▌#TVB 搞盆菜宴都要乘機向員工sell嘢、幫廣告商散貨，唔通個camera影住問你「你哋唔會唔幫襯吓我哋㗎嘛」、「我覺得你點都要幫襯吓呢個咁幸運嘅公仔」，你真係say no咩。曾自詡「靠把口搵食」嘅 #陳敏之 後來亦喺節目承認「當然喇，我哋係有少少強迫嘅有時」，不過在旁嘅 #黃美棋 就打圓場話「都係想將好嘅產品介紹畀大家」。（圖為節目《識貨2》）

▌今次已經唔係第一次，喺上一輯《識貨》入面，有個環節係藝人打畀朋友、伴侶推銷產品，#黎諾懿 更向老婆直言「我愛你，計你買100盒」，被網民批評為「明屈嘅，有咩好睇」、「只係打友情牌都唔係SELL件野」。

▌《#識貨2》贊助商包括：
#鄰住買、#髮再生、#屈臣氏寵物藥妝、#健絡通、#張公館、#維特健靈、#泰椰風、#怡寶

今晚1800出任👻

▌最近《鐵拳英雄》嘅劇情入面，講述上世紀60年代，有個美國軍官喺泰國唐仁街勾結黑幫，喺街頭作惡，郁啲就打人抆槍，甚至走私軍火、姦殺婦女，不過唔知點解，其他角色談及呢個軍官嘅國籍時候，就用M國嚟形容，做法非常突兀，既要煽動民族情緒，點解又要自我審查？同埋喺嗰段歷史時期，美軍都係駐紮空軍為主，係咪真係有美國陸軍軍官周街走呢？

▌呢一套《鐵拳英雄》原名《唐人街》，喺2019年已經拍好咗，但係就多次延期播映，無綫嘅官方理由係要配合全球同步播放，而劇中演員張國強就表示，劇本部份字眼要修改，並且重新配音，頭先提及嘅M國、唐仁街，相信就係更改部份，此外，喺某啲畫面，軍官制服嘅US ARMY字樣亦顯得模糊，可能亦經過處理，相信呢啲改動都係為咗滿足中國當局嘅要求，但手法是高是低就見仁見智。

▌喺中國，雖然仇美氣氛熾熱，但係如果虛構劇本牽涉到軍事或外交內容，有關部門嘅審查就會特別嚴謹，即使係《戰狼》電影系列，吳京都只係可以打「前」美國特種部隊、美國「籍」僱傭兵，好少扯正規軍落水，TVB為咗將《鐵拳英雄》推上中國播放，自然要「有所取捨」，將萬惡嘅美國軍官改成「M國軍官」，呢點都可以理解，不過我係估唔到，喺香港播嘅版本同中國版本一樣係閹割版，呢啲因為自我審查而出現嘅字眼，以前我以為只會出現喺中国民間字幕組、小說或者討論區當中，點知今日，翡翠台亦淪落至此。

▌後記：有網民補充，其實同樣情況喺2020年劇集《飛虎之雷霆極戰》中國放映版本都有出現，當時嘅英國、美國、俄羅斯、日本等國家分別被「修正」為茨國、美利國、法利群島、笠邦等，但翡翠台播放版本則未被修正。

▌補充資料：《鐵拳英雄》由 #馬百良藥廠、#太和洞藥廠 贊助

▌之前講過，#TVB 係無幫聲夢女團AfterClass開IG嘅，不過IG就偏偏有個叫「AfterClass™️」嘅樂隊帳戶呃到唔少人，佢個id唔係叫afterclass "official"，而係少咗個Ｉ嘅"offical"，欺騙手段同啲假冒銀行網頁十分相似。

▌之後唔知係俾多間傳媒報導事件，怕影衰聲夢，定係驚俾小器嘅TVB追究侵犯版權，呢個offical連番改名，先後改名為「afterclass__official」、「afterclassofficial.fp」，同埋而家嘅「afterclass.we.love」，帳戶類別亦都改返做「粉絲專頁」。不過好可惜柒者已柒，相信大部份人嘅印象都只會停留喺「AfterClass個IG得幾千人Follow」上面，你嘅偶像真係多得你唔少🙏🏻🙏🏻

▌喺上一篇文我哋提到，#TVB 自我審查過《#鐵拳英雄》劇本，將戲內欺負泰國華僑嘅美國軍官，改為M國軍官，今次我哋唔討論政治問題，因為我哋發現無綫劇組連道具同歷史都係設定得 #是是但但。

