၂၀၂၆-၂၀၂၇ ပညာသင်နှစ်အတွက် မူလတန်းကြိုကျောင်းများ စတင်ဖွင့်လှစ်မည်

နေပြည်တော်အပါအဝင် တိုင်းဒေသကြီးနှင့် ပြည်နယ်အသီးသီးရှိ ဌာနပိုင်မူလတန်းကြိုကျောင်းများ ကို ၂၀၂၆ ခုနှစ်၊ မေလ (၄) ရက်နေ့ မှစတင်၍ ပြန်လည်ဖွင့်လှစ်သွားမည်ဖြစ်ကြောင်း သိရပါသည်။

✅ ကြိုတင်ပြင်ဆင်မှုများ ဆောင်ရွက်ခြင်း
ကျောင်းများပြန်လည်မဖွင့်လှစ်မီ ဧပြီလအတွင်း၌ ကလေးငယ်များအတွက်:
စာသင်ခန်းများ ပြင်ဆင်မွမ်းမံခြင်း
သင်ထောက်ကူပစ္စည်းများ ဖြည့်တင်းခြင်း
ကျောင်းနှင့် ကျောင်းပတ်ဝန်းကျင် သန့်ရှင်းရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိပါသည်။

🏢 ကျောင်းအမျိုးအစားအလိုက် ကြီးကြပ်ဆောင်ရွက်မှု
ဌာနပိုင်ကျောင်းများသာမက အောက်ဖော်ပြပါ ကျောင်းများကိုလည်း သက်ဆိုင်ရာ တိုင်းဒေသကြီး/ပြည်နယ် ဦးစီးမှူးများက စနစ်တကျ ကြီးကြပ်သွားမည်ဖြစ်သည်-
-ကိုယ့်အားကိုယ်ကိုး မူလတန်းကြိုကျောင်းများ
-ပုဂ္ဂလိက မူလတန်းကြိုကျောင်းများ
-အထူးပညာရေးကျောင်းများ


ပညာသင်နှစ်အတွင်း အပတ်စဉ် ဗုဒ္ဓဟူးနေ့ တိုင်းကို Work from home (နေအိမ်မှ အလုပ်လုပ်ကိုင်ခြင်း) အဖြစ် သတ်မှတ်ဆောင်ရွက်သွားရန် အကြောင်းကြားထားရှိပါသည်။

မိဘပြည်သူများအနေဖြင့် မိမိတို့ရင်သွေးငယ်များ၏ မူလတန်းကြိုပညာရေးအတွက် သက်ဆိုင်ရာကျောင်းများတွင် စုံစမ်းမေးမြန်းနိုင်ပြီဖြစ်ကြောင်း သတင်းကောင်းပါးအပ်ပါသည်။



#ပညာရေး #မူလတန်းကြို #ကျောင်းဖွင့်လှစ်မှု #အထူးပညာရေး #EducationNews

လူတစ်ယောက်အတွက် အတန်းပညာ (Schooling/Formal Education) ဟာ ဘဝရဲ့ အခြေခံအုတ်မြစ်တစ်ခုလို အရေးကြီးပါတယ်။ ဘာကြောင့်လိုအပ်သလဲဆိုတဲ့ အချက်တွေကို အဓိက (၅) ချက်နဲ့ ရှင်းပြပေးချင်ပါတယ် -

၁။ အခြေခံအသိပညာနှင့် ကျွမ်းကျင်မှုများ ရရှိခြင်း
အတန်းပညာကနေတစ်ဆင့် စာရေး၊ စာဖတ်၊ အတွက်အချက် စတဲ့ နေ့စဉ်ဘဝမှာ မရှိမဖြစ်လိုအပ်တဲ့ အခြေခံကျွမ်းကျင်မှုတွေကို သင်ယူရပါတယ်။ ဒါ့အပြင် သိပ္ပံ၊ သမိုင်း၊ ပထဝီ စတဲ့ ဘာသာရပ်တွေကတစ်ဆင့် မိမိပတ်ဝန်းကျင်နဲ့ ကမ္ဘာကြီးအကြောင်းကို စနစ်တကျ နားလည်လာစေပါတယ်။

၂။ ဝေဖန်ပိုင်းခြားနိုင်သော အတွေးအခေါ် (Critical Thinking)
ကျောင်းသင်ခန်းစာတွေဟာ အချက်အလက်တွေကို ကျက်မှတ်ဖို့တင်မဟုတ်ဘဲ ပြဿနာတစ်ခုကို ဘယ်လိုဖြေရှင်းရမလဲ၊ အမှားနဲ့အမှန်ကို ဘယ်လိုခွဲခြားရမလဲဆိုတဲ့ "စဉ်းစားတွေးခေါ်ပုံနည်းစနစ်" ကို လေ့ကျင့်ပေးပါတယ်။ ဒါဟာ လူတစ်ယောက်ကို ဆုံးဖြတ်ချက်မှန်မှန်ချနိုင်ဖို့ ကူညီပေးပါတယ်။

