အခြေခံပညာအတန်းများ၏ စာမေးပွဲအောင်စာရင်းများကို မေလ ၁၄ ရက်နေ့တွင် ထုတ်ပြန်မည်

၂၀၂၅-၂၀၂၆ ပညာသင်နှစ် အတွက် အခြေခံပညာအတန်းအသီးသီး၏ နှစ်ဆုံးစစ်ဆေးခြင်း စာမေးပွဲအောင်စာရင်းများကို အောက်ပါအတိုင်း ထုတ်ပြန်ကြေညာသွားမည်ဖြစ်ကြောင်း သိရှိရပါသည်။

ထုတ်ပြန်မည့်ရက် - ၂၀၂၆ ခုနှစ်၊ မေလ (၁၄) ရက်
နေ့ရက် - ကြာသပတေးနေ့
ကြည့်ရှုနိုင်မည့်နေရာ - သက်ဆိုင်ရာ အခြေခံပညာကျောင်းများတွင် ကပ်ထားပေးမည် ဖြစ်ပါသည်။

ကျောင်းသား၊ ကျောင်းသူများအားလုံး စိတ်အေးချမ်းသာစွာဖြင့် ထူးထူးချွန်ချွန် အောင်မြင်ကြပါစေကြောင်း ဆုမွန်ကောင်းတောင်းအပ်ပါသည်။

[ မှတ်ချက်- Grade 12 မပါဝင်ပါ။ ]

ပြည်ထောင်စုဝန်ကြီးများ အမည်စာရင်း နိုင်ငံတော်သမ္မတ တင်ပြ

(ပြည်တွင်း) ဧပြီ ၇

တတိယအကြိမ် ပြည်ထောင်စုလွှတ်တော် ပထမပုံံမှန်အစည်းအဝေး စတုတ္ထနေ့အား ယနေ့နံနက် ၁၀နာရီအချိန်က ကျင်းပခဲ့ရာ နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူက ပြည်ထောင်စုဝန်ကြီးများအမည်စာရင်းအား ပြည်ထောင်စုလွှတ်တော်သို့ တင်ပြခဲ့ကြောင်း သိရသည်။

နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူ ဗိုလ်ချုပ်မှူးကြီး မင်းအောင်လှိုင်က အဆိုပြုတင်ပြထားသော ပြည်ထောင်စုဝန်ကြီးများ ခန့်အပ်တာဝန်ပေးသင့်သည့် အမည်စာရင်းကို တင်ပြခဲ့ရာ
၁။ ဦး‌ခင်မောင်ရီ (အမျိုးသားစီမံကိန်းရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန)
၂။ ဦးအောင်ကျော်ဟိုး (နိုင်ငံတော်သမ္မတရုံး ဝန်ကြီးဌာန)
၃။ ဦးတင်အောင်ဆန်း (ပို့ဆောင်ရေးဝန်ကြီးဌာန)
၄။ ဦးမြထွန်းဦး (ဒစ်ဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန)
၅။ ဗိုလ်ချုပ်ကြီး ထွန်းအောင် (ကာကွယ်ရေးဝန်ကြီးဌာန)
၆။ ဒုတိယဗိုလ်ချုပ်ကြီး ညွန့်ဝင်းဆွေ (ပြည်ထဲရေးဝန်ကြီးဌာန)
၇။ ‌ဦးတင်မောင်ဆွေ ( နိုင်ငံခြားရေးဝန်ကြီးဌာန)
၈။ ဒေါက်တာကံဇော် (ဘဏ္ဍာရေးနှင့် အခွန်ဝန်ကြီးဌာန)
၉။ ဒုတိယဗိုလ်ချုပ်ကြီး ဘုန်းမြတ် (နယ်စပ်ရေးရာဝန်ကြီးဌာန)
၁၀။ ဦးသန်းမောင် (တိုင်းရင်းသားလူမျိုးများရေးရာဝန်ကြီးဌာန)
၁၁။ ဒေါက်တာ သီတာဦး (ဥပဒေရေးရာဝန်ကြီးဌာန)
၁၂။ ဒေါက်တာ ချောချောစိန် (ပညာရေးဝန်ကြီးဌာန)
၁၃။ ဒေါက်တာ မျိုးသိန်းကျော် (သိပ္ပံနှင့် နည်းပညာဝန်ကြီးဌာန)
၁၄။ ဒေါက်တာ သက်ခိုင်ဝင်း (ကျန်းမာရေးဝန်ကြီးဌာန)
၁၅။ ဒေါက်တာ သက်သက်ဇင် (အမျိုးသမီးရေးရာဝန်ကြီးဌာန)
၁၆။ ဦးထိန်လင်း (ပြန်ကြားရေးဝန်ကြီးဌာန)
၁၇။ ဦးတင်ဦးလွင် (သာသနာရေးဝန်ကြီးဌာန)
၁၈။ ဦးမင်းနောင် (စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန)
၁၉။ ဦး‌မျိုးဇော်သိမ်း (သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန)
၂၀။ ဦးဆန်းဦး (သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန)
၂၁။ ဦးကိုကိုလွင် (လျှပ်စစ်နှင့် စွမ်းအင်ဝန်ကြီးဌာန)
၂၂။ ဒေါက်တာ ချာလီသန်း (စက်မှုနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန)
၂၃။ ဦးမြင့်ကြိုင် (လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန)
၂၄။ ဦးခင်မောင်စိုး (အလုပ်သမားဝန်ကြီးဌာန)
၂၅။ ဦးထွန်းအုံ (စီးပွားရေးနှင့် ကူးသန်းရောင်းဝယ်ရေးဝန်ကြီးဌာန)
၂၆။ ဦးရဲမြင့်ထွန်း (အားကစားရေးရာဝန်ကြီးဌာန)
၂၇။ ဒေါက်တာမောင်သင်း (လူငယ်ရေးရာဝန်ကြီးဌာန)
၂၈။‌ ဦးမျိုးသန့် (ဆောက်လုပ်ရေးဝန်ကြီးဌာန)
၂၉။ ဒေါက်တာစိုးဝင်းဘ(လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန)
၃၀။ ဦးမောင်မြင့် (ဟိုတယ်၊ ခရီးသွားလာရေးနှင့် ယဉ်ကျေးမှု ဝန်ကြီးဌာန) တို့ဖြစ်ကြောင်း သိရသည်။

အဆိုပြုတင်သွင်းသည့် ပြည်ထောင်စုဝန်ကြီးစာရင်းနှင့် စပ်လျဥ်းပြီး ခန့်အပ်ရန် သဘောတူကြောင်း ကြေညာခြင်း သို့မဟုတ် ကန့်ကွက်လိုသည့် လွှတ်တော်ကိုယ်စားလှယ်ရှိပါက ကန့်ကွက်နိုင်‌ေကြာင်း အဆိုတင်သွင်းခြင်းတို့ကို ဧပြီ ၉ ရက် ကြာသ‌ပတေးနေ့မှာ ပြုလုပ်မည့် ပြည်ထောင်စုလွှတ်တော်အစည်းဝေးတွင် ဆောင်ရွက်မည်ဖြစ်ပြီး ကန့်ကွက်ချက်တစ်စုံတရာမရှိပါက အမည်စာရင်းပါပုပ္ဂိုလ်များကို ပြည်ထောင်စုဝန်ကြီးများအဖြစ်ခန့်အပ်‌တာဝန်ပေးရန် လွှတ်တော်ကသဘောတူကြောင်း ကြေညာသွားမည်ဟု သိရသည်။