▌劇集入面總共出現過兩名美國軍人，由德國演員 #易宇航 飾演嘅George Millen係美國綠扁帽軍官，佢仲有個無名跟班，不過根據其領章顯示，易宇航嘅職級係上尉(兩間)，跟班就反而係上校(鷹)，即係上校跟上尉出街搵食？唔係唔得，奇怪啲啫。

▌喺1960年，一個陸軍上校同上尉喺泰國蝦蝦霸霸係咩概念？我哋嘗試用有限嘅歷史知識去求證，當時美軍仍然未正式進駐泰國(1964年)，相信喺泰國只有美軍顧問團(JUSMAGTHAI)有美國陸軍嘅存在，而領導呢支顧問團嘅軍階大約係准將/上校級，換言之，當時駐泰嘅美國高級軍官唔係關注緊越南戰爭，亦唔係訓練緊泰國軍隊，而係無所事事走出街調戲婦女，或者走去同 #陳展鵬 打交，WOW，TVB又一次顛覆咗我嘅歷史觀，不過喺過往嘅TVB劇集，二戰都竟然可以出現聯合國同《日內瓦公約》，我又點能夠奢望佢寫到正確歷史。

▌補充資料：《鐵拳英雄》由 #馬百良藥廠、#太和洞藥廠 贊助

圖為《鐵拳英雄》中，萬惡嘅美國軍官被正義嘅陳展鵬打敗，可以將幅牆打爛得咁完整，功力真係非同小可

#馬百良、#太和洞 贊助𝙏𝙑𝘽抗美神劇《鐵拳英雄》，間接為引導香港輿情、建設思想輿論陣地作出重大貢獻，實在值得被稱為愛国藍店💙🇨🇳 有14億500萬人作為經濟後盾， 貴公司定必生意興隆！😡

《膠劇鐵拳英雄贊助商 - 太和洞、馬百良💙》15 Jan

1.派嬲、派Like自己揀😡👍🏻
2.留言話畀商家聽你會否幫襯💬🛍️

1️⃣【太和洞藥廠】
https://www.facebook.com/taiwotung
https://pili.app/pg/7hlqAhah6

2️⃣【馬百良】
https://www.facebook.com/mplnhfoods
https://pili.app/pg/VTtJdcC1

▌《鐵拳英雄》係TVB一套講述1960年代泰國，包括喜劇、武打、膠、反美、是是但但元素嘅劇集，由 #馬百良(冠名)、#太和洞 贊助，呢兩間藥廠向來都有同TVB合作，前者係TVB金主，後者搵咗藝人楊卓娜代言。

▌點解會話呢套劇咁膠，我暫時係數之不盡嘅。編劇為咗塑造 #陳展鵬 嘅英雄形象，特登整咗個美軍軍官奸角俾佢打敗，不過就唔知點解嗰陣泰國會有個美軍周街走，唔知點解軍服道具係錯嘅，唔知點解其他人話佢來自M國，唔知點解要Blur咗U.S. ARMY字樣，唔知點解Blur一幕又唔Blur另一幕。

▌劇集大體設定亦非常奇怪，唔知點解入面嘅唐人街變咗唐仁街，唔知點解唐仁街嘅唐人用馬拉話「馬打」嚟嗌泰國警察，唔知點解班唐人長期被泰國黑警欺壓，但見到黑警俾人打又會話「警察都打，仲有王法嘅？」暫時數住咁多先，不過我都未必會繼續睇落去，希望大家都可以用有限人生做有意義嘅事。
———————————————————
【‼#TVB 廣告商名單‼】
https://bit.ly/TVBAdData 👈🏻

▌尋日，有個名為「AfterClass Vlog」嘅Youtube頻道上載咗條《五年前 Yumi 鍾柔美 為香港警察打氣的合唱歌 ! 》嘅MV，入面見到TVB藝人 #張彥博 拍住年僅10歲嘅 #鍾柔美，同埋 #小羞羞女團 喺八鄉少年警訊中心唱歌、模擬鑑證同射槍，之後仲播出連串學警受訓片段，包括步操、體能訓練同防暴訓練等。該段MV引起網民嘩然，目前正於網路上廣傳。

