❇️ မီတာ(၄၀၀)ပြေးမည့် လူရည်ချွန်များသို့ ရည်ရွယ်ရေးသားခြင်းသာ ဖြစ်ပါတယ်။

🧩 မီတာ(၄၀၀)ဟာ ဘောလုံးကွင်းတစ်ပတ်အကွာအဝေးကို ခေါ်ဆိုခြင်းသာ ဖြစ်တယ်။ လူရည်ချွန်များအား နားလည်ရလွယ်ကူစေရန် မီတာ(၄၀၀)ပြေးခြင်းအား အဆင့်(၄)ဆင့်ခွဲ၍ ​ဖော်ပြပေးချင်ပါတယ်-
----------------------------------------------
✴️ တာထွက်အဆင့်။ တာထွက်အဆင့်ပြေးရာတွင် လက်လွှဲ၊ဒူးမြှောက်ဖြင့် အားသုံးကာ ပထမ မီတာ(၁၀၀)အမှတ်ရောက်သည်အထိ ပြေးရပါမည်။မီတာ(၁၀၀) အမှတ်တွင်လုံးဝအားကုန်သွားအောင် ပြေးရမည် မဟုတ်ဘဲ၊ မိမိအားကိုချင့်ချိန်၍သာ ပြေးရန်တော့ ဂရုပြုရပါမည်။

➡️ ပြိုင်ပွဲဝင်အဆင့်။ ပြိုင်ပွဲဝင်အဆင့်ဆိုသည်မှာ မီတာ(၁၀၀)မှ မီတာ(၂၀၀)ထိ အစိမ်းရောင်မြှားဖြင့်ဖော်ပြထားသော အဆင့်ဖြစ်သည်။ ပြိုင်ပွဲဝင်နေသည့် ကိုယ်နေဟန်ပန်သို့ရောက်ရှိလာသည့် အဆင့်လည်းဖြစ်သည်။ သတိပြုရမည့်အချက်မှာ
​တာထွက်အဆင့်တွင်ပြေးလာသည့်အားဖြင့်သာ ပြိုင်ပွဲဝင်အဆင့်တွင် ခြေလှမ်းကျဲကျဲထုတ်၍ ဆက်ပြေးရန်သာ ဖြစ်သည်။ အထူးသဖြင့် လက်လွှဲရာတွင် တတ်နိုင်သမျှ ငြိမ်သက်စွာလွှဲ၍၊ခြေလှမ်းကိုသာ အားပြု၍ပြေးသည့်ပုံစံလည်းဖြစ်သည်။ အလွယ်ဆိုရသော် တတ်နိုင်သမျှ လက်မလွှဲဘဲ ခြေလှမ်းသာထုတ်ပြေးရန်သာ ဖြစ်ပါသည်။

⏬ အရှိန်လျှော့အဆင့်။ လူတစ်ဦးသည် မီတာ(၄၀၀)ကွင်းတစ်ပတ် အကွာအဝေးအား အားကုန်သုံး၍ဆက်တိုက်​ပြေးရန်မှာ မစွမ်းသာပါ။ သို့ဖြစ်၍ မီတာ(၂၀၀)နှင့်(၂၅၀)အမှတ်ကြားတွင် အရှိန်လျှော့အဆင့်အဖြစ်သတ်မှတ်၍ အသက်ရှူပြီး ပြေးအားအနည်းငယ်လျှော့ကာ မီတာ(၅၀)ခန့် မျောလိုက်သွားရမည်ဖြစ်ပါသည်။ မျောလိုက်ရမည့် ဟူသည့်အဓိပ္ပါယ်မှာ ပြိုင်ပွဲဝင်အဆင့်တွင်ပြေးလာသည့် အရှိန်ဖြင့်သာ အားမသုံးပဲ ဆက်၍ပြေးခြင်းသာဖြစ်သည်။ သတ်ိပြုရမည့်အချက်မှာ ယခုအဆင့်သည် ပြိုင်ပွဲဝင်အဆင့်အနေအထားနှင့်ပြောင်းပြန်ဖြစ်သည်။ အရှိန်လျှော့အဆင့်တွင်မူ ခြေလှမ်းမထုတ်တော့ပဲ လက်လွှဲအားကိုသာ အဓိကသုံးပြီး ပြေးသွားရမည်လည်းဖြစ်သည်။ တစ်နည်းဆိုရသော် မီတာ(၅၀)ခန့် အားလျှော့ချ၍ ခြေလှမ်းနားလိုက်ခြင်းသည် နောက်ဆုံးအဆင့်ပြေးရန်အတွက်အားမွေးလိုက်ခြင်းလည်း ဖြစ်သည်။

