ဆရာ/မများအတွက် လိုက်နာရန် (၃) ချက်
============================

#အချိန်မီလာပါ

ဆရာ/မ တိုင်း မိမိစာသင်ကျောင်းကို အချိန်မီ
လာရမယ်။ အချိန်မီ ရောက်ရမယ်။ မိမိက
စာသင်ကျောင်းကို အချိန်မီရောက်ထားပါမှ
ကျောင်းကိစ္စတွေ လုပ်နိူင်မယ်။ သင်ခန်းစာတွေ
ပြင်ဆင်နိူင်မယ်။ ကလေးတွေနဲ့ ရင်းရင်းနှီးနှီး
ဖော်ဖော်ရွေရွေ နေလို့ရမယ်။ ပတ်ဝန်းကျင်က
အချိန်မီလာ အချိန်မှန်ကျောင်းတက်နေတဲ့
ဆရာ/မ တစ်ယောက်ပါပဲ လို့ အသိအမှတ်ပြု
လေးစားစံပြု ထိုက်လာမယ်။ မိမိကိုယ်၌က
ကျောင်းကို အချိန်မီမလာ၊ အချိန်မှန်မလာ၊
စာသင်ကျောင်းကို ကရုမစိုက်အလေးမထားရင်
မိမိနှင့်အတူ မိမိစာသင်ကျောင်းကို ကလေးများ
နှင့် မိဘများက တန်ဖိုးထားမည်မဟုတ်။
အချိန်မီမလာသော ၊ အချိန်မှန်မလာသော
ဆရာ/ဆရာမများ အတွက်ကြောင့် ကျွန်တော်
တို့ ပညာရေးဝန်ထမ်းတွေရဲ့ဘဝကို တန်ဖိုး
ထား လေးစား လိုက်နာလိုမှုတွေ လျော့နည်း
လာတယ်ဆိုတာ သိထားရမယ်။

#အချိန်မှန်ဝင်ပါ

ဆရာ/မတိုင်း မိမိစာသင်ချိန်မှာ အချိန်မီလာပြီး
အချိန်မှန် ဝင်ဖို့လိုတယ်။ ကလေးတွေက ဒါ
ဘယ်ဆရာ/မ အချိန်ဆိုပြီး မျှော်နေတတ်တယ်။
ကျောင်းကို အချိန်မီလာသော်လည်း အချိန်မှန်
မဝင်တဲ့အခါသင်ခန်းစာတွေနောက်ကျ တာတွေ
ရှိလာမယ်။ အစီအစဉ်မကျ ကသောကရော
သင်ခန်းစာရဲ့ လပိုင်းမာတိကာ အရပဲ သင်လာ
မယ်။ နောက် စာမေးပွဲနားနီးမှ ကလေးတွေကို
တစ်ခါတည်းရိုက်သွင်းလိမ့်မယ်။ ဒါက မှားတဲ့
လုပ်ရပ်တစ်ခုပဲ။ ဆရာဆိုတာ ဘာလုပ်ရမလဲ။
စာသင်ရမယ်။ စာသင်ဖို့ပဲလား ။ မဟုတ်ဘူး။
လူကိုပါပြင်ရမယ်။ ကိုယ်က စံပြု ထိုက်အောင်
နေပါမှ ကလေးတွေက စံပြု ကြလိမ့်မယ်။ လူ
လေးစားအောင်နေမှ လူတွေကလေးစားမယ်။
အချိန်မှန်မဝင်တဲ့အခါကလေးလည်းကျောင်းကို
အချိန်မှန် လာချင်မှာမဟုတ်ဘူး။ အချိန်မှန်မဝင်
တဲ့ ဆရာ/ဆရာမတွေအတွက်ကြောင့်သာ
ကျွန်တော်တို့ ပညာရေးလောကကို အထင်သေး
လာတာတွေရှိလာတယ်ဆိုတာ သိထားပါ။