▌翻查資料，呢首歌叫做《少年行者》，係少年警訊嘅主題曲，大約於2017年拍攝，從歌詞「願某天跟你，成為領袖」、「滅惡的好友，從無退後」睇得出，呢首歌係鼓勵年輕人參加少年警訊、投考警察同埋讚頌警察。

▌雖說 #聲夢傳奇 嘅鍾柔美真係拍過幫警察打氣嘅MV，但重新上傳呢段片嘅「粉絲」用心亦係有啲險惡，聲夢粉絲向來高舉「唔好咩都政治化」、「人哋只係細路女」嘅大旗，但佢就偏偏反其道而行，將鍾柔美，甚至成個 #放學女團 強行拖入政治漩渦，原MV明明講少年警訊，佢就故意剪接警察訓練學院片段入去，明顯「靠害」，聲夢有啲咁嘅Fans，前途堪虞。

▌小編就認為，雖然2017年已經發生咗雨傘運動、旺角騷亂，但10歲𡃁妹確實未必有能力理解事件，就算佢真係有拍撐警MV，都係佢父母嘅決定。不過如果講到加入 #TVB 呢件事呢，14歲女應該識諗嘢，兜唔到。

#Staccato 贊助聲夢學員 #鍾柔美、#潘靜文，間接為引導香港輿情、建設思想輿論陣地作出重大貢獻，實在值得被稱為愛国企業💙🇨🇳 有14億500萬人作為經濟後盾， 貴公司定必生意興隆！小黃人，請你們滾回去光顧那些外國勢力，愛国經濟圈不需要賺你們的錢！😡

#TVB 你可唔可以唔好再間硬捧 #謝嘉怡？戲屎之餘咬字唔清，拍《愛回家》都算因為都未必成日見，但你仲要搵佢拍虎年廣告套餐廣告，係咁LOOP係咁LOOP係咁LOOP「刀智系四萬零蚊JARRRRR」，作為觀眾我真係覺得好受罪😢

P.S.1 #陳楨怡 我知你唔係咁鍾意佢，不過我唔係幫緊你講說話
P.S.2 謝嘉怡係2020年 #TVB小姐 冠軍暨 #東莞小姐，陳楨怡係亞軍，聽講亞軍小姐好唔妥冠軍小姐有劇拍

黃到發金花農係隔離post俾人屈藍恥笑
https://lih.kg/2848971
- 分享自 LIHKG 討論區

#FoodVille 的母公司 #優品360 贊助𝕋𝕍𝔹，間接為引導香港輿情、建設思想輿論陣地作出重大貢獻，實在值得被稱為愛国藍店💙🇨🇳 有14億500萬人作為經濟後盾， 貴公司定必生意興隆，更有望在大灣區打出一片天！小黃人，請你們滾回去光顧759阿信屋、阿布泰、Donki、AEON、大生生活超市、日本城，藍圈不需要賺你們的錢！😡

#LALAMOVE 贊助𝕋𝕍𝔹，間接為引導香港輿情、建設思想輿論陣地作出重大貢獻，已被 #和你Pay (#Wolipay)認可為藍店💙🇨🇳 有14億500萬人作為經濟後盾， 貴公司定必生意興隆！小黃人，請你們滾回去光顧CALL4VAN、巴絲GO，藍圈不需要賺你們的錢！😡

【每周介紹 #TVB 廣告商💙】

1.派嬲、派Like自己揀😡👍🏻
2.留言話畀商家聽你會否幫襯💬🛍️

1️⃣【 #FoodVille 】
▌#優品360 嘅超市版，喺將軍澳康城以及青衣城2期設有分店，360老闆係福建社團聯會永遠名譽主 席，每年都會落廣告支持TVB，競爭對手包括759阿信屋、阿布泰、Donki、AEON、大生生活超市、日本城等💚

https://www.facebook.com/FoodVilleHK
https://pili.app/pg/U7xJBJIC

2️⃣【 #LALAMOVE 】
▌Call車公司，近年多次獲阿里巴巴等中資注資，為咗爭奪市場佔有率，好積極喺TVB同ViuTV落廣告。競爭對手係CALL4VAN、巴絲GO💛

https://www.facebook.com/LalamoveHK
https://pili.app/pg/12TVVW5LD
———————————————————
【‼#TVB 廣告商名單‼】
https://bit.ly/TVBAdData 👈🏻

