တစ်နိုင်ငံလုံး အရေးပေါ် သတိပြုကြပါ! ကမ္ဘာ့ကင်ဆာအဖြစ်ဆုံး (၁၀) နိုင်ငံထဲ မြန်မာပါဝင်လာ - အဓိကတရားခံက မီးဖိုချောင်ထဲမှာတင် ရှိနေတယ်!
မိဘပြည်သူများအားလုံး သတိထားကြဖို့ပါ! ကမ္ဘာ့ကျန်းမာရေးအဖွဲ့ (WHO) ရဲ့ ထုတ်ပြန်ချက်အရ

မြန်မာနိုင်ငံဟာ ကင်ဆာရောဂါအဖြစ်ဆုံး ကမ္ဘာ့ထိပ်တန်း (၁၀) နိုင်ငံစာရင်းထဲ ရောက်ရှိသွားပါပြီ။ အဓိကတရားခံကတော့ ကျွန်တော်တို့ နေ့စဉ်စားသုံးနေတဲ့ အစားအစာတွေထဲက "ဓာတုအဆိပ်" တွေပဲ ဖြစ်ပါတယ်။

⚠️ သင့်အိမ်က ဟင်းအိုးထဲမှာ ကင်ဆာတွေ ရှိနေသလား?
လက်ရှိဈေးကွက်ထဲမှာ ဝယ်ယူသူမျက်စိကျအောင် အရောင်တင်ဆေးနဲ့ ဓာတုဆိုးဆေးတွေသုံးထားတဲ့ ဟင်းသီးဟင်းရွက်တွေ၊ နနွင်းမှုန့်နဲ့ ငရုတ်သီးမှုန့်တွေဟာ အစာအိမ်၊ အူမကြီးနဲ့ အသည်းကင်ဆာကို ဖြစ်စေတဲ့ အဓိကအကြောင်းရင်းတွေ ဖြစ်နေပါတယ်။

🚫 အထူးသတိပြုရမည့် အန္တရာယ်ရှိ စားသောက်ကုန်များ -
နို့မှုန့်နှင့် ကော်ဖီမစ်များ: အိမ်နီးချင်းနိုင်ငံမှ အဝင်များသော နို့မှုန့်အချို့တွင် အကြောဆွဲစေနိုင်သည့် မယ်လမင်းဓာတ် ပါဝင်နေခြင်း။ ကော်ဖီမစ်နှင့် Creamer များကြောင့် ကျောက်ကပ်ပျက်စီးခြင်း၊ ရင်သားကင်ဆာနှင့် အမျိုးသမီးများ မြုံခြင်းအထိ ဖြစ်စေနိုင်ခြင်း။
သက်တမ်းလွန်ပစ္စည်းများ: Expire Date (သက်တမ်းကုန်ရက်စွဲ) ကို မသမာသောနည်းဖြင့် ပြန်ပြင်ပြီး ရောင်းချနေသော မှိုတက်နေသည့် စားသောက်ကုန်များ။
နယ်စပ်ဝင်ကုန်များ: စနစ်တကျ စစ်ဆေးထားခြင်းမရှိဘဲ နယ်စပ်မှ စီးဝင်လာသော ဓာတုဆိုးဆေးပါ အစားအစာများ။

💡 ကင်ဆာဘေးက ဘယ်လိုကာကွယ်မလဲ?
မြန်မာနိုင်ငံစားသုံးသူကာကွယ်ရေးအသင်းမှ အောက်ပါတို့ကို ရှောင်ကြဉ်ဖို့ အကြံပြုထားပါတယ်။
၁။ ပလတ်စတစ်အိတ်နှင့် တစ်ခါသုံးဖော့ဘူးများ။
၂။ ခြင်ဆေးခွေနှင့် ဖိုက်ဘာပစ္စည်းများ။
၃။ သက်တမ်းကုန်ရက်စွဲကို သေချာစစ်ဆေးပါ (မသင်္ကာပါက ဆိုင်ကိုချက်ချင်းအသိပေးပါ)။
မိမိတို့ရဲ့ မိသားစုဝင်တွေ၊ ကလေးငယ်တွေ ကင်ဆာဘေးက ကင်းဝေးဖို့အတွက် ဒီသတင်းကို အမြန်ဆုံး Share ပြီး သတိပေးလိုက်ကြပါဦး။

ပြည်သူ့ကျန်းမာရေးအတွက် အစဉ်အမြဲ စေတနာရှေ့ထားတင်ဆက်ပေးနေတဲ့ Dr. Zar Ni Zin ဖြစ်ပါတယ်။

ပညာရေးဌာန၏ လက်ရှိ ရာထူးတိုးမြှင့်မှုစနစ်အပေါ် ဆရာ၊ ဆရာမများအကြား မေးခွန်းများနှင့် သံသယများ တဖြည်းဖြည်း များလာနေသည်ကို မြင်တွေ့ရပါသည်။

စနစ်အရတော့ ရာထူးတိုးရွေးချယ်ရာတွင် လုပ်သက်၊ ပညာအရည်အချင်း၊ သင်တန်းတက်ရောက်မှုနှင့် လုပ်ဆောင်ရည်များကို အခြေခံ၍ အမှတ်ပေးစနစ်ဖြင့် ဆောင်ရွက်နေသည်ဟု သိရှိရပါသည်။ သို့သော်လည်း လက်တွေ့တွင် အမှတ်ပေးပုံအပြည့်အစုံကို မသိရှိနိုင်ခြင်း၊ လုပ်ဆောင်ရည်အကဲဖြတ်မှုများတွင် မတူညီမှုများ ရှိနိုင်ခြင်း၊ သင်တန်းအခွင့်အရေး မညီမျှခြင်းနှင့် ရာထူးလွတ်အရေအတွက် နည်းပါးခြင်းတို့ကြောင့် ဝန်ထမ်းများအကြား မမျှတမှုရှိသည်ဟု ခံစားရသူများ တိုးလာနေပါသည်။

အထူးသဖြင့် လုပ်သက်ရှည်သော်လည်း ရာထူးမတိုးနိုင်သူများနှင့် အခွင့်အရေးပိုရရှိသူများအကြား ကွာဟမှုများ မြင်တွေ့ရခြင်းက ယုံကြည်မှုကို ထိခိုက်စေပါသည်။ “စနစ်က မှန်ပေမယ့် လုပ်နည်းမှာ မရှင်းလင်းသေး” ဟူသော အသံများလည်း ပိုမိုမြင်တွေ့လာရပါသည်။

ပညာရေးဌာနအနေဖြင့် ယုံကြည်မှုတည်ဆောက်နိုင်ရန် အမှတ်ပေးစနစ်များကို ပိုမိုပွင့်လင်းရှင်းလင်းစွာ ထုတ်ပြန်ခြင်း၊ ရွေးချယ်မှုအကြောင်းပြချက်များကို ပြန်လည်ရှင်းပြနိုင်ခြင်းနှင့် အခွင့်အရေးများကို မျှတစွာ ပေးနိုင်ခြင်းတို့ကို အလေးထားဆောင်ရွက်ရန် လိုအပ်နေပါသည်။

ပညာရေးကဏ္ဍတိုးတက်ဖို့အတွက် မျှတမှုနှင့် ယုံကြည်မှုဟာ အရေးကြီးဆုံး အခြေခံတစ်ခုဖြစ်ပါတယ်။

