ကလေးစိတ်ပညာ
=============

ယနေ့ခေတ်ကလေးတွေအများစုက သူတို့ဘာသာ ဦးဆောင်ပြီး လုပ်ချင်တာတွေများလာတယ်။

အဓိပ္ပါယါရှိပြီး လက်တွေ့ကျတဲ့ သင်ကြားနည်းကို
သာ သူတို့ လက်ခံချင်လာတယ်။

ဆရာပြောတိုင်းလည်း ၁၀၀% သူတို့ လက်မခံချင်ရင်
အတင်း လုပ်ခိုင်းလို့မရပါဘူး။

သူတို့ရဲ့ စိတ်မှာ ဒီအလုပ်ဟာ တကယ်အရေးကြီးပါ
လား၊ ဒီလိုလုပ်ရမှာပါလားဆိုပြီး သေချာမှသာ
အဲအရာကို စလုပ်တတ်လာကြတယ်။

ဆရာက ရှေ့ကနေ စာအုပ်ဖွင့်သင့်ပြီး လိုက်ကူးခိုင်း
တာ၊ တစ်ချို့အရာတွေကို အလွတ်ကျက်ခိုင်းတာတွေ
ဆိုရင် သိပ်လက်မခံချင်ကြတော့ပါဘူး။

ရှေးရိုးစွဲဆရာတွေနဲ့ တွေ့တဲ့အခါကျ ကလေးတွေက
ရိုင်းလာတယ်၊ ဆရာစကားလည်း နားမထောင်ဘူး၊
သူတို့လုပ်ချင်တာ သူတို့လုပ်တယ်ဆိုတဲ့ အမြင်တွေ
ဖြစ်လာတယ်။

Psychology ပိုင်း နားလည်တဲ့ မိဘတွေဆိုရင် ကလေးတွေကို စာကျက်ဖို့ အတင်းမတိုက်တွန်းတော့
သလို စာမရရင် ရိုက်ဖို့လည်း ဆရာ/မတွေကို အားမပေးတော့ပါဘူး။

ဥပမာ-

Parts of Speech တွေကို ကျွန်မတို့ငယ်ငယ်ကဆို
“Article (a, an, the) နောက်မှာ Noun လိုက်တယ်
Demonstrative Adjectives (this, that, these,
those) နောက်မှာ Noun လိုက်တယ်”
လို့ ကဗျာလေးတွေ ရွတ်ပြီး ကျက်ခဲ့ရတယ်။

အဲနည်းက တကယ်ပျော်ဖို့ နှစ်ခြိုက်ဖို့ ကောင်းသလို
အဲလိုနည်းလေးကြောင့်ပဲ ကျွန်မတို့ Grammar ပိုင်း
လေးတွေ တတ်မြောက်ခဲ့တာပါ။

သို့ပေမယ့် ဒီဘက်ခေတ်ကျပြန်တော့ Teaching
Methodologists တွေက Grammar Terms တွေကို
ကျောင်းသားငယ်စဉ် (အထူးသဖြင့် ၁၀ နှစ်အောက်)
တွေကို မထိတွေ့စေချင်သေးဘူးလို့ ပြောပြန်တယ်။

ကျွန်မကိုယ်တိုင်လည်း ဟိုးအရင် စာစသင်ခါစတုန်း
က သိပ်လက်မခံချင်ပါဘူး။ ကိုယ်တိုင်လည်း ဒီနည်း
နဲ့ပဲ ကြီးပြင်းလာတာကိုး။

ဒါပေမယ့် တကယ်လက်တွေ့ မှာ ပုံစံအမျိုးမျိုးနဲ့
နှိုင်းယှဉ်သင်ကြည့်တဲ့အခါကျ ခုနကလို Grammar
Terms တွေ ထည့်သင်တာက ၊ Noun အမျိုးအစား
ဘယ်နှစ်မျိုးရှိသလဲ၊​ အဲ Noun တွေထဲမှာ ဘာတွေ
ပါလဲ အစရှိသဖြင့် အလွတ်ကျက်စေပြီး ပြန်မေးတာ
က သူတို့လေးတွေကို လက်တွေ့သုံးစေတာလောက်
ထိရောက်မှုမရှိပါဘူး။​ ထိရောက်ရင်တောင် တကယ့်
အပြောပိုင်းနဲ့ အရေးပိုင်းကျ သူများထက် နှေးပါတယ်။

✅ ပထမအဆင့်က ကဗျာကို ကျက်ရတယ်။
✅ ဒုတိယအဆင့်က အဲကဗျာမှာပါတဲ့ Terms ကို
မှတ်ရတယ်။
✅ တတိယအဆင့်က စာရေးမယ်၊ စကားပြောမယ်
ဆိုရင် ကဗျာကို ပြန်ရွတ်ရင်း ဒီနေရာမှာ Noun
သုံးရမလား၊ Adjective သုံးရမလား ပြန်စဉ်းစား
ရပြန်တယ်။

အဲဒီအခါမှာ Abstract ဖြစ်တဲ့ Grammar Terms
တွေက သူတို့လေးတွေကို ပိုရှုပ်လာစေတယ်။

လိုတာထက်လည်း အချိန်ပိုကြာစေတယ်။

အဲလိုကြောင့် အငယ်တန်းလေးတွေကို သင်မယ်ဆို
ရင် Terms တွေ သိပ်မသုံးဘဲ နမူနာလေး တစ်ခုပေး
ပြီး အဲအတိုင်းလိုက်ရေး၊​လိုက်ပြောစေတာက
ပိုမြန်ပြီး ပိုထိရောက်စေပါတယ်။

Color နဲ့ Things သင်ပြီးသွားလို့
ကိုယ်က အရေး (သို့) အပြောအတွက် Pattern သင်မယ်
ဆိုရင် It is + a + color + noun လို ပြလိုက်တာထက်
သူတို့အိတ်ထဲမှာ ရှိတာ (သို့)​အတန်းထဲမှာ ရှိတဲ့
အရာတစ်ခုခုကို ပြောခိုင်းလိုက်တာ ပိုအဆင်ပြေပါတယ်။
ကိုယ်ကနေတော့ ဥပမာ တစ်ခုနဲ့ စရမှာပေါ့။
“It’s a yellow pencil. It’s a green bag” အစရှိသဖြင့်
ပြောပြီး သူတို့ဘာသာ သူငယ်ချင်းနဲ့ အချက်များနိုင်သမျှ
များများပြောစေတာက ပိုထိရောက်ပါတယ်။

