خطبة اليوم

ليه غالبا بعتذر عن حضور الأفراح؟

الصيف داخل والأفراح والخطوبات كتير ما شاء الله.
رأيي هنا أنا فاهم ممكن يزعل ناس.
ربنا يعلم أنا ليه بقول كدة.
واعذرني حسيت إني لازم أعمل كدة، عشان ممكن مقدرش أوضح وجهة نظري ليك بشكل خاص.
ولكن لعل وعسي إن يتغير حاجة لو انت ركزت في كل نقطة من دول وبحثت فيهم بتمعن.

وقبل ما أقول ليه أحب اقولك إني أنا مش بقدر أروح أفراح كتير وحتي لو رحت بروح أمضي فعليا وغالبا مش هسلم عليك وأنا ماشي عشان متزعلش إني مشيت بالسرعة دي وأنا مش عايز أزعلك في يوم زي ده.
وحابب أذكر الأسباب دي عشان لو مجيتش تعذرني أو لو عشان اتغيرت أجيلك من عنيا لو أقدر.

١. أنا ميرضينيش لا للعريس ولا الأهل ولا ليا إني أشوف زوجة حد بترقص.
اللي مرضاهوش لنفسي مرضاهوش لغيري.
وبيصعب عليا جدا إن سواء الرجل ولا البنت ولا الأهل ممكن يندموا علي قرار زي ده بعدين.
مش هقولك غير آية بسيطة جدا واحدة بس.

"ولا يضربن بأرجلهن ليعلم ما يخفين من زينتهن" صدق الله العظيم.
تمعن في معني الآية بس وهتفهم قصدي.
ده هنا بنتكلم عن حاجة زي الخلخال بس.
فما بالك باللي بنشوفه دلوقتي.
المروءة والرجولة والمسؤولية تحتم عليك تفكر كتير في الموضوع ده وتسأل فيه.

٢.الإنسان المفروض بيختار يعف نفسه ويبدأ حياة جديدة، ببقي زعلان لك إن البداية كدة والله.
ببقي نفسي تكون بداية في طاعة الله.
زعلان لك ليه عشان تهمني.
ما انت أكيد عازمني عشان فيه ما بيننا نوع من أنواع الود، فمن واجب المحبة اللي ما بيننا أتضايق لو حاجة فيها ضرر ليك.

٣. كمية العري اللي بقت موجودة بقت صعبة وبترعب الواحد وبقيت المنافسة مين هيقلع أكتر ويرقص أكتر ومين فستانه أحلي.
هتقولي لو مش عجبك متبصش ومش هتاخد الذنوب.
ما عندك حق فعلا عشان كدة بحاول مروحش الأفراح.
احنا أضعف من إن نسيب نفسنا في أماكن للفتنة أو إن نفتح أبواب للشيطان يدخلنا منها.

وابحث أكتر في الموضوع كبنت أو كأب أو كأم أو أخ، ده حتي الأميرات في الغرب بتلاقيهم لابسين محتشم في أفراحهم لإن ده من الوقار ومن الإحترام ليهم والتعزيز من قيمتهم قبل ما يكون للغير.

"يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا "
صدق الله العظيم.

ده الأمر هنا بعدم الخضوع من القول بس.
فما بالك بالرقص.
سبحان الله له حكمة في كل شئ.

٤. رقص الرجالة...منظر بيضايقني جدا لما واحد يكون بيترقص الرقص اللي بقي الواحد بيشوفه.
وأوقات يكون رقص صعب علي بنات كتير إنها ترقصه أصلا.
بزعل إن ليه نعمل كدة في نفسنا.
مش ليلة العمر ولا حاجة ولا دي الفرحة.
عمرنا ما سمعنا عن إن ده إحتفال للرجال وقت الصحابة.
ولا إن دي صفات من صفات الرجولة اللي فعلا تبقي معروف بيها.
واه والله حتي سمعتك وسيرتك ممكن تتشكل من حاجة زي كدة.
فبيصعب عليا المنظر والله عشان اللي بيرقص.

٥. بخاف بصراحة.
بخاف إن ينتهي عمرنا في أماكن دلوقتي في بعض الأفراح شرب و عري و ما شابه.
احنا ذنوبنا كفاية والله العظيم.
مش ناقصة ذنوب علي ذنوبنا وبندعي بحسن الخاتمة.
فلا بلاش الخاتمة تكون هنا.
ربنا يسترها علينا يارب ويرزقنا حسن الخاتمة.

٦. الصوت بقي، ده لو الأغاني كانت حلال ومش حرام، أنا بصراحة مش فاهم ليه أبقي قاعد في كمية الإزعاج دي ولا حد سامعني ولا أنا سامعه.
حاجة مش مفهومة بالنسبة لي وبتزعجني أنا آسف.