အောင်ကျော်ခင် (ပညာရေး)၏စာသားများကိုကူးယူဖော်ပြပါသည်။

#educationpalacec
မူရင်းရေးသားသူကို CRDပေးပါတယ်။

ပညာရေးဝန်ကြီးဌာန ပြည်ထောင်စုဝန်ကြီးနှင့် ဒုတိယဝန်ကြီး ခန့်အပ်တာဝန်ပေးခြင်း

ပညာရေးဝန်ကြီးဌာန၏ ပြည်ထောင်စုဝန်ကြီးအဖြစ် ဒေါက်တာချောချောစိန် ကိုလည်းကောင်း၊ ဒုတိယဝန်ကြီးအဖြစ် ဒေါက်တာဇော်မြင့် ကိုလည်းကောင်း ခန့်အပ်တာဝန်ပေးလိုက်ကြောင်း သိရှိရပါသည်။

ဆရာ၊ ဆရာမများအတွက် English စွမ်းရည်မြင့်သင်တန်းကို ဧပြီ ၂၀ မှ မေ ၂၂ ထိ ကျင်းပပြုလုပ်သွားမည်ဖြစ်သည်။

ပညာရေးနှင့် ဗဟုသုတတွေ အမြန်ဆုံးရချင်ရင် Post ကို Like ပေးပါ👇👇👇
ပင်စင်ခံစားခွင့်ရရှိရန် လိုအပ်သည့် အခြေခံအချက်များ
--------------------------------------------------------
ပင်စင်အကျိုး ခံစားခွင့်ရရှိရန်အလို့ငှာ အောက်ပါ
အခြေခံအချက်များနှင့်ညီညွတ်ရန် လိုအပ်ပါသည် -
(က) နိုင်ငံတော်၏ ဝန်ထမ်း အဖွဲ့အစည်းတစ်ရပ်ရပ်
တွင် တာဝန်ထမ်းဆောင်ခြင်း။
(ခ) ဖွဲ့စည်းပုံဖြင့် ခွင့်ပြုထားသည့် ရာထူးတွင်
အချိန်ပြည့် တာဝန်ထမ်းဆောင်ခြင်း။
(ဂ) တာဝန်ထမ်းဆောင်ခြင်းကြောင့် ရရှိသည့်လစာကို
နိုင်ငံတော်ဘဏ္ဍာရန်ပုံငွေမှ ကျခံခြင်း။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၂)

ပင်စင်အမျိုးအစားများ
----------------------
မြို့ပြ ဝန်ထမ်းများ ခံစားခွင့်ရှိသော ပင်စင်
အမျိုးအစားများကို အောက်ပါအတိုင်း သတ်မှတ်သည် -
(က) သက်ပြည့်ပင်စင်
(ခ) နှစ်ပြည့်ပင်စင်
(ဂ) နာမကျန်းပင်စင်
(ဃ) လျော်ကြေးပင်စင်
(င) အထူးပင်စင်
(င-၁) ဒဏ်ရာအနာတရပင်စင်
(င-၂) အထူးမိသားစုပင်စင်
(င-၃) ကလေးများပင်စင်
(စ) မိသားစုပင်စင်
(ဆ) လျှော့ပေါ့ပင်စင်

(က) သက်ပြည့်ပင်စင်
------------------------
တည်ဆဲဥပဒေတစ်ရပ်ရပ်ပါ ပြဌာန်းချက်များအရ
သီးခြားသတ်မှတ်သည် ကိစ္စမှတစ်ပါး အသက်(၆၀)နှစ်
ပြည့်သောအခါ သတ်မှတ်ချက်များနှင့်အညီ
သက်ပြည့်ပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(က)}
***(အသက်-၆၀)/(လုပ်သက်-×××××)

(ခ) နှစ်ပြည့်ပင်စင်
--------------------
ဝန်ထမ်းသည် လုပ်သက်နှစ်(၃၀)ပြည့်လျှင် နှစ်ပြည့်
ပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများကို ပြင်ဆင်သည့်
နည်းဥပဒေများ၊ နည်းဥပဒေ-၂၁}
***(အသက်-×××××)/(လုပ်သက်-၃၀နှစ်)

(ဂ) နာမကျန်းပင်စင်
----------------------
လုပ်သက်(၁၀)နှစ်နှင့်အထက်ရှိသည့် ဝန်ထမ်း
သည် မကျန်းမာ၍ တာဝန်ကိုဆက်လက် မထမ်းဆောင်
နိုင်သည့်အခါတွင် သတ်မှတ်ထားသော ဆေးအဖွဲ့၏
ထောက်ခံချက်ဖြင့် နာမကျန်းပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(ဂ)}
***(အသက်-×××××)/(လုပ်သက်-၁၀နှစ်နှင့်အထက်)

(ဃ) လျော်ကြေးပင်စင်
-------------------------
ရာထူးတစ်ခုကို ဖျက်သိမ်းလိုက်သည့်အခါ
ယင်းရာထူး၌ ခန့်ထားသည့်ဝန်ထမ်းကို အခြားရာထူး
တခုသို့ ပြောင်းရွှေ့နေရာချထားခြင်း မပြုနိုင်လျှင်
သော်လည်းကောင်း ယင်းဝန်ထမ်းမှ ပြောင်းရွှေ့တာဝန်
ထမ်းဆောင်ရန် ဆန္ဒမပြုလျှင်သော်လည်းကောင်း
လျော်ကြေးပင်စင် ခံစားခွင့်ပြုရမည်။
{နိုင်ငံ့ဝန်ထမ်းနည်းဥပဒေများ၊ နည်းဥပေဒေ-၂၃၃(ဃ)}

(င) အထူးပင်စင်
------------------
ဝန်ထမ်းသည် တာဝန်ထမ်းဆောင်မှုကို
အကြောင်းပြု၍ ရောဂါရရှိသည့်အခါတွင်ဖြစ်စေ၊
ထိခိုက်အနာတရဖြစ်သည့် အခါတွင်ဖြစ်စေ၊ မသန်စွမ်း
ဖြစ်သည့် အခါတွင်ဖြစ်စေ သတ်မှတ်ထားသော
ဆေးအဖွဲ့၏ ထောက်ခံချက်ဖြင့် အထူးပင်စင်ခံစားခွင့်
ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပေဒေ-၂၃၃(င)}

(င-၁) ဒဏ်ရာအနာတရပင်စင်
---------------------------------
ဝန်ထမ်းတစ်ဦးသည် တာဝန်ထမ်းဆောင်
ရာတွင်ဖြစ်စေ၊ တာဝန်ထမ်းဆောင်ခြင်းကို
အကြောင်းပြု၍ဖြစ်စေ၊ ရာထူးတာဝန်ကို အကြောင်း
ပြု၍ဖြစ်စေ၊ တစ်စုံတစ်ယောက်၏ လက်ချက်ဖြင့်
ဒဏ်ရာရခြင်း၊ မတော်တဆမှုကြောင့် ဒဏ်ရာရခြင်း
(သို့မဟုတ်) ရောဂါရခြင်းဖြစ်ပါက ဒဏ်ရာအနာတရ
ပင်စင် ခွင့်ပြုနိုင်ပါသည်။
*** ဝန်ထမ်းကွယ်လွန်ပါက မိသားစုပင်စင်
ခွင့်မပြုရပါ ***

