據統計，自2020年開始，老人台拍攝嘅37套劇集當中，有11套都係關於警察(30%)，即係差唔多每三套劇集就有一套係講警察。

自反送中開始後，思想稍為正常嘅香港人，都唔會對呢種題材有興趣，裝甲車、水炮車、音波砲我哋乜都見過，每日嘅新聞比小說情節更荒誕離奇，睇返老人台啲劇，根本就係平行時空、科幻片，毫無代入感。然而，老人台又真係唔care你插佢，就算係反送中期間，佢都仍然倒模生產緊警察劇集，畢竟仲有班老嘢、師奶忠實觀眾會撐場。

回望隔籬ViuTV，雖然都係藍，但佢會聽民意，觀眾話唔鍾意睇「戰毒」，佢就真係腰斬節目、調動時段（多得大家當時有份派嬲）。今時今日，「聽民意」實在難能可貴，亦難怪ViuTV會吸到年輕觀眾，甚至被當成「黃」，但與其話佢係黃，倒不如話佢比較正常，畢竟呢個世界唔係所有嘢都可以二元區分成黃藍，呢個mindset好重要。

大家都係藍色電視台，但老人台做到咁兜踎真係自己攞嚟。一個唔聽民意，甚至同觀眾作對嘅電視台，注定只可以繼續食老本，保住自己班老人、師奶觀眾，不過呢個資本可以咬多幾多年，大家心照喇。

#TVB #老人台 #ViuTV

卻說小編喺睇電視嘅時候，無意間發現TVB《智能愛人》入面某個小朋友好熟口面，原本我都茫無頭緒，但睇睇吓唔單止覺得小朋友似曾相識，連情節走向都同ViuTV劇集《理想國-苟延殘喘》一模一樣，我Google完之後，發現原來TVB真係可以咁無恥，將同一個橋段複製之餘，搵返同一個小演員返嚟拍攝🤡

兩者劇情都係講述有個虎媽迫小朋友(徐嘉謙飾)不斷溫書、做練習，小朋友忍咗好耐，最終跳樓自殺。虎媽傷痛欲絕，佢老公為咗氹老婆，於是向AI工廠訂製咗個同自己個仔一模一樣嘅AI返嚟一齊生活，不過老豆就好理智，分得清AI同真人，老母就好感性，當正個AI係親生仔...

點解會出現咁相似嘅橋段呢，有網民提示，原來《理想國》、《智能愛人》嘅監製同編審都係陳翹英（編劇則有所不同），唔怪得之喇... Self-plagiarism得唔得㗎？

如果你哋都發現《智能》同邊套劇集嘅情節都非常「雷同」嘅話，歡迎喺下面留言分享吓😉

*補充資料，《智能愛人》由大棧贊助💙

#TVB #老人台 #智能愛人 #ViuTV #理想國

《如果TVB鍾意理想國，不如搵王敏奕翻拍呢集...?》2 Sep

尋晚講到TVB劇集《大棧贊助：智能愛人》嘅部份劇情同ViuTV《理想國》如出一轍，連飾演AI囝囝嘅演員都係一樣，皆因兩套劇集嘅監製、編審都係陳翹英，有一稿多投(Self-Plagiarism)之嫌，不過小編就覺得，如果要抄不如抄盡啲，抄埋其他單元嘅劇情，例如「後美好時代」(Good News Days)。

「後美好時代」劇情講述喺未來嘅香港，AI技術漸趨成熟，True TV電視台高層決定引入一名AI女主播(王敏奕飾，現為TVB藝人)，報導有助政府維穩嘅「淨化新聞」，因為佢哋認為AI主播比真人主播更易操控。AI主播自誕生以嚟，就係接收「淨化」資訊瞭解世界，所以一直都以為社會係歌舞昇平、政府積極解決房屋問題、議員會幫助貧苦大眾之類。

然而，假象終歸係假象，假新聞係平息唔到真民怨，一班被政府不當施政影響，同時受True TV假新聞禍害嘅市民終於忍無可忍衝上True TV電視台示威，被AI主播目睹。AI主播如夢初醒，得悉自己原來一直係溫室小花，活喺True TV構建嘅「美好世界」當中，佢怒斥同事、上司缺乏傳媒道德，扭曲真相，並決意要喺大氣電波將真相公諸於眾，之後就... 唔劇透喇😂

