i-SEC: INFINITE SUCCESS EDUCARE CENTRE ( Exam Guide)

Grade12 တွေ စာမေးပွဲ သွားဖြေတဲ့ အခါ...

ပြင်ဆင်သွားရန်များ

1- စာမေးပွဲဖြေဆိုခွင့်ကတ်ပြား (မမေ့မလျော့)ယူသွားပါ။
2- ထဘီ သို့မဟုတ် ပုဆိုးပဲ ဝတ်ရပါမယ်။
3- ဗေဒင်၊ ယတြာ အဆောင်တွေ စာဖြေခန်းထဲကို ယူလို့ မရပါ။
4- အင်္ကျီအိပ်ကပ် အများကြီးပါတဲ့ အင်္ကျီ မဝတ်ရပါ။
5- ဆံပင်နီကြောင်ကြား တရားလွန်သိသာတဲ့ ဆေးဆိုးထားတာမျိုး မရပါ။
6- မိန်းကလေးများ ဆံပင် စည်း ရပါမယ်။ (ဆံပင်ရှည်တဲ့ ယောက်ျားလေးများလည်း ဆံပင်စည်းရပါမယ်)။
7- အဖြူ၊ အစိမ်းသာ ဝတ်ရပါမယ်။
8- ကိုယ်ပိုင်ကျောင်း ယူနီဖောင်းက အဖြူ အစိမ်း မဟုတ်ရင် ဝတ်လို့မရပါ။
9- စာရေးကိရိယာ (ဘောပင်၊ ခဲတံ၊ ခဲဖျက်၊ ပေတံ စသည်) လုံလုံလောက်လောက် ယူသွားပါ။ ခဲတံ၊ ဘောပင်ထည့်အိတ် ယူလို့ မရပါ။( edit အိတ်အကြည်ရပါတယ်)
10- ဂဏန်းတွက်စက် (Calculator) ယူရင် အပြင်အဖုံးကို စာဖြေခန်းထဲ ယူသွားလို့ မရပါ။
11- ဖုန်း ယူမသွားပါနဲ့။ အပြင်မှာ ထားခဲ့ရလို့ ပျောက်နိုင်ပါတယ်။
12- ဖြေဆိုချိန်ဘယ်လောက်ရှိပြီလဲသိနိုင်ဖို့ လက်ပတ်နာရီပတ်သွားပါ။ (အတန်းတွင်း တိုင်ကပ်နာရီ ထားပေးမည်၊ နာရီယူခွင့်မပြုဟု ကြားထားပါသည်။ သို့သော် မသေချာလျှင် လိုရမယ်ရယူသွားပါ။)
13- မူးမော်တတ်သူဖြစ်လျှင် ရှုဆေးဘူး ယူသွားပါ။
14- ကျန်းမာရေး(အပေါ့၊ အလေးကိစ္စများ) ကြိုတင်ပြုလုပ်သွားပါ။
15- ကျောင်းသို့နာရီဝက်ခန့်စောစောသွား၍ ကျက်ထားသမျှ စာအားလုံးပြန်မွှေးပါ။

စာမေးပွဲခန်းတွင် ပြုလုပ်ရန်များ

1- ခုံနံပါတ်ကို အရင်ဆုံး တိကျပြတ်သားစွာ သတ်မှတ်ထာသောနေရာတွင် ထင်ထင်ရှားရှား
တပ်ပါ ။ ကျန်တာနောက်မှဆက်လုပ်ပါ။ ခုံနံပါတ် (လုံးဝ)လုံးဝ လွဲမတပ်မိပါစေနှင့်။
2- မေးခွန်းကို သေသေချာချာဖတ်ပြီးမှဖြေပါ။ (မေးခွန်းနဲ့အဖြေ လွဲဖြေမိတာတွေ အများကြီးရှိပါတယ်) မေးခွန်းလိုအပ်ချက်အရ ပေးမှတ်နှင့် ထိုက်တန်အောင်ဖြေဆိုရန်။ ပေးထားသော
အမှတ်က ဘယ်လောက်ဖိုး ပေးထားသသလဲဆိုတာလေးလဲ ကြည့်ပါ။
3- အဖြေမသေချာတဲ့ မေးခွန်းနံပါတ်တွေကိုချန်ထားခဲ့ပြီး ပိုင်နိုင်တာတွေကို အရင်စဖြေပါ။
မေးခွန်းအစဉ်လိုက် ဖြေစရာမလိုအပ်ပါဘူး။ ( မေးခွန်းနံပါတ်တပ်တာ မှန်ပါစေ )
4- အရမ်းစိတ်လောပြီး အမြန်ဖြေခြင်း၊ တစ်လုံးချင်းနှေးကွေးစွာဖြေခြင်း အစွန်းနှစ်ဖက်ရှောင်ပါ။

