▌根據由1000部收視記錄儀得出嘅數據，#TVB (AKA #老人台)上周收視仍然唔樂觀，兩套劇集仍未突破20點收視，首播嘅《愛上我的衰神》嘅成績比《拳王》更差，至於綜藝收視則仍然處於10-11點水平，比起早兩個月低出2-3點，《東張西望》同《愛回家》繼續係TVB嘅救命稻草。

▌台慶月過後，TVB推出兩套疑似「渲染怪力亂神」嘅奇幻劇集，分別係《#異搜店》同《#愛上我的衰神》。《異搜店》由何廣沛、陳曉華主演，並由一眾愛国綠葉演員扶持，包括曹永廉、李成昌、黎燕珊、楊玉梅等，上個禮拜收視為19.7點，拍得住台慶劇水平。至於由胡鴻鈞、陳嘉慧主演嘅《衰神》則比較遜色，首週收視僅得15.9點，成績仲差過上套《拳王》，加入十大低收視劇集毫無懸念。兩套劇集加埋只有三個贊助，包括大家見慣見熟嘅 #馬百良、#海馬牌 及 #象牙世家。

▌綜藝時段由直播帶貨節目《#識貨2》填補《麻雀鬥室三決一》嘅空缺，雖然收視只得9.9點，但相信 #王祖藍 並唔志在嗰幾點收視落差，原因如下：

1️⃣ 呢個節目可以𢯎到贊助商，分別有 #髮再生、#屈臣氏寵物藥妝、#健絡通、#張公館、華潤 #怡寶 贊助，對比其他綜藝節目，呢度算係好多贊助；

2️⃣ TVB可以借機推廣大家上自家嘅Big Big Shop、士多、鄰住買購物，發展電商業務，補貼電視業務嘅虧損；

3️⃣ 王祖藍俾人邀請返TVB都係因為佢識帶貨、熟悉中国行情啫，梗係要搞返啲「中国式節目」嚟履行使命喇，如果培訓到藝人嘅「帶貨技能」又推到佢北上搵食，TVB就大把油水可以抽；

4️⃣ TVB雖然係香港嘅電視台，但中国、馬來西亞先係班高層嘅目標客群，佢哋唔需要取悅香港觀眾，只需要喺中国、馬拉市場分取杯羹，如果大家細心留意，就會發現TVB廣告客戶都開始喺廣告附上淘寶、天貓圖樣，大家明喇。

▌最後講吓TVB廣告狀況，近期絕大部份都係自家節目、政府宣傳、保健及藥品、家用品、借貸公司廣告，偶爾都會有啲新廣告商出現，畢竟慣性觀眾多，對企業有一定吸引力，但認真唔多，廣告期亦未必長。另外，農曆新年將至，根據「傳統」，相信會有極大量公司貪平、貪過癮落賀年廣告，不過呢個現象唔會維持好耐，大家都可以留意吓嘅。

《TVB陳嘉慧宣傳 - 源祖之味💙》8 Feb

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【源祖之味古早蛋糕店】
https://www.facebook.com/originalcakeshop
https://pili.app/pg/SQXRoKqW

▌#陳嘉慧 係TVB基本合約藝人，之前做兒童節目主持，拍過逾三十套劇集，最近被力捧成為劇集《#愛上我的衰神》女主角，無耐仲接到連鎖蛋糕店嘅廣告添！呢間「#源祖之味古早蛋糕店」喺旺角、尖沙咀、樂富、沙田、馬鞍山、寶琳、上水設有分店，如果你都鍾意《衰神》，記得支持吓喎！
———————————————
【‼#TVB 廣告商名單‼】
https://bit.ly/TVBAdData 👈🏻

▌今年 #TVB 藝員訓練班 極受歡迎，除咗有超過1,000名香港人報名外，亦有分別1,300及300名中国、馬來西亞嘅朋友意欲加盟無綫🥳 據《明報》報導，TVB已經收咗62位學員，當中24位係香港人，其餘全部都係來自中国同馬拉，可見TVB喺融入大灣、走向國際嘅戰略方針上已經取得成果🇨🇳🇲🇾

▌過去幾年藝訓班出過咩人你未必識，但以下呢位新學員就算你唔識佢，都應該聽過佢套《#媽媽的神奇小子》，佢就係新鮮出爐嘅電影金像獎最佳男配角🎬 #馮皓揚（羊羊）！點解會咁突然？都唔突然㗎，原來羊羊上年已經出現過喺TVB劇集《#愛上我的衰神》，飾演年輕版胡鴻鈞，可惜呢套劇集只係取得16.8點平均收視，所以大家唔知都唔出奇。不過，羊羊今年只係17歲，TVB近年亦面臨人才流失問題，相信佢喺30歲前就算拎唔到男一，都可以喺「回歸30周年」劇集取一席位。

▌根據資料，今年藝訓班校長為陳德森，導師包括羅冠蘭、鄭丹瑞、曾志偉、錢嘉樂、譚俊彥、袁偉豪、麥美恩、麥秋成、陳貝兒、鄧梓峰、林盛斌(Bob)、肥媽、林溥來(Patrick Sir)等。

圖片為TVB藝訓班馬來西亞學員，取自《頭條日報》