ဒီလိုမိဘများလဲရှိပါတယ်
👇👇👇👇👇👇
ရွှေပြည်သာ ထ - ၁ ကျောင်းသားလေးတွေ ခိုက်ရန်ဖြစ်ပွားပြီး လူသတ်မှုဖြစ်သည်အထိ ဖြစ်သွားခဲ့ကြတယ်။

ဒီအကြောင်း နဲ့ ပတ်သက်ပြီး ဆရာ / ဆရာမ တွေကို ဝေဖန်ပြောဆိုနေကြလို့ ကျောင်းသား မိဘ တစ်ယောက်အနေနဲ့ နည်းနည်း ငံ မယ်ဗျာ---

ကျွန်တော် ကျောင်းသား မိဘ တစ်ယောက်ပါ --

လက်ဦ ဆရာ မိ နှင့် ဖ ဆိုရိုးစကားလိုဘဲ ပထမဆုံး လူရယ်လို ဖြစ်လာပြီ ဆိုတည်းက အဖေ နှင့် အမေ သည်
လက်ဦးဆရာတွေဆိုတာ လူတိုင်းသိပြီးဖြစ်ပါတယ်။

"ဗီဇ" မျိုးရိုး ဗီဇ ဆိုတာလည်း လက်ဦး ဆရာဖြစ်တဲ့ မိဘ နှစ်ပါးထံ ဆင်းသက်လာတယ်ဆိုတာလည်း လူတိုင်း ငြင်းလို့မရပါဘူး ။

စနစ်တကျ သွန်သင်ဆုံးမ တတ်သော မိဘ နှင့် ဗီဇ ကောင်းသော မိဘ မျိုးရိုးမှ ဆင်းသက်လာသော သား သမီးများသည် အကျိုးအကြောင်း အဆိုးအကောင်းကို သွန်သွင်သင်ရာမှာ နာခံမှု လွယ်ကူကြတယ်။

လက်ဦးဆရာဖြစ်သည့် မိဘဆိုသည့် အဝန်းအဝိုင်းမှ တာလွတ်လိုက်သော သားသမီးများသည် အရွယ်ရောက်လာသောအခါ ဒုတိယ ဆရာဖြစ်သည့် ဆရာ / ဆရာမ များထံသို ရောက်ရှိလာခဲ့တယ်။

ကျွန်တော်တို့တွေ သူငယ်တန်း မှ ဘွဲ့တွေ ရတဲ့အထိ ကျောင်း တတ်လာခဲ့ကြတယ် ဘယ်စာသင်း ကျောင်း ၊ ဘယ်အတန်း ၊ ဘယ် ဆရာ / ဆရာမ ကမှ ဆေးလိပ်သောက်ဖို့ ၊ အရက်သောက်ဖို့ ၊ ကျောင်းပြေးဖို့ ၊ ရီးစား ထားဖို့ ၊ ရန်ဖြစ်ဖို့ မသင်ပေးကြပါဘူးဆိုတာလည်း လူတိုင်းသိကြပါတယ်။

ဒါဆို ဒီအတတ်တွေက ဘယ်က တတ်လာတာလဲ. ? ကျောင်း သားတိုင်းကော ဒီအတတ်တွေ တတ်ကြလား. ? မေးစရာရှိလာပါတယ် ။ ကျောင်းသားတိုင်း မတတ်ပါဘူး လူနည်းစုဘဲ တတ်တာပါ အပေါ်မှာ ရေးခဲ့သလို ကျောင်းသား တဦး၏ သူဖြတ်သန်းနေသော ပတ်ဝန်းကျင် ၊ မျိုးရိုး ၊ ဗီဇ နဲ့ အများကြီး ဆိုင်ပါတယ်။