ဖြေဆိုပြီးလျှင်လုပ်ရန်

1- ခုံနံပါတ်တတ်ထား၊မထား၊ မှန်မမှန် သေချာအောင် အရင်ဆုံးပြန်စစ်ပါ။
2- ကိုယ်ရသမျှ အပုဒ်စေ့၊ ဖြေဆိုပြီးရဲ့လားပြန်စစ်ပါ။ ( ဖြေတတ်ရဲ့သားနဲ့မဖြေမိဘဲကျန်နေတတ်ခဲ့ပါ တယ်)

ရှောင်ကျဉ်ရန်များ

1- စာမေးပွဲခန်းဝင်ခါနီး သူများပြောတာတွေ နားမယောင်ပါနှင့်တော့။
2- Correction Pen (မှင်ဖျက်ဆေး) လုံးဝမသုံးရပါ ။
3- အခြားဖြေဆိုသူများထံမှ စာကူးချခြင်း(လုံးဝ)မလုပ်ပါနဲ့။
4- အခြားဖြေဆိုသူနှင့် အဖြေလွှာလဲလှယ်ခြင်း၊ မေးခွန်းလွှာလဲလှယ် (လုံးဝ)မလုပ်ပါနဲ့ ။
5- အခြားဖြေဆိုသူနှင့် တိုက်ရိုက်စကားမပြောပါနှင့်။ (ပစ္စည်းငှားရန်ရှိပါက၊ ပြောဆိုစရာရှိပါက၊ အတန်းစောင့် ဆရာ/ဆရာမ မှတစ်ဆင့်သာ ပြောပါ)
6- အတန်းစောင့်ဆရာ/ ဆရာမထံ ခွင့်မတောင်းဘဲ အတန်းအပြင်သို့ မထွက်ပါနဲ့။
7- အဖြေလွှာမအပ်ဘဲ အတန်းမှထွက်ခွာခြင်း (လုံးဝ)မပြုပါနှင့်။

*** စာမေးပွဲ ဖြေဆိုပြီးတဲ့အခါ ကျောင်းသားအများစုသည် အဖြေတိုက်တဲ့အကျင့် ရှိကြပါတယ်။ အကယ်၍ ကိုယ်ဖြေတဲ့အဖြေနဲ့ သူဖြေတဲ့အဖြေမတူညီတဲ့အခါ ငါမှားသလာဆိုပြီး စိတ်ဓာတ် ကျမှု၊ စိတ်ဖိစီးမှုများ ဖြစ်စေကာ နောက်နေ့ဖြေဆိုမည့် ဘာသာရပ်များအတွက် စိတ်ဓာတ် ခွန် အားများ ဆုံးရှုံးသွားစေနိုင်သဖြင့် ဖြစ်နိုင်လျှင် စာမေးပွဲပြီးဆုံးသည်အထိ အဖြေမတိုက်ပါနှင့်။

*** ညလုံးပေါက်စာကြည့်တာမျိုး လုဝ(လုံးဝ) ရှောင်ပါ။ အိပ်ရေးဝဝအိပ်ပါ။ စာပေးပွဲရက်အတွင်း တက်စာများအားလုံးရှောင်ပါ။

ဆရာရဲလေး ( Exam guide)

2026 Grade-12 သင်္ချာဘာသာရပ် အမှတ်ခွဲဝေမှု

၂၀၂၆ ခုနှစ်၊တက္ကသိုလ်ဝင်စာမေးပွဲ

အင်္ဂလိပ်စာ

၁၂- ၃- ၂၀၂၆

အင်္ဂလိပ်စာဘာသာရပ် လာရောက်ဖြေဆိုသူ စုစုပေါင်း (၂၅၄၉၄၆)ဦးရှိပြီး၊ စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ ဒုတိယနေ့တွင် လာရောက်ဖြေဆိုသူ (၃၃၆၄) ဦးရှိကြောင်း သိရှိရပါတယ်။