如果TVB要翻拍呢一集劇情，相信可以得心應手，因為最好嘅演員已經喺晒新聞部，連飾演主播嘅王敏奕亦已經簽咗TVB，就爭在TVB有無勇氣拍出嚟😉

《理想國》鏈結：https://viu.tv/encore/the-republic

#TVB #老人台 #大棧 #智能愛人 #ViuTV #理想國

我希望每個人都記得，香港嘅 McDonald's 大股東係中国中信集团🇨🇳，屬於中国中央企業🇨🇳，由中国国務院财政部🇨🇳 監管

https://www.facebook.com/mcdonaldshongkong
https://pili.app/pg/1Hiqc3HYd

#Mirror #ViuTV #myTVSUPER #TVB #李梓敬 #陳淨心
#麥當勞 #中信集團 #中國中央企業 #中國國務院財政部

《全民造星IV冠名贊助原來又係TVB廣告商？》9 Nov

1.派嬲、派Like自己揀😡👍🏻
2.留言話畀商家聽你會否幫襯💬🛍️

👉🏻 gratus by Neo Derm 👈🏻
https://www.facebook.com/gratushk
https://pili.app/pg/2CnU5raBW

▌#gratus 係 #NeoDerm 美容集團嘅服務平台，最近冠名贊助咗《#全民造星IV》，可能又會有人錯覺認為喺 #ViuTV 落廣告就係可支持商戶，但其實gratus亦同步喺TVB落咗電視廣告。

▌Neo Derm算係一間營銷策略好搖擺嘅公司，過去佢哋旗下美容院用過朱千雪、張曦雯、麥美恩代言，不過抵制TVB浪潮開始咗一段時間後，佢哋就陸續換走TVB藝人，比盡都只係同李佳芯合作。但去到近月，佢哋又開始喺myTV SUPER試水溫，最近仲直接落埋TVC廣告（即係電視廣告，貴好多）。廣告商我哋就介紹咗喇，值唔值得幫襯就由閣下去判斷，是日沒有留言範本😡👍🏻

▌除咗Neo Derm仲有咩美容店💛？
MEE app載錄咗過百間美容店: meeapp.com/download
———————————————————————
【‼#TVB 廣告商名單‼】
https://bit.ly/TVBAdData 👈🏻

《臺北市政府🇹🇼 有股份嘅富邦贊助完聲夢，又支持造星？》10 Nov

1.派嬲、派Like自己揀😡👍🏻
2.留言話畀商家聽你會否幫襯（今日無範本）💬🛍️

🇹🇼 富邦銀行（臺灣） 🇹🇼
[因為富邦香港無Facebook專頁]
https://www.facebook.com/FUBON
https://pili.app/pg/78x0dKJSS

▌#富邦銀行(香港)，前稱港基國際銀行，目前係臺灣富邦金融控股嘅全資附屬公司🇹🇼 富邦香港非常熱衷於贊助「本土文化」，除咗有份聯合贊助 #ViuTV《#全民造星IV》之外，前排亦贊助咗 #TVB 嘅《聲·夢飛行》演唱會，近期更加搵齊15個聲夢學員，每人拍一條廣告片。

▌TVB同聲夢向來不乏藍友支持，但佢哋應唔應該撐富邦呢？呢個實在值得商榷，皆因原來臺北市政府🇹🇼 持有富邦金控13.11%股份，對於親中国陣營而言，由蔡英文領導嘅臺灣政府就係一個「赤裸裸的漢奸分離主義勢力」，而領導臺北市政府嘅柯文哲亦曾經喺雙十節公開表示「台灣是台灣人的台灣」，並指責中共「動輒以武力恫嚇、打壓台灣」👊🏻，站在中国立場而言，呢啲諗法都可以被歸類為「臺獨」，如果藍友仲支持富邦銀行，恐怕同「資敵」無異。

▌總括而言，我認為藍友應該由TVB繼續「賺臺養藍」，賺臺灣嘅錢但就唔好幫襯，以免「養敵為患」。
———————————————————————
【‼#TVB 廣告商名單‼】
https://bit.ly/TVBAdData 👈🏻

▌尋日 #ViuTV 女團COLLAR正式出道，其官方IG至今已經有超過21萬人Follow，有熱心網民就翻摷 #TVB 近月成立嘅聲夢女團After Class做對比，並發現名為「AfterClass™️」嘅IG (afterclassoffical) 只有唔夠3000個Followers，引嚟大批網民恥笑，不過細心一睇，就會發現呢個IG連official都串錯，而四位聲夢女童亦未有追蹤呢個IG，相信個IG只係由粉絲開設及管理，未知向來著重版權意識嘅TVB會否報警追究。