ကျွန်တော် လက်နက်ကိုင် ဝန်းထမ်းဘဝ တုန်းကလဲ တွေ့ခဲ့ဖူးတယ် မတစ်ထောင်သားတွေ စရိုက်မျိုးစုံ ၊ အကျင့်မျိုးစုံ ၊ ထိပ်တုံးထဲ ထည့်ပြီးဆုံးမတယ် ၊ အချုပ်ထဲထည့်ပြီးဆုံးမတယ် မရဘူး ခွေးမှီးကောက် ကျည်တောက်စွတ် ပါဘဲ ဒီလို လူတန်းစား တရပ်ဟာ ဆိုဆုံးမလို့မရပါဘူး အကျင့်စရိုက် ဗီဇ အတိုင်း နေထိုင်ကြတာပါ ။

အချုပ်ပြောရလျှင် " အတတ်လဲသင် ပဲ့ပြင်ဆုံးမ " ဆရာ / ဆရာမတွေဟာ ကျောင်းသင်ခန်းစာတွေကိုလည်း တတ်မြောက်အောင် သင်ကြားရပါတယ် ။ ဆိုဆုံးမ စကားတွေလည်းပြောကြရတယ် ဒါပေမယ့် အပေါ်မှာ ပြောခဲ့သလို လက်နက်ကိုင် အဖွဲ့အစည်းတွေမှာတောင် ဆိုဆုံးမခြင်း မလွယ်ကူသည့် ဗီဇ ရှိသူ လူတန်းစား တရပ် နှင့် တွေ့ဆုံရသည့်အခါ မေတ္တာဖြင့် ထိန်းကျောင်းရသော ဆရာ / ဆရာမ တွေမှာ ဂုဏ်သိက္ခာပါ ထိခိုက်သည့်အထိ ပေးဆပ်ရတာတွေရှိကြပါတယ်။

ကျွန်တော် လက်ရှိ ကျောင်းသားတွေရဲ့ မိဘ တဦးပါ ကျွန်တော့ သားသမီးတွေ ကျောင်းမှာ ဆိုးသလား ၊ လိမ္မာသလား ? ဆရာ / ဆရာမ တွေကို မေးစရာ မလိုပါဘူး ကျွန်တော် ဟာ လက်ဦး ဆရာ တစ်ယောက်ဖြစ်လို့ ကျွန်တော့ သား သမီးတွေ အကြောင်း ကျွန်တော်သာလျှင် အသိဆုံးမို့ပါ ။

စာမတတ်လျှင် ဆရာ / ဆရာမ တွေ နဲ့ သက်ဆိုင်ပါတယ် ၊ ကိုယ်ကျင့်တရား နှင့် စာရိတ္တ ပျက်ပြားလျှင် မိဘ များ နှင့် သက်ဆိုင်ပါကြောင်း တင်ပြလိုက်ရပါတယ်။

(ကျောင်းသား မိဘ )
နေလင်းအောင် ( တောင်ငူ )

ဓာတ်ပုံ - လူမှုကွန်ရက်

မြေအမျိုးအစားအလိုက် စာရွက်စာတမ်း စစ်ဆေးရမည့် ပုံစံများ။

အိမ်ခြံမြေဈေး ကွက်အတွင်းမှာ မြေ၊ တိုက်ခန်းရောင်းဝယ်မှုတွေမှာရောင်းမှား ဝယ်မှားမဖြစ်ပေါ်စေဖို့ မြေအမျိုးအစားအလိုက်စစ်ဆေးရမယ့် စာရွက် စာတမ်းတွေကို ဖော်ပြပေးလိုက်ပါတယ်။

အိမ်ခြံမြေ၊တိုက်ခန်း ဝယ်ယူမယ်ဆို ရင် အိမ်ခြံမြေ၊ တိုက်ခန်းအမျိုးအစား အလိုက် လိုအပ်တဲ့ စာရွက်စာတမ်းတွေက အပြည့်အဝမတူညီနိုင်ပါဘူး။