#အချိန်ပြည့်စာသင်ပါ

ဆရာ/မ တစ်ယောက်က ကျောင်းကို အချိန်မ
ရောက်လာမယ်။ အချိန်မှန် ဝင်မယ်။ ဒါ့အပြင်
အချိန်ပြည့်စာသင်ဖို့လည်း လိုပါလိမ့်မယ်။
ကျောင်းထဲမှာ ရှိနေရမဲ့ အချိန်မှာ ဆရာ/မတိုင်း
ကျောင်းထဲမှာရှိကိုရှိနေရမယ်။ဘာမှအကြောင်း
ပြချက် ပြစရာမလိုဘူး။ နိူင်ငံတော်ရှဲ့ လစာကို
ခံစားထားတဲ့လူတစ်ယောက်က တာဝန်ချိန်မှာ
တာဝန်ကို လေးစားရမယ်။ မ်ိမိ ကိုယ်ရေးကိုယ်
တာ အတွက်ကြောင့် ကျောင်းနဲ့ကလေးတွေကို
ပစ်မထားသင့်ဘူး။ ဆရာ့စိတ်ဓာတ်အပြည့်အဝ
ရှိတဲ့ဆရာ/မတွေအတွက် ဒါတွေက ပြောနေစ
ရာမလိုဘူး။ ပေါ့ပေါ့နေပေါ့ပေါ့စား ပေါ့ပေါ့လေး
ဝတ်ကျေ တန်းကျေ လေး တာဝန်အရ လေး
ကျောင်းလာ ကျောင်းပြန်လုပ်နေတိုင်းဝန်ထမ်း
ကောင်းမဟုတ်ဘူး။ဝန်ထမ်းကောင်းတို့မည်
သည် ကိုယ့်အတွက်လည်း ကောင်းအောင်နေ
တယ်။ သူများအတွက်လည်း ကောင်းအောင်
လမ်းညွှန်တယ်။ ဒီတော့ ဆရာ/မတိုင်းက
ဒီသုံးချက်နဲ့ ကိုက်ညီအောင် နေထိုင်ရမယ်။ သို့
မှသာ မြန်မာ့ပညာရေးရဲ့မျှော်မှန်းချက်တွေက
အရောင်တောက်ပလာမှာဖြစ်တယ်။ ရေသာခို
အချောင်လိုချင်တဲ့ ဆရာ/မ တွေရှိနေသ၍
ကျွန်တော်တို့ ပညာရေးဟာ ကျွန်ပညာရေးစနစ်
ကြီးပဲဖြစ်နေတော့မှာပဲ။ အဲ့ဒါကြောင့် သခင်
ပညာရေးဖြစ်ပေါ်လာအောင် ဆရာ/မများအား
လုံး တာဝန်ယူမှုတွေ တာဝန်ခံမှုတွေ ရှိလာဖို့
လိုအပ်တယ်။

နောက်ဆုံးပြောချင်တာကတော့ ကလေးတွေ
ကို ဆရာ/မတွေက ဆုံးမကြတာရှိတယ်။
``ကျောင်းမှန်မှန်တက် စာမခက်´´ တဲ့။
ဒါပေမဲ့ကျွန်တော်ကတော့ ဆရာ/မတွေအတွက်
စကားလေးလက်ဆောင်ပါးလိုက်ချင်တယ်။

`ကျောင်းမှန်မှန်သွား ဆရာ/မ များ
မပျက်မကွက် ကျောင်းကိုတက်၍
အပျင်းမဖက် စာသင်လျှက်
ကျောင်းတက်မပျက်ပါစေနှင့်´´´ဟု
နှိုးဆော်တိုက်တွန်းလိုက်ရပါသည် ခင်ဗျာ။ ။

#ဆရာတိမ်ထွဋ်ခေါင်

''လုပ်သက်တန်းစီ'' B.Ed. (၃/၂၃) တက်ရောက်ခွင့်ရသူများ စာရင်းထွက်ရှိပါပြီး။တက်ရောက်ခွင့်ရသောဆရာ/ဆရာမများCongratulations ပါလို့ပြောပါရစေ