သတင်းအချက်အလက်နည်းပညာတက္ကသိုလ်က ဖွင့်လှစ်မည့် AI ဒီပလိုမာသင်တန်း

သတင်းအချက်အလက်နည်းပညာတက္ကသိုလ်တွင် Professional Diploma in AI သင်တန်းကို (၆) လ ဖွင့်လှစ်မည်ဖြစ်သဖြင့် တက်ရောက်လိုသူများ ဧပြီလ (၂၄) ရက်အထိ လျှောက်ထားနိုင်သည်။

အောက်ပါအရည်အချင်းနှင့် ပြည့်စုံသူများ လျှောက်ထားနိုင်ပါသည် -

IT နှင့် ဆက်စပ်သည့် ဘွဲ့တစ်ခုခု ရရှိထားသူ (သို့) ဘွဲ့တစ်ခုခု ရရှိထားပြီး C++/Python/Java Programming အခြေခံရှိသူ (သို့) IT ဘာသာရပ်ဖြင့် ဘွဲ့ရရှိရန် လိုအပ်သည့် Credit များ သင်ယူပြီးမြောက်သော CU၊ TU နှင့် PU များမှ နောက်ဆုံးနှစ် ကျောင်သား၊ ကျောင်းသူများဖြစ်ရမည်။

မိမိနှင့်တကွ မိဘနှစ်ပါးလုံးသည် မြန်မာနိုင်ငံသားဖြစ်ရမည်။

ဝင်ခွင့်အရည်ချင်းစစ်စာမေးပွဲများကို အောင်မြင်စွာ ဖြေဆိုနိုင်သူ ဖြစ်ရမည်။

ဝန်ကြီးဌာနများမှ ဝန်ထမ်းဖြစ်ပါက မိမိတို့ သက်ဆိုင်ရာ ဌာနအကြီးအကဲ၏ ခွင့်ပြုစာ ပါရှိရမည်။

လျှောက်လွှာများကို သတင်းအချက်အလက်နည်းပညာတက္ကသိုလ် သင်တန်းရေးရာဌာနတွင် ဧပြီ (၂၄) ရက်၊ သောကြာနေ့ နောက်ဆုံးထား၍ လျှောက်ထားရပါမည်။  

လျှောက်ထားသူများအားလုံး လူတွေ့စစ်ဆေးမှု ဖြေဆိုရမည်ဖြစ်ပြီး ထပ်မံ ဆက်သွယ်ဆောင်ရွက်သွားမည်ဖြစ်သည်။ IT နှင့် ဆက်စပ်သည့် ဘွဲ့တစ်ခုခု ရရှိထားသူ မဟုတ်ပါက ဧပြီ (၂၇) ရက်နေ့၊ နံနက် (၁၀) နာရီတွင် သတင်းအချက်အလက်နည်းပညာတက္ကသိုလ် (ပါရမီလမ်းမကြီး၊ တက္ကသိုလ်များ (လှိုင်နယ်မြေ)၊ ရန်ကုန်မြို့) တွင် ဝင်ခွင့်စာမေးပွဲများ ဖြေဆိုကြရပါမည်။

သင်တန်းအား ၂၀၂၆ ခုနှစ်၊ မေလ (၄) ရက်နေ့မှ နိုဝင်ဘာ (၆) ရက်နေ့အထိ (၆) လ ဖွင့်လှစ်သင်ကြားမည်ဖြစ်ပြီး သင်တန်းသား (၆၀) ဦးသား လက်ခံမည်ဖြစ်သည်။ သင်တန်းအား အစိုးရရုံးပိတ်ရက်များမှအပ နံနက် (၉) နာရီမှ ညနေ (၄) နာရီအထိ အချိန်ပြည့် တက်ရောက်ရမည်ဖြစ်ပြီး သင်တန်းကြေးမှား (၃) သိန်းကျပ်ဖြစ်သည်။
သင်တန်းပြီးမြောက်အောင်မြင်သူများကို သတင်းအချက်အလက်နည်းပညာတက္ကသိုလ်နှင့် အိန္ဒိယနိုင်ငံ Centre for Development of Advanced Computing (C-DAC) တို့ပူးပေါင်း၍ Post Graduate Diploma ဘွဲ့ ပေးအပ်ချီးမြှင့်မည်ဖြစ်သည်။ 
အသေးစိတ်သိရှိလိုပါက email: stu.affairs@uit.edu.mm နှင့် တယ်လီဖုန်း ၀၉-၇၇၄၁၅၂၁၆၆ သို့ ရုံးချိန်အတွင်း ဆက်သွယ် မေးမြန်း စုံစမ်းနိုင်ပါသည်။

ကျရှုံးမှုဆိုတာ မြေဩဇာနဲ့ တူတယ်။ အနံ့အသက်က တကယ့်ကိုဆိုးဝါးတယ်။ဒါပေမဲ့ အဲဒါက အနာဂတ်မှာ အရာရာကို ပိုပြီး မြန်မြန်ဆန်ဆန် ကြီးထွားရှင်သန်လာစေပါတယ်။(ဒန်းနစ် ဝိတ်တလေ)

ရေသဘင်မဏ္ဍပ်ဆောက်မည်ဆိုပါက

အထက်တန်းပြရာထူးမှ အလယ်တန်းကျောင်းအုပ်ရာထူးတိုးများထွက်ရှိပြီးဖြစ်ကြောင်း သိရှိရပါသည်။ သက်ဆိုင်ရာ ရုံးသို့စုံစမ်းကြည့်ပါ

ဘွဲ့မရသေးသူတွေ လျှောက်ထားနိုင်တဲ့ ASEAN-Japan Youth Forum

ASEAN-Japan Youth Forum (2026) 🇯🇵
အာဆီယံနှင့် ဂျပန်နိုင်ငံမှ တက္ကသိုလ်ကျောင်းသား/သူများအတွက် ဂျပန်နှင့် ထိုင်းနိုင်ငံ တို့ကို Field Trip အခမဲ့ သွားရောက်နိုင်မယ့် အခွင့်အရေးကောင်းတစ်ခု လာပါပြီ။

Japan Foundation၊ AUN နှင့် Kyoto University တို့ပူးပေါင်းပြီး သဘာဝပတ်ဝန်းကျင်နှင့် လူမှုရေးဆိုင်ရာပြဿနာများကို စူးစမ်းလေ့လာလိုသည့် မျိုးဆက်သစ်လူငယ်များအတွက် ရည်ရွယ်ကျင်းပခြင်း ဖြစ်သည်။

သတ်မှတ်ချက်မှာ "AUN (ASEAN University Network) အဖွဲ့ဝင် တက္ကသိုလ်" ဖြစ်တဲ့
ရန်ကုန်တက္ကသိုလ် (University of Yangon)
မန္တလေးတက္ကသိုလ် (University of Mandalay)
ရန်ကုန်စီးပွားရေးတက္ကသိုလ် (Yangon University of Economics) တို့တွင်လက်ရှိတက်နေတဲ့ ကျောင်းသား/သူ များ လျှောက်ထားနိုင်ပါတယ်။