٧. احترام وقتك ووقت الناس.
جرت العادات والتقاليد إن لا اصحاب الفرح ولا المدعويين واثقين في بعض.
فالأول بيقول ميعاد بدري جدا عشان مش واثق إن الناس هتيجي قي الميعاد. والتاني مش واثق في الميعاد البدري أوي فبيأخر نفسه أوي.
فينتهي الحال علي إن اللي ييجي في ميعاده يقعد بالساعات ولسة محدش وصل غالبا

٤. مش ببقي مبسوط كمان ليك وأنا عارف إنك بتقسط ولا مستلف تمن الفرح عشان تصرف علي الفرح مبالغ رهيبة في حاجة لا ترضي ربنا سبحانه وتعالي بالمنظر ده وبتبدأ حياتك كدة.
وبتصرف كل المبالغ دي في ساعتين زمن حتي لو في الحلال وانت دي مش مقدرتك.
هنتسأل عن كل جنيه اتصرف في ايه وليه.
والله سامحني ببقي لو انت حبيبي وأنا عارف ظروفك ببقي متضايق ليك من خوفي عليك.

" ومن قدر عليه رزقه فلينفق مما آتاه الله" صدق الله العظيم.

كل دول بعض الأسباب اللي بتخليني ممكن مجيش الفرح.
الشعور المسيطر الحمدلله بيبقي الخنقة.
مخنوق ليك قبل ما يكون ليا.
مخنوق ليك إني عارف إن التقاليد والعادات مسيطرة.
التقاليد والعادات خلت ما يغضب ربنا سبحانه وتعالي بقي منطقي وبقي الرد " أمال عايزنا نعمل ايه يعني"

العادات والتقاليد خلت الرقص عادي...الشرب عادي..الإسراف عادي...اللبس عادي.

نصيحة ليك:

١.ابدأ حياتك بما يرضي رب العباد وربنا هيبارك والله.
٢.اعزم اللي يهمك تفرح معاهم، وافرح معاهم صح.
٣. زوجتك أغلي من إنك تفرج الناس عليها.
٤. انفق مما آتاك الله ومتحملش نفسك فوق طاقتك.
٥. وفر فلوس واطلع عمرة أو حج انت وزوجتك، علي حسب استطاعتك.
٦. اطعم فقراء ومساكين.
٧. اطمن والله ينفع يبقي فرح من غير رقص.

ربنا يكرمكم ويباركلكم ويجعل بينكم مودة ورحمة.
ربنا يرزقكم الذرية الصالحة.

المودة والرحمة ما بينكم هي الفرح الحقيقي مش الفرح نفسه.
المودة والرحمة هي اللي ان شاء الله تدوم مش الفرح نفسه. ❤️
شهاب شريف

وفرزُ النّفوس كفرزِ الصّخور
ففيها النّفيس وفيها الحجر

وبعضُ الأنام كبعض الشّجر
جميلُ القوامِ شحيحُ الثّمر

وبعضُ الوعودِ كبعض الغُيُوم
قويّ الرعودِ شحيحُ المطر

وكمْ من كفيفٍ بصيرِ الفؤاد
وكم من فؤادٍ كفيفِ البصر

قال ابن كثير
ولهذا قال بعض العلماء
( من خصائص سورة[ يس]
أنها لاتُقرأُ عند أمرٍ عسير إلا يسره الله تعالى وكأن قراءتها عند الميت لتنزل الرحمة والبركة وليسهل عليه خروج الروح والله تعالى أعلم )

ليه الناس تصحى ٤ الفجر علشان تشوف ماتش...وليه (لاعب) كرة يبقى ذا أهمية فى المجتمع أكثر من طبيب أو مهندس أو معلم أو عامل نظافة؟
فى عدة أسباب هحاول أشرحها ببساطة