有人話「信芯園」冠名贊助咗TVB劇集《愛上我的衰神》，對唔住我哋只係見到象牙世家有份贊助，你係咪想講「鳴謝」？

年宵花市連續兩年煞停 花農：「去年已無晒棺材本，諗住可以重生，點知最後都係幻滅」
- 分享自 LIHKG 討論區
https://lih.kg/vHwtxgX

《HKBN用戶被「免費」myTV SUPER追債？》

▌有網民向我哋求助，表示最近收到追數公司電話，向佢追索拖欠 #myTVSUPER (#TVB 旗下，下稱myTV) 約400蚊嘅債務，由於個myTV係綑綁住 #香港寬頻 一齊送嘅，而網民亦一直都無用過myTV服務，連線都無插過，所以感到一頭霧水，於是向香港寬頻、myTV查詢，惟前者表示唔關佢事，叫佢搵返myTV。myTV則回覆該名網民，表示正正係因為網民無用過myTV服務，所以先要收回成本，如果想豁免費用，就要駁返部機睇一次節目。

▌我哋團隊唔係記者，好難判斷呢單新聞材料是否屬實，但過去我哋確實收過唔少留言同私訊，指自己無啦啦俾myTV SUPER收錢，如果你都有類似經歷，可以喺下面留言或者私訊我哋講吓。至於以上呢個個案，如果屬實，我哋推斷myTV可能係要整靚active users條數畀廣告商睇，以游說佢哋落廣告。如果myTV員工睇緊呢篇文，希望你哋可以回應吓，釐清公眾疑慮。

▌其實過去我哋都投訴過香港寬頻強行將myTV SUPER綑綁喺寬頻計劃入面係擾民，有啲顧客唔想要，但香港寬頻又間硬塞舊嘢畀人，整爛整唔見又要賠錢，完全係無妄之災。所以各位如果唔想搞咁多嘢嘅話，都係轉用第間寬頻公司喇。

見到有電腦雜誌share我哋貼文，並加以補充資訊：

//據熟悉電訊行業的知情人士表示，HKBN 和 myTV SUPER 的合作，其中包括 HKBN 會在月費裡面撥出一部分給 TVB 作分成，但如果 myTV SUPER 機頂盒未有被使用，HKBN 就無數可對，TVB 既然不能向 HKBN 收錢就唯有向寬頻客戶追討。//

https://www.pcmarket.com.hk/mytv-super-has-not-been-used-and-customers-are-innocent-of-being-charged-for-the-service/

▌我哋轉載完 HKBN 香港寬頻 苦主個案之後，大家都一呼百應講述自己被myTV SUPER收費同整蠱嘅經歷，大致上都係話唔想要myTV SUPER，但係免費服務期內唔可以Cut，之後無啦啦就俾myTV SUPER收費。

▌為免麻煩，大家應該揀返有信譽嘅寬頻公司，如果你不幸仲用緊HKBN，記得定期check帳單睇吓有無俾人收多錢，如果你真係無得揀，記得千祈千祈千祈唔好要所謂嘅免費myTV SUPER服務！

▌案例1️⃣
案主係香港寬頻用戶，雖然拎咗myTV SUPER解碼器，但無駁線無裝app，有一日收到財務公司電話指佢爭緊myTV SUPER 400蚊，佢打上香港寬頻，香港寬頻話唔關佢事，於是佢轉向myTV SUPER查詢，對方話無使用過服務所以要收返費用，如果想豁免費用，可以插線睇一次節目。

▌案例2️⃣
案主係香港寬頻用戶，獲贈myTV SUPER解碼器及應用程式，但無駁線無裝app，有次check單發現帳單多咗項收費，名為「myTV SUPER (流動應用程式) 合約期後之服務月費」，原來佢個免費myTV SUPER app服務過咗期，要收返「折扣價」10蚊月費。案主表示，之前已經表明過話要取消myTV SUPER服務，但對方稱要到期先可以取消。

▌案例3️⃣
案主原本係香港寬頻用戶，同樣被綑綁住「免費」myTV SUPER服務，不過，喺佢取消香港寬頻服務後，myTV SUPER並無一齊取消，佢大半年後先發現myTV SUPER經銀行自動轉帳收緊佢12蚊月費。

▌其他案例
特登唔拎myTV SUPER解碼器，長期收到電話問佢幾時拎 ，直到有次call維修，個師傅帶埋個盒上嚟；
myTV SUPER瘋狂打嚟sell myTV GOLD；待續…