၃။ လူမှုဆက်ဆံရေးနှင့် စည်းကမ်းစနစ်
ကျောင်းဆိုတာ လူ့အဖွဲ့အစည်းအသေးစားလေးတစ်ခုဖြစ်ပါတယ်။ အတန်းပညာသင်ယူခြင်းဖြင့် အခြားသူတွေနဲ့ ဘယ်လိုပူးပေါင်းဆောင်ရွက်ရမလဲ၊ တစ်ဦးကိုတစ်ဦး ဘယ်လိုလေးစားရမလဲဆိုတဲ့ လူမှုဆက်ဆံရေး (Social Skills) နဲ့ အချိန်လေးစားမှု၊ စည်းကမ်းလိုက်နာမှု စတဲ့ အလေ့အကျင့်ကောင်းတွေကို ရရှိစေပါတယ်။

၄။ အလုပ်အကိုင်နှင့် ဘဝအခွင့်အလမ်းများ
ယနေ့ခေတ်မှာ အတန်းပညာဟာ ကောင်းမွန်တဲ့ အသက်မွေးဝမ်းကျောင်းတစ်ခု ရရှိဖို့အတွက် သော့ချက်ဖြစ်ပါတယ်။ မိမိဝါသနာပါရာ နယ်ပယ်ထဲကို ဝင်ရောက်နိုင်ဖို့ လိုအပ်တဲ့ အရည်အချင်းနဲ့ လက်မှတ်တွေကို အတန်းပညာကနေတစ်ဆင့် ရရှိနိုင်တာကြောင့် ပိုမိုကောင်းမွန်တဲ့ လူနေမှုဘဝကို တည်ဆောက်နိုင်ပါတယ်။

၅။ ကိုယ့်ကိုယ်ကိုယ် ယုံကြည်မှုတိုးတက်လာခြင်း
တစ်ခုခုကို တတ်မြောက်သွားတဲ့အခါ ဒါမှမဟုတ် စာမေးပွဲတစ်ခုကို အောင်မြင်သွားတဲ့အခါမှာ ကိုယ့်ကိုယ်ကိုယ် ယုံကြည်မှု (Self-confidence) ပိုရှိလာပါတယ်။ ဒီယုံကြည်မှုဟာ ဘဝရဲ့ ခက်ခဲတဲ့စိန်ခေါ်မှုတွေကို ရင်ဆိုင်ကျော်ဖြတ်နိုင်ဖို့ အင်အားဖြစ်စေပါတယ်။

အချုပ်အားဖြင့်ဆိုရရင် အတန်းပညာဆိုတာ စာတတ်ဖို့တင်မဟုတ်ဘဲ "လူပီသဖို့နဲ့ ဘဝကို အဓိပ္ပာယ်ရှိရှိ ဖြတ်သန်းနိုင်ဖို့" လေ့ကျင့်ပေးတဲ့ နေရာတစ်ခု ဖြစ်တာကြောင့် လူတိုင်းအတွက် အရေးကြီးတာဖြစ်ပါတယ်။

ကျောင်းအပ်နှံရေးသီတင်းပတ်

၂၅.၅.၂၀၂၆မှ ၃၁.၅.၂၀၂၆အထိ

လူမှုရေးပင်စင် ထောက်ပံ့ခြင်းအစီအစဉ်
အသိပေးနှိုးဆော်ခြင်း

၂၀၂၆ ပညာသင်နှစ်၊ ဒုတိယနှစ်နှင့်အထက် အဝေးသင် သင်တန်းများ၏ ကျောင်းဝင် မှတ်ပုံတင်ခြင်းကို (၃၁-၅-၂၀၂၆) ရက်နေ့ထိ (စနေ၊ တနင်္ဂနွေနေ့များမပါ) ထပ်မံတိုးမြှင့် လက်ခံဆောင်ရွက်ပေးသွားမည်ဖြစ်ကြောင်း ကြိုတင်အသိပေးအပ်ပါသည်။

#ကျောင်းမုန့်စျေးတန်းကြီးကြပ်ရေးကော်မတီအဖွဲ့
====================================

မိမိတို့ကျောင်းဝန်းထဲတွင် ကျောင်းမုန့်စျေးတန်းရှိပါက......ကျောင်းမုန့်စျေးတန်းကြီးကြပ်ရေးကော်မတီ ဖွဲ့ထားဖို့လိုအပ်ပါတယ်။

♻ ရည်ရွယ်ချက်....
အခြေခံပညာကျောင်းသား ကျောင်းသူများတွင် ငယ်ငယ်ရွယ်ရွယ်နှင့် ဆီးချို၊ နှလုံး၊ ကျောက်ကပ်ပျက်စီးပြီး ကျောက်ကပ်ဆေးရသည့်အခြေအနေ များ၊ ကျောက်ကပ်ရောဂါ၊ လေဖြတ် ရောဂါ၊ ကင်ဆာရောဂါစသည့်ရောဂါ များမှာ အသင့်စားမုန့်စားသုံးခြင်းများ ကြောင့်ဖြစ်သည်ကိုကျန်းမာရေးဌာနက ေလ့လာတွေ့ရှိသည့်အတွက် ကလေးများစုဝေးရာအခြေခံကျောင်းများတွင်ရောင်းချနေသောကျောင်းမုန့်စျေးတန်းများကို ကြီးကြပ်စစ်ဆေးရန်အတွက်
ကျောင်းမုန့်စျေးတန်းကြီးကြပ်ကော်မတီကိုဖွဲ့စည်းထားရန်လိုပါတယ်။

