《TVB量子產品廣告商 - PicoLabb💙》

https://www.facebook.com/PicoLabbShop
http://pili.app/fb/SPfxFMSv

📣［派嬲／Like］表達喜惡😡👍🏻
📣［留言］闡述所想💬🛍️

▌最近有隻叫 #PicoLabb 嘅保健美容產品贊助咗 #無綫新聞台 節目，佢聲稱用咗獨家嘅「皮米量子技術」，可以促進新陳代謝、增強免疫力、緩解痛症，最勁嘅係可以激發「自癒」潛能！🫣 我哋成日聽納米技術已經覺得好勁，呢隻仲勁1,000倍，因為皮米只係納米千分之一，啲人成日話香港創科唔掂，其實勁過美國太空總署🙇🏻‍♂️🙇🏻‍♀️

▌至於實際係點做到呢，佢就提到係「以獨家PVA『皮米技術』釋放紅色LED光為載體，能照射身體各部」、「瞬間穿透肌膚直達微循環組織，有效舒緩不同痛症」，皮米係1/1000納米，而紅光波長則約為620–750納米，兩樣嘢風馬牛不相及，如果PicoLabb可以將可見光波長壓縮幾十萬倍至皮米，咁我見到嘅紅光又係咩嚟？

我就當佢嗰啲真係皮米級嘅電滋波，但喺電磁波譜入面，波長去到1納米以下嘅就得X光同伽馬射線，佢哋穿透力強、攜載能量高，所以對生物危害好大☠️ 多數用於殺菌用途、放射治療，但PicoLabb呢隻皮米技術可以將「皮米能量」打入人體，無害之餘仲可以強身健體，老闆唔單止謙虛唔攞諾貝爾獎，咁先進嘅量子科技嘢都係賣3、4,000蚊，直頭係不求賺錢，只求大家健健康康，打個和🤣

▌最後想提醒大家，中國消費者協會🇨🇳 喺2021年出過篇文表示，「由於量子技術對試驗環境要求十分苛刻，所需經濟成本也比較高昂，還難以普遍應用於民用領域，當前所有打著“量子+日用品”旗號的，一般都是炒作概念、招搖撞騙。」

#TVB廣告商2023 #藍店 #世界觀 #鄭丹瑞 #偽科學

———————————————
【‼#TVB 廣告商名單‼】
https://bit.ly/TVBAdsData 👈🏻