Grammar Terms တွေက ငယ်ရွယ်တဲ့ ကလေးတွေ
အတွက် မှတ်ရခက်ပါတယ်။✅

အဲ Terms တွေရဲ့ အမျိုးအစားကွဲတွေနဲ့ အသုံးတွေ
ပြန်စဥ်းစားရတာလည်း မလိုအပ်ဘဲ ကလေးတွေရဲ့
Energy သုံးရသလိုဖြစ်ပါတယ်။✅

တတ်နိုင်သမျှရှောင်ပေးပါ။✅

နောက်တစ်ချက်ကတော့ ကိုယ်ကနေပဲ ဦးဆောင်
ရှင်းပြမယ်ဆိုတဲ့ စိတ်ကို အတတ်နိုင်ဆုံးဖျောက်ပေး
ပါ။

ကျွန်မတို့ ခေတ်တုန်းကတော့ ဆရာတွေကို ပိုနာခံလွယ်
ပြီး တစ်ခုခုဆို “Ready to take notes “ ဆိုတဲ့ အနေ
အထားမှာ ရှိနေကြပေမယ့် ဒီဘက်ခေတ်မှာတော့
ကလေးတွေဟာ နောက်လိုက်လုပ်ရတာထက် ဦးဆောင်
သူပိုလုပ်ချင်လာကြပါတယ်။

ဒီတော့ မသင်ခင်မှာ မေးခွန်းမေးတာ၊ သူတို့လေး
ဘယ်လောက်သိပြီးပြီလဲဆိုတာကို သိသာစေမယ့်
Activities လေးတွေနဲ့ စပေးပါ။ ✅

ဒါမှသာ သူတို့လေးတွေဟာ Activities တွေမှာ
ပါဝင်နေရင်း သူတို့ မသိသေးတဲ့ အရာတွေကို
ပိုပြီး နားလည်လာမယ်။✅

နားလည်လာပါမှ ကိုယ်ရှင်းပြမယ့် အချိန်ကျ
နားထောင်တတ်ဖို့ အသင့်ဖြစ်နေပါမယ်။✅

ကိုယ်ကလည်း ကိုယ်ပြင်ဆင်ထားတဲ့အတိုင်း
အစမှ အဆုံးအထိ သင်ဖို့ မလိုအပ်ဘဲ သူတို့
လိုအပ်တဲ့ အချက်လေးတွေကိုသာ အဓိက
သင်ပေးခြင်းဖြင့် Teacher-Talking-Time
ကို လျှော့ပေးလာနိုင်မည် ဖြစ်ပါသည်။✅

ကလးစိတ်ပညာကို နားလည်ပြီး အကောင်းဆုံး
ဖန်တီးပေးနိုင်ပါစေ။

အားကျစိတ်🤗
============

အခုခေတ်မှာ ဆရာ/မအများစုဟာ online ကနေ
Activities/ Games တွေ မြိုင်မြိုင်ဆိုင်ဆိုင် သုံးပြီး
သင်ကြားလာနိုင်ကြပါပြီ။

Activities တွေရဲ့ သဘောသဘာဝအရ ကျောင်းသား
ကို ပျော်စေတယ်၊ တက်ကြွစေတယ်။

အဲဒီအခါမှာ ကျောင်းသားတွေ စာလည်းရ၊ ပျော်လည်းပျော်တယ်လို့ မြင်သွားမိကြတယ်။

Activities တွေက ပျော်ဖို့ကောင်းပါတယ်။
ဒါပေမယ့် Activities တိုင်းကတော့ ကျောင်းသား
တိုင်းကို ၁၀၀% တိုးတက်စေလားဆိုတဲ့ အချက်ကို
တော့ သေချာချိန်ဆသင့်ပါတယ်။

ဆရာ/မအငယ်လေးတွေဆိုလည်း Activities မြိုင်
မြိုင်ဆိုင်ဆိုင် သုံးနိုင်သူတွေကိုဆို အင်မတန်အားကျ
လေ့ရှိကြပါတယ်။

သူတို့လို Activities သုံးတတ်အောင် ဘယ်လိုလုပ်ရ
မလဲဆိုပြီး လာမေးတာတွေလည်း ရှိကြပါတယ်။

နောက်ပြီး Training/ Workshop တက်တဲ့အခါဆိုရင်
လည်း Activities/ Games တွေ အဓိက ပို့ချတာမျိုး
ဆို အင်မတန်စိတ်ဝင်စားကြပါတယ်။ အဲလိုပါတဲ့
Session မျိုးကိုပဲ အဓိက ရွေးချယ်တက်ကြတာ
များပါတယ်။

သို့ပေမယ့် ကျွန်မအမြဲပြောလေ့ရှိတာ နဲ့ ယုံကြည်တာကတော့ အခြေခံ သီအိုရီကို အရင်ပိုင်နိုင်အောင်

စာများများဖတ်၊ YouTube ကနေ လေ့လာရပါမယ်✅

သိထားတာကို အခြေအနေအမျိုးမျိုးမှာ ဘယ်လို
ပြန်သုံးမလဲဆိုတာ တွေးတောရပါမယ်✅

အတွေးတွေ လက်တွေ့အကောင်အထည် ဖော်နိုင်ဖို့
ပြန်လည်သင်ပြပေးနိုင်တဲ့ ဝန်းကျင်တစ်ခုရှိရပါမယ်✅

ဒီ ၃ ဆင့်လုံးပြီးမှသာ ပျော်ဖို့ကောင်းတဲ့ Activities တွေကို ရှာဖွေလေ့လာရင်း သီအိုရီနဲ့ ချိတ်ဆက်
အသုံးပြုမယ်ဆိုရင် ပျော်ဖို့လည်းကောင်း၊ သီအိုရီ
လည်း သေချာချိတ်မိဖြစ်မှာပါ။✅

Framework First, Activities Later😉

ဒါတွေရပြီးရင် နောက်အရေးကြီးတာက ကိုယ့်ရဲ့
Personality ပါ။✅

Structure ကျအောင်လည်း သင်တတ်တယ်။
Activities တွေလည်း သိတယ်။

သို့ပေမယ့် မျက်နှာခပ်တည်တည်နဲ့ပဲနေတာ၊
ကျောင်းသားတွေနဲ့ ခင်ခင်မင်မင် မနေတတ်တာ၊
စာအုပ် (သို့) သင်ခန်းစာကိုပဲ အသားပေးပြီး
ကျောင်းသားတွေဘက် ပြန်မကြည့်တတ်တာ၊
အသံဩဇာမရှိတာမျိုးဆိုရင်လည်း အဆင်မပြေ
တတ်ပြန်ပါဘူး။

ဆိုတော့ကား Activities/Games တွေ လုပ်နိုင်တဲ့
ဆရာ/မတွေကို အားကျလို့ Activities တွေနောက်
မလိုက်ဘဲ စနစ်တကျ သင်ယူတတ်အောင် အရင်
လေ့လာပါ။

