H.pylori in children is never be the cause of abdominal pain even if +ve test
and should not be treated below age of 12

ليه منعالجش طيب؟
-aquire antibiotic resistance
-less eradication rate
-high recurrence rate
-not the cause of symptoms

امته طيب نعالج ف السن ده؟
لو دخل منظار معده ولقينا قرحه محترمه خد عينه طلع h.pylori +ve
او
معاه iron defeciency anemia او
MAlT LYMPHOMA

طب لو الكبار عندهم H.pylori +ve فقط ومفيش اعراض اعالج ؟ اه عالج

Dr Khaled Mohamed

⭐Sweating + fever ▶️ infection

⭐Sweating + chest pain ▶️ MI

⭐Sweating + tremor + confusion ▶️ hypoglycemia

⭐Sweating + headache+ palpitations ▶️ pheochromocytoma

⭐Sweating + tachycardia +hypotension ▶️ shock

⭐Sweating at night ▶️ TB or lymphoma

د. ناصر الوايلى

عايز تبقى دكتور محترف...

قبل ما تقوم تفحص العيان .. خد منه أقصى كمية معلومات تقدر عليها..
متبدأش فحص غير وأنتا حاطط في ذهنك differential diagnosis هتروح ترجح واحد منه بالفحص ثم التحاليل .

د عبدالله عرفة

‏جهل المريض بالمعلومة الطبية
‏يدعو لشرحها بهدوء
‏السخرية من جهل المريض يعني جهل الطبيب بأصول مهنته

د. سيد المر

في قواعد لازم تمشي عليها في حياتك
١- ما تبقاش بديل
٢- ما ترضاش يجولك متأخرين
٣- ما تقبلش بأي حاجة وخلاص
٤- ما تقللش حقك عشان حد
٥- اشتري اللي يشتريك وارمي تمامًا ورا ضهرك اي حد باعك
باختصار اللي ينساك امسحه من حياتك كلها

Dr hazem abdeltawab

هتندم لو ضيعت سنة الامتياز وخرجت منها بخُفّي حُنين زي ما دخلت ، سنة الامتياز إما أن تستغلها الاستغلال الأمثل وتطلع GP  لا يشق له غبار وده هيفيدك ماديا ومعنويا ومهنيا مهما كان تخصصك ، وإما أن يقودك الكسل والتسويف وإيثار الراحة أن تخرج منها كما دخلت ولا تعرف بعد ذلك عن الطب إلا ما هو في حيز تخصصك كما هو حال كثيرين ..

أي دكتور لازم يكون GP شاطر ، وده الهدف من سنة الامتياز ، فاتق الله في نفسك وفي أرواح من سيأتمنونك علي حياتهم وأجسادهم وهم يظنون فيك الخير والكفاءة!

نصيحتي لك: الهمّة والاستعانة بالله ، التدريب العملي مع القراءة المستمرة في أشهر المواضيع اللي هتقابلك ، ثم التدريب ثم التدريب ثم ملازمة النوّاب قدر المستطاع

د.أحمد عبد الغني

🫀كورس  ال Advanced ECG  – هياخدك من الصفر لحد الاحتراف 🔥
From Zero To Hero… وبأسرع طريقة!
لو نفسك تقرأ الـ ECG بدون تردد… وتفهم كل Wave وكل تغيير… وتتعامل مع أصعب الحالات بثقة—
فالكورس ده معمول ليك!
✨ ليه الكورس ده مختلف؟
لأنك هتتعلم بأسلوب تدريجي مدروس + تطبيق عملي يومي + متابعة حقيقية تخليك تتطور غصب عنك.
• أسئلة يوميًا + Feedback مباشر
🎥 وصول مدى الحياة:
ادرس براحتك من أي جهاز، وفي أي وقت… ومش هتخسر المحتوى أبدًا.
💬 مجتمع طبي حقيقي:
جروب نقاش
حالات واقعية
خطوات Management واضحة
وحلول لأكتر الأخطاء اللي بتتكرر في ECG

🎁 جرب بنفسك – محاضرة مجانية:
https://t.me/EmergenceCourse/330


لمزيد من الإستفسارات :
⭐تليجرام : 
https://t.me/A_m_Ebrahim

⭐واتس :
https://wa.me/message/MGL36GVQ2KHUI1

لازم تفتخر بكل خطوة مشيتها لوحدك
وكل نجاح وصلتله رغم الإحباط
وكل درجة أخدتها في دار غربة عن أهلك
وكل منصب جالك من غير واسطة
وكل وجع اتغلّبت لوحدك عليه
محدّش عاش اللي انت عشته لما قفلت وحدتك على نفسك وبكيت من التعب

د حازم عبدالتواب

لازم يجماعة نوعي الناس عن خطر المسكنات..