အားကုန်ပြေးအဆင့်။ အားကုန်ပြေးအဆင့်သည် တစ်နည်းအားဖြင့် ပန်းဝင်အဆင့်လည်းဖြစ်သည်။ မီတာ(၂၅၀)အမှတ်ရောက်သည်နှင့် လက်လွှဲခြင်းကို နဂိုထက်ပို၍ပို၍လွှဲရန်သာဖြစ်သည်။ ခြေလှမ်းအားကိုလည်းတတ်နိုင်သမျှ အားကုန်ထုတ်ရတော့မည်ဖြစ်သည်။ လူပင်ပန်း၍ခြေလှမ်းနှေးသွားသည့်တိုင်အောင် ရှေ့သို့ဆက်သွားနေစေရန်လက်လွှဲအားကို အထူးအားပြုရတော့မည်ဖြစ်သည်။ သို့ဖြစ်၍ ပန်းဝင်စည်းရောက်သည်အထိ လက်လွှဲခြင်းကို တိုး၍တိုး၍သာ အားကုန်လွှဲရန်သာဖြစ်တော့သည်။ အားကုန်ပြေးအဆင့်သည် မီတာ(၄၀၀)​၏ နောက်ဆုံးအဆင့်သာဖြစ်၍ မိမိတွင်ရှိသမျှအားကိုထုတ်သုံးပြီး လက်လွှဲ၊ဒူးမြှောက်၍ ကြိုးစားပြေးရမည်သာ ဖြစ်ပါတော့သည်။
__________
✳️ မီတာ(၄၀၀)ပြေးမည့် လူရည်ချွန်များသို့ ရှင်းလင်းနားလည်လွယ်စေရန် ရည်ရွယ်ကာ အဆင့်ဆင့်ခွဲခြား၍ ဖော်ပြပေးလိုက်ရပါတယ်။

Freelance Runner
Certified Sports Nutrition.
Certified Fundamental Running.

၂ဝ၂၃ - ၂ဝ၂၄ပညာသင်နှစ်
B.Ed ပညာရေးဘွဲ့ စာပေးစာယူသင်တန်းလျှောက်ထားရာတွင်လိုအပ်မည့်အချက်များ။

၂ဝ၂၃ ခုနှစ် တက္ကသိုလ်ဝင်စာမေးပွဲကို မတ်လ(၈)ရက်မှစတင်ကျင်းပမည်
ယွန်း (NP News) - ဒီဇင်ဘာ ၂၉

၂ဝ၂၃ ခုနှစ် တက္ကသိုလ်ဝင်စာမေးပွဲကို မတ်လ(၈)ရက်မှ စတင်ကျင်းပသွားမည်ဖြစ်ကြောင်း ပညာရေးဝန်ကြီးဌာနမှ ထုတ်ပြန်ထားသည်။

ပညာရေးဝန်ကြီးဌာန၊ မြန်မာနိုင်ငံစာစစ်ဦးစီးဌာနမှ ယနေ့(ဒီဇင်ဘာလ ၂၉ ရက်) နံနက်ပိုင်းတွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။

