▌為咗慶祝香港主權移交25周年，中共打算拍兩套愛国劇集《獅子山下·情》、《守城者》賀一賀佢，據《香港01》報導，原來「星夢一哥」#周柏豪 都有份參演，佢早前已經完成隔離向劇組報到，預料將會留喺上面三個月。呢兩套劇集係由中国中央企業紫荊文化集團製作，可見周柏豪已經擺脫「港獨豪」形象，獲得中共肯定。

▌過去周柏豪曾經與黃之鋒及路姆西合照，又喺梁凌杰跳樓身亡後(15/6/2019)後發文悼念「Thank you and RIP.」，因而被視為親民主派人士。不過，喺2020年12月，佢喺《點新聞》接受陳百祥訪問，力斥示威者暴力行為，又同黃之鋒割蓆，因而被視為變色龍。

▌根據網上資料，《獅子山下·情》將會以一間茶餐廳幾代小人物嘅角度，描寫主權移交前後嘅大事件，據稱該劇將會「破天荒」全部起用香港演員，包括護旗手胡杏兒、加拿大籍嘅李治廷、《濁水漂流》老爺謝君豪、《#愛回家》三太樊亦敏等。《獅子山下·情》預料下年將會喺 #TVB 播放。