လက်တွေ့သင်ကြားပါ။

Frame ပိုင်ပါမှ Activities/Games နဲ့ ပေါင်းစပ်ရင်း
ကျောင်းသားတွေနဲ့ ပေါ့ပေါ့ပါးပါး နေပြီး ဆရာဟန်
သိပ်မလုပ်ဘဲ သင်ကြားကြပါစို့။

Peer-feedback က ထိရောက်မှုရှိလား။
============================

Peer-feedback ဆိုတာကတော့ အပြန်အလှန် လိုအပ်တာလေးတွေ ထောက်ပြပြောပေးတာ၊ ကောင်း
ကွက်လေးတွေ မြင်လာအောင် ပြပေးတာမျိုးပါ။

စာသင်ခန်းမှာဆိုလည်း ဆရာကနေ ကျောင်းသားကို
အမြဲတမ်း ထောက်ပြပြောဆိုပေးတာထက် သူတို့
အချင်းချင်း လိုအပ်တာလေး ပြောပြတတ်အောင်
လေ့ကျင့်ပေးထားသင့်ပါတယ်။ ဒါမှ

✅သူများတစ်ခုခုလုပ်တဲ့အခါ စိတ်ဝင်စားမှု အပြည့်
ရှိလာမယ်။

✅ကိုယ့်ရဲ့ ကောင်းကွက်၊ လိုအပ်ချက်ကို ဆရာဆီက
နေမကဘဲ သူငယ်ချင်းတွေဆီကပါ ရလာမှာမို့
မတူတဲ့ အမြင်လေးတွေကနေ သင်ယူနိုင်မယ်။

✅ဆရာသာ အဓိကဆိုတဲ့ Traditional Norms ကနေ
ခွဲထွက်ပြီး အပြန်အလှန် လေ့လာနိုင်တဲ့ Peer-
Learning Environment ကိုလည်း ဖော်ဆောင်ရာ
ရောက်မယ်။

✅ကိုယ်ကနေ သူများကို Feedback ပေးနိုင်ဖို့
ကိုယ်တိုင် အဲအကြောင်းအရာကို သေချာသိဖို့
လိုတယ် ဆိုတာမျိုးလည်း နားလည်သွားမယ်။

✅သူများရဲ့ ကောင်းကွက်ကို ပြောပြရဲပေမယ့်
လိုအပ်ချက်ကို အပြုသဘောနဲ့ ထောက်ပြပေး
နိုင်တဲ့ သတ္တိမျိုးလည်း တည်ဆောက်ပေးပြီး
သားဖြစ်မယ်။

ဒါဆိုရင် ကျောင်းသားတွေ အနေနဲ့ အချင်းချင်း
ထောက်ပြပေးနိုင်အောင် ဘယ်အရွယ်က စပြီး
လေ့ကျင့်ပေးနိုင်မလဲဆိုတဲ့ မေးခွန်းလေးလည်း
ရှိပါတယ်။

တကယ်တော့ ငယ်စဉ် ၅-၆ နှစ်အရွယ်လောက်ကတည်းက ဖြည်းဖြည်းဆီ လေ့ကျင့်ပေးနိုင်ပါ
တယ်။ အကြီးတန်းတွေလို HOTs (Higher Order
Thinking Skills) မဖွံ့ဖြိုးသေးပေမယ့်လည်း
အလွယ်လေးတွေကစပြီး လေ့ကျင့်နိုင်ပါတယ်။

ဥပမာ - Animals ပုံလေးတွေ အရောင်ခြယ်ပြီးလို့
ပုံလေးတွေပြပြီး အတန်းရှေ့ထွက်ပြောတာမျိုးဆိုရင်
ကိုယ်က Chart မှာ အချက်လေးတွေကို Smile Face လေးတွေနဲ့ ပေးထားပြီး ထွက်ပြောသူရဲ့ ဘာလေးကို
ကြိုက်လဲဆိုတာ အချက်နဲ့ သွားကပ်ခိုင်းလို့ရပါတယ်။

✅သူငယ်ချင်း ပုံဆွဲထားတာလေးကို ကြိုက်တယ်။

✅အရောင်ခြယ်ထားတာ ကြိုက်တယ်။

✅စကားပြောတာလေးကို ကြိုက်တယ်။

အဲလိုအခြေခံလေးတွေပေးထားနိုင်ပါတယ်။

ဒါဆိုရင် သူတို့ကြိုက်တာကို Smile Face ဆွဲပြီး
ဘာမှ မဆွဲထားတဲ့ နေရာကျ ကိုယ်က မေးမြန်း
ပေးနိုင်ပါတယ်။ ပြီးမှ Smile Face လေးတွေပေါင်း
ပြီး အမှတ်လေးတွေ ပေါင်းပေးတဲ့အခါ သူတို့လုပ်တဲ့
အလုပ်တစ်ခုရဲ့ ကောင်းခြင်း၊ မကောင်းခြင်း ဆုံးဖြတ်
ချက်ဟာ ဆရာရဲ့ ဆုံးဖြတ်ချက်တင်မကဘဲ
သူငယ်ချင်းတွေဆီမှာလည်း မူတည်ပါလားဆိုတာ
သဘောပေါက်သွားနိုင်ပါတယ်။ Peer-feedback ပေးခိုင်းပြီး Life Skills ပါ မသိမသာသင်ပေးသလို ဖြစ်
မှာပါ။

အကြီးတန်းတွေဆိုရင်တော့ Sandwich Feedback လိုမျိုးလေး လေ့ကျင့်နိုင်ပါတယ်။ ကောင်းတာလေး
အရင်ပြောခိုင်းပြီး လိုအပ်တာလေးကို ကြားမှာထည့်၊
နောက်ဆုံးကျ ကောင်းတာလေးပြန်ပြောပြီး အဆုံး
သတ်ခိုင်းနိုင်ပါတယ်။ အကြီးတွေမှာကျ သူများကို
ထောက်ပြရမှာ အားနာတတ်တာကြောင့် ဝေဖန်ချက်
တွေကသာ လူတစ်ယောက်ကို တကယ်တိုးတက်
စေနိုင်ကြောင်း၊ လူတစ်ယောက်ရဲ့ လိုအပ်ချက်ကို
သူ့ကွယ်ရာမှာ ပြောတာက သူ့အတွက်မတိုးတက်သလို မည်သူတစ်ဦးတစ်ယောက်အတွက်မှ အကျိုးမရှိတာ၊ သူ့ရှေ့မှာ ထောက်ပြမှ အဲလူကနောက်ပိုင်း
တကယ်တိုးတက်မှာဆိုပြီး အားပေးတာမျိုးလေး လုပ်သင့်ပါတယ်။

