السلام عليكم

ادري اني مقصره معاكم هالفتره بس والله انشغلت اعذروني 🙏🏻😔😔💕

اغلبكم جدد او ماجتازو وحابين يعيدون الاختبار

الي ماجتازوا اكيد عرفو الدرس كويس وبادين مذاكره من رمضان وبدري عشان يلمون المناهج ويضمنون اجتيازهم بعد توفيق الله

والي بيقدمون ذي السنه اول مره

نصيحه لاتضيعون الفرصه عشان متكاسل تذاكر انت طول الفتره ذيك كنت ماتسوي اي مجهود شبعتوا راحه ودلع

مذاكره شهر شهرين ثلاث شهور ؟؟

مراح تخسرون شي وباذن الله تجتازون 🙏🏻👍🏻🤍🤍

الي حاب يكمل تعليمه الجامعي والي حاب يتوظف والي حاب يترقى بوظيفه احسن وش تنتظرون والله انها فرصة العمررر اسميها


***لاتتكاسلوووون*****

لاحد يخوفكم من صعوبته ويحطمكم شوفوا الناس الايجابية البعض ماذاكر الا مادتين او ثلاث واجتاز ماشاءالله

بس طبعا طبعاً يحتاج مذاكره وسعي لكن اي مادة ماتفهمينها اقولك من الان اسحبي عليها وذاكري غيرها لان بتضيعين وقتك

والي يسالون طيب انا وقفت بالابتدائي او المتوسط او ماقد درست فحياتي هل اقدر اقدم على قفز الثانوي ؟ اي الكل يقدرر يقدم على قفز الثانوي ومو شرط لازم يكمل السنه الي وقف عندها لا عادي تروحون ثانوي علطول

وبس دعواتي لكم بتوفيق دايم 🤍🤍

اسمعونيي بلغي فكرة القروب وبصير انزل هنا اساله بدون اشتراك ومجانيه


وانتم ادخلوا القناه وحلوا


وصدقوني اقسم بالله راح تحسون بفرق بالفهم والاستيعاب ويسهل عليكم المذاكره


بس دعواتكم لي 🤍💕

الحين الاهم طريقة المذاكره وايش افضل مصادر للمذاكره
كطالبة سويت الاختبار واجتزت الحمدلله بعطيكم افضل ثلاث مصادر👇🏻👇🏻👇🏻👇🏻👇🏻

١- منصة عين فيها كل الدروس وشروحات فديو واساله برضو

٢- كتاب التحصيلي حلو كا تمرين وسهل ومفهوم لكن مشكلته جامع لثلاث مراحل اول وثاني وثالث ثانوي الي عليكم قبل لاتبدون الدرس تكتبون عنوانه في قوقل وتشوفون يخص اي مرحله اذا اول ثانوي او ثاني ثانوي ذاكروه وخذو الي يخص العلمي مو الادبي

٣- التلقرام والكويزات الموجوده فيها جداا فادتني والي هي راح انزلها بقناتي باذن الله واسوي لها اعادة


وطبعا بتوفيق الله باذن الله تجتازون كثرو دعاء وحوقله والامور سهالات ❤️❤️

والي اجتازت وفي شي فادها بالله تكتبه خاص عشان احطه بقناتي والله يكتب اجرها

صباح الخيررررر كيفكمم حبيت اعطيكم خبر الشهر الجاي الي هو شهر ١ باذن الله يبدا التسجيل في تحديد المستوى استعديتو؟؟

كلام وحده من المجتازات لكم👆🏻💕

بنات الله يسعدكم اذا ماتدرون


ترا بعض اداراة التعليم فتحت التسجيل من الان

فا روحوا سجلوا والله يوفقكم يارب

والي حابين ياخذون ملخصات تساعدهم على الدراسه بمبلغ رمزي ارسلو لي خاص هنا❤️❤️👇🏻👇🏻
@shouqsi

اسمعوني يمكن غيري مايقول لكم ذا الكلام لان انا خضت الاختبار مرتين


مو شرط تذاكرين ال٦ مواد كلها

في نسبة اجتياز للي مايعرف وهي 40 بالميه يعني
الاختبار فيه 120 سوال هم يقولون لكم حلو لنا 25 سوال صح وتجتازون

يعني امسكي 3 مواد من ال6 مواد الي تشوفينهم اسهل لك ولعقلك ولفهمك وابدي ذاكريهم كويس اقولك كويس يعني صممم

وهنا باذن الله تجتازون

وتذكرو ان كل ماحطيتو في بالكم انه بيكون صعب راح يكون صعب ولمن تحطون في بالكم انه سهل بيكون سهل وتتيسر وقتها

لان اشوف البعض يقول انا مافهم رياضيات ولا كيمياء طيب عندك مواد غيرها لاتركز عليها ركز على الي تفهمه

التسجيل فتح في ادارة تبوك ومحايل والطايف

انتمنى تنتبهون على شي الاختبار يكون بشهر ٣ او ٢ يعني مامعكم الا اسابيع محدوده للمذاكره

خلاص ذاكرو لاتنتظرون شي
الاختبار فرصه وحرام تضيع عليكم

ياجماعه اعذروني على كثر الاعاده بس في ناس جدد ومو عارفين وش يذاكرون


المواد المطلوبه منكم للمذاكره هي اول وثاني ثانوي

وهي
رياضيات فيزياء كيمياء احياء عربي انجليزي

تبين تختصرين وقت وتجتازين لثالث ثانوي ذاكري بس مرحلة ثاني ثانوي

كلام عدناه كثير بس برضو بعيده لان في ناس جدد

سجلتوا خلاص لاتنتظرون رساله لان مافي اصلا رساله للقبول
فيه موعد ومكان الاختبار وتجيكم بعد شهرين

يعني سجلتوا ابدو ذاكرو خلاص

بشروني كيفكم وكيف المذاكره معكم وسجلتوا ولاباقي؟

انتبهو ياجماعه الي ماسجل يسجل اغلب الادارات يقفل التسجيل ب 1/24

السلام عليكم ياجماعة فتح التسجيل بمنطقتكم ولا باقي؟

طيب افضل لكم ياجماعه ماتنتظرون التسجيل الإلكتروني

وتروحون بانفسكم لاقرب ادارة تعليم في منطقتكم وتقول لهم نبي نسجل في اختبار تحديد المستوى للمنقطعين عن الدراسه للمرحلة الثانويه

وهم بيعطونكم باركود وتسجلون

لان الالكتروني لخبطه شوي ويمكن يروح عليكم وانتم ماتدرون