ကျောင်းအပ်နှံရေး ရက်သတ္တပတ်လှုပ်ရှားမှုကာလအတွင်း ကျောင်းသား၊ ကျောင်းသူ ၅၇ သိန်းကျော် လာရောက်အပ်နှံခဲ့ပြီး ယခင်နှစ်ကထက် ၃ သိန်းကျော်မြင့်တက်

ကျောင်းနေအရွယ်ကလေးများအားလုံး ကျောင်းသိုရောက်ရှိစေရန်နှင့် ပညာသင်ခွင့် မဆုံးရှုးစေရန် ၂၀၂၆- ၂၀၂၇ ပညာသင်နှစ်အတွက် အခြေခံပညာကျောင်းများ ကျောင်းအပ်နှံရေး ရက်သတ္တပတ်လှုပ်ရှားမှုကို မေလ ၂၅ ရက်မှ ၃၁ ရက်အထိသတ်မှတ်ကာ ကျောင်းအပ်နှံမှုများကို လက်ခံဆောင်ရွက်ပေးလျှက်ရှိရာ တစ်နိုင်ငံလုံးတွင် ကျောင်းသား၊ ကျောင်းသူ ၅၇၉၈၇၂၅ ဦး လာရောက်အပ်နှံထားကြောင်း ပညာရေးဝန်ကြီးဌာနမှ သိရပါတယ်။

ယခင်ပညာသင်နှစ်ဖြစ်တဲ့ ၂၀၂၅-၂၀၂၆ ပညာသင်နှစ်က တစ်နိုင်ငံလုံးမှာ ကျောင်းအပ်နှံသူစုစုပေါင်း ၅၄၇၁၃၁၆ ဦးရှိခဲ့သဖြင့် ယခု ပြည်သူ့အစိုးရသစ်လက်ထက်မှာ ကျောင်းအပ်နှံသူ ၃၂၇၄၀၉ ဦးအထိ မြင့်တက်လာခဲ့ခြင်းဖြစ်ပြီး အခြေခံပညာကျောင်းများမှာ အခမဲ့ပညာရေးစနစ်ဖြစ်ခြင်းကြောင့် ကျောင်းအပ်နှံရာတွင် ကျောင်းဝင်ကြေးနှင့် အခြားမည်သည့်ကြေးမျှ ပေးသွင်းရန်မလိုဘဲ အခမဲ့အပ်နှံနိုင်ခဲ့ခြင်းလည်းဖြစ်ပါတယ်။

မေးထားသူများ အတွက်ပါ

၂၀၂၆-၂၀၂၇ ပညာသင်နှစ် Grade 12 ကို လက်ရှိဖြန့်ဝေပေးထားသည့် သင်ရိုးစာအုပ် (2026-2027 Textbook) အတိုင်းသာ သင်ကြားသွားမည် ဖြစ်သည်။ Textbook စာအုပ် အမှားပြင်ဆင်ချက်အချို့ ညွှန်ကြားထားပါက ညွန်ကြားချက်ပါအတိုင် သင်ကြားသွားမည်။

သင်ရိုးသစ်ပြောင်းလဲခြင်း သင်ရိုးဖြည့်စွက်ခြင်းကိုတော့ ဆန်းစစ်ဆဲဖြစ်သောကြောင့် ယခုနှစ် (၂၀၂၆-၂၀၂၇ ပညာသင်နှစ်အတွက် သင်ကြားမည်မဟုတ်ကြောင်း သိရှိရပါသည်။)