တက္ကသိုလ်ဝင်စာမေးပွဲကို မတ်လ(၈)ရက်မှ မတ်လ(၁၈)ရက်အထိ ကျင်းပသွားမည်ဖြစ်ကြောင်း ထုတ်ပြန်ချက်အရ သိရသည်။

စာမေးပွဲဖြေဆိုရမည့် အချိန်မှာ နံနက်(၉)နာရီမှ နံနက်(၁၂)အထိဖြစ်ပြီး မတ်လ (၈) ရက်၊ (၉)ရက် နှင့် (၁ဝ)ရက်တို့တွင် မြန်မာစာ၊ အင်္ဂလိပ်စာနှင့် သင်္ချာဘာသာရပ်တို့ကို ဖြေဆိုရမည်ဖြစ်ကြောင်း သိရသည်။

မတ်လ(၁၁)ရက်နှင့် (၁၂)ရက်တို့တွင် စနေ၊ တနင်္ဂနွေ (၂)ရက်ပိတ်မည်ဖြစ်ပြီး မတ်လ(၁၃)ရက်နှင့် (၁၄)ရက်တို့တွင် ဓာတုဗေဒနှင့် ရူပဗေဒ ဘာသာရပ်တို့ကို ဖြေဆိုရမည်ဖြစ်ကြောင်းသိရသည်။

ထို့ပြင် မတ်လ(၁၅)ရက်၌ ဇီဝဗေဒနှင့် ဘောဂဗေဒ ဘာသာရပ်တို့ကို ဖြေဆိုရမည်ဖြစ်ပြီး မတ်လ(၁၆)ရက်၊ (၁၇)ရက်နှင့် (၁၈)ရက်တို့တွင် ပထဝီဝင်၊ သမိုင်းနှင့် စိတ် ကြိုက်မြန်မာစာတို့ကို ဖြေဆိုရမည်ဖြစ်ကြောင်း ပညာရေးဝန်ကြီးဌာနမှ ထုတ်ပြန်ထားသည်။

ပြီးခဲ့သည့် ၂ဝ၂၂ ခုနှစ် စာမေးပွဲတွင် ဖြေဆိုသူစုစုပေါင်း (၂၈၁၇၅၁)ဦးရှိခဲ့ပြီး တစ်နိုင်ငံလုံးအောင်ချက်ရာခိုင်နှုန်း (၄၆ ဒသမ ၈၈) ရာခိုင်နှုန်းဖြင့် အောင်မြင်သူ (၁၃၂ဝ၇၇)ဦးရှိခဲ့သည်။

#ခရီးစရိတ်ရေးတင်နည်း (TA Billဆွဲနည်း)
(Copy ယူလာတာပါဗျ)

အမှုထမ်းများအတွက် TF No.46 (Outer) Bill ကို အသုံးပြုရပါမယ်။

၁။ TF No.46လို့ ရေးသားထားတဲ့ စာမျက်နှာ
Establishment of ရဲ့နောက်မှာ မိမိအမည် ရာထူး နဲ့ ကျောင်း/ရုံးကိုရေးပြီး for the month of ရဲ့နောက်မှာ ကိုယ်ခရီးသွားခဲ့တဲ့ လ ကိုရေးရပါမယ်။

၂။ Englishလိုရေးထားတဲ့ စာပိုဒ်အောက် ညာဘက်ထောင့်မှာ Head of Officeနေရာမှာ အလက ၊ အထက(ခွဲ)၊အထက ကျောင်းက ဆရာ ဆရာမများအနေနဲ့ ကျောင်းအုပ်ကြီးကို လက်မှတ်ထိုးခိုင်းပါ။

၃။ နောက်ထပ် စာမျက်နှာမှာတော့ Establishment of ရဲ့နောက်မှာ မိမိအမည် ရာထူး နဲ့ ကျောင်း/ရုံးကိုရေးပြီး for the month ofရဲ့နောက်မှာ ကိုယ်ခရီးသွားခဲ့တဲ့ လ ကိုပြန်ရေးရပါမယ်။

