النهاردة بليل بإذن الله هقولك الخطوات اللى هتحتاجها علشان تعرف تبدأ مشوارك فى البورصة

أيه الأخبار عاملين أيه أتمنى تكونوا بخير ، هقولكم إن شاء الله عن أيه الطرق اللى من خلالها تعرف تشتغل فى البورصة


أولاً : هو انا أبدأ منين ؟
زى ما أتكلمت فى الفيديو بتاع أزاى تختار السهم اللى هيكسبك فى البورصة و هو أن أى حد بيحلل سهم هو بيحلله بناءا على تحليل من التلاتة دول : التحليل الفنى ، التحليل المالى ، التحليل الأساسى
و التحليل الأساسى غصب عنك هتعرفه و أنت بتحلل مالى فعنتبر أن أحنا عندنا تحليلين بس اللى هما المالى و الفنى

طب التحليل المالى ده عبارة عن أيه أصلاً : هو عبارة عن أنك بتشوف الشركة دى أشتغلت فترة مثلا و هى نص سنة فبتبدأ تمسك الشركة بأرقامها و تشوف أيه اللى حصل فى نص السنة بقى والله باعت بقد كدة و كان عليها التزامات بكذا و و دخلها فلوس من المصدر ده و كسبت بسبب أنها بتشتغل أكتر و تبيع أكتر مش مثلا كان عندها أصل و باعته فده اللى فرق معاها السنة دى و حاجات كتير زى كدة ممكن لو حاسس أنك هتحب التحليل ده أبحث عنه أكتر علشان انا لو أتكلمت فى كل تفاصيله مش هنخلص ليلة كبيرة أوى سعادتك

طب انا هستفيد ايه : من الأخر التحليل المالى بيعرفك الشركة اللى تشتريها من الشركات الكتيرة اللى فى البورصة

طيب و التحليل الفنى ؟؟؟


التحليل الفنى هو عبارة عن أنك بتتوقع اللى هيحصل فى المستقبل من خلال انك بتحلل اللى حصل قبل كدة و ده من خلال الشارت اللى هى الرسوم البيانية و الشموع ، بتبدأ من خلاله تشوف هو السعر لما كان بيجى هنا الناس كانت بتبيع ولا بتشترى و هقولك مثال على كدة

تخيل معايا سهم سعره دلوقتى ٥ جنيه و طلع ل ٦ جنيه راح حصل عليه بيع لما وصل ل ٦ جنيه نزل ل ٥ جنيه فلما وصل ل ٥ لقيت الناس بتشترى و طلع تانى ل ٦ و لما طلع ل٦ تانى راح نازل

فكدة من خلال تاريخ السهم أنت عرفت أنك لو عايز تشترى السهم هتشتريه عند ٥ جنيه و تبيعه عند ٦ جنيه

و عموماً ده درس فى التحليل الفنى اسمه الدعم و المقاومة ال ٥ جنيه هى الدعم لأن السعر كل ما يجيلها يطلع و ٦ جنيه هى المقاومة لأن كل ما يجلها ينزل

فالمختصر التحليل المالي بيقولك تشترى أيه و الفنى بيقولك تشترى أمتى

و إن شاء الله هعمل كورس قريب عن التحليل الفنى ببلاش هيعلمك أزاى تشتغل بيه

بكرة إن شاء الله هكلمك عن ايه الفلوس اللى محتاجها علشان تعرف تعمل دخل كويس من البورصة

مساء الخير عاملين أيه ، النهاردة هنتكلم عن أنت محتاج قد أيه علشان تعمل دخل كويس من البورصة ؟؟

فى الأول فى فرق بين الفيديو اللى نزل عن أيه أقل مبلغ محتاجه علشان تخش البورصة و بين اللى هنتكلم عليه النهاردة و هو محتاج قد أيه علشان أعمل دخل كويس من البورصة


و هو أن لو عايز تخش البورصة أنت فعلا ممكن تبدأ ب ١٠٠ جنيه ده مش كلام بس الفكرة بقى هل ال١٠٠ جنيه دى هتعملى عائد كويس؟؟
و الإجابة أنه أكيد لا لأن حتى لو عملت ١٠٠٪ فى السهم فأنت هتعمل ١٠٠ جنيه زيهم اللى متلحقش تركب بيهم موصلاتك علشان تخرج حتى