တစ်ချို့ကျ အများကြီးထောက်ပြတတ်တာမျိုးရှိရင်
အချက်ရေကန့်သတ်ပေးပြီး ပြောခိုင်းတာမျိုးလည်း
လုပ်သင့်ပါတယ်။ သို့မှသာ ကျောင်းသားအချင်းချင်း
ဆက်ဆံရေးလည်း မပျက်ပြားနိုင်မည် မဟုတ်ပါလားနော်။

Peer-Feedback လေးတွေ ပေးခိုင်းရင်း ပိုကောင်းတဲ့
Environment လေး ဖန်တီးကြပါစို့။

အကျိုးရှိမယ်လို့ ယုံကြည်ပါတယ်။

စာကောင်းလေးမို့ ဒီအတိုင်းလေး ဖတ်ရတာ ပို
အရသာရှိပါတယ်။

Your mid 20s to early 30s have got to be the most exhausting age of your life.
You’re trying so hard to prove yourself in everything!
Education,
Career,
Relationships,
Starting a family,
Whatever it is you’re trying to achieve,
You’re killing yourself for it.
And you need to understand,
That it’s okay if for one day,
You’re a bad friend,
Or a clumsy employee,
Or a dramatic partner,
Or a lazy son/daughter,
Or a horrible student,
Because as a human being,
There’s no way in hell you can excel in all that everyday.
And for perfectionists like myself,
This is torture.
But you know what’s an even worse torture?
Not patting yourself on the shoulder,
For all the other days you manage to juggle all that like a pro.
Not seeing how outstanding you are,
How extraordinary,
For trying your very best every single day,
And shining a little more by the second.

Via Alya Omran

ဒီစာအုပ်လေးထဲက သဘောကျတဲ့ စာပိုဒ်လေးတွေကို ဘာသာပြန်ရင် ပျက်စီးသွားမှာမို့ ဒီအတိုင်းလေး မျှဝေကြည့်ပေးပါမယ်။

When everything arounding me is moving so fast: I stop and ask, "Is it the world that's busy,
or is it my mind?"

As I look deeper into myself to see why I am living such a busy life, I realized that, to a certain extent, I actually enjoy being busy. If I truly wanted to rest, I could decline invitations to teach.

But I have welcomed such request because
I enjoy meeting people who want my advice and helping them with what little wisdom I have. Seeing other people happy is a deep source of joy in my life.

When your mind is joyful and compassionate, the world is, too. When your mind is filled with negative thoughts, the world appears negative, too. When you feel overhelmed and busy, remember that you are not powerless. When your mind rests, the world also rests.

When you leave work for the day,
if you find yourself asking,
"Do I have to live my whole life like this?"
Then try the following:
Wake up a little earlier the next morning,
and sit in silence, as if in meditation.
Breathe in deeply and slowly, and
ask yourself how your work is helping others,
regardless of how insignificantly or indirectly,
As you focus more on others,
you can reconnect with the meaning and
purpose of your work.

Online + Offline သင်ကြားမှုများအတွက်
အကြံပြုချက်များ
==================================

ကျွန်မရဲ့ Training အများစုက သီအိုရီ အနည်းငယ်နဲ့
လက်တွေ့ပေါင်းစပ်လေ့ရှိတဲ့အပြင် များသောအားဖြင့် ဆရာ/မတွေ လက်တွေ့ပြုလုပ်ခြင်းကနေ အားသာချက်၊ လိုအပ်ချက်လေးတွေကို ညွှန်ပေးလေ့ရှိပါတယ်။ လက်တွေ့ကနေ သီအိုရီထုတ်ခြင်းအပိုင်းကို
ပိုနှစ်သက်သူမို့ ဆရာ/မ တွေအတွက် အကျိုးရှိမယ့်
Feedback တစ်ချို့ကို ဖော်ပြပေးပါမယ်။

✅Teacher’s Personality

-ဘာသာရပ်ကျွမ်းကျင်မှုရှိပြီး Activities တွေ
ကောင်းကောင်း ပြုလုပ်တတ်ပေမယ့် သံနေ
သံထား၊ မျက်နှာအမူအရာ၊ သင့်တင့်တဲ့ ကိုယ်ဟန်
အမူအရာမရှိရင် အဆင်ပြေဖို့ရာ ခက်ခဲပါတယ်။

-တစ်ချို့ဆရာ/မလေးတွေဆို Lesson Staging
လုပ်တာ အတော်လေးကောင်းတယ်။ အဆင့်လိုက်
လည်း သင်တတ်တယ်။ ပြရင်ပြသလို သေချာ
လိုက်လုပ်တတ်တယ်။ သို့ပေမယ့် အသံတအား
တိုးတာ၊ မျက်နှာသေနဲ့ စာသင်တာ၊ စကားလုံးတွေ
က နွေးထွေးပေမယ့် ကိုယ်ဟန်အမူအရာက လိုက်
ပါခြင်းမရှိတဲ့အခါ ကျောင်းသားစိတ်ဝင်စားအောင်
လုပ်ဖို့ အခက်အခဲလေးတွေ ကြုံကြရပါတယ်။

✅Teacher’s Feedback

-ကျောင်းသားရဲ့ လိုအပ်ချက်ကို ထောက်ပြတဲ့အခါ
မကောင်းတာကနေ စပြောတာထက် Sandwich
Method လေး သုံးသင့်ပါတယ်။ ပေါင်မုန့်နှစ်ခုကြား
မှာ အသား (သို့) ချီးစ် ထည့်ထားသလို Positive-
Negative-Positive ပုံစံမျိုး သွားရင် ပိုကောင်းပါ
တယ်။ ကျောင်းသားရဲ့ ကောင်းတဲ့အချက်ကို အရင်
ပြောတယ်၊ ပြီးမှ ဒီအပိုင်းလေးမှာ ဒီလိုလုပ်လိုက်ရင်
ပိုကောင်းသွားမယ်ဆိုပြီး ထောက်ပြတယ်၊ နောက်
ဆုံးကျ သူ့ရဲ့ကောင်းတဲ့အချက် တစ်ခုခုနဲ့ အဆုံး
သတ်ပေးမယ်ဆိုရင် ပိုထိရောက်မှာပါ။

-တစ်ချို့ကျ စေတနာပိုပြီး လိုတာတွေ တောက်
လျှောကိ တန်းစီပြီးပြောတော့ တစ်ဖက်က နားလည်
ရခက်သလို လက်မခံချင်သလိုပါ ဖြစ်တတ်ပါတယ်။