📅 အစီအစဉ် ကာလ
၂၀၂၆ ခုနှစ်၊ ဩဂုတ်လမှ ဒီဇင်ဘာလအထိ (အွန်လိုင်းဆွေးနွေးပွဲများနှင့် လေ့လာရေးခရီးစဉ်များ ပါဝင်မည်)

ခရီးစဉ် အသေးစိတ်:
✈️ ထိုင်းနိုင်ငံ: ဩဂုတ် (၃၀) - စက်တင်ဘာ (၅) (၆ ညအိပ် ၇ ရက်)
✈️ ဂျပန်နိုင်ငံ: ဒီဇင်ဘာ (၁၃) - (၂၀) (၇ ညအိပ် ၈ ရက်)

✨ ထောက်ပံ့ပေးမည့်အစီအစဉ်များ (Fully Funded)
အသွားအပြန် လေယာဉ်စရိတ်
လေ့လာရေးခရီးစရိတ်
နေထိုင်စားသောက်စရိတ် အားလုံး အခမဲ့။

✅ လျှောက်ထားနိုင်သူများ
AUN အဖွဲ့ဝင် တက္ကသိုလ်တစ်ခုခုမှ ဘွဲ့ကြိုကျောင်းသား (Undergraduate) ဖြစ်ရမည်။
မြန်မာနိုင်ငံသား ဖြစ်ရမည် (လက်ရှိ ပြည်တွင်း၌ နေထိုင်သူဖြစ်ရမည်)။
အင်္ဂလိပ်စာဖြင့် ကောင်းမွန်စွာ ပြောဆိုဆက်သွယ်နိုင်ရမည်။

📝 လျှောက်ထားရန် လိုအပ်ချက်များ
၁။ အွန်လိုင်းလျှောက်လွှာဖြည့်ရန် - [https://docs.google.com/forms]
၂။ အက်ဆေး (၂) ပုဒ် ရေးသားရန် - [https://docs.google.com/document/]
၃။ ကျောင်းထောက်ခံစာ (၁) စောင်။
၄။ အင်္ဂလိပ်စာ အရည်အချင်းစစ်လက်မှတ် (TOEIC/TOEFL/IELTS) - မရှိလျှင်လည်း လျှောက်ထားနိုင်သည်။

⏳ အရေးကြီးရက်စွဲများ
နောက်ဆုံးလျှောက်ထားရမည့်ရက်: ၁ မေ ၂၀၂၆
ပထမအဆင့်ရလဒ်ကြေညာခြင်း: ၂၉ မေ ၂၀၂၆
လူတွေ့စစ်ဆေးခြင်း (Online Interview): ဇွန်လ (၁-၂၆) ရက်အတွင်း
အပြီးသတ်ရလဒ်ကြေညာခြင်း: ၁၀ ဇူလိုင် ၂၀၂၆

📧 အသေးစိတ်စုံစမ်းရန်:
tasc@aunsec.org (သို့မဟုတ်) pimapsorn.t@aunsec.org သို့ အီးမေးလ်ပေးပို့ မေးမြန်းနိုင်ပါသည်။


#ASEANJapan #YouthForum2026 #Scholarship #FieldTrip #Education #Undergraduate

ရှေးက အသုံးပြုခဲ့ကြသည့် အတာအိုးထိုးနည်း
------------------
အတာပန်းကိုစျေးမှာရောင်းတာ လွယ်လွယ်ကူကူပဲ ဝယ်ပြီး သုံးခဲ့ကြတာတွေကြောင့် ဒီနည်းလမ်းက ပျောက်ကွယ် လုနီးပါ ဖြစ်နေပါပြီ။ ပြောရမယ်ဆိုရင် ကျွန်တော်ကိုယ်တိုင်တောင် တစ်ချို့နှစ် အနည်းငယ်လောက်ပဲ (အရေးကြီးသည်ထင်တဲ့ နှစ်လောက်သာ) အသုံးပြုတာပါ။ 😁😁😁
(ဒီနေရာမှာ လွဲနေတဲ့အယူအဆတစ်ခုက သိကြားမင်းကိုကြိုတာမဟုတ်ပါ။ နှစ်သစ်ကို ကြိုဆိုတာပါ။ ပန်းအိုး၊အတာအိုးထိုးတယ်ဆိုတာကလည်း နှစ်သစ်ကို ကြိုဆိုတဲ့သဘောပါ။အဲ့တာကြောင်း အတိတ် နိမိတ်ကောင်းတဲ့ စိမ်းစိမ်းစိုစ်ို အညွန့်တွေ သုံးထားတာပါ။)

လိုအပ်တာက
အတာအိုး၊
ခရေညွန့် (ခရေလုံးဝမရနိုင်ခဲ့ရင် မာလကာကိုသုံးပါ)၊
ကံ့ကော်ညွန့် ၊မြေဇာ၊
သီဟိုဠ် (သီဟိုဠ် လုံးဝမရနိုင်ခဲ့ရင် သရက်ကိုသုံးပါ)
သပြေ (ဖြစ်နိုင်ရငိ အာစီယံ သပြေမသုံးသင့်ပါ)
ထန်း ( ထန်းလုံးဝမရနိုင်ရင် ဒန်းကို သုံးပါ)
အုန်းညွန့် (အုန်းညွန့်လုံးဝ မရနိုင်ရင် သြဇာကို သုံးပါ)
ထီး ၁လက်
၊ တံခွန်၊ ကုက္ကား၊ ကြက်လျှာ၊ ယပ် တစ်လက်စီ။( ၃လက်သုံး ချင်ပါက ဝါ စိမ်း နီ သုံးပါ)
မွှေးသောရနံရှိသောပန်း (ပန်းရှာရမလွယ်ရင် နံ့သာရေသုံးပါ)

အိမ်ထောင်ဦးစီး (အိမ်ထောင်ဦးစီးမရှိတော့ရင် ၊အိမ်မှာနေတဲ့ အသက်အကြီးဆုံးသူ အလုပ်မှာဆိုရင် ရာထူးအြကီးဆုံးသူ )သို့မဟုတ် ကြာသပတေးသားမီးရဲ့ အရပ်နှင့် တိုင်းပြီး အပ်ချည် ၉ပင်ဖြတ်ထားပါ။
အဲ့အပ်ချည်ကို ထီးရိုးမှာ ပတ်ပြီးချည်ထားပါ။

အားလုံး အဆင်သင့်ဖြစ်ပြီဆိုရင် အညွန့်တွေရဲ့ အလယ်မှာ ထီးကို စိုက်ပြီး အတာအိုးထဲထည့်ပါ။ နံ့သာရည်ပတ်ဖြန်းပါ။
အညွန့်တွေရဲ့ဘေးကနေ တံခွန် ကုက္ကား ယပ် ကြက်လျှာများကို ဝန်းရံပြီးထည့်ပါ။
သတိထားရမည်မှာ အညွန့်များ ၊တံခွန် ၊ကုက္ကားများသည် ထီးထက် ပိုမရှည်သင့်ပါ။