၄။ Name ဆိုတဲ့ စာတိုင်အောက်မှာ မိမိအမည်ကိုရေးပါ။

Designation and Head စာတိုင်အောက်မှာ ရာထူးနဲ့ ကျောင်းရုံးကို ရေးပါ။

Pay ဆိုတဲ့ စာတိုင်အောက်မှာ လစာနှုန်းထားကိုရေးပါ။Dateဆိုတဲ့ စာတိုင်အောက်မှာ ခရီးစတင်ထွက်ခွါရက်ကို ရေးပါ။

Routeဆိုတာ ခရီးလမ်းကြောင်းပါ။ From နဲ့ Toဆိုတာ ပါပါတယ်။ From ရဲ့အောက်မှာ Station နဲ့ Hour of Departure ဆိုတာ ပါပါတယ် ။ Station နေရာမှာ မိမိခရီးစတင်လာခဲ့တဲ့နေရာကို ရေးပါ ။

Hour of Departure နေရာမှာ ထွက်ခွါချိန်ကို ရေးပါ။To ဆိုတဲ့အောက်မှာလည်း Station နဲ့ Hour of arrival ဆိုတာ ပါပါတယ်။

Station နေရာမှာ မိမိသွားလို့ရောက်တဲ့နေရာကို ရေးပါ။ Hour of arrival နေရာမှာ ရောက်ချိန်ကို ရေးပါ။

Purpose of Journey နေရာမှာ ခရီးသွားရတဲ့အကြောင်းရင်းရေးပါ။
ဥပမာ-ရာထူးတိုးပြောင်းရွှေ့ခြင်း)။

Name of Conveyanceနေရာမှာ မိမိအသုံးပြုတဲ့ ယာဉ်အမျိုးအစားရေးပါ ။
(ဥပမာ-ကား ၊ ရထား ၊ ဆိုင်ကယ် ၊ လေယာဉ် )။

No. of miles နေရာမှာ ခရီးမိုင်အကွာအဝေးရေးပါ။

၅။ Allowances claimed အောက်မှာ Actual Expense,Daily Allowance,Railway fare,Steamer fare ဆိုပြီး လေးကွက်ရှိပါတယ် ။ Railway ရထားနဲ့ Steamer သင်္ဘောက သိပ်မသုံးတော့ပါဘူး။ပြောင်းလဲထားတဲ့ ညွှန်ကြားချက်အသစ်အရ အမှန်တကယ်ကုန်ကျစရိတ် Actual Expenseကို ခွင့်ပြုပါပြီ။
ဒါကြောင့် Actual Expense ဆိုတဲ့နေရာမှာ အမှန်ကားခ အမှန်ဆိုင်ကယ်ကယ်ရီခကို ရေးပေးပါ။

Daily Allowance နေရာမှာ မိမိခရီးဟာ နေ့(၁၂)နာရီ မတိုင်မီစပြီး ည(၁၂)မကျော်ရင် ရေးစရာမလိုဘဲ
ညအိပ်သွားရတဲ့ခရီးဖြစ်ရင် ကြာသလောက်ရက်ကို Rate နေရာမှာရေး Amountနေရာမှာ (၄၈၀၀) ထည့်ပါ။

၆။ Total of each line ဆိုတာ စုစုပေါင်းချုပ်ခိုင်းတာပါ။

အဲ့ဒီအောက်မှာ-

#ဝန်ထမ်းပစ္စည်းသယ်ယူစရိတ်ကို ခရီးလမ်းကြောင်းတစ်ခုချင်းစီ ကုန်ချိန်၊နှုန်းထားဖော်ပြပြီး ထည့်ပေါင်းပါ။

