《無綫欺凌事件簿 - 封殺HKTV藝人唐寧？》

▌自居大台嘅無綫近日熱衷於談及被「欺凌」、要「公平競爭」，令我哋都忍唔住想翻吓佢哋舊帳，睇吓佢哋自古而來到底有幾霸道，欺壓藝人同其他電視台。

▌2013年，正在申請免費電視牌照嘅香港電視(HKTV)，喺娛樂圈搜羅到唔少人材，而佢哋擺喺Youtube嘅《警界線》劇集節錄亦深受網民歡迎，因而被視為無綫勁敵。然而喺一男子因素下，HKTV不獲發牌，TVB隨即借《東張西望》時段，搵埋一班藝人拍片向HKTV藝人招手，留低藝員科電話呼籲佢哋「返屋企」，令唔少網民直斥嘔心。

▌TVB表面上寬大為懷，但私底下仍然封殺咗部份藝人。根據2013年11月29日《蘋果日報》報導，當時有一個由方力申、鄧麗欣、唐寧拍攝，由國際培幼會贊助嘅TVB節目準備播出，但唐寧嘅部份會被Cut走，因為佢係HKTV藝人。呢個消息係由HKTV員工喺微博爆料，而唐寧只係簡單地回應：「希望大家都支持國際培幼會。」

▌其實，TVB任意封殺藝人已經係人所共知嘅事，例如每逢有無綫藝人簽去其他公司，你都會見記者問佢驚唔驚俾無綫封殺。無綫長年以呢種「魚蛋心態」待人，以維持自己嘅「大台優勢」，難道又唔係欺凌？

▌補充資料1：#唐寧 之後再無出現過喺TVB節目或劇集，但就有拍電影同參與吓ViuTV節目。

▌補充資料2：#國際培幼會 目前係TVB新聞台廣告商。

——————————
來源：https://collection.news/appledaily/articles/R3SUHS3RE7K2BF7DSLOBH4BGFI