ပြီးရင် အိမ်ထောင်ဦးစီး သို့မဟုတ် ကြာသပတေး သားသမီး၏ ချည်သားအင်္ကျီကို ကရွတ်ခွေခွေပြီး အဲ့ အပေါ်ကနေ အတာအိုးကို တင်ပြီး အတာကြိုလို့ ရပါပြီ။
အတာအိုးကို တာဝန်ယူဆောင်ရွက်မယ့်သူက
ရှစ်ပါးသီလခံယူပြီး ၃၁ဘုံသား အပေါင်းကို မေတ္တာပို့သပေးပါ။ ( တစ်နေကုန် ရှစ်ပါးသီလထိန်းဖို့ ခက်ရင် အားလုံးပြီးတာနဲ့ ၅ပါးသီလ ပြန်ခံယူပါ ☺️)

Zay Yar Oo 🙏🙏🙏

ကျန်နေတဲ့အပိုင်း ထပ်ဖြည့်ထားပါတယ်။(12.4.2025)
အတာကြိုပြီးလို့ သင်္ကြန်အတက်နေ့ရောက်ရင် အတာအိုးထဲက ရေကို မြေကြီးပေါ် သို့မဟုတ် စီးဆင်းနေသော ရေထဲသို့ လောင်းချရင်း မေတ္တာပို့ပေးပါ။
ပန်းတွေကိုတော့ အဆင်ပြေသလိုစွန့်ပြစ်ပါ။
ထီး ကြက်လျှာ တံခွန် ကုက္ကာ ယပ်တွေကိုတော့ ပရိတ်အိုးထဲထည့်ပြီးဆက်သုံးပါ။

ပရိတ်ရွတ်ပြီးရင် ထီး၊တံခွန် စတာတွေကို ဖန်ခွက် သို့မဟုတ် ပန်းအိုး တစ်လုံးထဲထည့်ပြီး ဘုရားကျောင်းဆောင် သို့မဟုတ် အမြင့်တစ်နေရာမှာ တင်ထားပါ။ ဖုံမတက်စေရန် ဂရုပြုသင့်ပါတယ်။

(အရင်နှစ်ကသုံးခဲ့တဲ့ ထီး တံခွန် စတာတွေကို သင်္ကြန်အတက်နေ့မှာ စွန့်ပစ်ခြင်း၊မီးရှို့ခြင်းများ ဆောင်ရွက်လို့ရပါပြီ။)

🅲🆁🅴🅳🅸🆃
#HtweHtweမှပြန်လည်မျှဝေပါသည်🙏
#htwehtwevlog #htwehtweပုဂံမြေစာပေချစ်သူ #htwehtweblog #htweandaung
#HtweHtwe #HT #Htwe #HTHT

တစ်နိုင်ငံလုံး အရေးပေါ် သတိပြုကြပါ! ကမ္ဘာ့ကင်ဆာအဖြစ်ဆုံး (၁၀) နိုင်ငံထဲ မြန်မာပါဝင်လာ - အဓိကတရားခံက မီးဖိုချောင်ထဲမှာတင် ရှိနေတယ်!
မိဘပြည်သူများအားလုံး သတိထားကြဖို့ပါ! ကမ္ဘာ့ကျန်းမာရေးအဖွဲ့ (WHO) ရဲ့ ထုတ်ပြန်ချက်အရ

မြန်မာနိုင်ငံဟာ ကင်ဆာရောဂါအဖြစ်ဆုံး ကမ္ဘာ့ထိပ်တန်း (၁၀) နိုင်ငံစာရင်းထဲ ရောက်ရှိသွားပါပြီ။ အဓိကတရားခံကတော့ ကျွန်တော်တို့ နေ့စဉ်စားသုံးနေတဲ့ အစားအစာတွေထဲက "ဓာတုအဆိပ်" တွေပဲ ဖြစ်ပါတယ်။

⚠️ သင့်အိမ်က ဟင်းအိုးထဲမှာ ကင်ဆာတွေ ရှိနေသလား?
လက်ရှိဈေးကွက်ထဲမှာ ဝယ်ယူသူမျက်စိကျအောင် အရောင်တင်ဆေးနဲ့ ဓာတုဆိုးဆေးတွေသုံးထားတဲ့ ဟင်းသီးဟင်းရွက်တွေ၊ နနွင်းမှုန့်နဲ့ ငရုတ်သီးမှုန့်တွေဟာ အစာအိမ်၊ အူမကြီးနဲ့ အသည်းကင်ဆာကို ဖြစ်စေတဲ့ အဓိကအကြောင်းရင်းတွေ ဖြစ်နေပါတယ်။

🚫 အထူးသတိပြုရမည့် အန္တရာယ်ရှိ စားသောက်ကုန်များ -
နို့မှုန့်နှင့် ကော်ဖီမစ်များ: အိမ်နီးချင်းနိုင်ငံမှ အဝင်များသော နို့မှုန့်အချို့တွင် အကြောဆွဲစေနိုင်သည့် မယ်လမင်းဓာတ် ပါဝင်နေခြင်း။ ကော်ဖီမစ်နှင့် Creamer များကြောင့် ကျောက်ကပ်ပျက်စီးခြင်း၊ ရင်သားကင်ဆာနှင့် အမျိုးသမီးများ မြုံခြင်းအထိ ဖြစ်စေနိုင်ခြင်း။
သက်တမ်းလွန်ပစ္စည်းများ: Expire Date (သက်တမ်းကုန်ရက်စွဲ) ကို မသမာသောနည်းဖြင့် ပြန်ပြင်ပြီး ရောင်းချနေသော မှိုတက်နေသည့် စားသောက်ကုန်များ။
နယ်စပ်ဝင်ကုန်များ: စနစ်တကျ စစ်ဆေးထားခြင်းမရှိဘဲ နယ်စပ်မှ စီးဝင်လာသော ဓာတုဆိုးဆေးပါ အစားအစာများ။

💡 ကင်ဆာဘေးက ဘယ်လိုကာကွယ်မလဲ?
မြန်မာနိုင်ငံစားသုံးသူကာကွယ်ရေးအသင်းမှ အောက်ပါတို့ကို ရှောင်ကြဉ်ဖို့ အကြံပြုထားပါတယ်။
၁။ ပလတ်စတစ်အိတ်နှင့် တစ်ခါသုံးဖော့ဘူးများ။
၂။ ခြင်ဆေးခွေနှင့် ဖိုက်ဘာပစ္စည်းများ။
၃။ သက်တမ်းကုန်ရက်စွဲကို သေချာစစ်ဆေးပါ (မသင်္ကာပါက ဆိုင်ကိုချက်ချင်းအသိပေးပါ)။
မိမိတို့ရဲ့ မိသားစုဝင်တွေ၊ ကလေးငယ်တွေ ကင်ဆာဘေးက ကင်းဝေးဖို့အတွက် ဒီသတင်းကို အမြန်ဆုံး Share ပြီး သတိပေးလိုက်ကြပါဦး။

ပြည်သူ့ကျန်းမာရေးအတွက် အစဉ်အမြဲ စေတနာရှေ့ထားတင်ဆက်ပေးနေတဲ့ Dr. Zar Ni Zin ဖြစ်ပါတယ်။

ပညာရေးဌာန၏ လက်ရှိ ရာထူးတိုးမြှင့်မှုစနစ်အပေါ် ဆရာ၊ ဆရာမများအကြား မေးခွန်းများနှင့် သံသယများ တဖြည်းဖြည်း များလာနေသည်ကို မြင်တွေ့ရပါသည်။

