မုံရွာ...
စာမေးပွဲဖြေဆိုခွင့်မရရှိသော
G-5, G-9 ကျောင်းသားများ ဂရက်.....

ယနေ့ စစ်ကိုင်းမြို့ G-5/ G-9 ဖြေဆိုခွင့် ပယ်ချခံရမှုဖြစ်စဉ်‼️
ပယ်ချခံရတာက ကျောင်းတစ်ကျောင်းမှာဆို
G5- ခုံအမှတ် 4360 မှ နောက်အထိ ပယ်ချခံရဟုဆို
ကျောင်းသားမိဘတွေက ယုံကြည်မှုနဲ့ ထက်ကိုယ်ပိုင်ကျောင်းကို အပ်တယ်၊
ကိုယ်ပိုင်ကျောင်းက ကျောင်းသားစာရင်းကို အစိုးရကျောင်းသို့ တင်သွင်းတယ်၊
အဲ့စာရင်းရဲ့ စာရွက်စာတမ်းပြည့်စုံမှုရှိ/မရှိကို ထပ်မံစီစစ်ကြရတယ်။

ထက်ကိုယ်ပိုင်ကျောင်းဘက်ကလည်း
မိမိကျောင်းမှာရှိတဲ့ ကျောင်းသားစာရင်းကို ပညာရေးတိုင်းရုံးအထိ စေ့စပ်သေချာစွာ တင်ပြပေးပို့ခြင်းမရှိဘဲ နှုတ်ဖြင့်သာ ပြောဆိုထားခြင်း ဖြစ်ကြောင်းသိရ၊

အောက်ခြေရှိတဲ့ ပညာရေးမှူးနဲ့တာဝန်ခံတွေကလည်း ကျောင်းသားစာရင်းကို စာရင်းရှိပေးပို့ထားတဲ့လက်ခံရရှိတဲ့ စာရင်းအတိုင်း ဖြေဆိုခွင့်ရရှိကြောင်း ကျောင်းသားအမည် ခုံအမှတ်၊ ဖြေဆိုရမည့်ကျောင်း၊ အခန်းနေရာနဲ့ စာရင်းထုတ်ပြန်လာတယ်။
အဲ့နောက် ကျောင်းသားမိဘနဲ့ ကျောင်းသားတွေဟာလည်း မဖြေဆိုခင်ရက်မှာ ဖြေဆိုမည့်နေရာသို့ သွားကြည့်ကြတယ်လို့ သိရပါတယ်။

Feb 23 ရက် မနက်ပိုင်း 8:00 နာရီအချိန် ကျောင်းရှေ့မှာ ဖြေဆိုမည့်ကျောင်းသား/သူနဲ့ မိဘတွေအပါအဝင် အဆင်သင့်‌စောလျင်စွာ ရောက်ရှိနေကြတယ်လို့ သိရပါတယ်။

8:30 အချိန် ဂိတ်ကနေ ကျောင်းအတွင်းဝင်ရန်
ဖြေဆိုခွင့်ကဒ် ခုံအမှတ်တွေစစ်တဲ့အခါ ခုံအမှတ် 4360 မှ နောက်အထိ ဖြေဆိုခွင့်ပိတ်ကြောင်း ရုတ်တရက်ကြီး ပြောလာတော့ အဲ့မှာ ပြဿနာစဖြစ်တော့တာပါပဲတဲ့၊ ပယ်ချခံရတဲ့ ကျောင်းသားတွေဟာ ထက်ကိုယ်ပိုင်ကျောင်းက G-5, G-9 ကျောင်းသားတွေဖြစ်နေကြောင်းသိရ၊
အထက်ကနေ မည်သည့်အကြောင်းကြောင့် လိုအပ်ချက်တွေကြောင့် ဖြေဆိုခွင့်ပယ်ချလိုက်တယ်ဆိုတာ မသိရသေးဟုဆို။

ဖြေဆိုခွင့်ပယ်ချကြောင်း တရားဝင်ထုတ်ပြန်တဲ့စာက မဖြေဆိုခင် ညပိုင်းကမှ အထက်ကနေ ရောက်ရှိ
လာတဲ့စာတဲ့၊ အဲ့တော့ အချိန်လွန်သွားခဲ့ပြီ။