✅Reminders

-ကျောင်းသားရဲ့ လုပ်ဆောင်ချက်နဲ့ပက်သက်ပြီး
မလုပ်ခင် သတိပေးတဲ့အခါ အပြုသဘောဆန်ဆန်
သတိပေးသင့်ပါတယ်။
ဥပမာ - ဒီလိုမလုပ်ရင် အမှတ်လျှော့မယ်နော်လို့
ပြောတာထက်စာရင် ဒီလိုလေး လုပ်ရင် Sticker/
Present တစ်ခုခုပေးမယ်လို့ ပြောတာက ပိုပြီး
နားဝင်ချိုသလို ကိုယ့်စကားနားထောင်အောင်
ဆွဲဆောင်ရာလည်း ရောက်ပါတယ်။

-အတန်းထဲမှာ မြန်မာလိုပြောရင် Fine ကောင်းမယ်
လို့ ဆိုမယ့်အစား English လို အတန်းထဲတောက်
လျှောက်ပြောတဲ့ သူတွေကို တစ်ပတ်ကြာရင်
ဆုပေးပါမယ်လို့ ပြောတာက အပြုသဘောပိုဆောင်
ပါတယ်။

✅Whiteboard/ Screensharing

-အပြင်အတန်းတွေမှာဆိုရင် ဆရာ/မတွေက စာ
တစ်ခုခုရေးမယ်ဆိုရင် ကျောင်းသားဘက်ကို
တောက်လျှောက် ကျောပေးပြီး ရေးလေ့ရှိကြပါ
တယ်။ အတန်းကြီးဆို သိပ်ပြဿနာမရှိပေမယ့်
အတန်းငယ်လေးတွေကျ ဆရာ/မတစ်ဖက်လှည့်ရေး
ချိန်မှာ သူတို့က အချင်းချင်း ဆော့ကစားတာ၊ ရန်
ဖြစ်တာမျိုးတွေ ဖြစ်နိုင်ပါတယ်။ ဒါ့ကြောင့် စာရေး
မယ်ဆိုရင် ကိုယ်တစ်ခြမ်းသာ စောင်းရေးပြီး ရံဖန်
ရံခါ ကျောင်းသာဘက် လှည့်ကြည့်ပေးပါ။

-Online Class ဆိုရင်လည်း အတန်းစကတည်းက
Screenshare စလုပ်တာ (သို့) အတန်းသင်နေစဉ်
တောက်လျှောက် Screenshare တာမျိုးလေး ရှောင်
ပေးပါ။ Screenshare ရင် ကျောင်းသားအားလုံးရဲ့
မျက်နှာ အပြည့်အဝမမြင်ရတာကြောင့် ကင်မရာရဲ့
နောက်ကွယ်မှာ သူတို့လေးတွေက သူတို့ လုပ်ချင်
တာလုပ်နေနိုင်ပါတယ်။

✅Teacher’s Language

-မြန်မာစာသင်တဲ့ ဆရာ/မတွေဆိုရင် ကိုယ်ပြောမယ့်
စကားမှာ ဒေသစွဲအသံအကျင့်လေးတွေ မပါဖို့နဲ့
Formal အသုံးလေးတွေ သုံးပေးဖို့ လိုပါတယ်။
(ဥပမာ - ဒီလိုလေးရေးတာ အရမ်းကောင်းတယ်လို့
ဆိုပြီး “အရမ်း” ဆိုတဲ့ အသုံးအနှုန်း သုံးတဲ့အခါ
ကျောင်းသားတွေကပါ နားမလည်ဘဲ တုပသုံးတာ
မျိုးဖြစ်လာနိုင်ပါတယ်။ “အရမ်း” လို့ သုံးမယ့်အစား
“တော်တော်လေး” “အတော်လေး” လို့ သုံးတာလေး
က ပိုယဉ်ကျေးပါတယ်။

-ဒေသစွဲသံဖြစ်တဲ့ “ဝေ့” “ဟဲ့” “ဟေ” အစရှိတာလေး
တွေသတိထားပေးပါ။ “ပြီးပြီလားဝေ့” “ကြားလား
ဟေ” “မဟုတ်သေးဘူးဟဲ့” လို အရပ်သုံးပုံစံနဲ့
သူတို့လေးတွေကို ပြောတဲ့အခါ သူတို့ကပါ စာရေး
တာနဲ့ စကားပြောတာတွေမှာပါ လိုက်တုပပြီး သုံးလာ
ပါလိမ့်မယ်။

✅Production

-ဘယ်ဘာသာရပ်ပဲ သင်သင်လက်တွေ့ ဆန်ဆန်
ပြန်လည်အသုံးချတတ်အောင် သင်ပေးပါ။
Maths မှာ ပေါင်းခြင်း ၊ နုတ်ခြင်းအကြောင်း
သင်မယ်ဆိုရင် ကိုယ်ပေးတဲ့ လေ့ကျင့်ခန်းကို
ကျောင်းသားက မှန်အောင် တွက်နိုင်တာ တစ်ခု
တည်းမလုပ်သင့်ပါ။ သူတို့ အိမ်မှာ တိုးလာတဲ့
ပစ္စည်း၊ လျော့သွားတဲ့ ပစ္စည်း အစရှိတာလေးတွေ
ကိုပါ တွေးခိုင်းပြီး ပြောခိုင်းသင့်ပါတယ်။

-မြန်မာစာမှာ -ပ် နဲ့ -က် အကြောင်းသင်မယ်ဆိုရင်
လည်း ဘယ်စာလုံးက -ပ်၊ ဘယ်စာလုံက -က်
ဆိုပြီး ခွဲနိုင်တဲ့ Recognition အဆင့်မှာပဲ ရပ်ထားတာ
မျိုး မလုပ်သင့်ပါဘူး။ နောက်ဆုံးမှာ ကလေးတွေ
ကို အက္ခရာတွေ ပေးပြီး သူတို့ကြိုက်တဲ့ အက္ခရာ
နှစ်လုံးကို အသတ်တွေနဲ့ တွဲပြီး အဲဒီအကြောင်းလေး
ပြန်ပြောတာမျိုး လုပ်စေချင်ပါတယ်။
(ဥပမာ -ရပ် = သမီးက ရပ်နေရတာ သဘောကျ
တယ်။
တက်= မောင်လေးက လှေကားက တက်ရတာကြိုက်တယ်။)

တစ်စုံတစ်ရာအကျိုးရှိမယ်လို့ ယုံကြည်ပါတယ်။

Short Notes
========

Vocabulary
Grammar
Function
Pronunciation
Listening Skills
Reading Skills
Writing Skills