စနစ်အရတော့ ရာထူးတိုးရွေးချယ်ရာတွင် လုပ်သက်၊ ပညာအရည်အချင်း၊ သင်တန်းတက်ရောက်မှုနှင့် လုပ်ဆောင်ရည်များကို အခြေခံ၍ အမှတ်ပေးစနစ်ဖြင့် ဆောင်ရွက်နေသည်ဟု သိရှိရပါသည်။ သို့သော်လည်း လက်တွေ့တွင် အမှတ်ပေးပုံအပြည့်အစုံကို မသိရှိနိုင်ခြင်း၊ လုပ်ဆောင်ရည်အကဲဖြတ်မှုများတွင် မတူညီမှုများ ရှိနိုင်ခြင်း၊ သင်တန်းအခွင့်အရေး မညီမျှခြင်းနှင့် ရာထူးလွတ်အရေအတွက် နည်းပါးခြင်းတို့ကြောင့် ဝန်ထမ်းများအကြား မမျှတမှုရှိသည်ဟု ခံစားရသူများ တိုးလာနေပါသည်။

အထူးသဖြင့် လုပ်သက်ရှည်သော်လည်း ရာထူးမတိုးနိုင်သူများနှင့် အခွင့်အရေးပိုရရှိသူများအကြား ကွာဟမှုများ မြင်တွေ့ရခြင်းက ယုံကြည်မှုကို ထိခိုက်စေပါသည်။ “စနစ်က မှန်ပေမယ့် လုပ်နည်းမှာ မရှင်းလင်းသေး” ဟူသော အသံများလည်း ပိုမိုမြင်တွေ့လာရပါသည်။

ပညာရေးဌာနအနေဖြင့် ယုံကြည်မှုတည်ဆောက်နိုင်ရန် အမှတ်ပေးစနစ်များကို ပိုမိုပွင့်လင်းရှင်းလင်းစွာ ထုတ်ပြန်ခြင်း၊ ရွေးချယ်မှုအကြောင်းပြချက်များကို ပြန်လည်ရှင်းပြနိုင်ခြင်းနှင့် အခွင့်အရေးများကို မျှတစွာ ပေးနိုင်ခြင်းတို့ကို အလေးထားဆောင်ရွက်ရန် လိုအပ်နေပါသည်။

ပညာရေးကဏ္ဍတိုးတက်ဖို့အတွက် မျှတမှုနှင့် ယုံကြည်မှုဟာ အရေးကြီးဆုံး အခြေခံတစ်ခုဖြစ်ပါတယ်။

အောင်ကျော်ခင် (ပညာရေး)၏စာသားများကိုကူးယူဖော်ပြပါသည်။

#educationpalacec
မူရင်းရေးသားသူကို CRDပေးပါတယ်။

ပညာရေးဝန်ကြီးဌာန ပြည်ထောင်စုဝန်ကြီးနှင့် ဒုတိယဝန်ကြီး ခန့်အပ်တာဝန်ပေးခြင်း

ပညာရေးဝန်ကြီးဌာန၏ ပြည်ထောင်စုဝန်ကြီးအဖြစ် ဒေါက်တာချောချောစိန် ကိုလည်းကောင်း၊ ဒုတိယဝန်ကြီးအဖြစ် ဒေါက်တာဇော်မြင့် ကိုလည်းကောင်း ခန့်အပ်တာဝန်ပေးလိုက်ကြောင်း သိရှိရပါသည်။

ဆရာ၊ ဆရာမများအတွက် English စွမ်းရည်မြင့်သင်တန်းကို ဧပြီ ၂၀ မှ မေ ၂၂ ထိ ကျင်းပပြုလုပ်သွားမည်ဖြစ်သည်။

ပညာရေးနှင့် ဗဟုသုတတွေ အမြန်ဆုံးရချင်ရင် Post ကို Like ပေးပါ👇👇👇
ပင်စင်ခံစားခွင့်ရရှိရန် လိုအပ်သည့် အခြေခံအချက်များ
--------------------------------------------------------
ပင်စင်အကျိုး ခံစားခွင့်ရရှိရန်အလို့ငှာ အောက်ပါ
အခြေခံအချက်များနှင့်ညီညွတ်ရန် လိုအပ်ပါသည် -
(က) နိုင်ငံတော်၏ ဝန်ထမ်း အဖွဲ့အစည်းတစ်ရပ်ရပ်
တွင် တာဝန်ထမ်းဆောင်ခြင်း။
(ခ) ဖွဲ့စည်းပုံဖြင့် ခွင့်ပြုထားသည့် ရာထူးတွင်
အချိန်ပြည့် တာဝန်ထမ်းဆောင်ခြင်း။
(ဂ) တာဝန်ထမ်းဆောင်ခြင်းကြောင့် ရရှိသည့်လစာကို
နိုင်ငံတော်ဘဏ္ဍာရန်ပုံငွေမှ ကျခံခြင်း။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၂)

ပင်စင်အမျိုးအစားများ
----------------------
မြို့ပြ ဝန်ထမ်းများ ခံစားခွင့်ရှိသော ပင်စင်
အမျိုးအစားများကို အောက်ပါအတိုင်း သတ်မှတ်သည် -
(က) သက်ပြည့်ပင်စင်
(ခ) နှစ်ပြည့်ပင်စင်
(ဂ) နာမကျန်းပင်စင်
(ဃ) လျော်ကြေးပင်စင်
(င) အထူးပင်စင်
(င-၁) ဒဏ်ရာအနာတရပင်စင်
(င-၂) အထူးမိသားစုပင်စင်
(င-၃) ကလေးများပင်စင်
(စ) မိသားစုပင်စင်
(ဆ) လျှော့ပေါ့ပင်စင်

(က) သက်ပြည့်ပင်စင်
------------------------
တည်ဆဲဥပဒေတစ်ရပ်ရပ်ပါ ပြဌာန်းချက်များအရ
သီးခြားသတ်မှတ်သည် ကိစ္စမှတစ်ပါး အသက်(၆၀)နှစ်
ပြည့်သောအခါ သတ်မှတ်ချက်များနှင့်အညီ
သက်ပြည့်ပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(က)}
***(အသက်-၆၀)/(လုပ်သက်-×××××)

(ခ) နှစ်ပြည့်ပင်စင်
--------------------
ဝန်ထမ်းသည် လုပ်သက်နှစ်(၃၀)ပြည့်လျှင် နှစ်ပြည့်
ပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများကို ပြင်ဆင်သည့်
နည်းဥပဒေများ၊ နည်းဥပဒေ-၂၁}
***(အသက်-×××××)/(လုပ်သက်-၃၀နှစ်)

(ဂ) နာမကျန်းပင်စင်
----------------------
လုပ်သက်(၁၀)နှစ်နှင့်အထက်ရှိသည့် ဝန်ထမ်း
သည် မကျန်းမာ၍ တာဝန်ကိုဆက်လက် မထမ်းဆောင်
နိုင်သည့်အခါတွင် သတ်မှတ်ထားသော ဆေးအဖွဲ့၏
ထောက်ခံချက်ဖြင့် နာမကျန်းပင်စင် ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(ဂ)}
***(အသက်-×××××)/(လုပ်သက်-၁၀နှစ်နှင့်အထက်)