حالات كثير بتيجي عيادة الباطنة العامة بـ إلتهابات صعبة في المعدة
وده بسبب أنه أول مايحس بألم بياخذ مسكن!

المسكنات بتجيب قرحة في المعدة ولو استمرت بتدخل في perforation
وممكن تبقا fatal
وطبعاً بتجيب فشكل كلوي مع الوقت
Analgesic nephropathy.

عرف أهلك وقرايبك والناس إلى حواليك
التوعية مهمة.

بمناسبة انتشار الألفاظ السيئة بين القريب والبعيد تحت مُسمَّى المزاح..

قال نبينا ﷺ:
"لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه".

احفظ لسانك.

"الحالة دي سايكك بس مش هنخسر اما نطمن عليها"

الساعة ٢ بالليل مستشفى باب الشعرية، دخل علينا شاب عربية خبطته ومش فاكر حاجة لكن الناس قالت له ان رجّع واتشنج بعد الخبطة وفقد الوعي،
المريض اتقاس له العلامات الحيوية وكلها طبيعية ودرجة الوعي ومفيش اي اعراض واحنا بنعمل فحص لاحظنا ان العيان مابيقفلش عينه نفسه مش عارفين نحدده تحسه واقف تكلم العيان مايردش عليك تشوف الجلاسكو ونقرصه برضه مايردش لكن كنت حاسس انه فيه حاجة مش مظبوطة سألت العيان اللي هو اصلا قطع كلام واعتبرناه dcl فيه حاجة مزعلاك؟! فيه حد تحب نكلمه ييجي لو احتاجنا حاجة؟ طبعا من المتوقع انه مايردش لانه  dcl لكن المفاجأة إن لقيت عنيه بتدمع شديت عليه الستارة وقولت له لو حاحة مزعلاك قول انا معاك لقيته قام باصص لي وقالي الدنيا جاية عليا اوي ولواحدي ماحدش هييجي ماحدش مهتم ماتسيبنيش وقعد يعيط، قولت له قوم بس كده استهدا بالله عشان اشوف بيتحرك ولا لا خليك واعي لقيته قام واتحرك وزي الفل هنا خدت قرار في نفسي إنه خلاص عيان سايكك ووارد الهستوري يكون خالقه لان مفيش اي اعراض عليه حاليا حتي لو الهستوري صحيح مش مفبرك، لكن لوهلة ما قولت طب هتخسر حاجة لو عملت ct واطمنت عليه؟! هو مش مواطن وليه حق في إنه يطمن؟! وهنا خدت قرار ان مامنعش العيان من انه يعمل ct brain حتي وانا عندي شبه يقين انها هتطلع نورمال لان العيان كلينيكال سليم جدا وهو سايكك فعلا
بعدها بنص ساعة شوفت ما لم يكن في الحسبان!!
تفتكروا الاشعة يطلع فيها حاجة؟!
كانت مفاجأة مدوية أما لقيت   contusion large m.p في ال lt hemisphere وبدء يضغط على ال rt ???? ساعتها قولت في سري الحمد لله كان زمان ذنبة  في رقبتي لو روحته بعدها قعدته تحت الملاحظة لحد ما النايب ييجي وعيني عليه لقيت ابتدا يظهر عليه
Upnormal changed behaviour
زي ينام علي السرير وينزل راسه وكتفه من علي السرير ويربط دماغه بحزام ونظراته تحسه في عالم تاني فده محتاج يتعمله burr hole decompression 
تخيل كام حالة بتمر علينا ونقول سايكك وبيبقى معاها  associated pathology تاني مميت لحياة المريض؟!

