▌男子組合 #農夫 (#FAMA) 日前喺Instagram宣佈明年三月將會舉行二十週年新歌發佈會，雖然有唔少粉絲表示支持，但更多嘅留言係對農夫留喺TVB表達失望，直言「你地嘅歌有一半今日唱出黎都顯得特別諷刺」、「好多歌你哋好意思唱我哋都唔好意思聽啦」，有人亦直接用佢哋昔日寫嘅歌詞嚟表達唏噓，例如「你冇做到個壞人 但係做咗你細個最唔想成爲嘅嗰種大人」、「無論政局 幾動盪 你會選擇退縮」、「飄忽的政治 消失的偶像」。

▌不過，亦有討論區網民認為農夫留喺TVB只係向TVB報恩，有人亦謂農夫喺2020年發行《乜代宗師》主題曲《上善若水》時，已反映佢哋初心未變。

▌農夫約於2014年加入TVB，目前兩人均為TVB基本藝人，曾為TVB拍攝多套綜藝節目及劇集。近日，#鄭詩君 (#C君)被委任為J2創意總監，而 #陸永 亦喺劇集《智能愛人》中出任男主角。

▌《返老還童》歌詞節錄

//幾時先發現自己開始成熟
就係你發現接受到老細嘅凌辱
無論政局 幾動盪 你會選擇退縮
其餘乜都唔驚 你淨係最驚稅局//

//幾時先發現自己做咗大人
就係做錯啲乜嘢事你第一時間賴人
你冇做到個壞人 但係做咗你細個最唔想成爲嘅嗰種大人//

▌今期 #TVB 唔玩豆瓣醬，改為1on1，搵 #J2 同 #ViuTV 鬥收視！

▌喺最新一份收視報告，TVB特登加上備註，表示喺上禮拜日(15日)嘅1900-2300時段，J2「#跨平台直播收視」為2.6點，超越咗ViuTV同時段嘅2.5點，但TVB點會知道ViuTV嘅跨平台收視數據呢？唔通呢個係「#電視直播收視」？真係好公平呀，大家隻揪，不過我哋三個收視數據（電視、電話、電腦）揪你一個！

圖為J2創意總監 #C君（#鄭詩君），圖片取自東星娛樂

《J2革新？太興率先贊助節目》

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【太興】
https://www.facebook.com/TaiHingHK
https://pili.app/pg/uBTWbnO9

▌上年曾志偉委任 #C君（#鄭詩君）為J2創意總監，試圖改革「跑馬台」嘅形象，最近終於稍有眉目，推出連串新節目，重用新晉藝人，內容未睇就唔評論住，不過我哋就留意到 #太興 似乎對改革好有信心，率先贊助部份節目👀

▌太興喺無綫曝光率雖然不如大家樂，但想推廣項目嘅時候絕對唔會慳，今次佢哋贊助嘅節目係由 #郭偉亮，同埋 #鄭子誠、#陸永 主持，可能係因為太興同郭、鄭都有合作過，做生不如做熟。

▌雖然太興屬於藍營，但喺對待勞工階層方便就稍為遜色，佢老闆 #陳永安 係「廿蚊張」 #張宇人 嘅支持者，而廿蚊張嘅勞工政策主張向來係以刻薄聞名，唔知大家睇完仲會唔會撐太興呢？廿蚊張主張包括：

1️⃣ 以前反對最低工資立法，而家長期反對提高最低工資水平；
2️⃣ 反對增加勞工假，並聲稱老闆都要返足7日；
3️⃣ 反對侍產假，聲稱「一日都唔應該有」；
4️⃣ 主張全港課室安裝CCTV，聲稱「跟足教怕咩人睇」，但係自己開會嗰陣又瞓覺同玩接龍；
5️⃣ 反對取消餐飲「落場」制度，唔認同廚師瞓「後巷」無尊嚴。

#TVB廣告商2022 #藍店
#茶木 #敏華冰廳 #錦麗 #瓊芳冰廳 #餃子駅 #宮崎日式燒肉

———————————————
【‼#TVB 廣告商名單‼】
https://bit.ly/TVBAdData 👈🏻