(ဃ) လျော်ကြေးပင်စင်
-------------------------
ရာထူးတစ်ခုကို ဖျက်သိမ်းလိုက်သည့်အခါ
ယင်းရာထူး၌ ခန့်ထားသည့်ဝန်ထမ်းကို အခြားရာထူး
တခုသို့ ပြောင်းရွှေ့နေရာချထားခြင်း မပြုနိုင်လျှင်
သော်လည်းကောင်း ယင်းဝန်ထမ်းမှ ပြောင်းရွှေ့တာဝန်
ထမ်းဆောင်ရန် ဆန္ဒမပြုလျှင်သော်လည်းကောင်း
လျော်ကြေးပင်စင် ခံစားခွင့်ပြုရမည်။
{နိုင်ငံ့ဝန်ထမ်းနည်းဥပဒေများ၊ နည်းဥပေဒေ-၂၃၃(ဃ)}

(င) အထူးပင်စင်
------------------
ဝန်ထမ်းသည် တာဝန်ထမ်းဆောင်မှုကို
အကြောင်းပြု၍ ရောဂါရရှိသည့်အခါတွင်ဖြစ်စေ၊
ထိခိုက်အနာတရဖြစ်သည့် အခါတွင်ဖြစ်စေ၊ မသန်စွမ်း
ဖြစ်သည့် အခါတွင်ဖြစ်စေ သတ်မှတ်ထားသော
ဆေးအဖွဲ့၏ ထောက်ခံချက်ဖြင့် အထူးပင်စင်ခံစားခွင့်
ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပေဒေ-၂၃၃(င)}

(င-၁) ဒဏ်ရာအနာတရပင်စင်
---------------------------------
ဝန်ထမ်းတစ်ဦးသည် တာဝန်ထမ်းဆောင်
ရာတွင်ဖြစ်စေ၊ တာဝန်ထမ်းဆောင်ခြင်းကို
အကြောင်းပြု၍ဖြစ်စေ၊ ရာထူးတာဝန်ကို အကြောင်း
ပြု၍ဖြစ်စေ၊ တစ်စုံတစ်ယောက်၏ လက်ချက်ဖြင့်
ဒဏ်ရာရခြင်း၊ မတော်တဆမှုကြောင့် ဒဏ်ရာရခြင်း
(သို့မဟုတ်) ရောဂါရခြင်းဖြစ်ပါက ဒဏ်ရာအနာတရ
ပင်စင် ခွင့်ပြုနိုင်ပါသည်။
*** ဝန်ထမ်းကွယ်လွန်ပါက မိသားစုပင်စင်
ခွင့်မပြုရပါ ***

(င-၂) အထူးမိသားစုပင်စင်
------------------------------
ဝန်ထမ်းတစ်ဦးသည် တာဝန်ထမ်းဆောင်ခြင်း
ကြောင့်ဖြစ်စေ၊ ရာထူးတာဝန်အရ ဖြစ်စေ၊
တစ်စုံတစ်ယောက်လက်ချက်ကြောင့် (သို့မဟုတ်)
မတော်တဆမှုကြောင့် (သို့မဟုတ်) ရောဂါရရှိ
မှုကြောင့် သေဆုံးပါက ကျန်ရစ်သူ ဇနီး၊ ခင်ပွန်း၊
သားသမီးများအား အထူးမိသားစုပင်စင်
ခွင့်ပြုပါသည်။

(င-၃) ကလေးများပင်စင်
---------------------------
အထက်အပိုဒ်ပါ ဖော်ပြချက်အတိုင်း ဝန်ထမ်း
ကွယ်လွန်ခဲ့ပါက ကျန်ရစ်သူ သား/သမီးများအား
အထူးပင်စင်နည်းဥပဒေပါ သတ်မှတ်နှုန်းထား
အတိုင်း ကလေးများပင်စင် ခွင့်ပြုပါသည်။
သားဖြစ်ပါက အသက်(၁၈)နှစ်အထိ၊ သမီးဖြစ်ပါက
အသက်(၂၁)နှစ်အထိ ခွင့်ပြုရပါမည်။

(စ) မိသားစုပင်စင်
--------------------
ဝန်ထမ်းသည် တာဝန်ထမ်းဆောင်နေဆဲတွင်ဖြစ်စေ၊
အငြိမ်းစားယူပြီးနောက်မှဖြစ်စေ ကွယ်လွန်ခဲ့လျှင်
ကျန်ရစ်သူမိသားစုအတွက် မိသားစုပင်စင်ကို သတ်မှတ်
ချက်များနှင့်အညီ ခံစားခွင့်ရှိသည်။
{နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၃(စ)}

(ဆ) လျှော့ပေါ့ပင်စင်
-----------------------
အသက်(၅၅)နှစ် ပြည့်ပြီးဖြစ်သော ဝန်ထမ်းသည်
လုပ်သက်နှစ်(၂၀) ကျော်လွန်လျှင်သော်လည်းကောင်း၊
အသက်(၅၀)နှစ် ပြည့်ပြီးဖြစ်သော ဝန်ထမ်းသည်
လုပ်သက်(၂၅)နှစ် ကျော်လွန်လျှင်သော်လည်းကောင်း
လျှော့ပေါ့ပင်စင် ခံစားခွင့်ရှိသည်။
သို့ရာတွင် နိုင်ငံတော်၏ လိုအပ်ချက်အရ ဖော်ပြပါ
သတ်မှတ်ချက်များ မပြည့်မီသော်လည်း လျှော့ပေါ့ပင်စင်
ခွင့်ပြုနိုင်သည်။
{နိုင်ငံ့၀န်ထမ်းနည်းဥပဒေများ၊ နည်းဥပဒေ-၂၃၃(ဆ)}

ပင်စင်နှင့်လုပ်သက်ဆုငွေတွက်ချက်ပုံ
---------------------------------------
(၁) (၂၆.၃.၂၀၁၄)ရက်နေ့မှစ၍ နိုင်ငံ့ဝန်ထမ်း
နည်းဥပဒေများ၊ နည်းဥပဒေ-၂၄၆ အရ အောက်ပါ
အတိုင်း ပြင်ဆင်တွက်ချက်ခွင့်ပြုခဲ့ပါသည်-
(၁-က) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၀၀%)

(၁-ခ) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ်ပြည့်ပြီး (၁၀)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၅၀%)

(၁-ဂ) လုပ်သက် (၁၀)နှစ်နှင့် အထက်။
* ပင်စင်လစာ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)

(၂) ကွယ်လွန်သူ ဝန်ထမ်းများအတွက် အောက်ဖော်
ပြပါအတိုင်း တွက်ချက်ခွင့်ပြုပါသည်-
(၂-က) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ် မပြည့်သည့်ကိစ္စ။
* လုပ်သက်ဆုငွေ
(=)
လုပ်သက်နှစ်
(x)
နောက်ဆုံးထုတ်လစာ
(x)
(၁၀၀%)

(၂-ခ) လုပ်သက်ဆုငွေခံစားခွင့်ရှိသည့် လုပ်သက်
(၅)နှစ်ပြည့်ပြီး (၁၀)နှစ် မပြည့်သည့်ကိစ္စ။
* လုပ်သက်ဆုငွေ
(=)
နောက်ဆုံးထုတ်လစာ
(x)
(၁၂)

(၂-ဂ) လုပ်သက်(၁၀)နှစ်နှင့်အထက်။
(၂-ဂ/၁) ဇနီး/ခင်ပွန်း
------------------------
* ပင်စင်
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)
(x)
(၃/၄) {{(×)3 (÷)4}}