(င-၂) အထူးမိသားစုပင်စင်
------------------------------
ဝန်ထမ်းတစ်ဦးသည် တာဝန်ထမ်းဆောင်ခြင်း
ကြောင့်ဖြစ်စေ၊ ရာထူးတာဝန်အရ ဖြစ်စေ၊
တစ်စုံတစ်ယောက်လက်ချက်ကြောင့် (သို့မဟုတ်)
မတော်တဆမှုကြောင့် (သို့မဟုတ်) ရောဂါရရှိ
မှုကြောင့် သေဆုံးပါက ကျန်ရစ်သူ ဇနီး၊ ခင်ပွန်း၊
သားသမီးများအား အထူးမိသားစုပင်စင်
ခွင့်ပြုပါသည်။

(င-၃) ကလေးများပင်စင်
---------------------------
အထက်အပိုဒ်ပါ ဖော်ပြချက်အတိုင်း ဝန်ထမ်း
ကွယ်လွန်ခဲ့ပါက ကျန်ရစ်သူ သား/သမီးများအား
အထူးပင်စင်နည်းဥပဒေပါ သတ်မှတ်နှုန်းထား
အတိုင်း ကလေးများပင်စင် ခွင့်ပြုပါသည်။
သားဖြစ်ပါက အသက်(၁၈)နှစ်အထိ၊ သမီးဖြစ်ပါက
အသက်(၂၁)နှစ်အထိ ခွင့်ပြုရပါမည်။

(စ) မိသားစုပင်စင်
--------------------
ဝန်ထမ်းသည် တာဝန်ထမ်းဆောင်နေဆဲတွင်ဖြစ်စေ၊
အငြိမ်းစားယူပြီးနောက်မှဖြစ်စေ ကွယ်လွန်ခဲ့လျှင်
ကျန်ရစ်သူမိသားစုအတွက် မိသားစုပင်စင်ကို သတ်မှတ်
ချက်များနှင့်အညီ ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(စ)}

(ဆ) လျှော့ပေါ့ပင်စင်
-----------------------
အသက်(၅၅)နှစ် ပြည့်ပြီးဖြစ်သော ဝန်ထမ်းသည်
လုပ်သက်နှစ်(၂၀) ကျော်လွန်လျှင်သော်လည်းကောင်း၊
အသက်(၅၀)နှစ် ပြည့်ပြီးဖြစ်သော ဝန်ထမ်းသည်
လုပ်သက်(၂၅)နှစ် ကျော်လွန်လျှင်သော်လည်းကောင်း
လျှော့ပေါ့ပင်စင် ခံစားခွင့်ရှိသည်။
သို့ရာတွင် နိုင်ငံတော်၏ လိုအပ်ချက်အရ ဖော်ပြပါ
သတ်မှတ်ချက်များ မပြည့်မီသော်လည်း လျှော့ပေါ့ပင်စင်
ခွင့်ပြုနိုင်သည်။
{နိုင်ငံ့၀န်ထမ်းနည်းဥပဒေများ၊ နည်းဥပဒေ-၂၃၃(ဆ)}

ပင်စင်နှင့်လုပ်သက်ဆုငွေတွက်ချက်ပုံ
---------------------------------------
(၁) (၂၆.၃.၂၀၁၄)ရက်နေ့မှစ၍ နိုင်ငံ့ဝန်ထမ်း
နည်းဥပဒေများ၊ နည်းဥပဒေ-၂၄၆ အရ အောက်ပါ
အတိုင်း ပြင်ဆင်တွက်ချက်ခွင့်ပြုခဲ့ပါသည်-
(၁-က) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၀၀%)

(၁-ခ) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ်ပြည့်ပြီး (၁၀)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၅၀%)

(၁-ဂ) လုပ်သက် (၁၀)နှစ်နှင့် အထက်။
* ပင်စင်လစာ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)

(၂) ကွယ်လွန်သူ ဝန်ထမ်းများအတွက် အောက်ဖော်
ပြပါအတိုင်း တွက်ချက်ခွင့်ပြုပါသည်-
(၂-က) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၀၀%)

(၂-ခ) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ်ပြည့်ပြီး (၁၀)နှစ် မပြည့်သည့်ကိစ္စ။
* လုပ်သက်ဆုငွေ
(=)
နောက်ဆုံးထုတ်လစာ
(x)
(၁၂)

(၂-ဂ) လုပ်သက်(၁၀)နှစ်နှင့်အထက်။
(၂-ဂ/၁) ဇနီး/ခင်ပွန်း
------------------------
* ပင်စင်
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)
(x)
(၃/၄) {{(×)3 (÷)4}}

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)
(သို့မဟုတ်)
နောက်ဆုံးထုတ်လစာ
(x)
(၁၂)
* များရာကိုခွင့်ပြုသည်။

* ခံစားခွင့်ရှိသည့်ကာလ -
*** နောက်အိမ်ထောင်ပြုသည့်နေ့။
(သို့မဟုတ်)
*** ကွယ်လွန်သည့်နေ့ထိ။

(၂-ဂ/၂) အခြားမိသားစုဝင်များ
----------------------------------
* ပင်စင်
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)
(x)
(၁/၂) {{(÷)2}}

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)
(သို့မဟုတ်)
နောက်ဆုံးထုတ်လစာ
(x)
(၁၂)
* များရာကိုခွင့်ပြုသည်။

* ခံစားခွင့်ရှိသည့်ကာလ
*** ဝန်ထမ်းပင်စင် စတင်ခွင့်ပြု
သည့်နေ့မှ (၁၅)နှစ်ထိ။

(၃) ဒဏ်ရာရခြင်းနှင့် သေဆုံးခြင်းအတွက်
ခွင့်ပြုသောဒဏ်ရာအနာတရပင်စင်၊ အထူးမိသားစု
ပင်စင်နှင့် ကလေးများပင်စင်သည် လုပ်သက်ကို
အခြေခံ၍ တွက်ချက်ခွင့်ပြုခြင်းမဟုတ်ဘဲ မြန်မာပြည်
အထူးပင်စင် နည်းဥပဒေပါ သတ်မှတ်ခွင့်ပြုထားသည့်
ဇယားပါနှုန်းထားများအတိုင်း ခွင့်ပြုရပါသည်။ ဒဏ်ရာ
ရခြင်းနှင့် သေဆုံးခြင်းအတွက်ခွင့်ပြုသော ပင်စင်အကျိုး
ခံစားခွင့်များကို ဘဏ္ဍာရေးနှင့်အခွန်ဝန်ကြီးဌာန၏
အမိန့်ကြော်ငြာစာအမှတ်- ၂၀၈/၂၀၁၂ ဖြင့် ပြင်ဆင်
သတ်မှတ်ထားပါသည်။

လုပ်သက် ဆက်စပ်ခွင့်ပြုခြင်း
------------------------------
အရာထမ်းအမှုထမ်းများ၏ ပင်စင်အကျိုးခံစားခွင့်
အလို့ငှာ ရာထူးစုအမျိုးအစားမတူသော်လည်း လုပ်သက်
နှစ်ခုကို ပေါင်းစပ်ရေတွက်ရမည်။ ပင်စင်အကျိုးခံစားခွင့်
ရှိသော ပြတ်တောက်နေသည့် ကာလများကို ဆက်စပ်
ပေးပိုင်ခွင့်ရှိသူက ခိုင်လုံသောအကြောင်းရှိပါက ပင်စင်
အကျိုးငှာ ဆက်စပ်ခွင့်ပြုနိုင်သည်။ ယင်းသို့ခွင့်ပြုရာတွင်
ယခင်လုပ်သက်သည် အနည်းဆုံး တစ်နှစ်ရှိရမည်။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၆)

