ပင်စင်ဆိုင်ရာအသိပညာပေးခြင်း
ဒီနေ့မှာတော့ နှစ်လွန်ပင်စင်ဖြစ်ပေါ်ရင် ဘယ်လိုဆောင်ရွက်ရမလဲ ဆိုတာနဲ့ပတ်သက်ပြီး ပြောပြပေးသွားမှာဖြစ်ပါတယ်။
နှစ်လွန်ပင်စင်ဆိုတာ ဘာလဲ?
မိဘပြည်သူပင်စင်စားတို့အနေဖြင့် မိမိတို့ပင်စင်လစာတွေကို အကြောင်းအမျိုးမျိုးကြောင့် လစဉ်မထုတ်နိုင်ဘဲ ပင်စင်မထုတ်ဖြစ်တာ (၁၂) လကျော်သွားခဲ့ရင် “နှစ်လွန်ပင်စင်” စာရင်းဝင်သွားမှာ ဖြစ်ပါတယ်။ အဲဒီလိုမျိုး အခြေအနေနဲ့ ကြုံလာခဲ့ရင် မိမိပင်စင်လစာကို ပြန်လည်ထုတ်ယူဖို့အတွက် နှစ်လွန်ပင်စင် လျှောက်ထားပေးရပါမယ်။
ဘယ်မှာလျှောက်ရမှာလဲ?
မိမိထုတ်ယူနေတဲ့ သက်ဆိုင်ရာမြန်မာ့စီးပွားရေးဘဏ်ကနေပဲ နှစ်လွန်ပင်စင်လျှောက်ထားရမှာပါ။
ဘာတွေလိုအပ်သလဲ?
ပင်စင်စားတို့အနေဖြင့် နှစ်လွန်ပင်စင်လျှောက်ထားဖို့ လိုအပ်တဲ့ အချက်အလက်လေးတွေကတော့ ဖော်ပြပါအတိုင်းပဲဖြစ်ပါတယ်။
(၁) နှစ်လွန်ရသည့် အကြောင်းအရင်းကို ဖော်ပြထားသည့် ကိုယ်တိုင်းရေးလျှောက်လွှာ။
(၂) နှစ်လွန်နေစဉ်အတွင်း ရပ်ကွက်အတွင်း နေထိုင်ကြောင်း ရပ်/ကျေးဥက္ကဋ္ဌထောက်ခံချက်။
(၃) နှစ်လွန်နေစဉ် ပြစ်မှုကင်းရှင်းကြောင်း ရဲစခန်းထောက်ခံချက်။
(၄) အငြိမ်းစားလက်ခံစာအုပ်။
ဒါကတော့ ပင်စင်စားဘက်က ပြင်ဆင်ထားရမည့် စာရွက်စာတမ်းတွေပါ။ ဒါတွေပြည့်စုံရန် သက်ဆိုင်ရာဘဏ်ကို သွားရောက်လျှောက်ထားနိုင်ပါတယ်။
ဘာတွေဆက်ဖြစ်မှာလဲ?
မြန်မာ့စီးပွားရေးဘဏ်ခွဲကနေ ပင်စင်လစာ မည်သည့်နေ့အထိ ထုတ်ပေးခဲ့ကြောင်း ထောက်ခံချက်နှင့်အတူ ပင်စင်ဦးစီးဌာနကို ပေးပို့ပါလိမ့်မယ်။ ပင်စင်ဦးစီးဌာနကို လျှောက်လွှာရောက်လာရင် ပင်စင်စားရဲ့ မိခင်ဌာနဆီကို ခွင့်ပြုမိန့်တောင်းခံပါမယ်။ ခွင့်ပြုမိန့်ရရှိလာရင်တော့ ပင်စင်ဦးစီးဌာနကနေ နှစ်လွန်ပင်စင် ခွင့်ပြုကြောင်းကို ပင်စင်စားနှင့် ဘဏ်ကို ပြန်လည်အကြောင်းကြားပေးပါတယ်။ အကြောင်းကြားစာ လက်ခံရရှိတာနဲ့ ဘဏ်ကိုသွားရောက်ပြီး နှစ်လွန်ပင်စင်ထုတ်ယူနိုင်ပါပြီခင်ဗျ
ဒါလေးကတော့ နှစ်လွန်ပင်စင်ရဲ့ ဆောင်ရွက်မှုပုံစံလေးကို ပင်စင်စားတို့ သိရှိစေရန် အသိပေးရခြင်း ဖြစ်ပါတယ်။ မိဘပြည်သူ ပင်စင်စားတို့အနေနှင့် ယခုကာလမှာ အခြေအနေအမျိုးမျိုးကြောင့် ပင်စင်လစာကို လစဉ်မထုတ်ယူနိုင်ခဲ့ရင် သိထားသင့်တဲ့ အကြောင်းအရာလေးလည်းဖြစ်ပါတယ်။ ပင်စင်စားတို့အားလုံး အဆင်ပြေကြပါစေခင်ဗျ။