- الإنسان بطبيعته كائن لا يريد بذل الجهد، يميل للراحة والسكون، لا يحب الأشياء المعقدة، يقترب من الأمور سهلة الفهم والاستيعاب وينفر من الأشياء التى تحتاج جهد فى التفكير.
يمكن ده يفسر ليه الممثلين ولاعبى الكرة والمغنين أكثر شهرة وأموال من العلماء والمبدعين الحقيقيين.
لأن مايقدمه الممثلين ولاعبى الكرة لا يحتاج إلى " تشغيل دماغ" ، فيميل الإنسان إليه لأنه سهل بسيط يبعث الترفيه.
.
وحتى ينفى الإنسان عن نفسه فكرة أنه يتابع أمور بسيطة ويفرح بها ويهتم بها ، فتجد صناع الأمور البسيطة يحاولون إستخدام ألفاظ كبيرة تصف مايفعلون ، فتجد مثلا فى الكرة يستخدمون ألفاظ مثل " المدير الفنى ، الخطة الهجومية، رأس حربة، هجمة مرتدة، مواجهة مصيرية، لقاء القمة، بطولة الأمم، كأس العالم..الخ من المصطلحات والتى تشعرك انك أمام أمر مهم حقا يخليك تصحى ٤ الفجر تشوف كام واحد بيلعب، هو فى الحقيقة لعب..اه مصروف عليه وبيجيب فلوس بس فى الاخر بيلعبوا !
.
تجد فى التمثيل يستخدمون ألفاظ " بطل، نجم ، ضيف الشرف، العبقرية فى الأداء, الممثل القدير، نمبر وان، الهضبة، كوكب الشرق...الخ وكأننا أمام أبطال فعلاً يقومون بعمل سينقذ البشرية".
.
كل هذه الخدع يتم استخدامها بقصد أو بدون قصد، حتى يقتنع الإنسان أنه يتابع أمور مهمة، وهى فى الحقيقة أمور بسيطة، ويمكن كثير منها تافهة يسهل فهمها ومجاراتها.
المستفيد الوحيد من هذه الخدع، هم أصحاب هذه الأعمال بجنى الملايين من الناس ببساطة شديدة !

- الشهرة والثروة لا تُمنح عادةً للأكثر نفعا، بل للأكثر قدرة على جذب الانتباه. فنحن نعيش في اقتصاد الانتباه لا في اقتصاد الفضيلة؛ ولذلك قد يجني لاعب أو ممثل أموالًا تفوق ما يجنيه عالم أنقذ ملايين البشر، ليس لأن الأول أهم من الثاني، بل لأن ملايين الناس يشاهدون أداءه مباشرة ويدفعون مقابله
طارق رفاعي

اللهم كما صُنْتَ وجهي عن السجود لغيرك
فَصُنْهُ عن سؤال غيرك

عجبتُ لمن يتصنع للناس بالزهد يرجو بذلك قربة من قلوبهم و ينسى أن قلوبهم بيد من يعمل له فإن رضي عمله ورآه خالصا اَلْفَتَ القلوبَ إليه وإن لم يره خالصا أعرض بها عنه
ابن الجوزي رحمه الله
صيد الخاطر

إذا أرادك الله لأمرٍ
هيّأك له

لو حد طلب منك الدعاء
مفيش أحسن من انك تقوله
ربنا يريح بالك

شمس الخميس إذا تَغيب
زد في الصلاة على الحبيب ﷺ

من عامل الله بالتقوى والطاعة في حال رخائه
عامله الله باللطف والإعانة في حال شدته

مافي الخلق مثل محمد
في الفضل والأخلاق والعرفان
لو حاول الشعراء وصف محمد
وأتوا بأسفار من الأوزان
ماذا يقول الواصفون لأحمد
بعد الذي قد جاء في القرآن

اللهمّ صَلِّ عليه ما حَيَّ الحَيَا
أرضًا وما شَهَقتْ بتَسليمٍ فَمُ

ياربّ صلِّ على النبيِّ مُحمّدٍ
ما سبَّحتْ فوقَ السّماءِ الأنجُمُ

ما احْمَرَّ خَدُّ الأُقحُوانِ على النَّدى
ما حَامَ حَولَ حِمَى حَرامِكَ مُسلمُ

تُستخدم كلمة "ما" هنا كظرفية بمعنى "بمقدار" أو "طوال".فيكون المعنى: (اللهم صلِّ على محمد صلاةً تدوم وتتجدد بعدد كل قطرة ندى تقع على زهرة الأقحوان فتجعلها تتفتح وتزهو بجمالها).

الحَيَا: يُقصد به المطر أو الغيث الذي يُحيي الأرض المجدبة.
ماحيا الحيا: المقصود بها الدعاء بدوام الصلاة عليه ﷺ بدوام إحياء المطر للأرض، ومعنى "حَيّ" هنا أي أرسل فيها الحياة.

ماحام حول حمى حرامك مسلم
يعني عدد مابعد الناس عن الخطايا والمحرمات

يقول الأب: عيالي عيالي!
وليس له من عياله إلا من علّمه فانتفع بأجره، أو أدّبه فافتخر بأدبه..
علموهم وأدبوهم.. تجدوهم
يارب رَبِّ لنا أبناءنا وبناتنا

من أجمل الأدعية
ربنا مايذلك بمرض
ولا يحوج يمينك لشمالك
وتخدم نفسك بنفسك
يااااااارب
ومن قال آمين