▌既然After Class無官方IG，強行對比又無咩意思嘅，咁就唯有引用其他數據畀大家參考，例如聲夢學員、聲夢傳奇節目，以及COLLAR成員嘅IG粉絲數目（截至1月13日19:00）。

《After Class》
姚焯菲 (Chantel)：10.4萬
炎明熹 (Gigi)：9.7萬
鍾柔美 (Yumi) ：7.8萬
詹天文 (Windy)：3.6萬
聲夢傳奇節目：1.9萬

《COLLAR》
邱彥筒 (Marf)：18.4萬
許軼 (Day)：15.2萬
蘇雅琳 (Ivy)：11.7萬
蘇芷晴 (So Ching)：9.3萬
王家晴 (Candy)：8.4萬
沈貞巧 (Gao)：8.3萬
李芯駖 (Sumling)：8萬
陳泳伽 (Winka)：4.7萬

▌講開又講，TVB開得女團又唔開埋官方IG，網絡戰認真輸晒，不過亦有輿論認為，TVB雖然喺IG、Facebook嘅網絡戰場失威，但仍然可以喺微博呢個內聯網戰場上爭一席位，有14億人支持，#TVB或成最大贏家。

溫馨提示：ViuTV唔係黃色電視台，上ViuTV節目亦唔代表係黃絲‼️

▌前無綫高層 #余詠珊 自從離開 #TVB 之後，休息三個月重新出發，她創立「好好製作」希望回到基本步，親自落場創作好節目。製作公司頭炮是與 #香港開電視 合作，舉辦《就是青春》的選秀節目。余詠珊與傳媒茶聚時分享：「香港開電視股東想做啲新嘢，其實電視行業面對嘅競爭已經唔係局限電視台之間，而家仲有Netflix、Disney+同YouTube等等。我希望退休前最後一仗，做出一小時令人覺得好睇嘅娛樂，不分黃藍，分顏色已經令娛樂圈行得好辛苦。」

▌余詠珊認為無綫的垢病是「難轉身」，就如大笨象一樣難以靈活改變，而 #ViuTV 則是集中一批憤怒的後生仔，但媽媽輩未必接受，加上Netflix同Disney+較為著重外國的製作，「我想做啲中層世界，同老幼咸宜題材，做番一啲本土屬於我哋嘅好節目。」

▌余詠珊認為香港開電視自家藝人不多，希望透過節目可以發掘到3、40位藝人，節目以「如同青春 好好相處」為主題，「我希望（參賽者）係後生嘅，最少都要心境後生，讀到書、靚靚哋、有能力。」她透露節目招募已在進行中，反應超出她的預期，節目預計5月會正式出街。

▌余詠珊於1980年代加入電視圈，先後為無綫、亞視、有線電視及壹電視服務。她曾主理24小時有線娛樂新聞台，更培育出第一批的電視娛樂新聞主播、記者，包括為人熟悉的黃翠如、陸浩明、陳貝兒等。余詠珊三度在無綫服務，最後一次是2011年接掌何麗全綜藝科總監一職，服務近10年於2021年4月辭職。

文章轉載自《晴報》

▌#網民報料，最近 #匯豐銀行 搵咗邵氏藝人 #岑麗香 拍攝廣告，並且懷疑係因為藍絲早前喺FB投訴匯豐搵太多「黃人」賣廣告有關。早兩個月，匯豐搵咗 #鄭中基 推廣信用卡，吸引咗一班藍友派嬲同批評，留言包括「全部廣告都用黃人，明白嘅」、「匯豐好似專請黃人宣傳的！」、「見到黄人想cut card！」、「收啦，二世祖 !」等。

▌如果以部份藍絲「放諸四海皆黃」嘅原則，匯豐又真係用親都係「黃」嘅，首先 #ViuTV 藝人嘅都要當黃先，造星出身嘅都當黃，黃子華有睇《IT狗》係黃，王菀之撐過何韻詩係黃，仲有受後生歡迎嘅都係黃。網民推斷，匯豐為咗保住藍人市場，於是放多個邵氏藝人落廣告同佢哋交代。

▌以我哋觀察，其實傳統銀行近年真係好少用 #TVB 藝人宣傳（中資除外🇨🇳），但如果以匯豐銀行而言，其實佢近兩年都有同TVB/邵氏藝人合作（#陳豪、#蘇皓兒），雖然唔多但都係有，所以唔敢斷言匯豐係咪受到藍絲壓力，不過有樣嘢我哋係肯定嘅，呢班藍絲派嬲同埋留負評畀匯豐，已經構成咗TVB、文匯報經常掛喺口邊嘅「恐嚇廣告商」罪行，鄭中基俾人 #網絡欺凌，邊個最開心？無綫好似有得益喎！係咪要調查吓幕後有無人唆使同提供資金呢？