ချို့တဲ့ကာလဖြည့်စွက်၍ ရေတွက်ခွင့်ပြုခြင်း
--------------------------------------------
နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၄၊၂၄၅
အရ-
(က) ပင်စင်အကျိုးခံစားခွင့်ကို တွက်ချက်သည့်အခါ
ယင်းအကျိုးခံစားခွင့်ရှိသည့် နှစ်ပြည့်သောလုပ်သက်ကို
သာ ရေတွက်ရပြီး လစွန်း ရက်စွန်းများကို ပယ်ရမည်။
သို့ရာတွင် သက်ပြည့်ပင်စင်၊ နာမကျန်းပင်စင်နှင့်
လျော်ကြေးပင်စင် ယူသည့်ကိစ္စများ၌ ဝန်ထမ်း၏
လုပ်သက်သည် ကျေနပ်ဖွယ်ရှိလျှင် ထိုလစွန်း ရက်စွန်း
များတွင် နှစ်ပြည့်ရန်လိုနေသည့် ကာလကို -
(၁) ဝန်ထမ်းအဖွဲ့အစည်း အကြီးအမှူ းက (၆)လ
အထိ ဖြည့်စွက်ခွင့်ပြုနိုင်သည်။
(၂) ဝန်ကြီးဌာနနှင့်အဖွဲ့အစည်း အကြီးအမှူ းက
(၁၂)လအထိ ဖြည့်စွက်ခွင့်ပြုနိုင်သည်။

(ခ) အောက်ပါကိစ္စများ၌ပင်စင်အကျိုးခံစားခွင့်ရှိသည့်
လုပ်သက်၏ လစွန်း ရက်စွန်းများတွင် နှစ်ပြည့်ရန်
လိုနေသည့် ကာလကို ဖြည့်စွက်ရေတွက်ခွင့်မပြုရ-
(၁) လုပ်သက်ဆုငွေခံစားခွင့်ရှိသည့်လုပ်သက်တွင်
ငါးနှစ်ပြည့်ရန်လိုသည့်ကာလ
(၂) ပင်စင်အကျိုးခံစားခွင့်ရှိသည့် လုပ်သက်တွင်
(၁၀)နှစ်ပြည့်ရန်လိုသည့်ကာလ
(၃) လုပ်သက် နှစ်(၂၀)ပြည့် လျှော့ပေါ့ပင်စင်
ခံစားခွင့်အတွက် လိုသည့်ကာလ
(၄) လုပ်သက် (၂၅)နှစ်ပြည့် လျှော့ပေါ့ပင်စင်
ခံစားခွင့်အတွက် လိုသည့်ကာလ
(၅) လုပ်သက် နှစ်(၃၀)ပြည့် နှစ်ပြည့်ပင်စင်
ခံစားခွင့်အတွက် လိုသည့်ကာလ

မိသားစုပင်စင်ခံစားခွင့်အတွက် ဦးစားပေးအစီအစဉ်
------------------------------------------------------
(၁) နိုင်ငံ့ဝန်ထမ်းနည်းဥပဒေများ၊ နည်းဥပဒေများ
-၂၄၈ အရ မိသားစုပင်စင် ဦးစားပေးအစီအစဉ်မှာ
အောက်ပါအတိုင်း ဖြစ်ပါသည်-

(က) (၁) ကွယ်လွန်သူ၏ ကျန်ရစ်သူတရားဝင်
ပထမဇနီး (သို့) တရားဝင်ခင်ပွန်း
(၂) တရားဝင်ဇနီး (သို့) တရားဝင်ခင်ပွန်း
မရှိခဲ့သော် အသက်(၁၈)နှစ် မရှိသေး
သည့် အိမ်ထောင်မပြုရသေးသော
တရားဝင် သားသမီး (သို့) အသက်

(၁၈)နှစ်ပြည့်ပြီး ဖြစ်သော်လည်း
တက္ကသိုလ်ကောလိပ်ကျောင်း တစ်ခုခု
တွင် အချိန်ပြည့် ပညာသင်ကြား လျက်ရှိ
သော အိမ်ထောင်မပြုရ သေးသည့်
တရားဝင်သားသမီး
(၃) အထက်ပါပုဂ္ဂိုလ်များ မရှိခဲ့သော်
အိမ်ထောင်မပြုရသေးသည့် သမီး (သို့)
မုဆိုးမဖြစ်နေသော သမီး
(၄) အထက်ပါပုဂ္ဂိုလ်များ မရှိခဲ့သော်
အိမ်ထောင်လည်း မပြုရသေးသည့်အပြင်
အသက်(၁၈)နှစ် မပြည့်သေးသည့်
အဖမဲ့မြေး (သို့) အသက်(၁၈)နှစ်ပြည့်ပြီး
ဖြစ်သော်လည်း တက္ကသိုလ်ကောလိပ်
ကျောင်းတစ်ခုခုတွင် အချိန်ပြည့်
ပညာသင်ကြားလျက်ရှိသော အိမ်ထောင်
မပြုရသေးသော အဖမဲ့မြေး

(ခ) အထက်အပိုဒ်တွင် ဖော်ပြသည့်အတိုင်း မိသားစု
ပင်စင်ကို ခံစားမည့်သူမရှိခဲ့သော် အောက်ပါပုဂ္ဂိုလ်များ
ကို ခံစားခွင့်ပြုနိုင်သည်။ သို့ရာတွင် ကွယ်လွန်သူ
ဝန်ထမ်းနှင့်အတူ မှီခိုနေထိုင်ခဲ့ရသူဖြစ်ကြောင်း
ခိုင်လုံသည့် အထောက်အထားကို တင်ပြမှသာ ခံစားခွင့်
ပြုရမည်-
(၁) အမိအဖအရင်း
(၂) အမိအဖမရှိပါက ဝန်ထမ်း၏ အသက်(၁၈)နှစ်
မပြည့်သေးသည့် ညီ (သို့) ညီမ (သို့်)
အသက်(၁၈)နှစ် ပြည့်ပြီးဖြစ်သော်လည်း
တက္ကသိုလ်ကောလိပ် ကျောင်းတစ်ခုခုတွင်
အချိန်ပြည့် ပညာသင်ကြားလျက်ရှိသည့် ညီ
(သို့)ညီမ။
(၃) နည်းဥပဒေခွဲငယ်(၂)ပါ ပုဂ္ဂိုလ်များမရှိပါက
ဝန်ထမ်း၏ အိမ်ထောင်မပြုသေးသည့် ညီမ
(သို့) အစ်မ (သို့) မုဆိုးမဖြစ်နေသည့် ညီမ
(သို့) အစ်မ။
(၄) နည်းဥပဒေခွဲငယ်(၃)ပါ ပုဂ္ဂိုလ်များမရှိပါက
ဝန်ထမ်း၏ အခြားသော ညီ (သို့) အစ်ကို
(သို့) ညီမ (သို့) အစ်မ။

