"بعد عثرات ودروس وسنِين وتجربه وإدراك
‏عرفت إنْ أكبر كنُوز الحياة الفانية مبدأ"

"وأنشهَد شهادة حق ما هي شهادة زُور
‏من ينال قُربك شعْشع النُّور في صدره"

"تمر وجيه واجد و أنت ثابت و السنين تدور
جعل تفدا دواعي ضيقتك ضحكي و ترحابي"

"ما لك من أيامك إلا صالح أعمالك
‏ولا أنت جثه .. و أعز الناس يدفنها"

«لو ثلاث أرباع عُمري الأوله راحت هزايم
مشهدك بالبشت جنبي صار لي أغلى غنيمة»
❤️

"‏لا تعرّضني الرمضاء ورمشك ظليل
‏في عيوني كلام ٍ ما قدرت أسرده

‏همت في عيونك النجلاء وجيتك دخيل
‏لي خفوق ٍ عيونك فيه مستفرده

‏أعتبرني حقل جفّت وروده وسيل
‏تضحك الأرض لا هلّ السحاب بْرده

‏لي عن الغيمة اللي تحبس الماء بديل
‏يُحرم الماء عليّ لو ما صفى مورد"
- سعود مهدي

"‏عرفتك كريم ومجلسك مدهل الخطّار
‏جعل دكّة خطاهم فدا صيتك الباقي" ❤️

"مرحبا وانت المبدّا والمولّا
‏عند من عينه لزلاتك ضريره

‏يوم جيت وحظي المعثور ولّا
‏الله اللي حط في يدينك مصيره

‏انت ربي خالقك من نور ولا؟
‏طحت من سابع سما فالمستديره"

«قنوع بـ كل شي إلا .. في تقديري لذاتي
‏ما تليق فيني الهوامش وانا عنوان واضح»

"تراك أوّل غلا يسكن حشاي و يستحلّ أقصاي
معك تحلى مشاوير الشقى لو طال مشواري" ❤️

‏"أحس إن للزمن عبره ولدروب الحياة فحيح
وجابك ربي ترجع نقط عمري على أحرفها"

"وجهٍ اسوق العمر له ضحكة وفي وجهي عبس
‏ما أنساه من وِردي وأنا انسى فرض ما صليتها

‏عطني يدك بأمسح على صدري عسى ثقلٍ جلس
‏ينزاح من لمستْك وتبدَّد هموم اخفيتها"

"‏تمر الليالي وأنت وجهك هو اللي كان
مثل ضحكةٍ من قلب ما بين أبي وأمي"

«كلّ كلمة.. بلعنا شرّها بالكلايف
‏جعلها بالصحايف عند ربي ثقيلة»
— بشاير المقبل

«وش أذخر عن ثناياك العذاب ووجهك المملوح
‏وانا الِّلي راح عُمري في رجا ماها ومرعاها

‏أحبك كثر ما كنت أتوقَّى والغلا مفضوح
‏وأحب أيامي الِّلي جابتك يا أغلى عطاياها

‏أحبك من طلُوع الفجر الأول لَـ طلُوع الروح
‏أحبك .. كثر ما عودتك تنام إتّوحاها»
❤️

"أنت حبّك لو ورى حدب الضلوع ادسه
‏لا ضحك وجهي سعاده.. والله إنه يبين"

"‏عز الله إني ظلمت اسمي وميقافي
‏أخطيت في حق نفسي والخطا وارد

‏هقيت فيك الهقاوي وأنت ياكافي
‏ما أبرد من اعذارك إلا وجهك البارد"

"‏خل الطيور الخايبه بأفعالها الشينه تطير
وإن كان طاحت ما تطيح إلا على اشكالها"

‏"القلوب تشوف وأنا أحسب أنها ما تشوف
‏والعيون تميل وتحب قدام الملا

‏غير للي عودتني على كسر الشفوف
‏وارغمتني بالمحبة .. وتجديد الولاء

‏أطهر من المحرم اللي على الكعبة يطوف
‏وأصدق من الموت وأذير من ريوم الفلا"

"‏مديت لك عمري على كف يـمناك
‏وغيرك على رجوى هلا مد عمره

‏نزعت بيبان الثقل غايه رضاك
‏وشرّعت لك قلبي ويا طول صبره

‏ميّت شعور وفز قلبي لـ طرياك
‏وأعرف شعوري ما يجي غير مرّه"