#အမှုထမ်းအထွက် ပိဿာချိန်(၄၈၀)ဆိုပေမယ့် မကျော်လွန်အောင် သတ်မှတ်ထားတာပါ။အပြည့်တွက်ပေးမယ်လို့ ဆိုလိုတာ မဟုတ်ပါဘူး။အမှန်သယ်ယူစရိတ်ပဲ ပေးပါမယ်။

ပြီးရင် ကတိဝန်ခံချက်(၅)ချက်ရေးပါ။

အမည် ၊ ရာထူး ၊ ကျောင်း/ရုံး ရေးပြီး လက်မှတ်ထိုးပါ။

အဆင်ပြေကြပါစေ

ဝန်ထမ်းကောင်းလျှောက်လွှာတင်ရန် လိုအပ်ချက်များ။

(၁)လျှောက်လွှာ (၅)စုံ။
(၂)မှတ်ပုံတင် မိတ္တူ(၅)စုံ။
(၃)စိစစ်ထောက်ခံချက် (၅)စုံ။
(၄)ဝန်ခံကတိ (၅)စုံ။
(၅)ပြန်တမ်း (၅)စုံ။
(ပြည်သူ့ဝန်ထမ်း တံဆိပ် အတွက်)ငြိမ်ဝပ်ပိပြားရေး နှင့် တရားဥပဒေစိုးမိုးရေး တံဆိပ်(၅)စုံ။
(ပြည်သူ့ဝန်ထမ်းကောင်း တံဆိပ်အတွက်) ငြိမ်ဝပ်ပိပြားရေး နှင့် တရားဥပဒေ စိုးမိုးရေး တံဆိပ်(၅)စုံ + ပြည်သူ့ဝန်ထမ်း တံဆိပ် (၅)စုံ တို့ကို
ပူးတွဲပေးပို့ရပါမည်။
(၆) ရပ်ကွက်ထောက်ခံစာ (၅)စုံ
ရဲစခန်းထောက်ခံစာ(၅)စုံ(မူရင်းတစ်စုံ)ပါရပါမည်။ (ပင်စင်စားများ အတွက်)
(၇)ရာထူး/ကျောင်း/ရုံး/မြို့နယ် တို့ကို အရှည်ရေးရပါမည်။
(၈)အမှုထမ်းသက်ကို အပြည့်အစုံရေးရန်။(ကျော်မရေးရပါ။)
(၉)အဖ အမည်/အမိအမည်/ကာယကံရှင်၏ အမည် ကွဲလွဲလျှင် မရပါ။
(၁၀)(ငြိမ်ဝပ်ပိပြားရေး နှင့် တရားဥပဒေစိုးမိုးရေး တံဆိပ်) လျှောက်ထားရန် ဝန်ထမ်းလုပ်သက်(၂)နှစ်။
(ပြည်သူ့ဝန်ထမ်း တံဆိပ်) လျှောက်ထားရန် ဝန်ထမ်းလုပ်သက်(၁၅)နှစ်။
(ပြည်သူ့ဝန်ထမ်းကောင်း တံဆိပ်)လျှောက်ထားရန် ဝန်ထမ်းလုပ်သက်(၂၆)နှစ် ရှိရပါမည်။
(၁၁)မှတ်ပုံတင် မသဲကွဲလျှင် ပယ်ဖျက်မည်။
(၁၂)ပြည့်စုံမှန်ကန်မှု မရှိပါက ပယ်ဖျက်မည်။
(၁၃)ပြစ်မှု/ပြစ်ဒဏ် ရှိခဲ့ဖူးပါက လျှောက်ထားခြင်းမပြုရပါ။
(၁၄)(၃၀-၆-၂၀၂၁)ရက်ဖြင့် လုပ်သက်တွက်ရန်။

မှတ်ချက်။ ။ဆုတံဆိပ် (၃)မျိုး ရရှိထားသော်လည်း အသက်(၅၇)နှစ် ရှိသူများကိုသာ ဆုချီးမြှင့်ပေးပါသည်။