ဘာလေးပဲ သင်သင် Speaking Skills လေး မပါမဖြစ်
အောင် ထည့်သင်ပါနော်။

အဲဒါမှ သင်ခန်းစာလေးက ပိုမြိုင်သလို ကျောင်းသား
တွေပျော်မှာ။

Input ပေးတဲ့အခါ လည်း English လို 90% ပြောပြီး သူတို့ကိုလည်း ဘာလုပ်ခိုင်းခိုင်း Speaking တွဲထည့်ပေးတော့ Exposure + Applying တွဲသွားတော့ ပုံမှန်
ထက် လေ့ကျင့်ရတာထက် ပိုမြန်ပြီး တိုးတက်မှုရှိပါမယ်။

များပြားလှသော ဆရာ့အခန်းကဏ္ဍ
================================
(Ref - Essential Teacher Knowledge)

ယနေ့ခေတ်တွင် အသက်မွေးဝမ်းကျောင်းမှု အခြေ
အနေ အခက်အခဲများကြောင့် သင်ကြားရေးနယ်ပယ်
သို့ ဝင်ရောက်လာကြသူ အတော်များပြားလာပါသည်။

လူတွေရှေ့မှာ မတ်တပ်ရပ်ပြီး ပြောရဲရုံ၊ ကင်မရာရှေ့တွင် အများအထင်ကြီးအောင် English လို ပြောပြ
နိုင်ရုံဖြင့် ဆရာဖြစ်သည်ဟု ယူဆပြီးသင်ကြားရေး
အလုပ်ကို အလွယ်ဆုံး အလုပ်သဖွယ်သဘောထားသူများလည်း ကြုံတွေ့လာရသည်။

တစ်ချို့လည်း သင်ကြားရေးနယ်ပယ်ကို မတော်တဆ
ဝင်လာရင်းမှ တကယ်ပင် ဝါသနာပါသွားလို့ သေချာ
ထဲထဲဝင်ဝင် သေချာလေ့လာသူ အမြောက်အမြားကို
လည်း တွေ့ရပြန်သည်။

ပုံစံအမျိုးမျိုးလေးနဲ့ ဆရာ/မတွေကို ဆုံတွေ့ခဲ့ရ
တာကြောင့် များပြားလှသည့် ဆရာ့အခန်းကဏ္ဍ
အား မျှဝေချင်စိတ်ဖြစ်လာပါသဖြင့် နားလည်
သလောက် အပိုင်း (၁) အနေနဲ့ ပြောပြပေးပါရစေ။

✅Teachers are all times of FACILITATORS of
Learning.

စာသင်တဲ့အခါမှာ အရာရာအဆင်ပြေအောင် ဘက်စုံ
ကနေ ပံ့ပိုးသူအနေနဲ့လည်း ရပ်တည်ရပါတယ်။
Stationeries မေ့ခဲ့လို့ ကိုယ့်ပစ္စည်းတွေ ငှါးပြီး ပေး
သုံးတာ၊ အဝေးမှုန်တဲ့ ကျောင်းသားကို အတန်းရှေ့
မှာ ထိုင်စေတာ၊ Ebooks Sharing ပဲ လုပ်နေရင်
ကျောင်းသားတွေ အဆင်မပြေမှာစိုးတာကြောင့်
PowerPoint ထဲပြန်ထည့်ပြီး ရှင်းလင်းအောင် လုပ်
ပေးတာမျိုးလေးတွေပါ။ စာတော့ မသင်ပေမယ့်
ကျောင်းသားတွေအတွက် အစစအရာရာ ချောမွေ့
အောင် နောက်ကွယ်က ပံ့ပိုးသူ၊ သူတို့ဘာသာသူတို့
အားကိုးတတ်အောင် လမ်းပြပေးသူဟာ Facilitator
ပါပဲ။

✅We often act as PROMPTERS.

တစ်ခုခုသင်ပြီးလို့ ကျောင်းသားတွေကို ပြန်မေးတဲ့
အခါ ချက်ချင်းမဖြေနိုင်ကြတာ များပါတယ်။ အဲဒီ
အခါ မျက်နှာအမူအရာဖြင့် ဖြစ်စေ၊ သံနေသံထား
ဖြင့် ဖြစ်စေ၊ စကားလုံးရဲ့ အစလေးပြောစေခြင်းဖြင့်
ဖြစ်စေ အရိပ်အမြွက်ပြောပြသူလေး အနေနဲ့လည်း
နေရပါသေးတယ်။ ဒါမှ ကျောင်းသားအနေနဲ့လည်း
ပိုပြီး ပြောရဲဆိုရဲရှိလာမှာပါ။

✅One of the teacher’s most important jobs is
COMPREHENSIBLE INPUT PROVIDER to
the students.

ဆရာဆိုတိုင်းလည်း ကိုယ်သိသမျှတိုင်းကို ကိုယ်
နားလည်သလို ကျောင်းသားတွေကို ပြောပြလို့
မဖြစ်ပြန်ဘူး။ သူတို့ရဲ့ အသက်၊ Level မူတည်ပြီး
ကိုက်ညီတဲ့ ဘာသာစကားကို ရွေးချယ်ပြောတတ်ဖို့
လည်း လိုပါသေးတယ်။

✅We often act as EVIDENCE GATHERERS.

Pairwork/ Groupwork လုပ်တဲ့အခါမှာပဲဖြစ်ဖြစ်၊
တစ်ဦးဆီ လုပ်ရတဲ့ Presentationတွေမှာပဲဖြစ်ဖြစ်
သူတို့လေးတွေ Tasks လုပ်နေချိန်မှာဆိုရင် ဘယ်နေ
ရာမှာ ဘာလိုသွားသလဲဆိုတာကို အသေးစိတ်လိုက်
မှတ်ရတဲ့သူလည်း လုပ်ရပါသေးတယ်။ အများစု
ထင်သလို Groupwork လုပ်တိုင်း ဆရာက စကားမပြောရလို့ အနားရတယ်ဆိုတာ တကယ်တော့ မဟုတ်
ပါဘူး။

အရေးကြီးတဲ့ Task Preparation
==============================

ဆရာ/မတွေအနေနဲ့ စာသင်တဲ့အခါမှာ Task
Preparation အပိုင်းလေးကို မမေ့လျော့ဘဲ
သေချာလေး ပြုလုပ်သင့်ပါတယ်။ Task
Preparation ပိုင်း မေ့လျော့ခဲ့ရင် စာသင်တဲ့
အချိန်မှာ လိုတာထက် အချိန်ပိုကုန်တာ၊
အချိန်မီ မပြီးတာမျိုးတွေ အများကြီး ဖြစ်နိုင်ပါ
တယ်။