သူများတွေ ကျောင်းဝင်းထဲ ဝင်ဖြေနေတဲ့အချိန် ပယ်ချခံရတဲ့ ကျောင်းသားတွေနဲ့ မိဘတွေဟာ ဂိတ်ဝမှာ အော်ဟစ်ကြရင်း ဖြေဆိုခွင့်ပေးဖို့ တောင်းဆိုကြတယ်လို့သိရပါတယ်။

ဖြေဆိုမည့် ကလေးတွေဟာလည်း ငိုကြ စိတ်မကောင်းဖြစ်ကြနဲ့ စိတ်ဒဏ်ရာရခဲ့ကြမှာပေါ့လေ။
ဒီပြဿနာမှာ မိဘတွေလက်မခံတဲ့အကြောင်းရင်းက ပယ်ချမယ်ဆိုရင် အစကတည်းက တစ်ပတ်အလို တစ်လအလို ပယ်ချ၊ အာ့ဆို ဖြေဆိုခွင့် ခုံအမှတ်လည်း ထွက်လာစရာအကြောင်းမရှိဘူး၊
အခုကျ ဖြေဆိုရမယ့် ခုံအမှတ်၊ ကျောင်း၊ ဖြေရမည့်အခန်း ဖြေရမည့်ခုံနေရာတွေပါ ကျလာသလို သေချာလည်း ကြည့်ပြီးနေပြီ၊ ဖြေခါနီးမိနစ်ပိုင်းအလို ဂိတ်ဝရောက်မှ ပယ်ချခံရတယ်ဆိုတာ ကလေးကစားစရာ မဟုတ်ကြောင်းပြောဆိုကြဟုဆို။
သက်ဆိုင်ရာ တာဝန်ရှိသူများ ရောက်လာကြပြီး ညှိနှိုင်းဖြေရှင်းပေးနေကြောင်းသိရ၊
(လောလောဆယ်တော့ ပြေလည်မှုမရှိသေးဟုဆို)

ဒီနေရာမှာ နှစ်ဖက်စလုံး အားနည်းချက်တွေ
ရှိကောင်းရှိနိုင်ပါတယ်၊
ပညာရေးရုံးပိုင်းအနေနဲ့က ဖြေဆိုခွင့်ပယ်ချမယ်ဆိုရင် ဖြေဆိုခုံအမှတ်စာရင်း ထွက်လာစရာအကြောင်းမရှိဘဲ သေချာစီစစ်ပြီးမှသာ ပယ်ချကြောင်း ထုတ်ပြန်သင့်တယ်။
ဖြေဆိုဖို့ မိနစ်ပိုင်းအလိုမှ ကျောင်းသားရဲ့လည်မှာဆွဲထားတဲ့ ဖြေဆိုခွင့်ခုံအမှတ်ကဒ်ကြည့်ပြီး ပယ်ချကြောင်းပြောတာတော့ မဖြစ်သင့်ဘူး မဟုတ်လား။

