▌TVB報導烏克蘭戰爭都要特登提及反送中？

#無綫新聞 嘅《#世界觀》首先引述普京說話，指俄羅斯軍事行動其中一個目的係將烏克蘭「去納粹化」，跟住就提及烏軍有支 #亞速營 被指有極右色彩，之後唔知點解無啦啦要引述《#中國日報》，指亞速營前成員曾經出現喺2019年香港反修例運動影相。

有幾個亞速營前成員喺反送中影過相呢件事，對於烏克蘭戰爭議題係咪咁重要呢？定還是想引導觀眾聯想「烏克蘭有份搞亂香港」，所以唔抵幫？

註：亞速營原本係民兵，之後被烏克蘭收編為國民警衛隊，於2017年編制約為2,500人，但烏克蘭正規軍連埋民兵應該都有2-30萬人。

▌感謝 Facebook App，以後 #TVB（AKA #老人台）犯法、威脅公眾安全、教壞細路我哋都唔可以報，否則隨時再被告侵權同殺Page，例子如下：

【TVB新聞偏頗】
#無綫新聞部 報導手法一直為人咎病，喺最近嘅烏克蘭保衛戰中亦被指側重引用俄羅斯官方論述，強調烏克蘭部份軍人（#亞速營）有支持新納粹傾向，但卻對俄羅斯軍人用納粹印章視而不見。

【TVB網購疑似賣劣質KF94】
TVB喺廣告時段及《東張西望》落力宣傳旗下 #士多、#鄰住買 出售嘅「ProClean x PassOver KF94」口罩，但卻被「#救世」及「#香港口罩及防疫設備協會」揭發過濾率極低，不適合作防疫用途，有網民更諷刺相關KF94口罩只係「#KF17」。

【防疫節目對人噴次氯酸水】
防疫教育節目《#學是疫學非》主持竟然示範用消毒槍對人及自己噴射次氯酸水，消委會曾經警告，「在任何情況下，都不建議向人體噴灑消毒劑」、「如果向人噴灑含氯或其他有毒化學物質的消毒劑有機會刺激眼睛和皮膚，經過呼吸吸入或可能引致支氣管痙攣，以及作嘔或嘔吐等腸胃道影響」。本團隊評批TVB節目教壞細路，但事後被TVB舉報「侵犯版權」。

【資訊節目錯讀防疫措施】
《#東張西望》之前睇錯法例，喺未實施「入商場要嘟安心出行」呢個措施之前，已經叫人嘟安心出行，事後香港警務處有發澄清聲明。