ဒါကြောင့် အိမ်ခြံမြေ၊ တိုက်ခန်း ဝယ်ယူတဲ့အခါပိုင်ဆိုင်မှုအထောက်အထား စာရွက်စာတမ်း အပြည့်အစုံကိုတိုက်ဆိုင်စစ်ဆေးသင့်ပါတယ်။ဒါကြောင့် အိမ်ခြံမြေဝယ်ယူသူတွေ အနေနဲ့ လိုအပ်တဲ့ စာရွက်စာတမ်းတွေကို သိရှိထားဖို့ လိုအပ်တယ်လို့ ဆိုပါတယ်။

ဂရန်မြေ

- ဂရန်မြေဝယ်မယ်ဆိုရင် ဂရန်အမည် ပေါက်"မှန် မမှန်၊ စစ် မစစ်" ကိုသက်ဆိုင်ရာ ရုံးမှာ သွားရောက် စစ်ဆေးရမှာ ဖြစ်ပါတယ်။ - ဂရန်မြေနဲ့ ပတ်သက်လို့ စစ်ဆေးရမယ့် စာရွက်စာ တမ်းကနည်းပါတယ်။ ဂရန်အမည်ပေါက် မှန် မမှန်ကိုသာရုံးမှာ သွားရောက် စစ်ဆေးဖို့ပဲ လိုအပ်ပါတယ်။

ပါမစ်မြေ

ပါမစ်မြေဆိုတာကတော့ မြို့သစ်ဘက်တွေမှာ ချထားပေးတဲ့မြေအမျိုးအစား ဖြစ်ပါတယ်။ - ပါမစ်မြေကို ဝယ်ယူမယ် ဆိုရင် ချ ထားပေးတဲ့ပါမစ် မှန် မမှန်၊အဆို ပါ ပါမစ်ကို အင်ထရီပြင်ထားဖို့ လိုအပ်ပါ တယ်။အင်ထရီဆိုတာက မြေနေရာ အ ကွက် ချ ပြီး ထုတ်ပေးလိုက်တဲ့ပါမစ်ကိုပြန်လည် စစ်ဆေးပြီး နေထိုင်ခွင့်ပြုတဲ့အမှတ် တံဆိပ် ဖြစ်ပါတယ်။

အင်ထရီဝင်ပြီးသား ပါမစ်ဆိုရင် နောက်ကျောဘက်မှာ လေးထောင့်တံဆိပ်တုံးလေးနဲ့ ပြန်လည်စိစစ် ပြီးဖြစ်ကြောင်း ပါရှိရမှာ ဖြစ်ပါတယ်။အင် ထရီ မဝင်ရသေးတဲ့ မြေကွက်တွေက ဈေး ကွက်အတွင်းမှာဈေးနှုန်းကွဲလွဲမှုရှိတယ် လို့ သိရတယ်။“ ဈေးနှုန်းမကွာဘူးဆိုရင်တောင် ရာ တန်အကွက်တွေမှာဈေး ငါးသိန်း၊ ၁၀ သိန်း ကွာတယ်၊ထောင်တန် အကွက်တွေမှာဆိုရင် အင်ထရီမဝင်ရသေးလို့ပွဲပျက် တာတွေတောင် ရှိတယ်”လို့မြန်မာ့ရတနာ မြေ အိမ်ခြံမြေအကျိုးဆောင်မှအမ်ဒီ ကို ဝင်းနိုင်ဦးက ဆိုပါတယ်။ - ပါမစ်မြေမှာ စာရွက်စာတမ်းလည်း မှန်ကန်မှုရှိပြီးအင်ထရီလည်း ဝင်ထား မယ်ဆိုရင်အမည်ပေါက်ပိုင်ရှင်ရဲ့ မှတ်ပုံ တင် မိတ္တူ၊သန်းခေါင်စာရင်းမိတ္တူ ပါရှိရပါမယ်။အဆိုပါ မိတ္တူတွေကိုလည်း မူရင်းနဲ့ တိုက်ဆိုင် စစ်ဆေးသင့်ပါတယ်။

