▌多間傳媒報導，#TVB 發盈利警告，2022年度或蝕7.9至8.3億，較2021年度嘅6.47億元多。TVB主席 #許濤 上年喺公佈全年及中期業績時，都表示「TVB最壞時期」已過，唔知佢今年會用咩形容詞呢？

《經濟日報》：//電視廣播解釋，去年虧損擴大，歸因香港的電視廣告市場仍然疲弱，抑制了廣告收入增長，同時去年下半年內地受防控限制，導致中國聯合製作業務放緩，而且集團對若干遺留的投資資產作出非現金減值撥備。//

▌根據我哋觀察，TVB嘅廣告時段仍然冇咩好觀察，因為都係以藥、保健產品、財務公司、家用品為主，另外劇集同綜藝都開始冇冠名贊助，例如《#隱形戰隊》、《#愛回家》、《#健康必殺食》、《#吃貨橫掃曼谷》。

但值得稱許嘅係，佢哋喺奶粉廣告市場取得突破，多間奶粉公司已經重返翡翠台。