《#無綫欺凌事件簿 - 導演打人高層包庇？》Pt1

【是日任務】Like and Share呢個Post👍🏻❤️

▌TVB嘅職場欺凌唔只有顏色打壓、雪藏封殺，亦曾經發生過肢體暴力，仲受到高層包庇，今次故事主角係有「躁狂導演」之稱嘅前TVB導演 #張永豪，只要大家search佢個名就會見到一籮籮嘅負面新聞，例如打人、爆粗、無交通禮儀，同埋打人，除此之外，佢亦有發火鬧佘詩曼、蒙嘉慧、欣宜，打PA嘅傳聞。

▌故事由較早期開始講，2012年，張永豪喺拍攝劇集《心路GPS》時，因為藝人 #劉蔚萱 頻頻NG，所以張永豪用一個裝過田雞嘅膠袋笠佢個頭，再撼落牆度，令對方爆喊[1]，當時有傳張永豪之所以橫行無忌，係因為佢係 #曾勵珍（時任戲劇製作部總監）嘅表弟。事件發生後，有PA（助理編導）睇唔過眼將影片擺咗上網，無綫高層得悉事件後震怒，曾勵珍（珍姐）帶埋劇集監製開記者會力撐張永豪，話佢只係同對方試戲，又澄清自己唔係張嘅親戚。對於有人將片段擺上網，曾勵珍表示片段經過剪輯，質疑有人別有用心，由於片段係屬於TVB資產，佢會搵出涉事者再交畀公司決定係炒人定報警[2][3]。

▌當時有記者問過幾位藝人點睇呢件事，TVB藝人似乎都避談甚至袒護張永豪，例如 #麥包 就認為係小事一樁；#黎耀祥 話唔做錯嘢唔會俾人鬧，以前鬧你係代表教你嘢；陳展鵬稱自己唔在場；楊潮凱表示唔敢評論對錯；而當時太太為TVB藝人嘅杜汶澤，就為受虐藝人抱不平，佢表示喺張永豪喺亞視嗰陣對方已經「惡名昭彰，精神有問題」，呼籲無綫唔好包庇佢，又話對方應該及早求醫[4]。

▌劉蔚萱被虐事件，最後以「和解」告終，無綫向張永豪發咗警告信，又安排佢同劉蔚萱喺《東張西望》上握手言和，而揭發事件嘅PA，據傳被處以停職[5]。

網傳麥包近日喺TVB教人用日本魚生食法食鯇魚魚生

1. #麥包 呢個節目應該係《#一條麻甩在廣州》，2022年喺myTV Gold首播，近日於J2重播

2. 麥包話自己睇過個日本節目，該節目聲稱花生油可以消滅寄生蟲及細菌，版主實在聞所未聞，希望麥包可以進一步提供資料

3. #肥媽 喺2018年拍攝《#大灣區活好D》時，都食過鯇魚刺身，當時食安中心發稿警告市民，指淡水魚生可能有 #寄生蟲（例如 #中華肝吸蟲），不過 #蔡瀾 就撐肥媽話生蟲最多係痾，唔會死人（醫生唔同意）

4. 被中華肝吸蟲寄生可導致腹部不適、發燒、寒顫、厭食、體重減輕、腹痛、疲憊或腹脹等症狀，嚴重者可出現肝腫大、黃疸、膽管癌等，甚至 #致命

5. 香港法例禁止售賣此類中式魚生

詳見香港食物安全中心《不要生吃淡水魚肉慎防致病菌與寄生蟲》、臺灣疾病管制署《中華肝吸蟲感染症疾病介紹》

▌繼 #肥媽 教人食淡水魚魚生，#TVB 再有節目推介觀眾上廣州食鯇魚魚生！近日J2重播由 #麥包（#麥長青）主持嘅《#一條麻甩在廣州》，其中一集講到麥包喺街邊大排檔食淡水魚魚生，雖然佢都知道魚生會有寄生蟲同細菌，但佢聲稱自己睇過個日本節目，入面話花生油可以殺死寄生蟲同細菌，所以就大安旨意咁撈花生油食！

▌其實肥媽喺2018年教大家食鯇魚魚生嗰陣，#食物安全中心 已經發稿提醒市民切勿進食淡水魚生（#中式魚生），因為入面可能帶有寄生蟲（#中華肝吸蟲）或 #乙型鏈球菌，而中華肝吸蟲除咗令你肚瀉、發冷發熱之外，嚴重嘅話更有機會導致膽管發炎或膽管癌💀 真係估唔到TVB夠膽一錯再錯，教人食淡水魚生之餘，仲宣揚埋「花生油可殺蟲殺菌」呢啲咁離譜嘅資訊！💩

▌《一個麻甩在廣州》喺2022年於myTV Gold首播，節目監製同為麥包，由手工藝創造有限公司攝製，該公司由 #王祖藍 以及經常宣揚「#唔好教壞細路」嘅 #曾志偉 創立。

麥包原句：「佢喺顯微鏡呢，可以睇到，嗰啲所謂嘅寄生蟲呀，菌呢，喺我哋同花生油結合嘅時候呢，會消滅咗佢嘅」