လယ်မြေ

လယ်မြေ ဝယ်ယူမယ်ဆိုရင်တော့ လယ်မြေအတွက်

- အစိုးရကို အခွန်ပေးထားတဲ့ စလစ်၊လယ်ယာမြေမှတ်ပုံတင် စာအုပ်၊စလစ် up to date ဖြစ် မဖြစ် စစ် ဆေးရပါမယ်။စလစ် up to date ဆိုတာကတော့ အစိုးရကို အခွန်ငွေပေးသွင်းထား တဲ့နှစ်က အနီးဆုံးနှစ် ဖြစ်ရပါမယ်။ - လယ်ယာမြေမှာ ပိုင်ဆိုင်မှု စာရွက်စာ တမ်းဆိုတာ "လယ်ယာမြေ လက်ဝယ်ရှိသူတိုင်း" ရဲ့လက်ထဲမှာ မရှိနိုင်ပါဘူး။လယ်ယာမြေကို စိုက်ပျိုးလုပ်ကိုင်တဲ့အပေါ်အခွန် စည်းကြပ်ခံထားရတဲ့ မြေခွန် ပြေစာ သည်သာ ပိုင်ဆိုင်မှု ဖြစ်ပါတယ်။- အမှန် တကယ် လယ်ယာမြေကို လုပ်ကိုင်နေပြီးအခွန်စည်းကြပ်မှုကိုလည်း ထမ်းဆောင်ထားမယ်ဆိုရင်လယ်ယာမြေ လက်ရှိ ရှိသူအနေနဲ့ အင်္ဂ ါရပ်ညီညွတ်ပြီလို့ ဆိုနိုင်ပါ တယ်။လယ်ယာမြေလုပ်ကိုင်သူတွေကို မြေစာရင်းဌာနကအခွန်စည်းကြပ်မှု မှတ်ပုံတင်စာရင်းနဲ့ မြေပုံမှာမှတ်သားထား လေ့ရှိပါတယ်။
- တချို့လယ်ယာမြေတွေက အခွန်ပြေစာအပြင်မြေစာရင်းပုံစံ ၁၀၅ ကိုလည်း ရေးကူးရယူထားရှိနိုင်ပါတယ်။ - မြေစာရင်းပုံစံ ၁၀၅ ဆိုတာက မြေစာရင်းဌာနကမှတ် ပုံတင်စာရင်း၊ မြေပုံ စသည်တို့မှာ မှတ်သား ထားတဲ့အတိုင်း မှတ်တမ်းထိန်းသိမ်းတဲ့ မြေစာရင်းဌာန က ပုံစံတူရေးကူးပေးတဲ့ပုံစံ တစ်ခု ဖြစ်ပါတယ်။

မြေစာရင်းပုံစံ ၁၀၅ မှာ မြေကွက်နဲ့ ပတ်သက်တဲ့ အချက်အလက်တွေကိုတစုတစည်း သိရှိနိုင်ပါတယ်။ ပုံစံ ၁၀၅ မှာ ဖော်ပြချက်အရမြေကွက်တည်ရှိ တဲ့ မြို့၊ ရပ်ကွက်၊ ကျေးရွာ၊ ကွင်း၊ ဧရိယာ၊မြေအမျိုးအစား စတာတွေကို အလွယ်တကူ သိရှိနိုင်ပါတယ်။ “လယ်ယာမြေကို စလစ်တစ်ခုတည်းနဲ့ အရောင်းအဝယ်လုပ်တာတွေရှိတယ်၊ အဲ ဒါတွေက ရေရှည်မှာ အဆင်မပြေပါဘူး”လို့ကိုဝင်းနိုင်ဦးက ဆိုပါတယ်။ - ယခုအချိန်မှာ လယ်ယာမြေကို အရပ် သဘောရောင်းဝယ်နေကြပြီးစာချုပ်စာ တမ်းမှတ်ပုံတင်ရုံးမှာ လယ်ယာမြေဥပဒေ သစ်အရမှတ်ပုံတင်ပြီးမှသာ တရားဝင် ဆောင်ရွက်လို့ရမှာ ဖြစ်တယ်။

