၂၀၂၆ ခုနှစ်၊ တက္ကသိုလ်ဝင်စာမေးပွဲ တတိယနေ့ သင်္ချာဘာသာရပ်၊ စက်မှုအတတ်ပညာ(သင်္ချာ)၊ စိုက်ပျိုးရေးအတတ်ပညာ(သီးနှံထုတ်လုပ်ရေး(၂))နှင့် မွေးမြူရေးအတတ်ပညာ (ဝက်မွေးမြူထုတ်လုပ်ရေး) ဘာသာရပ်များအား ဆက်လက်ဖြေဆို

နေပြည်တော် မတ် ၁၃

၂၀၂၆ ခုနှစ်၊ တက္ကသိုလ်ဝင်စာမေးပွဲကို မတ် ၁၁ ရက်နေ့တွင် စတင်ကျင်းပခဲ့ရာ ယနေ့စာမေးပွဲဖြေဆိုမှု တတိယနေ့တွင် သက်ဆိုင်ရာဘာသာရပ်များကို တိုင်းဒေသကြီးနှင့် ပြည်နယ်အသီးသီးရှိ စာစစ်ဌာနများ၌ ကျောင်းသား၊ ကျောင်းသူများ စိတ်အေးချမ်းသာစွာဖြေဆိုလျက်ရှိကြသည်။

ဦးစွာ စာမေးပွဲဖြေဆိုခြင်းမပြုမီ ဆရာ၊ ဆရာမများက ကျောင်းသား၊ ကျောင်းသူများအား စာမေးပွဲဖြေဆိုခွင့်ကတ်များ မှန်/မမှန် စစ်ဆေးခြင်းများနှင့် လိုအပ်သည့်စစ်ဆေးမှုများကို စာမေးပွဲစည်းမျဉ်းစည်းကမ်းများနှင့်အညီ စနစ်တကျ ဆောင်ရွက်ကြသည်။

ထိုသို့ တက္ကသိုလ်ဝင်စာမေးပွဲများဖြေဆိုကြရာတွင် နေပြည်တော်ကောင်စီနယ်မြေအပါအဝင် တိုင်းဒေသကြီးနှင့် ပြည်နယ်အလိုက် ခရိုင်၊ မြို့နယ်၊ စာစစ်ဌာနများနှင့် နိုင်ငံခြားစာစစ်ဌာနတို့၌ သင်္ချာဘာသာရပ်အားဖြေဆိုလျက်ရှိပြီး စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲတွင်လည်း စက်မှုအတတ်ပညာ(သင်္ချာ)၊ စိုက်ပျိုးရေးအတတ်ပညာ (သီးနှံထုတ်လုပ်ရေး(၂))နှင့် မွေးမြူရေးအတတ်ပညာ (ဝက်မွေးမြူထုတ်လုပ်ရေး) ဘာသာရပ်များကိုဖြေဆိုလျက်ရှိကြောင်း ပညာရေးဝန်ကြီးဌာနမှ သိရှိရသည်။

ယင်းသို့ ကျောင်းသား၊ ကျောင်းသူများ စိတ်အေးချမ်းသာစွာနှင့် ဘေးအန္တရာယ်ကင်းရှင်းစွာ ဖြေဆိုနိုင်ရေးအတွက် သက်ဆိုင်ရာလုံခြုံရေးအဖွဲ့ဝင်များ၊ ကျန်းမာရေးဝန်ထမ်းများ၊ မီးသတ်တပ်ဖွဲ့ဝင်များနှင့် ရပ်ကွက်ကျေးရွာအုပ်ချုပ်ရေးအဖွဲ့ဝင်များက စနစ်တကျစောင့်ကြပ်ကြည့်ရှုပေးလျက်ရှိသည်။

ထိုသို့ ကျောင်းသား၊ ကျောင်းသူများ ၂၀၂၆ ခုနှစ်၊ တက္ကသိုလ်ဝင်စာမေးပွဲဖြေဆိုနေမှုများကို ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ချောချောစိန်၊ တိုင်းဒေသကြီးနှင့်ပြည်နယ်များမှ ဝန်ကြီးချုပ်များ၊ တိုင်းမှူးများနှင့် တာဝန်ရှိသူများက သွားရောက်ကြည့်ရှုအားပေးခဲ့ကြသည်။

အဆိုပါ ၂၀၂၆ ခုနှစ်၊ တက္ကသိုလ်ဝင်စာမေးပွဲကို မတ် ၁၁ ရက်တွင် မြန်မာစာဘာသာရပ်နှင့် မတ် ၁၂ ရက်တွင် အင်္ဂလိပ်စာဘာသာရပ်တို့ကို ဖြေဆိုခဲ့ပြီး မတ် ၁၃ ရက် ယနေ့တွင် သင်္ချာဘာသာရပ်၊ စက်မှုအတတ်ပညာ(သင်္ချာ)၊ စိုက်ပျိုးရေးအတတ်ပညာ (သီးနှံထုတ်လုပ်ရေး(၂))နှင့် မွေးမြူရေးအတတ်ပညာ (ဝက်မွေးမြူထုတ်လုပ်ရေး) ဘာသာရပ်များကိုဖြေဆိုလျက်ရှိကြောင်း၊ မတ် ၁၄ ရက် စနေနေ့တွင် ဓာတုဗေဒဘာသာရပ်နှင့် ပထဝီဝင်ဘာသာရပ်၊ မတ် ၁၆ ရက် တနင်္လာနေ့တွင် ရူပဗေဒပဗေဒဘာသာရပ်နှင့် သမိုင်းဘာသာရပ်၊ မတ် ၁၇ ရက် အင်္ဂါနေ့တွင် ဇီဝဗေဒဘာသာရပ်နှင့် ဘောဂဗေဒဘာသာရပ်တို့ကို ဖြေဆိုကြရမည်ဖြစ်ပြီး စက်မှု၊ စိုက်ပျိုး၊ မွေးမြူ ရေး တက္ကသိုလ်ဝင်စာမေးပွဲကို မတ်လ ၁၈ ရက်နေ့အထိ ဆက်လက်ဖြေဆိုကြမည်ဖြစ်ကာ မတ် ၁၅ ရက် တနင်္ဂနွေနေ့အား ပိတ်ရက်အဖြစ် သတ်မှတ်ကြောင်း သိရှိရသည်။