အငြိမ်းစားလက်ခံစာအုပ် ပျက်စီး/ပျောက်ဆုံးခဲ့သော်
-------------------------------------------------
မင်္ဂလာပါခင်ဗျာ။🙏
ဒီနေ့မှာတော့ ပင်စင်စားတို့ လက်ဝယ်ရှိတဲ့ ပင်စင်စာအုပ် ပျက်စီး/ပျောက်ဆုံးခဲ့ရင် ဘယ်လိုဆောင်ရွက်ရမလဲ ဆိုတာနဲ့ ပတ်သက်ပြီး ပြောပြပေးသွားမှာ ဖြစ်ပါတယ်။ ⁉️
ပင်စင်ဦးစီးဌာနအနေနဲ့ ပင်စင်စားတို့အတွက် ငွေပေးမိန့်ထုတ်ပြန်တဲ့အခါမှာ မြန်မာ့စီးပွားရေးဘဏ်ကို အငြိမ်းစားလက်ခံစာအုပ်ကိုပါ ပူးတွဲပေးပို့ပေးပါတယ်။ ဒီစာအုပ်က ပင်စင်စားတို့ လစဉ်ပင်စင်ထုတ်ယူနေမှုတွေကို မှတ်တမ်းတင်ပေးထားတာဖြစ်လို့ အရမ်းအရေးပါ ပါတယ်။
ထိုအငြိမ်းစားလက်ခံစာအုပ် ပျက်စီးခြင်း (သို့) ပျောက်ဆုံးခြင်း ဖြစ်ပေါ်ပါက ပင်စင်ဦးစီးဌာနသို့ အသစ်ပြန်လည် လျှောက်ထားပေးရမှာပဲ ဖြစ်ပါတယ်။ ဒါကြောင့် ဘယ်လိုဆောင်ရွက်ရမလဲဆိုတဲ့ နည်းလမ်းလေးကို ပြောပြပေးသွားမှာဖြစ်ပါတယ်။
ဘယ်မှာလျှောက်ရမလဲ?
ပင်စင်စားထုတ်ယူနေတဲ့ လက်ရှိ မြန်မာ့စီးပွားရေးဘဏ်ခွဲကနေပဲ လျှောက်ထားပေးရပါမယ်။
ဘာတွေလိုအပ်သလဲ?
အငြိမ်းစားလက်ခံစာအုပ် အသစ်လျှောက်ထားဖို့အတွက် လိုအပ်တာတွေကတော့
(၁) ပျက်စီး/ပျောက်ဆုံးရခြင်း အကြောင်းအရင်းဖော်ပြချက် (ကိုယ်တိုင်ရေးလျှောက်လွှာ) 📋
(၂) စာအုပ် ပျက်စီး/ပျောက်ဆုံးခြင်းအတွက် ဒဏ်ကြေးပေးသွင်းပြီးကြောင်း ချလံ (မူရင်း) (မှတ်ချက်။ ဒဏ်ကြေး ၁၀၀၀ ပေးသွင်းရမှာဖြစ်ပါတယ်) 💲
(၃) စာအုပ် ပျက်စီး/ပျောက်ဆုံးကြောင်း ရဲစခန်းသို့ တိုင်ကြားချက် 👮‍♂️တို့ပဲဖြစ်ပါတယ်။
ဘာတွေဆက်ဖြစ်မလဲ?
မြန်မာ့စီးပွားရေးဘဏ်ကနေ ဘဏ်အရာရှိလက်ခံ (မူရင်း) နှင့် မည်သည့်နေ့အထိ ပင်စင်ထုတ်ပေးပြီးကြောင်း ထောက်ခံချက်နှင့်အတူ ပင်စင်ဦးစီးဌာနသို့ ပေးပို့ပါလိမ့်မယ်။ ပင်စင်ဦးစီးဌာနက အထက်ပါ အချက်အလက်တွေကို စိစစ်ပြီး မှန်ကန်ပြည့်စုံမှုရှိပါက အငြိမ်းစားလက်ခံစာအုပ် (အသစ်) ပြန်လည် ထုတ်ပေးပါလိမ့်မယ်။ မြန်မာ့စီးပွားရေးဘဏ်မှ ပင်စင်လစာငွေထုတ်ယူနိုင်ကြောင်း အကြောင်းကြားပါလိမ့် မယ်ခင်ဗျ။
ဒါကတော့ အငြိမ်းစားလက်ခံစာအုပ် ပျက်စီး/ပျောက်ဆုံးခဲ့ရင် ဆောင်ရွက်ရမယ့် နည်းလမ်းလေး ပဲဖြစ်ပါတယ်။ ပင်စင်စားတို့ အဆင်ပြေမယ်လို့ မျှော်လင့်ပါတယ်။