ဒါ့အပြင် ပိုးသာကုန် မောင်ပုံစောင်းမတတ်
ဆိုသလိုမျိုး လုပ်တော့လုပ်ဖြစ်ပြီး မထိရောက်တာကြောင့် အချည်းနှီးသာ ဖြစ်ပေလိမ့်မယ်။ ဒါကြောင့် Task Preparation နဲ့ ပက်သက်တဲ့ သတိပြုဖွယ်
အချက်လေးတွေ လေ့လာကြရအောင်။

✅ Whiteboard မှာ စာရွက်လေးတွေ လာကပ်တဲ့
Activities မျိုး လုပ်ချင်တယ်ဆိုရင် Paper
Tape တွေ ကြိုခွါပြီး Whiteboard ဘေးတွေ
မှာ အသင့်သုံးနိုင်ဖို့ ပြင်ဆင်ပေးထားတာမျိုး။

✅ Handouts မှာ အရောင်ခြယ်စေချင်တာဆိုရင်
လည်း မခြယ်ခင်မှာ ကျောင်းသားတွေအနေနဲ့
Color Pencil/Crayon တွေ ပါ၊ မပါ အရင်
စစ်ဆေးတာမျိုး။

✅ Reading Or Listening Comprehension တွေ
လုပ်မယ်ဆိုရင်လည်း လေ့ကျင့်ခန်းတွေရဲ့
Main Ideas တွေကို အရင်ထောက်ပြပြီးမှ
လုပ်ခိုင်းတာမျိုး။
( ဥပမာ -keywords ကို လိုင်းသားခိုင်းတာ)

✅ Online Class မှာဆိုလည်း ကိုယ့်ကျောင်းသားကို
Presentation လုပ်စေချင်တယ်စေရင် မလုပ်
ခင်မှာ လိုအပ်တဲ့ Tips တွေ ပြောပေးတာ၊
Tools တွေအကြောင်း ရှာဖွေနိုင်အောင် လမ်းပြ
ပေးတာမျိုး။

✅Listening တစ်ခုလုပ်မယ်ဆိုရင်လည်း မလုပ်ခင်
မှာ ဘယ်လိုပုံစံနဲ့ နားထောင်ရမလဲ၊ အသေးစိတ်
လား၊ ယေဘူယျလား၊ ဆရာရှာခိုင်းတဲ့အချက်ပဲ
နားထောင်ရမလားဆိုတာ ကြိုပြောပြပေးတာမျိုး။

✅ Exam-oriented အတန်းတွေဆိုရင်လည်း မေး
ခွန်းတွေ မဖြေခင်မှာ အဖြေရဖို့ အခြေခံလိုအပ်
တဲ့အရာတွေ ကြိုမေးတာမျိုး အစရှိတာတွေ
လုပ်နိုင်ပါတယ်။

🤗အခြားသော အခြေအနေတွေ အမျိုးမျိုးရှိပေမယ့်
အများနားလည်လွယ်အောင် ယေဘူယျဖော်ပြ
ပေးခြင်းသာ ဖြစ်ပါတယ်။ Task Preparation
ဆိုတာ အလွယ်ပြောရရင် တစ်ခုခုလုပ်ခိုင်းချင်
ရင် ဘာအရင် သိဖို့လိုမလဲ၊ သိပြီးရင် ဘယ်လို
လုပ်မလဲဆိုတာမျိုးပါ။

အကျိုးရှိမယ်လို့ ယုံကြည်ပါတယ်။

ESL Teaching ပိုင်း စလုပ်ချင်တယ်ဆိုသူများ
အတွက်
================================

မကြာခဏလေး လာမေးကြလို့ ထပ်ပြီး အတိုချုံ့လေး
ပြောပြပေးလိုက်မယ်နော်။

Step 1- English Proficiency ကောင်းအောင် အရင်
လုပ်ပါ။ အနည်းဆုံး B2 လောက်ရှိမှ ပိုအဆင်
ပြေပါတယ်။ ESL သင်ကြားရေးပိုင်းနဲ့ ပက်
သက်ပြီး လေ့လာရတာတွေက English
လိုသာများတဲ့အတွက် အခြေခံအားဖြင့်
Reading + Speaking Skills လုံးဝကောင်းဖို့
လိုပါတယ်။

Step 2 - Four Skills ပိုင်း သင်ကြားရေး အတွေ့အ
ကြုံရှိအောင် ကြိုးပမ်းရင်း လိုအပ်တဲ့
စာအုပ်စာတမ်းတွေ ဖတ်တာ၊ သင်တန်း
တွေ တက်တာလုပ်ပါ။
(Starters, Movers…IELTSသင်ကြားရေး
ပိုင်း အရင်မလုပ်ပါနဲ့)
Skills ကို ကောင်းကောင်း သင်တတ်အောင်
လေ့လာပြီးမှ Exam ပိုင်း သင်ကြားနည်း
လေ့လာသင့်ပါတယ်။

Step 3 - ဝါသနာပါလို့ Exam ပိုင်းတွေ သင်တတ်ချင်
တယ်ဆိုရင် Four Skills ကို အတန်းအနေ
နဲ့ ကျောင်းသားတွေကို သင်ဖူးပြီးမှသာ
စလေ့လာရင် ပိုထိရောက်ပါတယ်။
ဆိုပါစို့ IELTS သင်တက်ချင်သူဆိုရင်
ကလေးတန်း Four Skills သင်ဖူးရုံနဲ့မပြေ
ပါ။ လူကြီးတန်းကို သင်ဖူးမှသာ အဲအရွယ်
တွေရဲ့ ခံစားချက်၊ စိတ်သဘောထားတို့ကို
သိနိုင်မှာပါ။ နောက်အရေးကြီးတဲ့တစ်ချက်
က Exam သင်မယ်ဆိုရင် ကိုယ်တိုင်ပါ
အဲဒီ Exam ဖြေဖူးတဲ့ အတွေ့အကြုံရှိရင်
ပိုကောင်းပါတယ်။ Starters အတန်းသင်
မှာမို့ ကိုယ့်အသက်အရွယ်နဲ့ ဘယ်လိုဖြေ
ရမှာလဲလို့ တွေးကောင်း တွေးမိပါလိမ့်
မယ်။ အဲအခါကျရင်တော့ အဲ level ကို
မသင်ခင်မှာ ကျောင်းသားတစ်ယောက်လို
ခံစားချက်ထည့်ပြီး အချိန်နဲ့ ဖြေကြည့်ပါ။
အတိုင်းအတာတစ်ခုအထိ အခက်အခဲ
တွေ သိလာပါလိမ့်မယ်။