(၂) မိသားစုပင်စင်ကို အောက်ပါအခြေအနေ
တစ်ရပ်ရပ်တွင် ဆက်လက်ခံစားခွင့် မရှိစေရ-
(က) ကျန်ရစ်သူတရားဝင်ခင်ပွန်း (သို့်) ဇနီး သည်
နောက်အိမ်ထောင်ပြုခြင်း
(ခ) ဝန်ထမ်း၏မိသားစုဝင် အိမ်ထောင်မပြုရသေး
သည့် အမျိုးသား အမျိုးသမီးတစ်ဦး သည်
အိမ်ထောင်ပြုခြင်း
(ဂ) ဝန်ထမ်း၏ မိသားစုဝင် မဟုတ်သူ။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၉)

တစ်လုံးတည်းပင်စင်လဲလှယ်ခြင်း
-----------------------------------
အငြိမ်းစား၏ ပင်စင်လစာမှ တစ်စိတ်တစ်ဒေသ
ကိုဖြစ်စေ၊ အားလုံးကိုဖြစ်စေ၊ တစ်လုံးတစ်ခဲတည်း
ပင်စင်အဖြစ် လဲလှယ်ခွင့်ပြုနိုင်ပါသည်။ တစ်လုံးတည်း
ပင်စင်လဲလှယ်ခြင်းကို မြန်မာနိုင်ငံမြို့ပြဆိုင်ရာ
တစ်လုံးတည်းပင်စင်လဲလှယ်ရေး နည်းဥပဒေအရ
လဲလှယ်ခြင်းကို ခွင့်ပြုပါသည်။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၂)

အောက်ပါ စည်းကမ်းချက်များနှင့်အညီ လဲလှယ်
ခွင့်ပြုပါသည်-
(က) အများဆုံး လဲလှယ်ခွင့်ပြုသည့် ပင်စင်လစာ
ငွေမှာ အငြိမ်းစားရရှိသည့် ပင်စင်လစာ၏
(၅၀%)လဲလှယ်ခွင့် ပြုနိုင်ပါသည်။ သို့ရာတွင်
ကျပ်(၅၀/-)ထက် မပိုစေရပါ။
(ခ) ပင်စင်လစာ၏ (၅၀%)သည် ကျပ်(၂၅/-)
ထက်လျော့နည်းပါက ကျပ်(၂၅/-)ထိ လဲလှယ်
ခွင့် ပြုနိုင်ပါသည်။
(ဂ) အထူးနှစ်ပြည့် ပင်စင်ဖြင့် အငြိမ်းစား ယူထား
သူ ဝန်ထမ်းများသည် ပင်စင်ယူသည့်နေ့မှ
(၁၀)နှစ်အတွင်း တစ်လုံးတည်းပင်စင်
လဲလှယ်ခွင့် မရှိပါ။
(ဃ) နာမကျန်းပင်စင်ကို ဆေးလက်မှတ်အဆင့်
(B)ဖြင့် ရရှိသူများသည်လည်း ပင်စင်ယူသည့်
နေ့မှ (၁၀)နှစ်အတွင်း တစ်လုံးတည်းပင်စင်
လဲလှယ်ခွင့် မရှိပါ။
(င) ဂရုဏာကြေးစရိတ် ရရှိသူအား သာမန်အား
ဖြင့် တစ်လုံးတည်းပင်စင် လဲလှယ်ခွင့် မပြုပါ။
ပင်စင်စားအတွက် အလွန်အမင်း နစ်နာစေ
သော ကိစ္စများတွင်သာ အထူးကိစ္စအနေဖြင့်
တစ်လုံးတည်းပင်စင် လဲလှယ်ခြင်းကို ခွင့်ပြုပါ
သည်။
(စ) တစ်လုံးတည်းပင်စင် အဖြစ် လဲလှယ်ငွေကို
လစဉ် ထုတ်ယူနေသော ပင်စင်လစာမှ ရပ်စဲ
ရပါမည်။
(ဆ) ပင်စင်စား အသက် (၈၀)ကျော်ပါက
တစ်လုံးတည်း ပင်စင် လဲလှယ်ခွင့် မပြုပါ။

ဂရုဏာကြေးစရိတ်
--------------------
အကျင့်စာရိတ္တ ပျက်ပြားခြင်းကြောင့် လည်းကောင်း၊
လုပ်ငန်းတွင် အရည်အချင်း မပြည့်ဝမှုကြောင့်
လည်းကောင်း၊ ဝန်ထမ်းအဖြစ်မှ ထုတ်ပယ်ခြင်းခံရသော
ဝန်ထမ်းအား သက်ညှာစွာစဉ်စားပြီးလျှင် ယင်းဝန်ထမ်း
သည် အကယ်၍ ရာထူးမှ ထုတ်ပယ်ခံရသည့် နေ့တွင်
နာမကျန်း ပင်စင်ယူမည် ဆိုပါက ရရှိနိုင်မည့် ပင်စင်နှင့်
အငြိမ်းစားယူမှု ဆုငွေ၏ သုံးပုံနှစ်ပုံ(၂/၃)ထက်မပိုသော
ငွေကို ခံစားခွင့် ပြုနိုင်ပါသည်။ ထိုသို့ ဂရုဏာကြးစရိတ်
ခွင့်ပြုရာတွင် သက်ဆိုင်ရာဝန်ကြီးဌာနမှတဆင့် ဘဏ္ဍာ
ရေးနှင့်အခွန်ဝန်ကြီးဌာန၏ သဘောတူညီချက် ရယူရပါ
မည်။ ဂရုဏာကြေးစရိတ် ရရှိသူ ကွယ်လွန်ပါက
မိသားစုပင်စင် ခံစားခွင့် မရနိုင်ပါ။
သာမန်အားဖြင့် လစဉ်ပင်စင်ကို ပင်စင်နည်းဥပဒေ
သစ် အပိုဒ်-၂(၂)အရ လုပ်သက်(၁၀)နှစ်ပြည့်မှသာ
ခံစားခွင့်ရှိသဖြင့် လုပ်သက်(၁၀)နှစ်မပြည့်ပါက
ဂရုဏာကြေးစရိတ် လျှောက်ထားနိုင်ခွင့် မရှိပါ။
{CSR-353 နှင့် ပင်စင်နည်းဥပဒေသစ် အပိုဒ်-၈(၂)}