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)
(သို့မဟုတ်)
နောက်ဆုံးထုတ်လစာ
(x)
(၁၂)
* များရာကိုခွင့်ပြုသည်။

* ခံစားခွင့်ရှိသည့်ကာလ -
*** နောက်အိမ်ထောင်ပြုသည့်နေ့။
(သို့မဟုတ်)
*** ကွယ်လွန်သည့်နေ့ထိ။

(၂-ဂ/၂) အခြားမိသားစုဝင်များ
----------------------------------
* ပင်စင်
(=)
နောက်ဆုံးထုတ်လစာ
(x)
လုပ်သက်နှစ်
(x)
(၁.၅%)
(x)
(၁/၂) {{(÷)2}}

* လုပ်သက်ဆုငွေ
(=)
နောက်ဆုံးထုတ်လစာ
(x)
လုပ်သက်နှစ်
(x)
(၅၀%)
(သို့မဟုတ်)
နောက်ဆုံးထုတ်လစာ
(x)
(၁၂)
* များရာကိုခွင့်ပြုသည်။

* ခံစားခွင့်ရှိသည့်ကာလ
*** ဝန်ထမ်းပင်စင် စတင်ခွင့်ပြု
သည့်နေ့မှ (၁၅)နှစ်ထိ။

(၃) ဒဏ်ရာရခြင်းနှင့် သေဆုံးခြင်းအတွက်
ခွင့်ပြုသောဒဏ်ရာအနာတရပင်စင်၊ အထူးမိသားစု
ပင်စင်နှင့် ကလေးများပင်စင်သည် လုပ်သက်ကို
အခြေခံ၍ တွက်ချက်ခွင့်ပြုခြင်းမဟုတ်ဘဲ မြန်မာပြည်
အထူးပင်စင် နည်းဥပဒေပါ သတ်မှတ်ခွင့်ပြုထားသည့်
ဇယားပါနှုန်းထားများအတိုင်း ခွင့်ပြုရပါသည်။ ဒဏ်ရာ
ရခြင်းနှင့် သေဆုံးခြင်းအတွက်ခွင့်ပြုသော ပင်စင်အကျိုး
ခံစားခွင့်များကို ဘဏ္ဍာရေးနှင့်အခွန်ဝန်ကြီးဌာန၏
အမိန့်ကြော်ငြာစာအမှတ်- ၂၀၈/၂၀၁၂ ဖြင့် ပြင်ဆင်
သတ်မှတ်ထားပါသည်။

လုပ်သက် ဆက်စပ်ခွင့်ပြုခြင်း
------------------------------
အရာထမ်းအမှုထမ်းများ၏ ပင်စင်အကျိုးခံစားခွင့်
အလို့ငှာ ရာထူးစုအမျိုးအစားမတူသော်လည်း လုပ်သက်
နှစ်ခုကို ပေါင်းစပ်ရေတွက်ရမည်။ ပင်စင်အကျိုးခံစားခွင့်
ရှိသော ပြတ်တောက်နေသည့် ကာလများကို ဆက်စပ်
ပေးပိုင်ခွင့်ရှိသူက ခိုင်လုံသောအကြောင်းရှိပါက ပင်စင်
အကျိုးငှာ ဆက်စပ်ခွင့်ပြုနိုင်သည်။ ယင်းသို့ခွင့်ပြုရာတွင်
ယခင်လုပ်သက်သည် အနည်းဆုံး တစ်နှစ်ရှိရမည်။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၃၆)

ချို့တဲ့ကာလဖြည့်စွက်၍ ရေတွက်ခွင့်ပြုခြင်း
--------------------------------------------
နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၄၊၂၄၅
အရ-
(က) ပင်စင်အကျိုးခံစားခွင့်ကို တွက်ချက်သည့်အခါ
ယင်းအကျိုးခံစားခွင့်ရှိသည့် နှစ်ပြည့်သောလုပ်သက်ကို
သာ ရေတွက်ရပြီး လစွန်း ရက်စွန်းများကို ပယ်ရမည်။
သို့ရာတွင် သက်ပြည့်ပင်စင်၊ နာမကျန်းပင်စင်နှင့်
လျော်ကြေးပင်စင် ယူသည့်ကိစ္စများ၌ ဝန်ထမ်း၏
လုပ်သက်သည် ကျေနပ်ဖွယ်ရှိလျှင် ထိုလစွန်း ရက်စွန်း
များတွင် နှစ်ပြည့်ရန်လိုနေသည့် ကာလကို -
(၁) ဝန်ထမ်းအဖွဲ့အစည်း အကြီးအမှူ းက (၆)လ
အထိ ဖြည့်စွက်ခွင့်ပြုနိုင်သည်။
(၂) ဝန်ကြီးဌာနနှင့်အဖွဲ့အစည်း အကြီးအမှူ းက
(၁၂)လအထိ ဖြည့်စွက်ခွင့်ပြုနိုင်သည်။

(ခ) အောက်ပါကိစ္စများ၌ပင်စင်အကျိုးခံစားခွင့်ရှိသည့်
လုပ်သက်၏ လစွန်း ရက်စွန်းများတွင် နှစ်ပြည့်ရန်
လိုနေသည့် ကာလကို ဖြည့်စွက်ရေတွက်ခွင့်မပြုရ-
(၁) လုပ်သက်ဆုငွေခံစားခွင့်ရှိသည့်လုပ်သက်တွင်
ငါးနှစ်ပြည့်ရန်လိုသည့်ကာလ
(၂) ပင်စင်အကျိုးခံစားခွင့်ရှိသည့် လုပ်သက်တွင်
(၁၀)နှစ်ပြည့်ရန်လိုသည့်ကာလ
(၃) လုပ်သက် နှစ်(၂၀)ပြည့် လျှော့ပေါ့ပင်စင်
ခံစားခွင့်အတွက် လိုသည့်ကာလ
(၄) လုပ်သက် (၂၅)နှစ်ပြည့် လျှော့ပေါ့ပင်စင်
ခံစားခွင့်အတွက် လိုသည့်ကာလ
(၅) လုပ်သက် နှစ်(၃၀)ပြည့် နှစ်ပြည့်ပင်စင်
ခံစားခွင့်အတွက် လိုသည့်ကာလ

မိသားစုပင်စင်ခံစားခွင့်အတွက် ဦးစားပေးအစီအစဉ်
------------------------------------------------------
(၁) နိုင်ငံ့ဝန်ထမ်းနည်းဥပဒေများ၊ နည်းဥပဒေများ
-၂၄၈ အရ မိသားစုပင်စင် ဦးစားပေးအစီအစဉ်မှာ
အောက်ပါအတိုင်း ဖြစ်ပါသည်-

(က) (၁) ကွယ်လွန်သူ၏ ကျန်ရစ်သူတရားဝင်
ပထမဇနီး (သို့) တရားဝင်ခင်ပွန်း
(၂) တရားဝင်ဇနီး (သို့) တရားဝင်ခင်ပွန်း
မရှိခဲ့သော် အသက်(၁၈)နှစ် မရှိသေး
သည့် အိမ်ထောင်မပြုရသေးသော
တရားဝင် သားသမီး (သို့) အသက်

