▌被指唱腔似張敬軒嘅聲夢歌手 #冼靖峰，因為稱呼03後為「#沙士死剩種」而被網民抨擊，原來今晚佢亦有份再參與 #TVB 嘅Music Live，喺直播末段，佢嘅隊友 #何晉樂 (右)忽然問冼係咪有啲嘢想講，冼靖峰神色凝重咁表示「想講聲對唔住嘅，因為上一個Live...就...講咗啲唔應該講嘅說話，咁呢因為其實我哋朋友同朋友之間呢，我哋學員之間啦，有時候講嘢，私底下有啲over，有啲誇張...」

呢個時候，何晉樂插口維護冼靖峰：「即係Chantel都成日話我...話我肥呀，大家都慣，我唔係好肥啫」

唔知冼靖峰係咪意識到何晉樂幫緊倒忙，即刻搶返話：「又唔係嘅，因為我哋自己私底下有啲over有啲誇張，但係有啲嘢係唔應該講就唔應該講，咁所以好對唔住，就真係講咗啲好唔應該講嘅說話啦，咁欸係知道自己唔夠成熟，咁係囉，以後會更加成熟，談吐舉止...」
何晉樂：「記住我哋已經係由聲夢學員，變成一個聲...夢嘅畢業生，所以我哋要成熟啲，講嘢都要小心啲啦，你哋都係...」
冼靖峰：「大個仔啦」
何晉樂：「大個仔啦」

▌講完之後，兩個都交返支咪畀其餘三位隊友 #鍾柔美、#姚焯菲、#詹天文 等佢哋講吓感言，而聊天室嘅網民亦為冼靖峰打氣，叫佢唔好唔開心、改過就好、下次小心啲。不過連登網民就發現，呢一切都唔係巧合，Telegram聲夢群組入面嘅一班聲夢fans早就預備好上去Youtube護航，佢哋仲覺得揭發呢件事件嘅連登仔係覺得阿池(冼靖峰花名)有威脅先至咁做，睇嚟呢場網絡大戰仍然有排打。

▌順帶一提，何晉樂講嘢都係無咩智慧，乜鬼嘢「Chantel都成日話我肥」，可以同「沙士死剩種」論相比？ #唔好教壞細路

1️⃣【冼靖峰廣告商 - 富邦】
https://www.facebook.com/fubonlifehongkong
https://pili.app/pg/38vkoF6jd

2️⃣【冼靖峰廣告商 - 3HK】
https://www.facebook.com/threeHK
https://pili.app/pg/1khG6M7

▌#富邦銀行 同 #3HK 都係少數贊助過《#聲夢傳奇》全體學員嘅公司，但如今富邦似乎開始轉軚，試吓轉用Mirror，有網民笑言「要下弦都唔要tvb」、「三個下弦頂成班台柱」、「見到洗淨種就唔開胃啦」、「18歲都未有賣乜野銀行廣告」，亦有人兩邊都唔睇好，表示「係啦紅viu贏紅tvb 好高興啦。香港人贏晒啦」。

▌有別於上次搵聲夢宣傳，今次富邦銀行正式喺Youtube上載咗由Frankie (#陳瑞輝)、Stanley (#邱士縉)、Alton (#王智德)拍攝嘅 #富邦GO 廣告，而聲夢嗰次就只係叫學員將條片Upload上自己IG，不過富邦起碼贊助過兩次聲夢演唱會，Mirror就冇，所以打和喇！

▌雖然廣告商「換馬」係平常事，可能因為聲夢帶唔到商業效益，亦有可能係富邦想食齊聲夢、Mirror Fans兩邊生意，畢竟富邦都有食兩家茶禮嘅歷史（同期贊助《#全民造星IV》），不過小編就覺得可能同「#沙士死剩種」事件有關。

事發於今年1月，#冼靖峰 同其餘三位聲夢歌手 #詹天文、#蔡愷穎、#林智樂 開Music Live，四人討論緊讀書時期會聽嘅歌，講起蔡同林都係2003年出世嘅時候，冼靖峯插咀表示「03即係咩呀？即係沙士死剩種呀，係咪呀？」，林同蔡狀甚驚訝，冼隨即表示「講笑講笑講笑講笑哈哈」，然後繼續話題，但其餘三人似乎仍然未load到。該番言論當時引起唔少市民反感，甚至聲言杯葛其廣告商，而富邦銀行就係其中一間。

由於富邦銀行(香港)並未設立FB專頁，網民遂湧至富邦人壽專頁投訴，當時富邦人壽表示會將網民意見反映予相關單位，小編相信，富邦今次換人唔多唔少都同呢次事件有關，畢竟冼靖峰而家都算係一個「家喻戶曉」嘅人物，而諗起佢又好容易聯想返佢嘅廣告商，換吓人，過吓冷河都係明智選擇。

▌#富邦銀行(香港)，前稱港基國際銀行，目前係臺灣富邦金融控股嘅全資附屬公司🇹🇼 ，臺北市政府🇹🇼 亦持有富邦金控13.11%股份。