاعته مفيهاش سبب Metabolic يفسر التدهور السريع في الوعي، نزل عمل اشعة مقطعية عالمخ مفيهاش أي حاجة significant

يوم اتنين تلاتة مكملين على العلاج ال supportive مع محاولات التشخيص اللي موصلتش لأي حاجة..

يشاء القدير إنه يكون في أستاذ ما بيمر معايا ونجيب زوجة المريض تاني ناخد منها هيستوري مفصل وبدأنا نسأل عن كل حاجة حتى في تصرفاته مؤخرًا، أي حاجة ولو بسيطة

بعد قليل من الحوار بترمي الزوجة قنبلة عظيمة وهي : أصله هو مش مظبوط من ساعة م الكلب عضه في ايده!

طب هل اخد مصل السعار وقتها؟ لا م الجرح كان صغير ومنزفش كتير ويعني كانت حاجة بسيطة خالص..

جه في مخك اللي في مخي صح؟ ايوا هو..

المريض بتاعنا أصيب بما يسمى السعار أو Rabies

المرض ده قاتل قولًا واحدًا

بدأ يتفسرلنا بقا سبب ان المريض في الأول كان متعصب، لما جابوله ماية عشان يهدوه كان very agitated وده طبعًا بسبب ال Hydrophobia الشهيرة مع ال Rabies.

ال Hematemsis مطلعتش Hematemsis دي طلعت انه لما اتشنج كان عاضض لسانه ف بقه كان فيه دم

ومن أعراض السعار المعروفة:
سخونية وصداع، تعب عام، ألم أو تنميل أو وخز مكان العضة، وبعدها يبدأ القلق والهياج انتقالًا لاضطراب الوعي، زيادة اللعاب، صعوبة البلع، الخوف من الماية hydrophobia، وأحيانًا التشنجات أو الشلل.

لكن هدفنا إننا نلحق الجرح والمرض نفسه من لحظة العضة أو الخربشة عشان أصلا منشوفش الاعراض دي

للأسف مع مريضنا كان الوقت اتاخر عن العلاج، لأن ال Rabies لو متلحقش بدري فمعدل الوفاة بيكون قريب من 100%


التصرف الصح من أول لحظة:
غسيل مكان العضة أو الخربشة كويس جدًا بالماية والصابون، والتوجه فورًا للمستشفى عشان تقييم الحاجة لمصل السعار والتطعيم..

فناخد بالنا؛ واللي عنده حيوان في بيته يطعمه، واللي يتعض او يتخربش ميتأخرش ولا يكسل ولا يستهون..

لأن السعار بعد ما يظهر، الفرصة بتكون شبه منعدمة لكن قبل ما يظهر، نقدر نمنعه..

ربنا يحمينا جميعًا، واقعدوا بالعافية

Dr Osama Eldosoky

لو جالك مريض بجلطة مخ (Ischemic Stroke) وضغطه 180/100، أوعى تتسرع وتنزل الضغط!

إحنا بنسيب الضغط عالي بمزاجنا فيما يعرف ب Permissive Hypertension.

ليه؟ لأن فيه منطقة حول الجلطة اسمها Penumbra، دي خلايا "بين الحياة والموت" ومستنية أي نقطة دم.
لو نزلت الضغط فجأة، أنت بتقطع عنها التروية وبتحولها لجلطة دايمة.

مش بنيجي عند الضغط إلا لو عدى ال 220/120، أو لو المريض هياخد Thrombolytic (ساعتها بننزله تحت ال 185/110).

Icu Man

لو عندك مريض Atrial Fibrillation (AF) وفجأة بدأ يشتكي من وجع ف البطن شديد ، و لما بتفحص بطنه بتلاقيها Soft ومفيش علامات Peritonitis 🤷‍♂️

يبقي فكر فوراً في Acute Mesenteric Ischemia.

غالباً ال AF بيسبب إرسال embolus يسد أحد شرايين الأمعاء (Mesenteric embolism).

متضيعش وقت واطلب CT Angio ع البطن عشان تتاكد .

Dr Mohamed elbana

اصل الطب مش قسطرة وايكو واشعة مقطعية بس 🤔

من حالات العيادة الجميلة اللي شخصناها بفضل الله 💕✨

شخص عنده حاجة واربعين سنة .. شكوته كلها انه مش بيقدر ياخد نفسه وهو نايم ..

لف ع دكاترة كتير وعمل فحوصات ايكو وطلع كويس .. قسطرة .. كويسة .. اشاعات مقطعية مفيش حاجة .. فابتدا يلجأ للمنومات .

اهله متابعين معايا في العيادة .. فعرضوا عليا حالته .. فطلبت منهم انه يجي العيادة عشان نفحصه ..

اثناء الفحص لقيت ان وزنه زيادة .. قياس الضغط عالي جدا .. في احتقان بسيط في الرئة .. بيزيد لما بينام ع ضهره ..

قررنا اننا نبدأ بعلاج الضغط والاحتقان .. ونصحته ينزل من وزنه ..