Grade-9

#နောက်ဆုံးစာမေးပွဲကိစ္စ
၂၀၂၂-၂၀၂၃ ပညာသင်နှစ်
အခြေခံပညာမူလတန်းဆင့်
Grade (5)သင်ရိုးသစ်Final အတန်းတင်နှစ်ဆုံးစာမေးပွဲကို
(၂၂.၂.၂၀၂၃)မှ(၂၈.၂.၂၀၂၃)ရက်အထိကျင်းပသွားပါမည်ဖြစ်ပါကြောင်း။
၂၂.၂.၂၃.မြန်မာစာ
၂၃.၂.၂၃.အင်္ဂလိပ်စာ
၂၄.၂.၂၃.သင်္ချာ
၂၇.၂.၂၃.သိပ်ပံ
၂၈.၂.၂၃. လူမှုရေး

Grade(Grade9)စာမေးပွဲ ကို (၂၂.၂.၂၀၂၃ )မှ (၁.၃.၂၀၂၃)ထိကျင်းပသွားမည် ဖြစ်ကြောင်း.

၂၂.၂.၂၃.မြန်မာစာ
၂၃.၂.၂၃.အင်္ဂလိပ်စာ
၂၄.၂.၂၃.သင်္ချာ
၂၇.၂.၂၃.ပထဝီဝင်
၂၈.၂.၂၃. သမိုင်း
၁.၃.၂၃.အထွေထွေသိပ္ပံ

ကြားသိရသည်ကိုမျှဝေတာပါ ဘာအကန့်မှ မပါပါ

#နောက်ဆုံးစာမေးပွဲကိစ္စ
၂၀၂၂-၂၀၂၃ ပညာသင်နှစ်၊ အခြေခံပညာ အသီးသီး၏ ကျောင်းတွင်းစစ် နောက်ဆုံးစာမေးပွဲများ စစ်ဆေးကျင်းပခြင်းကို အောက်ပါအတိုင်း၊စစ်ဆေးကျင်းပ သွားရန် ဖြစ်ပါသည်။

(၁) အခြေခံပညာမူလတန်းအဆင့် ပြီးမြောက်မှုစစ်ဆေးခြင်း (Grade 5) စာမေးပွဲကို (၂၂-၂-၂၀၂၃) မှ ( ၂၈-၂-၂၀၂၃) အတွင်း ကျင်းပရန် ဖြစ်ပါသည်။

(၂) အခြေခံပညာအလယ်တန်းအဆင့် ပြီးမြောက်မှုစစ်ဆေးခြင်း (Grade 9) စာမေးပွဲကို (၂၂-၂-၂၀၂၃) မှ ( ၁-၃-၂၀၂၃) အတွင်း ကျင်းပရန် ဖြစ်ပါသည်။

(၃) ကျန်ရှိသော ကျောင်းတွင်းစစ် စာမေးပွဲများကို (၁၄-၂-၂၀၂၃) မှ (၂၁-၂-၂၀၂၃)အတွင်း (တနင်္ဂနွေ နေ့ မှအပ) ကျင်းပရန် ဖြစ်ပါသည်။

(၄) အခြေခံပညာအထက်တန်းအဆင့် ပြီးမြောက်မှုစစ်ဆေးခြင်း (Grade 11 ) သင်ရိုးဟောင်း ကို (၁၄-၂-၂၀၂၃) မှ ( ၂၀-၂-၂၀၂၃) အတွင်း (တနင်္ဂနွေ နေ့မှ အပ) ကျင်းပရန် ဖြစ်ပါသည်။

(၅) ၂၀၂၃- ခုနှစ် ၊ တက္ကသိုလ်ဝင် စာမေးပွဲကို (၈-၃-၂၀၂၃) မှ (၁၈-၃-၂၀၂၃) အတွင်း ကျင်းပမည် ဖြစ်ပါသည်။

Credit....