ကိုယ်ပိုင်ကျောင်းအနေနဲ့လည်း တာဝန်ခံမှု တာဝန်ယူမှု အပြည့်အဝ ရှိစေချင်တယ်၊ ကိုယ့်ဆီမှာ ယုံကြည်လို့အပ်နှံထားတဲ့မိဘတွေနဲ့ ကျောင်းသားတွေကို တာဝန်အပြည့်ယူစေချင်တာပါ။
မိဘတွေကတော့ အဆင်ပြေရင် အဆင်ပြေကြောင်းပြောသမျှလက်ခံပြီး စိတ်အေးအေးထားနေကြမှာပဲ၊
ငွေပေးပြီး အပ်နှံထားရတာဆိုတော့လေ။
တိတိကျကျပြတ်ပြတ်သားသားမလုပ်ကြတော့
နစ်နာကြရပြီ။
ပညာရေးရုံးပိုင်းနဲ့ ထက်ကိုယ်ပိုင်ကျောင်းတို့ဟာ ပုဂ္ဂိုလ်ရေးအရ မပြေလည်မှုတွေရှိတယ်လို့လည်းသိရ၊
သို့သော်ငြားလည်း
ဘယ်သူတွေနစ်နာသွားကြသလဲဆိုတော့
ကြားက တစ်နှစ်လုံးစာ ရင်းထားကြ ကြိုးစားထားကြရတဲ့ ကျောင်းသားနဲ့မိဘတွေ နစ်နာကြရတော့တာပေါ့။
မိဘတွေတောင်းဆိုကြတာက
သူတို့အထက်ပိုင်းမပြေလည်မှုတွေကြား အရေးယူတာတွေ ညှိနှိုင်းတာတွေလုပ်တာလည်းလုပ်ပါ၊ ကလေးတွေကို ကြားကနေမနစ်နာစေလိုဘဲ စာမေးပွဲအများနဲ့အတူ ဝင်ဖြေစေချင်ကြတယ်လို့ သိရပါတယ်။ မနက်ပိုင်းစာမေးပွဲဖြေဆိုချိန်သာ ပြီးဆုံးခဲ့ပေမယ့်လည်း ဖြေဆိုခွင့်မရရှိခဲ့ကြောင်းသိရ။

စာမေးပွဲဖြေဆိုခွင့်ရသည့် ကျောင်းသားတွေ၏
ဖြေဆိုခွင့်ခုံအမှတ် လည်ဆွဲကဒ်တွေကိုလည်း စာမေးပွဲလာဖြေရင် တပါတည်းယူဆောင်လာဖို့ ပြုလုပ်ပေးထားပေမယ့် ပထမနေ့ မြန်မာစာဖြေတဲ့နေ့မှာပင် စာမေးပွဲအခန်းစောင့်ဆရာများက ထိုကဒ်များကို ကျောင်းသားများထံမှ သိမ်းဆည်းယူထားလိုက်ကြောင်းသိရ။

ပယ်ချခံရတဲ့ ကျောင်းသားများအနေဖြင့်
နှစ်ဦးနှစ်ဖက် ညှိနှိုင်းလို့ ပြေလည်ရင်တော့ နောက်ရက်တွေမှာ ပြန်လည်ဖြေဆိုခွင့်ရကြမှာပါလို့သိရ။

ယခုပြဿနာနှင့်စပ်လျဉ်း၍ တာဝန်ပေါ့လျော့သူများနှင့် ကိုယ်ပိုင်ကျောင်းမှတာဝန်ရှိသူကိုလည်း အရေးယူမှုပြုလုပ်သွားမည်လို့လည်းသိရ။

Crd

တတိယအကြိမ် တိုင်းဒေသကြီး သို့မဟုတ် ပြည်နယ်လွှတ်တော် ပထမပုံမှန်အစည်းအဝေး တက်ရောက်ရန်အတွက် လွှတ်တော်ကိုယ်စားလှယ်များ သတင်းပို့ကြရန် ထုတ်ပြန်

ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ ကြေညာချက်အမှတ် ၂ / ၂၀၂၆ ၁၃၈၇ ခုနှစ်၊ တပေါင်းလဆန်း ၈ ရက် (၂၀၂၆ ခုနှစ်၊ ဖေဖော်ဝါရီလ ၂၃ ရက်) တတိယအကြိမ် တိုင်းဒေသကြီး သို့မဟုတ် ပြည်နယ်လွှတ်တော် ပထမပုံမှန်အစည်းအဝေးကျင်းပရန်ခေါ်ယူခြင်း

ပြည်ထောင်စုသမ္မတမြန်မာနိုင်ငံတော် ပြည်သူ့လွှတ်တော် ကြေညာချက်အမှတ် ၁ /၂၀၂၆ ၁၃၈၇ ခုနှစ်၊ တပေါင်းလဆန်း ၈ ရက်  (၂၀၂၆ ခုနှစ်၊ ဖေဖော်ဝါရီလ ၂၃ ရက်) တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး ကျင်းပရန်ခေါ်ယူခြင်း