في مرة كنت بتكلم مع سيد من سادات اخصائين المخ والأعصاب الافاضل عن التعامل مع حالات السايكك اللي جاية بشكوى نيورو رد عليا بلاش اقول سايكك ويكفي ان ال stress اللي يعمل psychic هو نفسه ممكن يدخل في htn, af, ، mi, arrythmia و stroke؟!
فحذاري من كلمة سايكك اللي بقينا بنطلقها دون عمل الاجراءات والارشادات اللازمة وياما نبهنا عليه

د. محمود أبو الوفا

هام جدا 🚨
وده منشور للأطباء الزملاء أكثر منه العامه
وممكن يتفهم برضه بسهوله للعامه بإذن الله
هو ممكن دواء بخاخات موسّع الشعب الهوائية يسبب تدهور حالة مريض الربو الشعبي وقت الأزمة؟
“Asthma-related death”
اللي بيحصل إن الاستخدام الطويل للـ LABA (زي Formoterol أو Salmeterol) بيقلل عدد وحساسية مستقبلات بيتا في الشعب الهوائية:

> Long-term use of long-acting beta agonists reduces the number and sensitivity of beta receptors.

فلما تحصل نوبة الربو المفاجئة، ويحاول المريض يستخدم موسّع الشعب السريع (Short-acting beta agonist زي Salbutamol)،
تكون الاستجابة ضعيفة جدًا، وده ممكن يؤدي لتدهور الحالة — وربما الوفاة، لا قدر الله.

علشان كده، ماينفعش استخدام موسّعات الشعب طويلة المفعول كعلاج أحادي في الربو.
لازم تكون دايمًا مع كورتيزون استنشاقي (ICS).

الكورتيزون هنا له دور مهم جدًا:
بيرفع عدد وحساسية مستقبلات البيتا،
وبيقلل الالتهاب المزمن في الشعب الهوائية.

> Using a combination of long-acting beta agonists + inhaled corticosteroids increases the number and sensitivity of beta receptors, reduces airway inflammation, and decreases bronchial hyper-responsiveness.

إختصارًا:
العلاج المزدوج (ICS + LABA) هو الأسلوب الآمن والمثبت علميًا لعلاج الربو المزمن وتجنّب النوبات الحادة.

أمثلة على التركيبات دي:
Symbicort: Budesonide + Formoterol
Seretide: Fluticasone propionate + Salmeterol

Dr Tamer Elsayed

فيه مشكلة على جروب نسائي.. إن عروسة متجوزة من ٣ أسابيع.. راحت للدكتور فقالهم مبروك المدام حامل في شهر.. طبعًا جوزها بهدلها وبهدل أهلها و الجنين ده مش مني دي داخلة بيه!!!.. وعلى بال ما فهم- كانت هي خلاص قفلت تمامًا منه وعايزة تتطلق وأهلها خايفين من الفضايح عشان هتكون أتطلقت وهي ما كملتش 3 أسابيع!

البوست مش صادم ليا ولا حاجة من جهل جوزها لأن بعض من المسئولية تقع علينا إحنا الأطباء في تعليم الناس.

بس اللي كان مرعب حقيقي الكومنتات اللي كلها بتحكي عن عرايس اتطلقوا عشان عمر الحمل بيكون قبل تاريخ الجواز بأسبوع أو اتنين!! وناس اتفضحت وناس اتضربت وناس تانية اتقـ*ـتلت.. وده كله بسبب الجهل!

طريقة حساب الحمل

أول يوم من أخر بريود (الدورة الشهرية) جات للمدام هو ده بداية الحمل

يعني ممكن واحدة تتجوز في اليوم الـ ١٥ من البريود .. فيتم الإخصاب تاني أو تالت يوم جواز.. وتكتشف بعدها بأسبوعين مثلا إنها حامل.. أصبح عمر الحمل من وجهة نظر الطب شهر كامل رغم إنها متجوزة من أسبوعين بس!!...