♻ စစ်ဆေးရမည့်အချက်များ

ထိုအဖွဲ့များကိုယ်တိုင် စစ်ဆေးမည့်ရက်များကိုလည်းကျောင်းမုန့်စျေးတန်းတွင်းရောင်းချသောဆိုင်ရှင်များကိုအသိပေးခြင်း၊စာထုတ်ပြန်ခြင်းကိုလည်းပြုလုပ်ရပါမည်။
ထို့ပြင်ရှောင်တခင်ဝင်ရောက်၍လည်းစစ်ဆေးနိုင်ပါတယ်။
ဘာတွေကိုစစ်ဆေးရမလဲဆိုရင်...
၁။ မသန့်ရှင်းသောမုန့်များရောင်းချ ခြင်း၊

၂။ သန့်ရှင်းမှုအားနည်းခြင်း၊

၃။ ကျောင်း မုန့်ဈေးတန်းတွင်ရောင်းချသည့် ဈေး သည်များအား တစ်ကိုယ်ရည်ကျန်းမာရေး စစ်ဆေးခြင်း၊

၄။ ကူးစက်ရောဂါ၊ စနစ်တကျ ရောင်းချမှု ရှိ၊ မရှိ
နှင့် ဒိတ်ကုန်သည့်မုန်းများဖြစ်မဖြစ် စသည်တို့ကို ကော်မတီ မှ စစ်ဆေးဆောင်ရွက်ခြင်း

စသည့်တို့ကိုစစ်ဆေးရန်ပညာရေး ဝန်ကြီးဌာန အခြေခံပညာဦးစီးဌာနက ညွှန်ကြားထားပီးဖြစ်ပါတယ်။

♻ ကျောင်းမုန့်စျေးတန်းများကိုလည်းနေ့စဥ်နှင့်အမျှသန့်ရှင်းသပ်ရပ်စေရေးအတွက်ဘယ်လိုလုပ်ဆောင်ရမလဲ။

အိတ်အခွံများကိုလည်းစနစ်တကျထားရှိသိမ်းဆည်းရေးများကိုလည်းမပျက်မကွက်ပြုလုပ်ရန်သက်ဆိုင်ရာအဖွဲ့ကကြေညာထားရမည်ဖြစ်ပီး....
အကယ်၍တွေ့ရှိပါကဒဏ်ငွေဆောင်ခြင်း၊အပြင်ရောင်းချခွင့်ကိုပါရုတ်သိမ်းမည်ဖြစ်ကြောင်းကိုလည်းတိတိကျကျမှာကြားထားရန်လည်းလိုအပ်ပါတယ်။
ထိုစည်းကမ်းချက်ထုတ်ပြန်မူကိုမဖြစ်မနေပြုလုပ်ထားဖို့လိုအပ်ပါတယ်။

ထို့ပြင်သက်ဆိုင်ရာအဖွဲ့အစည်းနှင့်အတူကျောင်းသားကျောင်းသူများကျောင်းမုန့်စျေးတန်းရောင်းချသူများကိုအသိပညာပေးဟောပြောပွဲများတစ်လတစ်ခါကျင်းပပြုလုပ်ဖို့လည်းလိုအပ်ပါတယ်။

♻ကျောင်းမုန့်စျေးတန်းကြီးကြပ်ရေးကော်မတီဖွဲ့မည်ဆိုပါက.....

၁။ ကျောင်းအုပ်ကြီး.....ဥက္ကဌ
၂။မြို့နယ်ကျန်းမားရေးဦးစီးဌာနအဖွဲ့ဝင်( သို့) ကေျာင်းကျန်းမာရေးတာဝန်ခံ
၃။အုပ်ချုပ်ရေးမှူး
၄။ကျောင်းအကျိုးဆောင်အဖွဲ့
၅။မိဘဆရာအလုပ်အမူဆောင်အဖွဲ့
၆။ဆရာဆရာမများ
၇။ေကျာင်းကောင်စီအသင်းခေါင်းဆောင်များ (သတင်းချိတ်ဆက်နိုင်ခြင်းကြောင့်)

#အဖွဲ့အရေအတွက်ကိုလိုသလိုဖွဲ့စည်းနိုင်ပါတယ်။

ထို့ကြောင့်ကေျာင်းမုန့်စျေးတန်းကြီးကြပ်ရေးကော်မတီကို...ကျောင်းမုန့်စျေးတန်းရှိသောအခြေခံပညာကျောင်းများတွင် ဖွဲ့စည်းဆောင်ရွက်ပါရန်အသိပေးဖော်ပြအပ်ပါတယ်ခင်ဗျာ။

ဦးစစ်နိုင်(ပညာရေး)