ပင်စင်အငြိမ်းစားအား နိုင်ငံတော်မှ ပေးအပ်ထားသော
အခွင့်အရေးများ
----------------------------------------------------------
ပင်စင်စားအနေဖြင့် အောက်ပါ အခွင့်အရေးများကို
ခံစားခွင့်ရှိပါသည်-
(က) ပင်စင်စားတစ်ဦး၌ တင်ရှိနေသော ကြွေးမြီး
များအတွက် ပင်စင်လစာကို တရားရုံးမှ
သိမ်းဆည်းခြင်း၊ ဝရမ်းကပ်ခြင်း မပြုရ။
{မြို့ပြဝန်ထမ်းစည်းမျဉ်း ဥပဒေအပိုဒ်
-၉၄၃(၅)}
(ခ) ပင်စင်စား တစ်ဦးအား ဝန်ထမ်းဆိုင်ရာ
စည်းမျဉ်း စည်းကမ်းအရ အရေးယူ
အပြစ်ပေးခြင်း မပြုရ။
{မြန်မာပြည် ထပ်ဆင့်ထုတ် မြို့ပြဝန်ထမ်း
စည်းမျဉ်း ဥပဒေအပိုဒ်-၂၀၉}
(ဂ) ပင်စင်လစာကို ပင်စင်စားနှစ်သက်ရာ
ဒေသတွင် ထုတ်ယူခွင့် ရှိသည်။
{မြို့ပြဝန်ထမ်းစည်းမျဉ်း ဥပဒေအပိုဒ်-၉၃၃}
(ဃ) တစ်နှစ်ထက်ကျော်လွန်ပြီးပင်စင်ထုတ်ယူခြင်း
မပြုပါက ပင်စင်လစာကို ဆက်လက်ထုတ်ပေး
ခြင်း မပြုရပါ။ ပင်စင်စားမှ ရပ်ဆိုင်းထားခဲ့
သည့် ပင်စင်လစာကို တောင်းခံလာပါက
ပင်စင်ဦးစီးဌာနအနေဖြင့် ပင်စင်ခွင့်ပြုခဲ့သူ
အာဏာပိုင်ထံ အမိန့်သစ်တစ်ရပ် တောင်းခံ
ပြီး သီးခြားအမိန့်စာဖြင့် ငွေပေးမိန့် ထုတ်ပေး
ရပါမည်။
{မြို့ပြဝန်ထမ်းစည်းမျဉ်း ဥပဒေအပိုဒ်-၉၅၆
နှင့် ၉၅၇}
(င) ပင်စင်စားကွယ်လွန်သဖြင့် မထုတ်ယူနိုင်ခဲ့
သော ပင်စင်လစာကျန်များကို ပင်စင်စား၏
တရားဝင် အမွေစား အမွေခံများအား ထုတ်ပေး
နိုင်သည်။
{မြို့ပြဝန်ထမ်းစည်းမျဉ်း ဥပဒေအပိုဒ်-၉၅၉ နှင့်
၉၆၀}
(စ) ပင်စင်စားတစ်ဦးသည် ကြီးလေးသော ပြစ်မှု
တစ်ရပ်ရပ်ကြောင့် တရားရုံး၏ ပြစ်ဒဏ်ချမှတ်
ခြင်းကို ခံရလျှင်ဖြစ်စေ၊ ဆိုးရွားသော မလျော်
ကန်သည့် အပြုအမူတစ်ရပ်ရပ်ကို ကျူးလွန်
လျှင်ဖြစ်စေ ယင်း၏ ပင်စင်လစာကို ရပ်ဆိုင်း
ထားရ ပါမည်။
{မြို့ပြဝန်ထမ်းစည်းမျဉ်း ဥပဒေအပိုဒ်-၃၅၁}
(ဆ) ပင်စင်စားသည် ပြစ်ဒဏ်ကျခံခြင်းမှ
လွတ်မြောက်လာပါက ရပ်ဆိုင်းထားသော
ပင်စင်လစာကို ပြန်လည်တောင်းခံ နိုင်ပါ
သည်။
{မြန်မာပြည် ထပ်ဆင့်ထုတ် မြို့ပြဝန်ထမ်း
စည်းမျဉ်း ဥပဒေအပိုဒ်-၄၃}

ပင်စင်လစာအဆင့်ဆင့်တိုးမြှင့်လာခြင်း
----------------------------------------
အငြိမ်းစားများ ရရှိသည့် ပင်စင်လစာငွေကို
အောက်ပါအတိုင်း အဆင့်ဆင့်တိုးမြှင့် ခွင့်ပြုပေးခဲ့ပါ
သည်-
(က) (၁.၄.၁၉၈၉)နေ့မှစ၍ ပင်စင်လစာပေါ်တွင်
ထပ်ဆောင်း ခွင့်ပြုသည့် ယာယီဆောင်းငွေနှင့်
အပိုထောက်ပံ့ကြးတို့ကိုပေါင်း၍ ပင်စင်လစာ
အဖြစ် သတ်မှတ်ခွင့်ပြုပါသည်။
(ခ) (၁.၄.၁၉၉၃)နေ့မှစ၍ အငြိမ်းစားများ ထုတ်ယူ
လျှက်ရှိသော ပင်စင်လစာ၏ (၂၅%)တိုးမြှင့်
ခွင့်ပြု ခဲ့ပါသည်။
(ဂ) (၁.၁၀.၁၉၉၄)နေ့မှစ၍ မိသားစုပင်စင် ခံစား
လျှက်ရှိသော ဇနီး/ခင်ပွန်းတို့အတွက် ပင်စင်
လစာကို အငြိမ်းစားရရှိခဲ့သော ပင်စင်လစာ
(၁/၂)နှုန်းမှ (၃/၄)နှုန်းသို့ တိုးမြှင့် ခွင့်ပြုခဲ့ပါ

သည်။
(ဃ) (၁.၄.၂၀၀၀)ပြည့်နှစ်မှစ၍ အငြိမ်းစားများ
ထုတ်ယူ လျှက်ရှိသော ပင်စင်လစာ၏(၂)ဆ
နှုန်း တိုးမြှင့် ခွင့်ပြုခဲ့ပါသည်။
(င) (၁.၇.၂၀၁၁)နေ့မှစ၍ အငြိမ်စားများ၏ ပင်စင်
လစာကို (၁.၁.၂၀၁၀)နေ့တွင် စတင်ခွင့်ပြု
သော ဝန်ထမ်းလစာနှုန်းဖြင့် ပြင်ဆင်
တွက်ချက်၍ တိုးမြှင့် ခွင့်ပြုခဲ့ပါသည်။
(စ) (၁.၄.၂၀၁၃)ရက်နေ့မှစ၌ အငြိမ်စားများ၏
ပင်စင်လစာကို ကျပ်-၂၀၀၀၀/-နှုန်းပေါ်တွင်
ပြင်ဆင်တွက်ချက်၍ တိုးမြှင့် ခွင့်ပြုခဲ့ပါသည်။
(ဆ) (၁.၄.၂၀၁၄)ရက်နေ့မှစ၌ အငြိမ်စားများ၏
ပင်စင်လစာကို ကျပ်-၂၀၀၀၀/-နှုန်းပေါ်တွင်
ပြင်ဆင်

ပညာရေးချန်နယ်မှ နှစ်သစ်ဆုတောင်းစကား

“မင်္ဂလာရှိသော နှစ်သစ်ဖြစ်ပါစေ၊ ပညာရေးလုပ်ငန်းများ အောင်မြင်ပါစေ၊ တစ်နိုင်ငံလုံး ချမ်းမြေ့ပါစေ။”

#ကျောင်းအုပ်ကြီးများစီမံခန့်ခွဲမှုသင်တန်းpageအမှတ်စဥ် ၁/၂၃ မှ
#ပြန်လည်ကူးယူတင်ပြသည်။

Third Edu post
*****
အချိန်ဇယားရေးဆွဲရာတွင် လိုက်နာရမည့်အချက်များ

(က) သတ်မှတ်ပေးထားသည့် ရက်သတ္တပတ်အတွင်း အတန်းအလိုက်ဘာသာရပ် တစ်ခုချင်း၏ သင်ချိန်ခွဲဝေမှုအတိုင်း ရေးဆွဲရမည်။