دي معلومات المفروض نكون عارفينها تجنباً لمشاكل و خراب بيوت و المفروض الدكتور و هو بيقول عمر الحمل يبقى عارف كويس موعد الزواج امتى عشان العروسة ما تلبسش في الحيط لا مؤاخذة
في الغالب اللي بيغلط الغلطة دي أطباء حديثوا التخرج شوية و لما بتحصل معاهم مش بتتكرر تاني
بوست منقول و متعدل

د/ أحمد زناته
زميل كلية الأطباء الملكية بأيرلندا
الزمالة البريطانية في الغدد الصماء و السكر

مفيش طالب الا وبيسأل نفسه امتى هخلّص مذاكرة.
السؤال هوا هل المذاكرة بتخلص؟ والسؤال التاني بذاكر ليه؟
المذاكرة مش بتخلص لكن الغرض والطريقة هما اللي بيتغيروا.
النهارده بتذاكر عشان امتحان بعشرين درجة وبكرة بخمسين وبعده بخمسماية درجة وفي يوم هتذاكر عشان تترقى او هتذاكر عشان تسافر.
اللي بيقول ان المذاكرة بتخلص بيضحك عليكم.
ذاكر وخلي خطواتك صغيرة وماتبصش لبعيد
ذاكر وانت عينك على فرحتك دلوقت مش بعدين
ذاكر وانت فاهم ان كل حاجة بتتعلمها هتحتاجها في يوم مش بعيد
المذاكرة بإسمها الصحيح طلب العلم وطلب العلم حاجة كبيرة اوي للي بيخلص النية.
احنا مش بنبطل مذاكرة لكن بنغيّر الطريقة وبنغيّر الاسلوب وبنغيّر الهدف وبنوصل ان شاء الله

د حازم عبدالتواب

رسالة الي زملائي من الأطباء

قياس السكر العشوائي مع العلامات الحيوية ضرورة لأي عيان جاي الطوارئ

لان كثير جدا نلاقي الناس تغفل عن قياس السكر العشوائي لحالات الطوارئ

👈شاهد بسيط ومتكرر

جايلي عيان الطوارئ فاقد الوعي تماما  ، جاي بعد ما أهل العيان  لفوا على اكثر من مستشفى وحولوه الجامعة ، وراح الجامعة  وكان في اللفه دي كلها  انطلب منهم عمل كل الفحوصات والآشعة الي تخطر على بالك معامل كاملة وغازات دم وآشعة مقطعية على المخ ورنين على المخ  ومحدش كلف خاطره بس يقيسله السكر العشوائي 

المهم العيان جالي الطوارى  وأول حاجة بعد فحص المريض والاطمئنان على العلامات الحيوية ،  قستله السكر العشوائي وبالفعل طلع  30 " منخفض جدا "
وعلى الفور تم إعطاء المريض جلوكوز وريدي

وخلال دقيقتين اثنين كان الراجل فايق بشكل كامل  وقام عايز يتمشى في الطوارئ ، في اللحظة دي كان اهل المريض ساجدين على الأرض شكر لله ، بعد ما كل السيناريوهات السيئة والتشخيصات المحتمل الي اتقالت ليهم في الاماكن الي راحوها .

👈علشان كدة اوعى تغفل عن السكر العشوائي لأي مريض في الطوارئ خصوصاً لو المريض فاقد ل الوعي .

د أحمد عصام

في سن معين هتكتشف إن أهلك دول أهم وأعظم شيء ربنا اداهولك

يمكن قبل كده متبقاش مدرك قيمة النعمة دي بحكم ان سنك لسة صغير واهتمامك كله لأصحابك والخروجات واللمة الحلوة

لكن مع الوقت بتلقى ناس بتخرج من حياتك وناس بتدخل وهما زي ما هما بيفضلوا يحبوك مهما كانت عيوبك.

وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا

مريض رايح طوارئ مستشفى حكومي الساعة ١ بالليل
DCL
K 11.2 ( recheck K 9.25 )
ECG sine wave ( indicates real number of hyperkalemia)

رحمة ربنا يلاقي نباطشي كلى فنان
يركب ماهوركر ويغسله في وقت قياسي ما شاء الله
العيان يغسل ويفوق ويتحسن ورسم القلب يتظبط
والصبح النباطشي يمشي والدنيا بتمشي
وأجره عند الله وكفى

مرفق رسم القلب قبل وبعد الغسيل

د. حسام عماد