ပင်စင်စနစ်ပြုပြင်ပြောင်းလဲရေး
ဆောင်ရွက်ချက်များနှင့်
ဝန်ထမ်းနောင်ရေးဗဟိုရန်ပုံငွေ

ပင်စင်ဦးစီးဌာန
#အလင်းပညာရေး

စစ်‌ဆေး အကဲဖြတ်ရလဒ်
A, S, E (or) A, B, C သည်
ဆရာသင်ကြားတဲ့အတိုင်း
ရခြင်း/မရခြင်း နှင့် တိုင်းတာခြင်းမဟုတ်။

သင်ခန်းစာဦးတည်ချက်အတိုင်း
ရခြင်း/မရခြင်း နှင့် တိုင်းတာခြင်း ဖြစ်သည်။

ဦးရဲ
ပညာရေး

(ကျွန်တော်နားလည်တဲ့ CPD)

“CPD ကို ဘယ်လိုရေးရမလဲ?” လို့ လိုက်မေးဖူးတယ်။
လူ ၁၀၀ မှာ ၉၀% က
“Board of Study လိုပဲ ရေးရတယ်” လို့ပဲ ဖြေကြပါတယ်။

ဒီလိုဆိုရင်တော့ လုံးဝမှားတယ်လို့ပဲ ငြင်းပါရစေ။
ဘာလို့လည်းဆိုတော့….
Board of Syudy ဆိုတာ မြန်မာနိုင်ငံရဲ့ မူလတန်းဆင့်မှာ
Japan က JACA ရဲ့ CCA နည်းနဲ့
ပညာရေးစမ်းသပ်ကာလက ထက်/လယ်ဆင့်အတွက်
ရေးဖို့ထွင်ခဲ့ကြတဲ့ စီမံချက်တစ်ခုသာ ဖြစ်ခဲ့လို့ပါပဲ။
အဲ့တုန်းကလည်း မဖြစ်မနေလုပ်ခဲ့ကြရတယ်။
ဘတ်ဂျက်တွေကုန် စီမံချက်တွေ ပြီးဆုံးသွားတဲ့အခါ
လက်ရှိပညာရေးစနစ်သစ်ကို ပြန်ပြီးစတင်ခဲ့ပြန်တယ်။

အခု ပညာရေးက South Korea ပညာရေးဖြစ်လာပြီ။
ဒီတော့မူဘောင်ပါ ထပ်ပြီးပြောင်းသွားရပြန်တယ်။
Board of Study ပုံစံနဲ့မဟုတ်တော့ဘူး။
လတ်တလော အနေအထားအရ မူဆင့်မှာဆိုရင် SITE ။
(School Based Inservice Teacher Education)
လယ်ဆင့်နဲ့ ထက်ဆင့်မှာဆိုရင် CPD။
(Continuous Professional Development)
ဒါတောင် ပညာရေးတိုးတက်စေလိုတဲ့လောဘတွေကြောင့်
တစ်ချို့မြို့နယ်က မူကျောင်းတွေကိုပါ CPD ရေးခိုင်းနေလေရဲ့။