【匯豐銀行FB】
https://www.facebook.com/HSBCHK/
https://pili.app/pg/52y3BI4YX

【藍絲派嬲畀匯豐現場】
https://www.facebook.com/HSBCHK/posts/4509487752450875

▌補充資料：
岑麗香目前經理人公司係 #手工藝創作，該公司由 #邵氏兄弟、#王祖藍 及 #曾志偉 擁有。

▌聲夢歌手 #冼靖峰(Archie) 近日開Live時，講咗啲極不恰當嘅說話，稱呼2003年出世嘅人為「沙士死剩種」，有連登網民發現並譴責其口出狂言、「無腦兼弱智」。

▌事發於1月21日，冼靖峰同其餘三位聲夢歌手詹天文、蔡愷穎、林智樂開Music Live，四人討論緊讀書時期會聽嘅歌，講起蔡同林都係2003年出世嘅時候，冼靖峯插咀表示「03即係咩呀？即係沙士死剩種呀，係咪呀？」，林同蔡狀甚驚訝，冼隨即表示「講笑講笑講笑講笑哈哈」，然後繼續話題，但其餘三人似乎仍然未load到。案發現場：https://youtu.be/BnEn8hWrCr8?t=314

▌冼靖峰今年23歲，1998年出世，喇沙出身並取得港大工商管理學學士學位，2019年曾經參加 #ViuTV 嘅《#全民造星II》但於60強被淘汰，之後轉到TVB參加《聲夢傳奇》，總排名為第四，並且同無綫簽下經理人合約。搵過佢賣廣告嘅包括 #富邦銀行 及 #3HK。

1️⃣【冼靖峰廣告商 - 富邦】
https://www.facebook.com/fubonlifehongkong
https://pili.app/pg/38vkoF6jd

2️⃣【冼靖峰廣告商 - 3HK】
https://www.facebook.com/threeHK
https://pili.app/pg/1khG6M7

3️⃣【冼靖峰IG】
https://www.instagram.com/archie_sin/

▌根據《娛壹》及《Channel C》報導，#TVB 金主 #寵物藥妝 旗下嘅產品廣告出埋今日就會轉場去 #ViuTV，相信係同李佳芯事件有關。

▌早前寵物藥妝老闆，亦即係蟲草大王 #陳恩德 希望請 #李佳芯(Ali)出席旗下活動，但TVB就講明蟲草大王同李佳芯唔可以合照，亦要保持距離，令蟲草大王極為不滿。蟲草大王就爆料，話同Ali溝通過，指呢個係公司決定，所以佢要求TVB高層 #樂易玲 畀個交代，但樂易玲就表示「藝人在公司工作以外的商業活動，保護和尊重藝人的意願，都是經理人的基本責任。」懷疑就係因為咁，令蟲草大王決定抽起TVB廣告。

▌據悉，將會被抽起嘅廣告係 #寵營樂 (#PetNutrilandHK)，根據共業資料，佢表面係澳洲牌子，實際上係寵物藥妝旗下品牌。據我哋搜集到嘅資料，寵物藥妝同TVB嘅合作極多，除咗長時間而密集嘅電視廣告之外，亦曾贊助劇集《愛回家》超過一年，同過陳煒、陳庭欣、戴祖儀、鄭子誠、蔡潔等多個藝人合作，近日嘅「帶貨」(直銷)節目佢都有份贊助。如果自2020年8月落廣告開始計，每年贊助過千萬廣告，相信寵物藥妝都貢獻咗TVB起碼二千萬收入，稱呼佢做忠實金主亦不為過。

▌另外，寵物藥妝亦好鍾意以「#屈臣氏寵物藥妝」自稱，屈臣氏實際上係陳恩德嘅合作伙伴，雖然做起咗寵物藥妝個朵，但同時，#屈臣氏 卻因為寵物藥妝同TVB嘅合作被牽連。

▌總結：香港咁多寵物食品店，揀唔啱亦可以上iHerb網購，唔使揀個怪叔叔嘅。

▌反觀《IT狗》，楊英偉認為 #ViuTV 劇集能引起年輕人共鳴，他謂：「你身邊總有兩三個人做緊IT。你唔識IT，你一定有興趣會知，貼身呀嘛！年輕人鍾意嗰個女仔，做觀音兵，個女仔同你嘅朋友一齊。與其你用好多人力物力，去拍一啲大家族，你等於3、40年前，我中學啲咩《狂潮》、《家變》、《追族》，咩《強人》，做返呢啲劇。就算大陸都唔係做呢啲劇啦！大陸而好In㗎啦！我睇返《真情》，《真情》點解咁貼地呢？因為《真情》都係你認識嘅人囉！」