(၁၈)နှစ်ပြည့်ပြီး ဖြစ်သော်လည်း
တက္ကသိုလ်ကောလိပ်ကျောင်း တစ်ခုခု
တွင် အချိန်ပြည့် ပညာသင်ကြား လျက်ရှိ
သော အိမ်ထောင်မပြုရ သေးသည့်
တရားဝင်သားသမီး
(၃) အထက်ပါပုဂ္ဂိုလ်များ မရှိခဲ့သော်
အိမ်ထောင်မပြုရသေးသည့် သမီး (သို့)
မုဆိုးမဖြစ်နေသော သမီး
(၄) အထက်ပါပုဂ္ဂိုလ်များ မရှိခဲ့သော်
အိမ်ထောင်လည်း မပြုရသေးသည့်အပြင်
အသက်(၁၈)နှစ် မပြည့်သေးသည့်
အဖမဲ့မြေး (သို့) အသက်(၁၈)နှစ်ပြည့်ပြီး
ဖြစ်သော်လည်း တက္ကသိုလ်ကောလိပ်
ကျောင်းတစ်ခုခုတွင် အချိန်ပြည့်
ပညာသင်ကြားလျက်ရှိသော အိမ်ထောင်
မပြုရသေးသော အဖမဲ့မြေး

(ခ) အထက်အပိုဒ်တွင် ဖော်ပြသည့်အတိုင်း မိသားစု
ပင်စင်ကို ခံစားမည့်သူမရှိခဲ့သော် အောက်ပါပုဂ္ဂိုလ်များ
ကို ခံစားခွင့်ပြုနိုင်သည်။ သို့ရာတွင် ကွယ်လွန်သူ
ဝန်ထမ်းနှင့်အတူ မှီခိုနေထိုင်ခဲ့ရသူဖြစ်ကြောင်း
ခိုင်လုံသည့် အထောက်အထားကို တင်ပြမှသာ ခံစားခွင့်
ပြုရမည်-
(၁) အမိအဖအရင်း
(၂) အမိအဖမရှိပါက ဝန်ထမ်း၏ အသက်(၁၈)နှစ်
မပြည့်သေးသည့် ညီ (သို့) ညီမ (သို့်)
အသက်(၁၈)နှစ် ပြည့်ပြီးဖြစ်သော်လည်း
တက္ကသိုလ်ကောလိပ် ကျောင်းတစ်ခုခုတွင်
အချိန်ပြည့် ပညာသင်ကြားလျက်ရှိသည့် ညီ
(သို့)ညီမ။
(၃) နည်းဥပဒေခွဲငယ်(၂)ပါ ပုဂ္ဂိုလ်များမရှိပါက
ဝန်ထမ်း၏ အိမ်ထောင်မပြုသေးသည့် ညီမ
(သို့) အစ်မ (သို့) မုဆိုးမဖြစ်နေသည့် ညီမ
(သို့) အစ်မ။
(၄) နည်းဥပဒေခွဲငယ်(၃)ပါ ပုဂ္ဂိုလ်များမရှိပါက
ဝန်ထမ်း၏ အခြားသော ညီ (သို့) အစ်ကို
(သို့) ညီမ (သို့) အစ်မ။

(၂) မိသားစုပင်စင်ကို အောက်ပါအခြေအနေ
တစ်ရပ်ရပ်တွင် ဆက်လက်ခံစားခွင့် မရှိစေရ-
(က) ကျန်ရစ်သူတရားဝင်ခင်ပွန်း (သို့်) ဇနီး သည်
နောက်အိမ်ထောင်ပြုခြင်း
(ခ) ဝန်ထမ်း၏မိသားစုဝင် အိမ်ထောင်မပြုရသေး
သည့် အမျိုးသား အမျိုးသမီးတစ်ဦး သည်
အိမ်ထောင်ပြုခြင်း
(ဂ) ဝန်ထမ်း၏ မိသားစုဝင် မဟုတ်သူ။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၉)

တစ်လုံးတည်းပင်စင်လဲလှယ်ခြင်း
-----------------------------------
အငြိမ်းစား၏ ပင်စင်လစာမှ တစ်စိတ်တစ်ဒေသ
ကိုဖြစ်စေ၊ အားလုံးကိုဖြစ်စေ၊ တစ်လုံးတစ်ခဲတည်း
ပင်စင်အဖြစ် လဲလှယ်ခွင့်ပြုနိုင်ပါသည်။ တစ်လုံးတည်း
ပင်စင်လဲလှယ်ခြင်းကို မြန်မာနိုင်ငံမြို့ပြဆိုင်ရာ
တစ်လုံးတည်းပင်စင်လဲလှယ်ရေး နည်းဥပဒေအရ
လဲလှယ်ခြင်းကို ခွင့်ပြုပါသည်။
(နိုင်ငံ့ဝန်ထမ်းနည်းဥပဒေများ၊ နည်းဥပဒေ-၂၄၂)

အောက်ပါ စည်းကမ်းချက်များနှင့်အညီ လဲလှယ်
ခွင့်ပြုပါသည်-
(က) အများဆုံး လဲလှယ်ခွင့်ပြုသည့် ပင်စင်လစာ
ငွေမှာ အငြိမ်းစားရရှိသည့် ပင်စင်လစာ၏
(၅၀%)လဲလှယ်ခွင့် ပြုနိုင်ပါသည်။ သို့ရာတွင်
ကျပ်(၅၀/-)ထက် မပိုစေရပါ။
(ခ) ပင်စင်လစာ၏ (၅၀%)သည် ကျပ်(၂၅/-)
ထက်လျော့နည်းပါက ကျပ်(၂၅/-)ထိ လဲလှယ်
ခွင့် ပြုနိုင်ပါသည်။
(ဂ) အထူးနှစ်ပြည့် ပင်စင်ဖြင့် အငြိမ်းစား ယူထား
သူ ဝန်ထမ်းများသည် ပင်စင်ယူသည့်နေ့မှ
(၁၀)နှစ်အတွင်း တစ်လုံးတည်းပင်စင်
လဲလှယ်ခွင့် မရှိပါ။
(ဃ) နာမကျန်းပင်စင်ကို ဆေးလက်မှတ်အဆင့်
(B)ဖြင့် ရရှိသူများသည်လည်း ပင်စင်ယူသည့်
နေ့မှ (၁၀)နှစ်အတွင်း တစ်လုံးတည်းပင်စင်
လဲလှယ်ခွင့် မရှိပါ။
(င) ဂရုဏာကြေးစရိတ် ရရှိသူအား သာမန်အား
ဖြင့် တစ်လုံးတည်းပင်စင် လဲလှယ်ခွင့် မပြုပါ။
ပင်စင်စားအတွက် အလွန်အမင်း နစ်နာစေ
သော ကိစ္စများတွင်သာ အထူးကိစ္စအနေဖြင့်
တစ်လုံးတည်းပင်စင် လဲလှယ်ခြင်းကို ခွင့်ပြုပါ
သည်။
(စ) တစ်လုံးတည်းပင်စင် အဖြစ် လဲလှယ်ငွေကို
လစဉ် ထုတ်ယူနေသော ပင်စင်လစာမှ ရပ်စဲ
ရပါမည်။
(ဆ) ပင်စင်စား အသက် (၈၀)ကျော်ပါက
တစ်လုံးတည်း ပင်စင် လဲလှယ်ခွင့် မပြုပါ။