လန ၃၉ မြေ

- လန ၃၉ ဆိုတာက လယ်ယာမြေမှ တစ်ဆင့် အခြားမြေအဖြစ်ပြောင်းလဲ အ သုံးပြုခွင့် ပြုထားတဲ့ မြေအမျိုးအစားဖြစ်ပါ တယ်။ လန ၃၉ မြေ ဝယ်ယူမယ်ဆိုရင် လယ်ယာမြေကနေ အခြားမြေပြောင်းလဲ အသုံးပြုခွင့်ပြုထားတဲ့ လန ၃၉ စာရွက် ရှိ ရပါမယ်။ - ဒါမှသာ လယ်ယာမြေကို အိမ် ယာမြေ၊ စက်မှုထုတ်ကုန် တစ်ခုခုပြောင်း လဲ အသုံးပြုမယ်ဆိုရင် လန ၃၉ ချထား ပေးတဲ့ စာရွက်ရှိမှအဆင်ပြေမှာ ဖြစ်ပါ တယ်။

တိုက်ခန်းဝယ်မယ်ဆိုရင်

တိုက်ခန်း အရောင်းအဝယ် ပြုလုပ်တဲ့ အခါမှာဆက်စပ်စာချုပ်တစ်ခုရှိရုံ နဲ့ ပိုင် ဆိုင်မှု အထောက်အထားပြည့်စုံပြီလို့ မထင်မှတ်သင့်ပါဘူး။ တိုက်ခန်းအရောင်း အဝယ်ပြုလုပ်တဲ့နေရာ မှာ မရှိမဖြစ်လိုအပ်တဲ့စာရွက်စာတမ်းတွေကတော့

- ဆက်စပ် စာချုပ်၊

- BCC (လူနေထိုင်ခွင့်)

- မြေ ရှင်လက်မှတ်

- ရေမီတာ၊ မီးမီတာ စာရွက်စာတမ်းတွေ လို အပ်ပါတယ်။အဲသည် စာရွက်စာတမ်းတွေ ပါရှိရင်တော့ ပိုင်ဆိုင်မှု သေချာနိုင်တယ်လို့သိရပါတယ်။

ဘိုးဘွားပိုင်မြေ

ဘိုးဘွားပိုင်မြေ ဖြစ်ခဲ့မယ်ဆိုရင်တော့သက်ဆိုင်ရာ မြေပိုင်ဆိုင်မှုမှတ်တမ်းမှာ ပိုင်ရှင်အဖြစ်မှတ်တမ်းရှိပြီး ဖြစ်ရမှာ ဖြစ် ပါတယ်။

Credit to The kumudra journal

လေးစားမှုဖြင့်။

သိန်းထိုက်အောင်

၂၉-၁-၂၀၂၆

ကလေးများရန်ဖြစ်ခြင်းအပေါ် လယ်တွင်းသားစောချစ်ရဲ့ စကား

𝐆𝐫𝐚𝐝𝐞 12 𝐏𝐡𝐲𝐬𝐢𝐜𝐬 အမှတ်ခွဲဝေမှု့ပုံစံ
Chapter (𝟏/𝟐/𝟑) - 𝟮𝟬 မှတ်
Chapter (𝟒/𝟓/𝟔/𝟕/𝟖) - 𝟯𝟳 မှတ်
Chapter (𝟗/𝟏𝟎/𝟏𝟏) - 𝟯𝟵 မှတ်
Chapter (𝟏𝟐/𝟏𝟑) - 𝟯𝟰 မှတ်
Credit*
Original uploader
Thanks.