( ခ) အတန်းတစ်တန်းအတွက် နေ့စဉ် ဘာသာစုံပါဝင်ရန် တတ်နိုင်သမျှ စီစဉ်ရေးဆွဲရမည်။

( ဂ) ဆရာတစ်ဦးတည်း(၃)ကြိမ် ဆက်တိုက်သင်ရန် ထည့်သွင်းရေးဆွဲခြင်းမျိုးမဖြစ်စေရပါ။

(ဃ) ကျောင်းသား၊ ကျောင်းသူများ၏ ပင်ပန်းနွမ်းနယ်မှု အခြေအနေကိုထည့်သွင်း စဉ်းစားရေးဆွဲ ရမည်။ (သာမန်အားဖြင့် နံနက်ပိုင်းအချိန်တို့သည် စိတ်ဓာတ်အရွှင်လန်းဆုံးဖြစ်သည်။ ကျောင်းဆင်းခါနီး နောက်ဆုံးအချိန်သည် ကလေးများ၏ စိတ်ရောကိုယ်ပါနွမ်းနယ်ပတည် ငြိမ်သောအချိန်ဖြစ်၍ တက်ကြွလန်းဆန်းချိန်များတွင် အာရုံစူးစိုက်ရန်လိုအပ်သော ဘာသာရပ် များကို ထည့်သွင်းရေးဆွဲရမည်။)

( င) တစ်ဘာသာတည်းကို သင်ချိန်(၃/၄)ချိန် ဆက်တိုက် မရေးဆွဲရပါ။(ဆရာရောတပည့်ပါ ငြီးငွေ့ လာမည်။ ဘာသာရပ်သဘာဝအရရေးသောအချိန်၊ တွက်သောအချိန်၊ သီဆိုရသော အချိန်၊ လှုပ်ရှားလုပ်ဆောင်ရသော အချိန်တို့ကို မျှတစွာ အလှည့်ပေးရေးဆွဲရမည်။)

( စ) ကာယကဲ့သို့သော ပညာရေးလက်တွေ့ ဖွံ့ဖြိုးမှု ဘာသာရပ်များကို နောက်ဆုံးအချိန်တွင်ထားရ မည်။

(ဆ) အတန်းပိုင်စနစ်ဖြင့် ဘာသာစုံသင်သော မူလတန်းအဆင့်တွင် အတန်းလိုက်အချိန်ဇယား ရေးဆွဲရမည်။ အတန်းအချိန်ဇယားသည် ကိုယ်ပိုင်အချိန်ဇယားနှင့် ထပ်တူဖြစ်ရမည်။ (ရေးဆွဲ ရာတွင်တစ်တန်းနှင့် တစ်တန်းသင်ကြားသောဘာသာရပ်၊ သဘာဝချင်း အနှောင့်အယှက် မဖြစ်ရအောင် အတတ်နိုင်ဆုံးစီစဉ်ရမည်။ ဥပမာ-ဒုတိယတန်းတွင် သင်္ချာသင်ချိန်ဖြစ်လျှင် အတန်းချင်းကပ်နေသော တတိယတန်းတွင် ဂီတအချိန်၊ စုပေါင်းသီချင်းဆိုခြင်းမျိုး မဖြစ်သင့်

( ဇ) ဘာသာရပ်စနစ်ဖြင့် ဆရာများက ဘာသာရပ်ခွဲဝေ၍ အတန်းတစ်တန်းကိုဖြစ်စေ၊ အတန်း များကိုဖြစ်စေ၊ သင်ပြသော အလယ်တန်းအဆင့်နှင့် အထက်တန်းအဆင့်များတွင် ကိုယ်ပိုင် အချိန်ဇယားကိုမူတည်၍ `အတန်းအချိန်ဇယားဖြစ်အောင် ရေးဆွဲရမည်။

(စျ) ဆရာတစ်ဦးအား အင် အချိန်တစ်ချိန်တွင် တာဝန်ချထားပေးပြီးပါက ၎င်းဆရာအား အဆိုပါ အချိန် တွင်ပင် အခြားအတန်း တန်းများ၌ တာဝန်ချထားခြင်းမပြုရ။ (အချိန်မထပ်စေရပါ။)

(ည) ကျောင်၊ ကျောင်းတက်စပထမအ ပထမအချိန်နှင့် အခြေအနေပေးပါက နေ့လယ်ပိုင်းကျောင်းပြန်တက်သော အချိန်တို့ တွင် အတန်းပိုင်ဆရာအား ၎င်းတာဝန်ယူရသောအတန်းတွင် တာဝန်ချထားပေး ရမည်။

( ဋ) အချိန်ရေးဆွဲသည့်အခါ ဘာသာရပ်သဘာဝရှုထောင့်၊ စိတ်ပညာရှုထောင့်၊ ကျန်းမာရေး ရှုထောင့်စသည့် ရှုထောင့်ဘက်ပေါင်းစုံနှင့် ဆီလျော်အောင် ရေးဆွဲရမည်။

(ဌ) အချိန်စာရင်းကို ဘာသာရပ်တစ်ခုခြင်းစီအချိန်အရေအတွက်ဖြင့်ခွဲဝေခြင်းနှင့် အချိန်ဇယားတစ်ခုခြင်းစီ၏အောက်တွင်ရေးသာဖော်ပြရန်။

#မှတ်ချက်
ဒေသသင်ရိုးအစား စာကြည့်တိုက်ပြင်ဆင်ပေးပါရန်

ကျောင်းမဖွင့်မီ ကြိုတင်ဆောင်ရွက်ရမည့်လုပ်ငန်းများ
**********

ကျောင်းများဖွင့်လျှင်ဖွင့်ခြင်း ပညာရေးလုပ်ငန်းများ အဆင်ပြေချောမောစွာ စတင်နိုင်ရေး အတွက် ကြိုတင်ပြင်ဆင်ရေးလုပ်ငန်းများကို ကျောင်းအုပ်ကြီးများအနေဖြင့် အဓိက တာဝန်တစ်ရပ် သတ်မှတ်ကာ မလွှဲမသွေ ဆောင်ရွက်ကြရပေမည်။

ကြိုတင်ပြင်ဆင်ရေးလုပ်ငန်းများကို ဆောင်ရွက်ရာတွင် အောက်ဖော်ပြပါလုပ်ငန်းများကိုဆောင်ရွက်ကြရန်ဖြစ်ပေသည်။

(က) ကျောင်းဝင်းခြံ၊ ကျောင်းအဆောက်အဦများ၊ စာသင်ခန်းများ၊ အိမ်သာများ အသင့် ဖြစ်စေရန်အတွက် ပြန်လည်ပြုပြင်ခြင်း၊ သန့်ရှင်းရေးပြုလုပ်ခြင်း၊

( ခ) ကျောင်းအလံတိုင်၊ နိုင်ငံတော်အလံ၊ ကျောင်းဆိုင်းဘုတ်၊ အတန်းဆိုင်းဘုတ်၊ မိဘဆရာ အသင်းဆိုင်းဘုတ်များကို ပြုပြင်ခြင်း၊ ဝယ်ယူထားရှိခြင်း၊ ဆေးသုတ်ခြင်း၊

