▌睇到呢幅相真係笑出聲，到底「#TVB試當真」做過啲咩代表作？曾志偉又有無睇過試當真？😹

▌為咗令呢個Post有少少意義，我試過搵吓佢哋有咩廣告，但真係好難搵！#方紹聰 接過M Store便利店、moraz草木精華、順億物業按揭廣告；#何廣沛 接過中銀廣告；#郭子豪 唔覺有廣告，報告完畢。

//有傳TVB高層覺得「食腦三子」用心經營YouTube頻道，感覺像人氣強勁的試當真，所以高層才揼水給三位大攪綜藝，而奶仔接受訪問，表示自己視「#試當真」和「#小薯茄」都是他們的學習對象：「每個星期都出片，台前幕後嘅工作都由我哋負責，我會做導演、編劇，何廣沛都會做導演，郭子豪做公司CEO，希望愈行愈前。試當真、小薯茄都係我哋學習對象，覺得佢哋好成功，我哋而家都有唔少廣告，希望可以努力做大啲。」// 轉載自《香港01》

1️⃣《#食腦喪B》開播之後，唔少人都指責佢抄襲美劇《#iZombie》，因為兩者主角都係靠食解剖室嘅人腦充饑，而且食完可以繼承死者記憶。

2️⃣《食腦》首週收視低開18.2點，有望同《金宵大廈2》雙雙加入「TVB十大低收視劇集」，睇嚟「喪屍」被河蟹成溫情嘅「喪B」之後，仍然唔啱師奶同老人。

3️⃣《食腦》冇任何贊助商。該劇於2020年1月開始拍攝，雖然時值抵制TVB運動之高潮，但一個植入式廣告都冇，甚至到今日都冇人肯冠名贊助，情況實屬罕見。

4️⃣ 據《香港01》消息透露，TVB高層視男主角 #何廣沛，男配角 #郭子豪、#方紹聰 為「#TVB試當真」，想打本畀佢哋發展，但如今連番遭遇滑鐵盧，劇集收視唔掂兼冇贊助，綜藝被曾志偉認為「唔好笑」，恐怕冇運行。

【TVB劇集被指抄襲同類事件】

▌《談情說案》(2010)被指抄襲日劇《神探伽俐略》，兩者設定都係男物理教授幫女警查案，當時劇集監製表示，《談》有較多談情部份，而且其中一集有食環署洗街車，《神》並沒有。

▌《踩過界》(2017)被指抄襲美劇《夜魔俠》，兩者設定均為盲人大律師擁有超凡嘅聽覺、嗅覺，甚至可以透過聽人心跳得知對方有無講大話，當時男主角王浩信表示，《踩》有較多法庭戲，而《夜》則係英雄動作片。

▌由「#食腦三子」#何廣沛、#郭子豪、方紹聰 等人主持嘅綜藝《#真係唔好笑》月初開播，呢個節目未出街之前已經新聞多多，有指TVB高層視食腦三子為「TVB版試當真」，所以豪花千萬畀佢哋製作一套「港版Running Man」，奈何 #曾志偉 睇完之後覺得「真係唔好笑」，所以被抽起，雖然曾志偉嘅笑點同常人未必一樣，但係憑呢個節目嘅網民留言、零贊助、唔公佈收視都大概估到呢套嘢真係唔好笑。

▌《#真係唔好笑》除咗有食腦三子，亦有 #麥美恩、#馮盈盈、#羅毓儀 及 #彭慧中 主持，每集都會邀請三位嘉賓上嚟玩遊戲，暫時三集遊戲都有啲唔同，包括忍笑遊戲、獎門人遊戲及自創遊戲等，舉兩個遊戲做例子：1) 主持同嘉賓輪流講笑話，其餘人如果忍唔到笑就會觸動機關跌落石春墊；2) 馮盈盈、游嘉欣被隊員畫大花臉，然後show畀對面睇，如果對面忍唔到笑就輸。

▌網民就留言話啦，「我屌，真係唔好笑」、「完全感覺只係自己幾個互high」、「(嘉賓)阮兆祥仲好笑過啲主持」、「食腦果三條友都係30歲上下姐，點解會覺得拍呢d好笑」、「又想學獎門人，剪片條友功力又差，好笑都變唔好笑」。

▌講到贊助，呢個節目同食腦三子上一套劇集《#食腦喪B》一樣，冇冠名贊助及植入式贊助，如果真係如外界所講100萬拍一集都幾蝕下。

▌至於收視，TVB只係公佈咗同為禮拜六播放嘅《#聲生不息寶島季》跨平台最高直播收視(13.2點)，但就冇提及緊接嘅《唔好笑》。TVB連得11點收視嘅《#成人教科書》同10.2點嘅《#LAW霸女神》都夠膽公佈出嚟，點解唔索性公佈埋《唔好笑》呢？莫非成績仲低過10？

雖然TVB主席許濤話過要終止「未能達到預期收視及經濟收益的節目」，但TVB未有將其腰斬，只係搵訪談節目《#馬時亨香港情》取代佢嘅2145檔期，《唔好笑》則改於2215播放，感覺呢個節目調動似乎比整個節目更好笑。