မြန်မာ့ရိုးရာ လက်ထပ်မင်္ဂလာအတွက် တောင်းရမ်းပုံ။

ဆရာကြီး ဆရာမကြီးတို့ မင်္ဂလာပါဗျ

အခြေခံပညာရေးကျောင်းများအားလုံး နွေရာသီပိတ်ရက်ထဲ
ရောက်ဖို့နီး လာပါပီ.... နီးလာတာ နဲ့ အမျှ ထားရှိခဲ့ရမည့် ကျောင်းအတွက်
လုံခြုံစိတ်ချရေးက အရေးကြီးပါတယ်.... ပွင့်လင်းရာသီဖြစ်လို့
မီးဘေး ဆိုတဲ့ အန္တရာယ်ကိုကြိုတင်ကာကွယ်ဖို့လိုအပ်ပါတယ်။

ဒါကြောင့် စာသင်ကျောင်း နဲ့ အကွာမှာ မီးတားလမ်း ဖောက်ခြင်း
ရေပုံး ၊ သဲပုံး ၊ မီးချိတ် ၊ မီးကပ် များ ၊ အဖွဲ့အစည်းများ ကို မြို့နယ်ညွှန်ကြားချက် နဲ့ အညီလုပ်ဆောင်ဖို့ အရေးကြီးသလို ........

. " မီးဘေးကြိုတင်ကာကွယ်ရေးစီမံချက် "

နဲ့ အညီ လုပ်ဆောင်ကြဖို့ လည်း လိုအပ်တဲ့ အတွက် မီးဘေးစီမံချက်တွင်
ပါဝင်မည့်လုပ်ငန်းခေါင်းစဥ်များကိုဖော်ပြလိုက်ရပါတယ်။

က။ နိဒါန်း
ခ။ ရည်ရွယ်ချက်
ဂ။ ဖွဲ့စည်းတာဝန်ပေးအပ်ခြင်း
ဃ။ ကြိုတင်ကာကွယ်ရေးလုပ်ငန်းများ
စ။ အရေးပေါ်ဆောင်ရွက်ခြင်း(ဆက်သွယ်ရန်ဖုန်းနံပါတ်များ)
ဆ။ နိဂုံး..........စသည့်အချက် (၈) ချက်ပါဝင်ရေးသားရပါမည်။

ဦးစစ်နိုင်(ရွှေလင်းမြေပညာရေး)

ပညာရေးဝန်ထမ်းများ၏ လစာတိုးမြှင့်ရေးအပေါ် မျှော်လင့်ချက်များ

ရွေးကောက်ပွဲ လုပ်ငန်းစဉ်များ ပြီးဆုံးပြီးနောက် သမ္မတအသစ် တာဝန်ထမ်းဆောင်လာမည်ဖြစ်ပါသည်။ အစိုးရသစ်၏ မူဝါဒများအနက် ပညာရေးကဏ္ဍကို ဦးစားပေး ဆောင်ရွက်မည်ဟု ပြောကြားလာခြင်းများ ရှိနေပြီး၊ ပညာရေးဝန်ထမ်းများ၏ လစာအခြေအနေကိုလည်း ပြန်လည်သုံးသပ်သွားမည်ဟု သတင်းများ ထွက်ပေါ်လာနေပါသည်။