طب أنا علشان أحس بمكسب من البورصة محتاج قد أيه ؟

أنت محتاج علشان تجاوب على السؤال ده تعرف هو أنت بتعمل نسبة مئوية كام فى الشهر و دى مش حاجة ثابتة لأن السوق متغير فى النسب كل شهر ممكن شهر تكسب جامد و ممكن شهر متكسبش و شهر تانى تخسر بس أنت بتجيب المتوسط لما تقسم نسب ارباحك على عدد الأشهر اللى أستثمرت فيهم فأنت فى الأول محتاج تبدأ بحساب وهمى أو فلوس حقيقية بس مبلغ قليل مش هتستنى منه عائد قد ما أنت بتكتشف نفسك بيه و بتشوف أستراجيتك و إدارة مخاطرك بتكسبك قد ايه
و أنا أرشح أنك تبدأ بفلوس حقيقية علشان تكسر رهبة السوق فى الأول لأن الوهمى كدة كدة مش هيبقى فارقة معاك لأن عارف أنك مش هتخسر بجد لكن فى الحقيقى هتبدأ تشوف أنت هتتحكم فى مشاعرك ولا لا فالأحسن أنك تبدأ بفلوس حقيقية متزيدش عن ١٠ ٪ مثلا من الفلوس اللى أنت ناوى تخش بيها البورصة لو لقيت الدنيا كويسة

فأنت لو مثلا لو لقيت نفسك بتعمل نسبة مئوية 5 % فى الشهر و أنت عايز تدخل من البورصة قى الشهر ١٠ الاف جنيه مثلا فأنت كدة محتاج ٢٠٠ الف تشتغل بيهم و هكذا بقى تشوف أنت محتاج كام و تشوف أيه الفلوس اللى لو حطيتهم النسبة المتوسطة اللى بتعملها تجبلك الرقم اللى أنت عايزه

بس أهم حاجة أهم حاجة أهم حاجة و هفضل أأكد عليها دايما و حاجة مفيهاش هزار متكونش فلوس أنت محتاجها فى حاجة ضرورى أو أمور معيشية علشان لو السوق قلب عليك متاخدش قرارات مبنية على العاطفة و تخسر و تخرب بيتك بنفسك والله هتكسب و كل حاجة بس بالعقل و على الهادى كل يوم فى فرصة فى البورصة

و بس كدة إن شاء الله بكرة هكلمك عن شركات السمسرة اللى هتفتح فيها حساب علشان تعرف تشترى و تبيع

أسم السهم : فورى
نوع الصفقة : مضاربة سريعة
التعليق الفنى : السهم ماشى فى قناة صاعدة و أرتد من الحد السفلى للقناة هنستهدف الحد العلوى للقناة ولو عداها نبقى نحدث
 
منطقة شراء : 19.20 _ 19 جنيه
الهدف الأول :19.70(بنسبة ربح 2.8%) ( R:R =1.33: 1)
الهدف الثانى :20 ( بنسبة ربح 4.5%) (R:R = 2.1 : 1)
الهدف الثالث : 20.45 ( بنسبة ربح 6.5%) (R:R = 3.1 : 1)
وقف الخسارة : إغلاق أسفل18.80  (2%)
إدارة المخاطر : الدخول ب 50% من إجمالى المحفظة للمخاطرة بكل1% من المحفظة

قطاع الأتصالات بشكل عام شكله عاجبنى ( فورى - أى فاينانس - مصرية اتصالات )

أسم السهم: إعمار
نوع الصفقة : مضاربة متوسطة الأجل
التعليق الفنى : أولا :السهم أخترق مثلث متماثل و دى إشارة قوية لأستكمال الصعود
ثانيا: عمل كسر كاذب سجب بيه سيولة
ثالثا: أحترم منطقة طلب قوية على فريم الساعة

منطقة شراء : 11.60 11.80 جنيه
الهدف الأول :12.68 (بنسبة ربح 7.3%) ( R:R =1.1: 1)
الهدف الثانى :13.30  ( بنسبة ربح 13%) (R:R = 2.1 : 1)
الهدف الثالث : 14  ( بنسبة ربح 21%) (R:R = 3.3 : 1)
وقف الخسارة : إغلاق أسفل11.60  (6 %)
إدارة المخاطر : الدخول ب 20% 15% من إجمالى المحفظة للمخاطرة بكل1% من المحفظة

ال voting ده مهم علشان بناءا عليه هنزل إن شاء الله الحاجات اللى تساعدكم توصلوا لمستوى أحسن

و هينزل voting تانى لكل مستوى علشان نخلى كل الناس تستفاد أكبر قدر ممكن

الهدف الأول بنسبة ربح ٧٪

هدف تانى بنسبة ربح 13%

18 % فى ١١ يوم

الهدف التالت و الأخير بنسبة ربح 21%

أوراسكوم تنمية

راية القابضة

هكتب أرقامهم اللى فى الصورة علشان لو فى حد مش فاهم من الصورة اوى

هيرمس من أكتر الفرص أمانا فى السوق شركة قوية و بقالها كتير بتجمع و فى منطقة كويسة جدا و عملت كسر كاذب و دى من أكتر الإشارات اللى بحبها

أى فاينانس لسة شايفه فيه فرصة و بقت مخاطرته أقل خصوصا أنه قريب من الستوب

فورى نفس الكلام

هدف أول