ပျော်ဘွယ်မြို့နယ် အင်ကြင်းကုန်းကျောင်း သိမ်ကျောင်းအတွင်း မဖွယ်မရာပြုလုပ်ခဲ့သည့် လူငယ်စုံတွဲတစ်တွဲကို အမှုဖွင့်အရေးယူထား


နေပြည်တော် ၊ ဖေ‌ဖော်ဝါရီ ၂၁

မန္တလေးတိုင်းဒေသကြီး၊ ရမည်းသင်းခရိုင်၊ ပျော်ဘွယ်မြို့နယ်၊အင်ကြင်းကုန်းကျောင်း သိမ်ကျောင်းအတွင်း မဖွယ်မရာပြုလုပ်ခဲ့သည့် လူ ငယ်စုံတွဲတစ်တွဲကို အမှုဖွင့်အရေးယူထားကြောင်းသာသနာရေးနှင့်ယဉ်ကျေးမှုဝန်ကြီးဌာနမှ သိရသည်။


ပျော်ဘွယ်မြို့နယ်၊ ကျူတောဝအုပ်စု၊ အင် ကြင်းကုန်းကျောင်း သိမ်ကျောင်းအတွင်း လူငယ်စုံတွဲတစ်တွဲ မဖွယ်မရာပြုလုပ်ကြောင်း လူမှုကွန်ရက်အင်တာနက်စာမျက်နှာများတွင် ဖော်ပြထားခြင်းနှင့်ပတ် သက်၍ ဗုဒ္ဓဘာသာကိုးကွယ်ဝတ်ပြုရာ ဘုရားကျောင်းဝန်း၊သိမ်တော်မှန်းသိလျက်နှင့် ကိုး ကွယ်ဝတ်ပြုရာ သိမ်ကျောင်း ဆောင်အတွင်း ကျူးကျော်ဝင်ရောက်၍မဖွယ်မရာပြုလုပ်ခဲ့သူများဖြစ်သည့် အမျိုးသားနှင့် အမျိုးသမီး ၂ ဦးတို့အား ဥပဒေအရ အရေးယူပေးပါရန် ကျေးရွာတာဝန်ရှိသူများ၏ တိုင်ကြားချက်အရ ၂၀-၂-၂၀၂၆ ရက်နေ့တွင် ပျော်ဘွယ်မြို့မရဲစခန်း၌ အမှုဖွင့်အရေးယူထားကြောင်း သာ သနာရေးနှင့်ယဉ်ကျေးမှုဝန် ကြီးဌာနမှ သတင်းထုတ်ပြန်ထားသည်။

စာစစ်အတွေ့အကြီုများလာသောအခါ

စာစစ်သူများသည်
လူများဖြစ်သည် ဆိုတာလေး
ရှင်းပါရစေ။

လူဆိုတာ ပျင်းပါတယ်။
ကိုယ့်အတွက်ကိုယ်ဘဲ ကြည့်ပါတယ်။
မှားတတ်ပါတယ်။
စိတ်ခံစားချက်ရှိပါတယ်။

အကယ်၍ တစ်မှတ်တန်များကို
12345687910.
ဆိုပြီးဖြေရင်
စာစစ်သူ သေချာပေါက်မှားပါပြီ
ဘာလို့လဲ
78 လို့ အစဥ်အတိုင်းမဖြေလို့ပါ။

အကယ်၍ နှစ်မှတ်တန်ကို
ရှေ့နားတစ်ပုဒ် ဟိုကြားတစ်ပုဒ်
နောက်နားတစ်ပုဒ်ဖြေကြည့်ပါ
ကျော်စစ်မိတတ်ပါတယ်
အဖြေက သေးတာကိုး။

ဒီကြားထဲ
မနက် 7:00 အရောက်လာ
ညနေ 6:00 မှ အိမ်ပြန်ရောက်
အိမ်ကယောက်ျားက
ထမင်းဟင်းကောင်းကောင်းမစားရလို့
ပြသနာရှာ
ကျောင်းသာလာတယ်
စိတ်ကမကြည်
နွေနေ့လယ်က ပူပါဘိသနဲ့
ကလေးလက်ရေးက
ခွေးခြစ် ကြောင်ခြစ်မို့
စာစစ်ပြီးပါဝါကတိုးရဦးမယ်။