▌另外，楊英偉憶述當初離開是因為演技無從發揮，要說心痛TVB，不如說是心痛整個電視行業，他表示：「我只可以講，我喺TVB發揮唔到演技。我做咗咁多年，我覺得自己有演技，可以做多好多嘢，但TVB就好定型，佢哋會定型你做某啲角色。同埋喺入面要人哋畀機會，冇得自己主動爭取，冇得去Casting。但王維基好好，有得Casting。我可以話《選戰》係我最重要嘅一套劇，但唔會再有第二套。」

▌談及資深演員現況，他頗感唏噓，說道：「啲50零、60歲嘅演員，你都見唔到咁多㗎啦，走嘅走、退休嘅退休，好唏噓㗎。金錢上面唔好靠份工，兩年一張約，真係唔安全。」

▌楊英偉則最欣賞ViuTV願意起用年輕人，以及團隊精神，他表示：「ViuTV一嚟就成班後生仔。佢哋都唔係每套都好好，頭兩、三年都好多垃圾，有啲劇都唔多人睇，但你見到有個好新鮮嘅角度。同埋我最欣賞嘅係，佢紅嘅，唔係陳豪，唔係黃德斌，佢係紅一個團隊。Mike導係一個團隊，花姐喺一個團隊。」他又稱《IT狗》劇本夠創新，「香港開埠以嚟，冇人咁寫嘢囉！寫嗰個真係叻。」並稱讚《全民造星IV》是近年久違貼近香港民情的綜藝節目。

文章及圖片轉載自《香港01》，小編執過啲錯誤資訊

ViuTV內節目寸TVB封城 Shirley Sham：我諗我真係要返屋企
https://bit.ly/3J9a444

TVB 計劃推行「閉環式」管理，要求演藝員留宿電視城3周工作，引起熱議。ViuTV節目《今日疫情》亦不點名提到此事，主持沈殷怡（Shirley Sham）認為安排「唔OK」，笑言「我上有父母，下有細佬，仲有貓貓狗狗、雀要照顧，我諗我真係要返屋企」。

另一主持虞逸峯則自稱「熱愛工作」，如可以帶同自己的寵物狗一同入鏡計Show，「其實都ok」。

Shirley隨即秒回，說可以參考自己與余逸思（Yoshi）拍攝的《貼身36》，「我哋一齊『捆綁360』好無」。

#TVB #ViuTV #沈殷怡 #ShirleySham #貼身36 #今日疫情 #封城 #閉環式管理

▌今期 #TVB 唔玩豆瓣醬，改為1on1，搵 #J2 同 #ViuTV 鬥收視！

▌喺最新一份收視報告，TVB特登加上備註，表示喺上禮拜日(15日)嘅1900-2300時段，J2「#跨平台直播收視」為2.6點，超越咗ViuTV同時段嘅2.5點，但TVB點會知道ViuTV嘅跨平台收視數據呢？唔通呢個係「#電視直播收視」？真係好公平呀，大家隻揪，不過我哋三個收視數據（電視、電話、電腦）揪你一個！

圖為J2創意總監 #C君（#鄭詩君），圖片取自東星娛樂

《安信兄弟 = 國務院兄弟🇨🇳》

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【安信兄弟／WeWa卡】
https://www.facebook.com/primecredit.hk
https://pili.app/pg/LsWHUz

▌#安信兄弟 係 #ViuTV 長駐廣告商，近期重返TVB廣告時段。其實，由中国国務院🇨🇳 管理嘅中国旅行社🇨🇳 喺2015年已經成為安信大股東，2021年更已收購全部股份。

▌我哋成日都話，喺ViuTV落廣告或者搵ViuTV藝人賣廣告唔代表佢係黃，第一ViuTV唔係黃，第二藍店都識搵黃藝人賣廣告，唔係因為立場，只係市場需要，返到條數。

#TVB廣告商2022 #藍店

———————————————
【‼#TVB 廣告商名單‼】
https://bit.ly/TVBAdData 👈🏻

今晚嘅任務係幫我Share多次呢個Post！
https://t.me/ElderlyChannelHK/2693

#東張西望 #TVB廣告商2022 #紅店