( ဂ) ကျောင်းသုံးပရိဘောဂများလုံလောက်ရေးနှင့်အသင့်ဖြစ်စေရေးအတွက်ပြန်လည် ပြုပြင်ခြင်း၊ ဝယ်ယူခြင်း၊ အခန်းလိုက်နေရာချထားခြင်း၊ ပရိဘောဂများ ဖြည့်တင်းရေး ကို စာသင်နှစ်မစတင်မီ ကြိုတင်ဆောင်ရွက်ရန် လိုပါသည်။

(ဃ) သောက်ရေအိုး၊ သောက်ရေခွက်၊ ရေအိုးဖုံး၊ ရေစစ်၊ တံမြက်စီး၊ အမှိုက်တောင်း၊ အမှိုက် ကော်ပြား၊မြေဖြူ၊သင်ပုန်းဖျက်၊ဆရာနေ့စဉ်မှတ်တမ်းစာအုပ်များ၊ ကျောင်းဝင်မှတ်ပုံတင် “ ခ ” စာရင်းစာအုပ်များ၊ ကျောင်းခေါ်ကြိမ်စာရင်းစာအုပ်များ၊ ကျောင်းထွက်လက်မှတ် စာအုပ်များစသည်တို့နှင့် အထောက်အကူပြုစာရွက်စာတမ်း၊ ရုပ်ဝတ္ထုပစ္စည်းများ စုဆောင်းထားရှိခြင်း၊

( င ) ကျောင်းသုံးစာအုပ် အပြည့်အစုံ အချိန်မီရရှိရေးအတွက် ကျောင်းသားစာရင်းပြုစုခြင်း၊ ကျောင်းသုံးစာအုပ် ဖြန့်ဖြူးရေးအဖွဲ့ ဖွဲ့စည်းခြင်း၊သက်ဆိုင်ရာတာဝန်ရှိသူ မြို့နယ်ပညာ ရေးမှူးများနှင့် တိုင်းပညာရေးမှူးများထံ တင်ပြခြင်း၊ စာရင်းပေးပို့ခြင်း၊ အမှာစာများ ပြုစုပေးပို့ခြင်း၊ စာအုပ်များခေတ္တသိုလှောင်ရန် နေရာသတ်မှတ်ခြင်း၊ စာအုပ်ဖြန့်ဝေ မည့် စနစ် ကြိုတင်ရေးဆွဲထားခြင်း၊

( စ) မိမိကျောင်းမှထွက်မည့်ကျောင်းသားများအတွက် ကျောင်းထွက်လက်မှတ်များကို အချိန် မီ စနစ်တကျ အမှားအယွင်းမသမာမှုများလုံးဝမရှိစေဘဲ ထုတ်ပေးရေးကို ကြိုတင် စီစဉ်ထားခြင်း၊ ကျောင်းထွက်လက်မှတ် ထုတ်ပေးသည့် မှတ်ပုံတင်စာရင်းထိပါ ကြိုတင် ပြင်ဆင်ထားခြင်း၊

(ဆ) ကျောင်းသားများ (ကျောင်းသားသစ်အပါအဝင်) စနစ်တကျလက်ခံရေးအတွက် စီမံချက် ရေးဆွဲဆောင်ရွက်ခြင်း၊

( ဇ) ကျောင်းဖွင့်လှစ်သည့်နေ့တွင် သင်ကြားရေးကို စတင်ဆောင်ရွက်နိုင်ရေးအတွက် ဆရာ၊ ဆရာမများအား အတန်းမှူး၊ အတန်းပိုင်၊ ဘာသာရပ်မှူးသတ်မှတ်ခြင်း၊ ဘာသာရပ် ခွဲဝေခြင်း၊ အချိန်ဇယားရေးဆွဲခြင်းများကို ကြိုတင်ဆောင်ရွက်ထားခြင်း၊

(ဈ) သောက်သုံးရေပြည့်စုံရေးအတွက် ကြိုတင်ပြင်ဆင်ထားခြင်း၊

(ည) လက်ခံမည့်ကျောင်းသားများအားကျောင်းစည်းကမ်းနှင့်ပတ်သက်၍ ကြိုတင် အသိပေး ထားရေး၊ ကျောင်းစည်းကမ်းနှင့်ပတ်သက်၍ ကျောင်းသားများ၏ ဝန်ခံကတိပြုရေး အတွက် လိုအပ်သော ကြိုတင်ပြင်ဆင်မှုများ ပြုလုပ်ခြင်း၊

(ဋ) တစ်နှစ်တာ ပညာရေးလုပ်ငန်း စီမံချက်ကို စည်းကမ်းထိန်းသိမ်းရေး၊ သင်ကြားရေး၊ လုံခြုံရေး၊ဖွံ့ဖြိုးရေး၊ စသည့်ကဏ္ဍများခွဲခြားကာ ကဏ္ဍအလိုက်လိုအပ်သော အဖွဲ့များ ဖွဲ့စည်းပေးခြင်း၊ တာဝန်ခွဲဝေ သတ်မှတ်ခြင်း၊ ကျောင်းသည်ကျောင်းနှင့်တူစေရေး၊ သန့်ရှင်းသပ်ရပ်လှပရေး၊ စိမ်းလန်းစိုပြည်ရေး၊ ရုပ်ပိုင်းဆိုင်ရာ အဆောက်အအုံ၊ ပရိဘောဂနှင့်အခြားရုပ်ဝတ္ထုပစ္စည်းများ ကြိုတင်ပြင်ဆင်ရေးလုပ်ငန်းကို ထိရောက် အောင်မြင်စွာဆောင်ရွက်နိုင်ရေးအတွက် ကျောင်းမဖွင့်မီ အနည်းဆုံးတစ်လကပင် စတင်၍ မိဘဆရာ အသင်းအစည်း အဝေးခေါ်ယူ ညှိနှိုင်းဆုံးဖြတ်ဆောင်ရွက်ခြင်း၊ သက်ဆိုင်ရာအဖွဲ့အစည်း၊ ဌာနဆိုင်ရာများနှင့် ပေါင်းစပ်ဆောင်ရွက်ခြင်း၊ လိုအပ်သောပံ့ပိုးမှုများရယူခြင်းများ ပြုသင့်ပါသည်။ မိဘဆရာအသင်း ကျောင်းအကျိုးဆောင်အဖွဲ့နှင့်လည်း ညှိနှိုင်းဆောင်ရွက်ခြင်း ပြုသင့်ပါသည်။ သင်ကြားရေးနှင့် စည်းကမ်းထိန်းသိမ်း ရေးအတွက် တစ်နှစ်တာပညာရေးလုပ်ငန်းစီမံချက်ကို ဆရာ၊ ဆရာမများအား အစည်းအဝေးခေါ်ယူ၍ ရှင်းလင်းဆွေးနွေးခြင်း၊ တာဝန်ခွဲဝေသတ်မှတ်ပေးခြင်းပြု လုပ်ရမည်ဖြစ်သည်။

(မှတ်ချက်။ ယခင်စာသင်နှစ်တွင်ဖွဲ့စည်းထားသော မိဘ-ဆရာအသင်း နှင့် ကျောင်းအကျိုးဆောင်အသင်းတို့ကို...ယခုစာသင်နှစ်မစတင်မီခေါ်ယူ၍ညှိနှိုင်းဆောင်ရွက်စေခြင်းကိုဆိုလိုပါသည်။)

ဦးစစ်နိုင်(ပညာရေး)