جالي في الاستشارة .. بيقول ان الحمد لله في تحسن وبينام احسن من الاول .. بس لسه مش طبيعي ..

بالسؤال اكتر .. لقيت انه بيشتكي انه بيحس بتوقف في النفس اثناء النوم وخمول صباحي وعدم القدرة على المجهود ..

الشكوى دي مع السمنة اللي بيعاني منها المريض .. وارتفاع الضغط .. وقصر الرقبة ..

خلينا نشك في ان المريض بيعاني من obstructive sleep apnea .. توقف في النفس اثناء النوم .. وده اللي بيخليه يصحى وميعرفش ينام .. وده اللي معليله ضغطه ومخلي عنده خمول طول اليوم .. لان لما نفسه بيتوقف .. نسبة الأكسجين بتقل

فطلبت منه انه يروح يعمل دراسة نوم .. المريض في البداية كان رافض وقلقان .. ولكن قدرنا نقنعه الحمدلله .. وراح عمل دراسة النوم ..

وطلع فعلا عنده obstructive sleep apnea زي ما توقعنا وتم نصحه بشراء جهاز CPAP منزلي لاستخدامه اثناء النوم .. وده هيحسن دورة النوم .. وهيحسن الضغط .. والمجهود .. بالإضافة إلى ضرورة انقاص الوزن ..

فالحمد لله رب العالمين 💕

Dr Mohamed Emam

زميل لسه بادئ التخصص سألني على حاجة في تخصصنا، وحبيت أساعده بكل اللي أعرفه.

لكن وأنا بتكلم حسيت إنه بدأ يهنج، واتلغبط من كتر النصايح، وكأن كل كلمة زيادة كانت بتزود الحمل عليه بدل ما تريحه.

ساعتها حسيت بحاجة غايبة عننا - اللي مشيرا شويه في تخصصهم - إن من حق أي طالب أو دكتور في بداية النيابة إنه يعيش التجربة كاملة بنفسه.

يغلط ويصحح، يندهش، يجرب، ويتعلم بطريقته هو.

من حقه يتأخر شوية أوقات، وينجز أوقات تانية.

من حقه يتعطل، ويتعثر، ويمشي ببطء مرة، وبسرعة مرة.

من حقه يحس بالانكسار أوقات، ويفرح بأي إنجاز صغير قبل الإنجازات الكبيرة.

كل ده حق أصيل لأي طبيب في أول طريقه.

لأنه بيكون شايف قدامه طرق كتير متداخلة من الناس اللي سبقوه، وده أوقات بيشوّش أفكاره الشخصية ويقطعه عن طريقه هو.

وكمان بيغرقه في كمية معلومات ونصايح أكبر بكتير من قدرته اليومية على الاستيعاب.

وأوقات كتير النية الكويسة في المساعدة، والرغبة إننا نفيده بأكبر قدر ممكن، ممكن تتحول من غير ما نقصد لتحميله فوق طاقته.

ممكن نفضل نرمي عليه مصادر، ونصايح، وخطوات، وتجارب، لحد ما يحس إنه مطلوب منه يعرف كل حاجة مرة واحدة.

ومع إن تنوع الوسائل والكم المعرفي شيء مفيد جدًا، لكنه أوقات بيبقى عامل مُقعد عن الحركة.

يبقى واقف مكانه، مش عارف يبدأ منين، ولا يمشي في أنهي طريق، ولا يختار إيه ويسيب إيه.

ساعات وسط زحمة الحياة بننسى ده.

وبننسى إن أوقات الرجوع خطوة لورا، أو المتابعة من بعيد، بيكون أأمن على النائب وهو لسه بيكوّن تجربته الأولى.

Dr Mahmoud elsheikh

في الفترة الحالية أنا في راوند المخ والأعصاب، وبشوف حالات زي:
Stroke – Convulsions – Coma – DCL – Headache – Dizziness
لكن بصراحة… أكتر شكوى بقلق منها هي الـ Headache
لأن خلال أسبوع واحد بس، قابلنا حالات كتير كان الـ main complaint فيها headache، وفي الآخر طلعت تشخيصات خطيرة زي:
Cerebral venous thrombosis
Subarachnoid hemorrhage
Ischemic stroke
Hemorrhagic stroke
Migraine
وده بيأكد إن:
مش كل headache بسيط… ومينفعش تتعامل معاه باستخفاف
دايمًا خليك حاطط في دماغك الـ red flags، وفكّر كويس قبل ما تقول "ده صداع عادي".

كان عندي حالة امبارح وتم تشخيصها Ischemic Stroke، وكانت خارج الـ window، واتحجزت في الـ ICU.