2026 Grade-12 ဓာတုဗေဒ ဘာသာရပ် အမှတ်ခွဲဝေမှု

2026 ခုနှစ် Grade 12 Chemistry

ဒီလမ်းညွှန်ချက်တွေက ကျောင်းသား/သူတွေအတွက် အဓိကရည်ရွယ်ပြီး Textbook ထဲက Review တွေနဲ့ Exercises တွေကို သေချာကြည့်ထားဖို့ လိုအပ်ပါတယ်။

📍 အဓိက အလေးပေးရမည့် အခန်းများ
Chapter (2, 3, 4, 5, 6) များသည် အမှတ်ရလွယ်သော အခန်းများ ဖြစ်သည်။

မြန်မာစာလင်းသတင်းစာ ထဲက မေးခွန်းကိုလည်း လေ့ကျင့်ထားပါ။

အခန်းလိုက် လေ့လာရန် အချက်များ-

Chapter (1)
P-2: Aufbau principle, Pauli’s exclusion principle, Hund’s rule (Definition များ ကျက်ရန်)။
Electronic configuration: ရေးသည့်အခါ Spin (\uparrow\downarrow) ကို ထည့်သွင်းဖော်ပြပါ။

P-5/8/9: Formation of ionic, covalent, and coordinate bonds (အထူးသဖြင့် NH_3 အတွက် စာအုပ်ထဲကအတိုင်း Bracket ပါအောင် ဆွဲရန်)။
P-24: Ex (17) – Shape မမေးဘဲ Bond angle ပါအောင် ဖြေဆိုပါ။ Ex (19) – I_2 ဆွဲနည်း။
P-84: Ex (14, 17, 19) – Lewis symbol, Polar/Non-polar ခွဲခြားတတ်ရန်နှင့် Shape ဆွဲလျှင် Degree ပါအောင် ထည့်ဆွဲရန်။

Chapter (2)
Hess’s Law Cycle: Route I နှင့် Route II ကို ပုံပါအတိုင်း တိကျစွာ ရေးဆွဲတတ်ရန်။
P-45: Ex (14) ကို Teacher Guide ထဲကအတိုင်း တွက်ချက်ပါ။

Chapter (3) & (4)
Ch (3): Rate နှင့် ၎င်း၏ Unit များကို သိရမည်။

Ch (4): P-69 ရှိ Methanol production ကို အလေးထားကြည့်ပါ။
မှတ်ချက်: Physical state (အခြေအနေ) များ ထည့်သွင်းရန် မမေ့ပါနှင့်။ Concentration ဆိုလျှင်လည်း Physical state ပါရမည်။

Chapter (5) & (6)
Ch (5): Acid/Base Theory (၃) မျိုး (P-80 မှ Key terms များ)။
Ch (6): Uses (အသုံးပြုပုံ) နှင့် Colour (အရောင်) များ။
P-100: Cr နှင့် Cu ၏ Electronic configuration ကို Argon core [Ar] အသုံးပြု၍ ရေးတတ်ရန်။

Chapter (7) & (8)
Ch (7): Process များအားလုံး ကြည့်ရန်။ Diagram ကို ကြည့်ရုံသာ မဟုတ်ဘဲ ကိုယ်တိုင် ဆွဲတတ်အောင် လေ့ကျင့်ပါ။
Ch (8): Condensation polymer ဆွဲနည်း (ဥပမာ- ပုံပါ Box ပုံစံအတိုင်း တိကျစွာ ဆွဲရန်)။

အထွေထွေ အကြံပြုချက်များ
မေးခွန်းပုံစံ: အမှတ်ပေးပုံပေါ် မူတည်ပြီး အဖြေတို/ရှည် ခွဲဖြေပါ။
Ch (4) – Short & Medium questions
Ch (5, 6, 7) – Structured short & long questions
ပုံဆွဲရာတွင်: ဘေးမျဉ်းတားခြင်းနှင့် မျဉ်းပိတ်ခြင်းမှလွဲ၍ ကျန်ပုံများအားလုံးကို ဘောပင်ဖြင့်သာ သုံးရန်။

အပိုဆောင်း: 2025 ခုနှစ် မေးခွန်းဟောင်း (၁၀) စုံကို ပြန်လေ့ကျင့်ပါ။ "Explain" ဟု ပါဝင်သည့် မေးခွန်းများသည် ပုံနှိပ်စာအုပ်ထဲက အတိုင်း တိတိကျကျ မဟုတ်နိုင်သဖြင့် နားလည်အောင် ဖတ်ထားပါ။