ပညာရေးဝန်ကြီးဌာန၏ အကြီးအကဲ ဒေါက်တာ ချောချောစိန်နှင့် ဒုတိယဝန်ကြီး ဦးနေမျိုးလှိုင် တို့သည် မကြာခဏ ကျင်းပလျက်ရှိသော အစည်းအဝေးများနှင့် ဆွေးနွေးပွဲတိုင်းတွင် ပညာရေးဝန်ထမ်းများ၏ လစာတိုးမြှင့်ရေး အရေးပါမှုကို အထူးအလေးထား၍ ပြောကြားလျက်ရှိပါသည်။ ၎င်းတို့၏ ပြောကြားချက်များအရ လစာတိုးမြှင့်ခြင်းသည် ဝန်ထမ်းများ၏ လူမှုဘဝတိုးတက်ရေးအတွက်သာမက ပညာရေးစနစ်တစ်ခုလုံး၏ အရည်အသွေး မြှင့်တင်ရေးအတွက်ပါ မဖြစ်မနေ လိုအပ်ကြောင်း ထင်ရှားစွာ ဖော်ပြထားပါသည်။

အထူးသဖြင့် ပညာရေးဝန်ထမ်းများသည် နိုင်ငံအနာဂတ်အတွက် အခြေခံအင်အားဖြစ်ပြီး၊ ခက်ခဲသော အခြေအနေများအောက်တွင်ပင် တာဝန်ကို အလေးထားကာ ထမ်းဆောင်လျက်ရှိကြပါသည်။ ထိုသို့သော ဝန်ထမ်းများ၏ အလုပ်အကိုင်တန်ဖိုးနှင့် တာဝန်အလေးချိန်ကို ထောက်ထား၍ လစာတိုးမြှင့်ပေးခြင်းသည် မျှတသင့်လျော်သည့် ဆုံးဖြတ်ချက်တစ်ရပ် ဖြစ်ပါသည်။

ထို့ကြောင့် သမ္မတအသစ်နှင့် အစိုးရသစ်မှ ပညာရေးဝန်ထမ်းများ၏ လူမှုဘဝ အခြေအနေ တိုးတက်ကောင်းမွန်စေရန် အကောင်အထည်ဖော် ဆောင်ရွက်ပေးနိုင်မည်ဟု မျှော်လင့်ပါသည်။ လစာတိုးမြှင့်မှုများသည် ဝန်ထမ်းများ၏ စိတ်ဓာတ်မြှင့်တင်မှုသာမက ပညာရေးအရည်အသွေး တိုးတက်ရေးအတွက်ပါ အရေးပါသော ခြေလှမ်းတစ်ရပ် ဖြစ်လာမည်ဟု ယုံကြည်ပါသည်။

#လစာ #Salary #teachers #Myanmareducation

၂၀၂၅ - ၂၀၂၆ ပညာသင်နှစ် အတန်းတွင်းစစ်ဆေးသည့် G4...G6...G7...G8 အတန်းများအတွက် နှစ်ဆုံးစာမေးပွဲတွင်ပြုလုပ်ရမည့်ပုံစံများ

ဦးစစ်နိုင် (ရွှေလင်းမြေ ပညာရေး)

ရေမကူးတတ်တဲ့
ကျောင်းအုပ်ကြီး
ရေထဲကျခဲ့ရင်
(ဟာသအမြင်ဖြင့်သာ)

မြန်မာစာ ဆရာ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးကိုယ်တိုင်က ပြောထားတာလေ။ "ကိုယ်လုပ်ရမယ့် အလုပ်အတွက်ပဲ တာဝန်ကျေရင်ရပြီ၊ တခြားကိစ္စတွေမှာ ဝင်မပါနဲ့" တဲ့။ အခုဟာက ရေကူးတဲ့ကိစ္စဆိုတော့ ကျွန်တော့်တာဝန် မဟုတ်ဘူးလေ။

အင်္ဂလိပ်စာ ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ဘာလို့ ကယ်ရမှာလဲ? ကျောင်းအုပ်ကြီးကပဲ အမြဲပြောနေတာလေ "Nobody is indispensable" (ဘယ်သူမှ မရှိမဖြစ် မဟုတ်ဘူး) တဲ့။ တစ်ယောက်ယောက် လျော့သွားလည်း အစားထိုးလို့ ရတာပဲတဲ့။