الحالة كانت كشفت فى مستشفى تانيه قبل ما تجى عندنا بيوم وابن الحالة فضل يشتم فى الدكتور اللي كشف على والدته اليوم اللي قبله، وبيقول إنه طمنهم وقال إن الحالة كويسة ومفيهاش حاجة.
الحقيقة إن الدكتور ماكانش مقصر إطلاقًا، ولو كنت مكانه كنت هتصرف بنفس الشكل.
تفاصيل الحالة: Female patient, 65 years old
Known case of HTN on Concor 5
Presenting with:
Severe headache
Dizziness
Blurred vision
Vomiting
Duration: 1 day
BP: 200/110
الدكتور طلب:
Fundus examination → normal
CT brain → normal
وبدأ ينزل الضغط تدريجيًا، ووقتها مفيش أي evidence واضح لوجود stroke، فكان طبيعي يطمن الأهل.
لكن الحالة ما اتحسنتش، وصحيت تاني يوم وجت الاستقبال عندنا.
تم إعادة التقييم:
Fundus → still normal
CT brain → ظهر hypodense area في posterior lobe و cerebellum
وده يوضح إن بعض حالات الـ stroke ممكن ما تبانش في الـ CT في البداية، خصوصًا في أول 24 ساعة.

البلاء واللطف

مريض الصرع  يقولك: “أنا قبل النوبة بشم ريحة غريبة… كأن في حاجة بتتحرق أو ريحة وحشة ومش موجودة”
أنت هنا فورًا تفكر في Aura
طيب الـ aura دي إيه؟
دي في حقيقتها focal aware seizure
يعني نوبة جزئية لسه محصورة في جزء معين من المخ، والمريض فيها واعي ومدرك اللي بيحصل
نخش على الميكانيزم
اللي بيحصل هو abnormal electrical discharge في منطقة الـ temporal lobe
خصوصًا في uncus و amygdala و hippocampus
ودي مناطق مرتبطة بالـ olfactory cortex
فيقوم المخ يعمل Olfactory hallucination
يعني يشم ريحة من غير أي stimulus حقيقي
وغالبًا بتكون ريحة مزعجة زي burning أو foul smell
طيب ليه المريض بيقولك “أنا عارف إن دي بداية نوبة”؟
لأن النشاط الكهربائي لسه localized
فـ cortex لسه شغال كويس → المريض واعي → يربط الإحساس ده بالنوبات السابقة
ولو النشاط ده انتشر؟
→ النوبة تكبر
→ ممكن تبقى impaired awareness أو generalized tonic-clonic seizure



الـ aura هنا مش مجرد عرض مرضي
دي في أوقات كتير بتكون warning system
كأنها إشارة مبكرة
مريض ماشي في الشارع… فجأة شم الريحة دي
→ يفهم إن في نوبة جاية
→ يبعد فورًا عن الطريق
→ يتجنب إنه يتخبط بعربية
مريض واقف في مكان مرتفع أو على سلم
→ يحس بالـ aura
→ ينزل بسرعة أو يمسك في حاجة ثابتة
→ يتجنب سقوط ممكن يكون قاتل
مريض ماسك آلة أو حاجة حادة
→ أول ما يحس بالإنذار
→ يسيبها فورًا
→ يحمي نفسه من إصابة خطيرة
فهنا فعلاً بنشوف جانب مهم
إن رغم إن الصرع مرض، إلا إن وجود الـ aura في بعض المرضى بيديهم فرصة ياخدوا احتياطاتهم
ودي بنعتبرها clinically حاجة بنستفيد منها جدًا في توعية المريض

وهنا تتجلى عين الرحمة الإلهية
إذ أن البلاء يصاحبه اللطف
فلا تتعجلوا بلاء الله قبل وقوعه
لأنه إذا نزل بلاء الله نزل معه اللطف
فإذا تعجلتم بلاء الله بالهم والخوف والقلق تكونون قد أستقبلتم بلاء الله دون لطف الله

Copied

انا بقول كدا برضو 😂😂

الشيطان شاطر يا إما يعيشك في حزن الماضي يا إما يرعبك من اللي جاي

حاول متبقاش لعبته


الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ ۖ وَاللَّهُ يَعِدُكُمْ مَغْفِرَةً مِنْهُ وَفَضْلًا ۗ وَاللَّهُ وَاسِعٌ عَلِيمٌ (268) سورة البقرة

التشخيص الأساسي لDKA هو تحليل غازات الدم (VBG) وليس الاسيتون لان ال keton body  أحيانا بيتأخر نزولها في البول  بنسميها nil acetone DKA  الافضل نشوف تحليل. (Serum  hydroxy butric acid ) بس التحليل ده مش موجود
  تاني حاجة  مش لازم RBS يكون عالي اكتر من ٢٥٠
لان فيه حاجة اسمها. Euoglycemic  DKA  خصوصا لو مريض ماشي علي. SGLT2i بيتكتب أساسي لمرضي ال HF و HTN وهو فالأساس دواء سكر بيعمل Euglycemic DKA
بالتالي تشخيصها بيكون صعب وبيعتمد علي الexclusions لكل أسباب الmetabolic acidosis واخد تاريخ مرضي

د.سيد أبوزيد

قم بعمل الغد اليوم ، وبعمل اليوم الآن .