ဒါတောင်အထက်ကလာတဲ့
Pressure အကြောင်း
ရေးမပြသေးဘူး
ငပိကြော်မစားချင်ဘူးလေ။

ဒါကြောင့်
အမှတ်ပေးချင်အောင်ရေးဖို့ ပြောနေရတာ
တရားမျှတမှုတို့
တာဝန်ယူမှု တာဝန်ခံမှုတို့ဆိုတာ
စာရွက်ပေါ်မှာဘဲရှိတာ
လူက လူဘဲ
မကြေနပ်ရင်
ကွန်ပျူတာနဲ့သာစစ်ကြပေတော့

ဆုလာဘ်နဲ့ ပြစ်ဒဏ်မမျှတဲ့
ပွဲမှာ
ဘာကိုမှ အပြစ်မဖို့ချင်တော့လို့
အမှတ် လိုချင်တဲ့သူဘက်က
ကောင်းအောင်နေဖို့ဘဲ တိုက်တွန်းလိုက်ရပါတယ်
အရပ်ကတို့ရေ

ရန်ကုန်မြို့ လေထုညစ်ညမ်းမှု AQI ၁၆၄ ရှိ၍ ကျန်းမာရေးထိခိုက်နိုင်သည့်အဆင့်သို့ရောက်ရှိ

ဖေဖော်ဝါရီ ၂၄

ရန်ကုန်မြို့၏ လေထုညစ်ညမ်းမှုအခြေအနေသည် ကျန်းမာရေးထိခိုက်နိုင်သည့် အဆင့်သို့ ရောက်ရှိနေကြောင်း World Air Quality Index (AQI) ၏ ထုတ်ပြန်ချက်အရ သိရသည်။
-
ဖေဖော်ဝါရီ ၂၄ ရက်တွင် ရန်ကုန်မြို့၏ လေထုအရည်အသွေးညွှန်းကိန်း (AQI) သည် အဆင့် (၁၁) တွင်ရှိပြီး ညွှန်းကိန်းတန်ဖိုး ၁၆၄ ရှိကြောင်း ဖော်ပြထားသည်။
-
နိုင်ငံတကာ AQI စံနှုန်းအရ ညွှန်းကိန်း ၁၅၁ မှ ၂၀၀ အတွင်းရှိပါက ကျန်းမာရေးအတွက် မကောင်းသည့် (Unhealthy) အဆင့်အဖြစ် သတ်မှတ်ထားသည်။
-
ထို့ပြင် World Health Organization (WHO) ကလည်း လေထုအတွင်း PM 2.5 အမှုန်အမွှားပါဝင်မှုနှုန်းသည် တစ်နေ့လျှင် ၂၅ မိုက်ခရိုဂရမ်/ကုဗမီတာ ကျော်လွန်ပါက ကျန်းမာရေးအန္တရာယ်ရှိနိုင်ကြောင်း ထုတ်ပြန်ထားသည်။
-
လေထုညစ်ညမ်းမှုမြင့်မားခြင်းကြောင့် အသက်ရှူကြပ်ခြင်း၊ မျက်စိစပ်ခြင်း၊ ခေါင်းကိုက်ခြင်း၊ လည်ချောင်းစပ်ခြင်း၊ အဆုတ်ထိခိုက်ခြင်းနှင့် မောပန်းလွယ်ခြင်း စသည့် ကျန်းမာရေးပြဿနာများ ဖြစ်ပေါ်နိုင်ကြောင်း သဘာဝပတ်ဝန်းကျင် လေ့လာစောင့်ကြည့်သူများက အသိပေးထားကြောင်းသိရသည်။
-

၂၀၂၆ ခုနှစ် တက္ကသိုလ်ဝင်စာမေးပွဲအတွက် စာစစ်မှူးချုပ်များ၏ အကြံပြုချက်များ

https://www.edge.com.mm/article/6998362720120.html