အခု CPD ရေးနည်းအကြောင်းကို ပြောမယ်။
CPD မှာ မော်ဂျူး (၈)ခုကို ရှိတယ်။ မော်ဂျူး တစ်ခုကို မိနစ် ၉၀။
တစ်လမှာ မော်ဂျူး ၁-ခုနှုန်းနဲ့ ၈-ကြိမ်လုပ်ရမယ်။
သက်ဆိုင်ရာ ထက်/လယ်ကျောင်းအုပ်ကြီးနဲ့
ဘာသာရပ်ခေါင်းဆောင်တွေက CPD စာအုပ်ကိုကိုင်ပြီး
အမှန်တစ်ကယ် ဦဆောင်ဆွေးနွေးပြီးမှ ရရှိလာတဲ့
အမျိုးမျိုးသော အချက်အလက်တွေကို တစ်လချင်းစီ
ရေးရမယ့် စီမံချက် မှတ်တမ်းတစ်ခုသာဖြစ်ပါတယ်။
ဒီတော့ CPD ရေးနည်း မပြောခင် တစ်ခုမေးချင်တယ်။
“ကျောင်းတွေမှာCPD ဆွေးနွေးပွဲ တစ်ကယ်လုပ်ရဲ့လား?”

JACA ရဲ့ CCA သင်ကြားနည်း အောင်မြင်ဖို့
Board of Study နဲ့ ကျောင်းတွင်းမွမ်းမံမှု လုပ်ခဲ့ရတယ်။
မူဆင့် စနစ်သစ်သင်ရိုး အောင်မြင်ဖို့
SITE နဲ့ ကျောင်းတွင်းမွမ်းမံမှု လုပ်ကြရတယ်
အခု လယ်ဆင့်၊ ထက်ဆင့်သင်ရိုး အောင်မြင်ဖို့
CPD နဲ့ ကျောင်းတွင်းမွမ်းမံမှု လုပ်ရတဲ့သဘောပါပဲ။
ဒါကြောင့် ကျောင်းတွင်း CPD ကို
“တစ်ကယ်ရောလုပ်ရဲ့လား” လို့ မေးကြည့်တာပါ။

Board of Study က သက်ဆိုင်ရာ ဘာသာရပ်တွေကို
အမှီပြုပြီး ဆွေးနွေးကြရတာဖြစ်ပါတယ်။
CPD မှာကတော့ ဘာသာရပ်သီးသန့် မခွဲထွက်ဘူး။
မော်ဂျူးတစ်ခုစီရဲ့ မျှော်မှန်းချက်ရလဒ်တွေပါတယ်။
တစ်ဆင့်ချင်းစီအတွက် တိကျတဲ့ အချိန်တွေ ပါတယ်။
ဆွေးနွေးရမယ့် မေးခွန်းလေးတွေ အဆင်သင့်ရှိတယ်။

အရှင်းဆုံးပြောရမယ်ဆိုရင်တော……
CPD ဆိုတာ Board of Study လို
အခန်းလိုက် တစ်ဘာသာချင်း ပုံစံမဟုတ်ဘူး။
အလယ်တန်းအဆင့်နဲ့ အထက်တန်းအဆင့်အတွက်
“စဉ်ဆက်မပြတ် ဆရာ့အတတ်ပညာဖွံ့ဖြိုးတိုးတက်ရေး”
စီမံချက် တစ်ခုသာဖြစ်ပါတယ်။ ဒီအတွက်
ဆွေးနွေးရမယ့် အဓိက ခေါင်းစဉ်ကြီး ၈-ခုကိုလည်း
လက်စွဲစာအုပ်မှာ အတိအကျ သတ်မှတ်ပေးထားပါတယ်။
ပြီးရင် CPD ဟာ ရေးဖို့ထက် ဆွေးနွေးဖို့က အဓိကပါ။
ဆွေးနွေးတယ်ဆိုတာကို မှတ်တမ်းထားရတဲ့ သဘော။
ဒီတော့ CPD ကို မဆွေးနွေးကြဘဲ ရေးနေခြင်းဟာ
On Paper သက်သက်တစ်ခုကိုသာ ဖြစ်စေပါတယ်။
အချိန်ကုန် လူပင်ပမ်းပြီး ဘာအကျိုးရလဒ်မှလည်း
ရှိလာမှာမဟုတ်ပါဘူး။

ဒါပေမယ့် ဒီကာလမှာကလည်း အခက်သား။
စာသင်ခန်းထဲမှာ ဆရာတွေက မစုံတော့
CPD ကို မဆိုထားဘိနဲ့။ ဘာသာရပ်တွေကို စုံတောင်
မသင်နိုင်တဲ့ကျောင်းတွေတောင် ရှိနေကြပြန်ရော။
ရေဗူး က ဘယ်လိုပင် ပေါက်နေသော်ငြားလည်း
ရေ ရှိကြောင်းကပြရပြန်ရော။ ဒါကြောင့်…..
တစ်ချို့ကျောင်းတွေမှာ မဆွေးမနွေးဘဲ
မေးပြီး ရေးနေရတာကိုလည်း အပြစ်တစ်ခုလို့က
မဆိုသာပြန်ဘူးရယ်။