သင်္ချာ ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးက ပြောထားတယ်လေ။ "ဘယ်သူပဲ လျော့လျော့ ကျောင်းကတော့ ဆက်လည်ပတ်နေမှာပဲ" တဲ့။ကိန်းရှင် (Variable) တစ်ခု လျော့သွားရုံနဲ့ ညီမျှခြင်း (Equation) က ပျက်မသွားဘူးလေ။

ရူပဗေဒ ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ဆရာကြီးက ပြောဖူးတယ်။ သူစကားပြောနေရင် ဖြတ်မပြောနဲ့ ၊အရှိန် ပျက်တယ်တဲ့။ အခု သူ ရေထဲကျသွားတဲ့ အရှိန်ကို ကျွန်မက သွားဖြတ်လိုက်ရင် ကျောင်းစည်းကမ်း ဖောက်ဖျက်ရာ ကျနေမှာပေါ့။

ဓာတုဗေဒ ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးက ပြောဖူးတယ်။ငါ့မျက်စိရှေ့မှာ ဘာအမှားမှ မတွေ့ချင်ဘူး" တဲ့။ အခု သူ ရေထဲကျနေတာက မြင်မကောင်းတဲ့ အမှားတစ်ခုပဲလေ။ အဲ့ဒီတော့ အမှားကို မမြင်ချင်လို့ မျက်စိမှိတ်ပြီး ထွက်သွားလိုက်တော့မယ်။

ဇီဝဗေဒ ဆရာ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ဆရာ့သင်ကြားရေးကို ဖျက်ဆီးနိုင်တဲ့ ဘယ်အနှောက်အယှက်ကိုမှ အဝင်မခံပါနဲ့တဲ့။ ကျွန်တော်က အခု စာသင် နေချိန်လေ။

ဘောဂဗေဒ ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးက အမြဲပြောတယ် "တစ်ခုခု ပြောင်းလဲချင်ရင် ကိုယ့်ဘက်က အားစိုက်ထုတ်မှု ရှိရမယ်" တဲ့။ အခု သူ ရေထဲကျနေတာတောင် ကျွန်တော့်ကို ကူညီပါလို့ တောင်းပန်တဲ့ အားစိုက်ထုတ်မှုမျိုး မပြသေးသရွေ့တော့ ကျွန်မကလည်း ဒီအတိုင်းပဲ ရပ်ကြည့်နေမှာပါရှင့်။

ပထဝီဝင် ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးက အမြဲပြောတယ် "ပုစွန်ဆိတ်လေး ဘယ်လိုငယ်ငယ် ပင်လယ်ကူးတတ်တယ်ဆိုသလိုပဲ ကွန်တို‌ေမြပုံဆွဲဖို့ ကောင်းကင်ဓါတ်ပုံလေ့လာဖို့ စကေးစိတ်၊စကေးကျဲ ဘာညာသာရကာ၊ အရာရာဟာ မြေပုံထဲထည့်ဆွဲရင် သေးသေးလေးချုံ့နိုင်တယ်။ ခုလဲ အဲ့ရေပြင်ကို ရအောင်ချုံ့ပါစေ" တဲ့။

သမိုင်း ဆရာမ
မေး။ ။ ကျောင်းအုပ်ကြီး ရေထဲကို ပြုတ်ကျသွားရင် ကယ်မှာလား? မကယ်ဘူးလား?
ဖြေ။ ။ မကယ်ပါဘူး။ ကျောင်းအုပ်ကြီးက အမြဲပြောတယ် "ဇနကထုံး နှလုံးမူပြီး ယောက်ျားတို့ဇွဲ ဖွဲတဆုပ် မ၊ နိုင်တဲ့ထိ မလျော့ရဘူး" တဲ့။
ဒါကြောင့် သူ့ဘဝအတ္ထုပ္ပတ္တိပဲ ကြိုရေးပေးလိုက်တော့မယ်။
😀😀😀😀😀😀😀😀😀😀😀