“ဒါဆိုရင် CPD ကို ဘယ်လိုရေးမလဲ?”
မော်ဂျူး-၂ ကို ဥပမာပေးပြီး ရှင်းပြပါမယ်။
ရေးရမယ့်ခေါင်းစဉ် ၆ခုရှိတယ်။(လက်စွဲမှာပါပြီးသား)

၁။ မော်ဂျူး-၂ (ခေါင်းစဉ်)
၂။ သင်ယူမှုရလဒ်များ
အဝေးကြီးတွေးမနေနဲ့။ စာအုပ်ထဲမှာ ပါတယ်။
၃။ အစပျိုးခြင်း
#ပြန်လည်သုံးသပ်ခြင်း
မေးခွန်း၃ ခုပေးထားတယ်။ ဝိုင်းပြီး ဆွေးနွေးကြပေါ့ဗျာ။
ရတဲ့ အချက်အလက်ကို ရေးပေါ့။
#မိတ်ဆက်ခြင်း
အချက်အလက်တွေ ပေးပြီး မေးခွန်းမေးထားတယ်။
လေ့လာ ဆွေးနွေးပြီး ရတဲ့ အချက်အလက်ကို ရေးပေါ့။
၄။ ချိတ်ဆက်သင်ကြားခြင်း
#ဖတ်ပါ
လေ့လာ ဆွေးနွေးပြီး ရတဲ့ အချက်အလက်ကို ရေးပေါ့။
၅။ စီစဉ်ပါ။ သင်ကြားပါ။ မိမိကိုယ်ကို ဆန်းစစ်ပါ။
ပေးထားတဲ့ ဇယားတွေမှာ ဆန်းစစ်ပေးလိုက်ရုံပဲ။
၆။ သင်ကြားပါ။ မိမိကိုယ်ကို ဆန်းစစ်သုံးသပ်ပါ။
နံပါတ် ၆ ဖြစ်တဲ့နောက်ဆုံးအချက်ကတော့
ဒီလမှာ ဆွေးနွေးထားတဲ့အကြောင်းအရာတွေကို
စာသင်ခန်းမှာ လက်တွေ့အသုံးချပြီး ကြုံရတဲ့
အောင်မြင်မှုနဲ့ ခက်ခဲမှုတွေကို နောက်လမှာမှ
မှတ်စုရေးပြီး #ပြန်လည်သုံးသပ်ခြင်း မှာ
ဆွေးနွေးမှတ်တမ်းတင်ရမှာဖြစ်ပါတယ်။

တစ်ချို့က ITPR နဲ့ ဆက်စပ်ပြီး ကောင်းနိုးရာရာ
ရေးကြတာလည်းတွေ့ရပါတယ်။
ထပ်ပြောပါမယ်……..
ITPR ဆိုတာ ထက်/လယ်ဆင့်ပညာရေးစနစ်သစ်ရဲ့
သင်ကြား/ယူမှုလုပ်ငန်းအဆင့်ဆင့်သာ ဖြစ်ပါတယ်။
ဆရာလမ်းညွှန်တွေနဲ့ သေချာရှင်းပြထားပါတယ်။
CPD က CPD။ ITPR က ITPR ပါ။
CPD နဲ့ ITPR မတူရေးချ လုံးဝမတူပါဘူး။

CPD နဲ့ ပတ်သက်ပြီး CPD စာအုပ်တွေကို
ထက်/လယ်ဆင့် အခြေခံပညာကျောင်းတိုင်းအတွက်
သက်ဆိုင်ရာမြို့နယ်ပညာရေးရုံးကလည်း ဖြန့်ဝေပြီး
ဖြစ်ပါတယ်။ ဒီတော့ CPD နဲ့ပတ်သက်ရင်
“အခြေခံပညာအလယ်တန်းနှင့် အထက်တန်းကျောင်းများ
အတွက် စဉ်ဆက်မပြတ် ဆရာအတတ်ပညာ ဖွံ့ဖြိုးတိုးတက်ရေး
လက်စွဲနှင့် မော်ဂျူးများ” ဆိုတဲ့ စာအုပ်ကိုသာ
သေသေချာချာဖတ်ပြီး ဆောင်ရွက်ကြပါလို့ တိုက်တွန်းရင်း….

ဦးရဲ
ပညာရေး