Step 4 - ကိုယ်ကလည်း စာသေချာသင်တတ်သလို
သင်ကြားပိုင်းဆိုင်ရာတွေ ဖတ်ရှုဖူးတယ်
ဆိုရင်တော့ နိုင်ငံတကာ အသိအမှတ်ပြု
လက်မှတ်ရ သင်တန်းတွေဘက်ကို စတင်
လျှောက်လှမ်းနိုင်ပါပြီ။
(Cambridge TKT, CELTA, TESOL,
DELTA etc)
အခုမှ စာစသင်မယ့်သူတို့၊ Early Childhood
ပိုင်း/ Subject Teaching ပိုင်းကနေ စ
ပြောင်းလာရင် Step 4 တန်းမလုပ်သင့်ပါ။

အကျိုးရှိမယ်လို့ ယုံကြည်ပါတယ်။

Classroom Management Tip 🥰
============================

Online မှာပဲ သင်သင်၊ အပြင်မှာပဲ သင်သင်
ဆရာ/မတွေမှာ နောက်ထပ် ကြုံလေ့ရှိတဲ့ ပြဿနာ
လေးကတော့ Rephrasing တအားလုပ်တာပါပဲ။

Rephrasing ဆိုတာ အတန်းထဲမှာ ကိုယ်လုပ်မယ့်
Procedures တွေကို ကျောင်းသားကို တစ်ပြိုင်နက်
အားလုံးချပြ အစီရင်ခံတာမျိုးပါ။

တစ်ခါတလေကျ အဲလိုလုပ်မိမှန်း မသိလိုက်အောင်
ကို ဆရာ/မအများစု လုပ်တတ်ကြပါတယ်။

ဆိုပါစို့….ကျောင်းသားကို သီချင်းလေးနားထောင်
ခိုင်းပြီး အဲသီချင်းက ဘာအကြောင်းအရာကို အဓိက
ရည်ညွှန်းသလဲ၊ ပြီးရင် ထပ်နားထောင်ပြီး Gap တွေ
ဖြည့်ခိုင်းချင်တယ်ဆိုရင် အဲဒါတွေအားလုံးကို
တစ်ပြိုင်နက် ကျောင်းသားကို Instructions ပေး
လို့မရပါဘူး။

Firstly , you need to listen to the song and then tell me what it is about. After that, let’s listen one more time and fill in the gaps. Then we’ll check the answer together.🫣🫣🫣

အဲလိုပြောတာက ကျောင်းသားဆီမှာ ကိုယ်တွေလုပ်
မယ့် အရာတွေကို အစီရင်ခံသလို ဖြစ်သွားတတ်ပါ
တယ်။ ဒါ့ကြောင့် လုပ်မယ့် အဆင့်တစ်ဆင့်ဆီ
အလိုက် ဖြတ်တောက်ပြောဆိုဖို့ လိုပါတယ်။

Everyone, let’s listen to the song.
After that, tell me what it is about.🤗🤗

(Ss listen and discuss what the song is about.)

ပြီးမှ နောက်တစ်ဆင့်အတွက် လုပ်ရမှာတွေကို
ပြောပါ။

Now, listen again and fill in the gaps.🤗🤗

(Ss listen and fill)

OK, it’s time to check the answers.🤗🤗

✅Instructions ပေးတဲ့အခါ အစီရင်ခံတာ၊ မိန့်ခွန်း
ပြောတာလို တဆက်တည်း မလုပ်ပါနဲ့။ နည်းနည်း
ဆီ တစ်ဆင့်ချင်း ပြောပေးပါ။

အကျိုးရှိမယ်လို့ ယုံကြည်ပါတယ်။

Classroom Management Tip 1 🥰
=========================

Online မှာ စာသင်ရင်း Screenshare နေတဲ့အခါ
Error ကြောင့် Screen မတက်လာတာ၊ ကြန့်ကြာ
နေတာမျိုးရှိရင် ချွေးမပြန်ပါနဲ့။

ဘာမှမပြောဘဲ Error ဖြစ်နေတာကိုပဲ အသံတိတ်
အံကြိတ်ကာ မျက်နှာကြီး မဲ့ပြီးမဖြေရှင်းပါနဲ့။

Technology က ပြဿနာမဟုတ်ဘဲ Teacher’s
Personality က အဓိက ပြဿနာဖြစ်တတ်ပါတယ်။

အပြင်မှာ သင်တာနဲ့ မတူတာက အပြင်မှာဆို ဆရာ့
မျက်နှာ စေ့စေ့ကြည့်ပြီး တစ်ချိန်ကုန်သင်ယူစရာ
မလိုတာကြောင့် Facial Expression ပြောင်းတိုင်း
ကျောင်းသားက သတိထားမိချင်မှ ထားမိမှာပါ။

Online ကျ တော့ ဆရာမျက်နှာ အထင်းသားကို
ကျောင်းသားတွေက တောက်လျှောက်တွေ့နေရတာမို့
မျက်နှာအမူအရာ ပြောင်းတိုင်း သတိထားမိဖို့ လွယ်ပါတယ်။

Screenshare Error တက်တယ်ဆိုရင်တောင် ပုံမှန်
အတိုင်းပြုံးပြုံးလေးနေပြီး စကားလေးတစ်ခုခု
ပြောနေတာ (သို့) အလုပ်တစ်ခုခု ခဏပေးထားပါ။

Laptop Error ပြင်ဆင်ချိန်မှာ ကျောင်းသားတွေကို
ဒီအတိုင်း စောင့်မနေပါစေနဲ့။

စာတိုပေမယ့် အကျိုးရှိမှာပါ။

School Management ပိုင်း ဆိုင်ရာ မှတ်စု
=============================

မနေ့ညက School Management Course ရဲ့ အမေးအဖြေ ကဏ္ဍမှာ ဆွေးနွေးဖြစ်ခဲ့တဲ့ အကြောင်းအရာတစ်ချို့ ပြန်မျှဝေ ပေးပါမယ်။

Management Level လုပ်နေရတဲ့ ကျောင်းအုပ်ချုပ် သူတစ်ယောက် မေးထားတာလေးက သူ့ကျောင်းမှာ Supervisor အနေနဲ့ ဆရာမတစ်ယောက်ကို
ခန့်ထားပါတယ်။ ဘာတွေ ဘယ်လိုလုပ်ရမလဲဆိုတာ
သေချာညွှန်ကြားထားပြီး ဆရာ/မတွေကို အုပ်ချုပ်
စေပါတယ်။

သို့ပေမယ့် Supervisor က ဆရာ/မလေးတွေရဲ့ အဆင်မပြေတာတွေကို အမြဲအုပ်ထားပေးပြီး
အုပ်ချုပ်သူကို အမှန်အတိုင်း တင်ပြလေ့မရှိပါဘူး။
အဲဒီအခါ ဆရာ/မတွေနဲ့ Supervisor ရဲ့ ဆက်ဆံရေး
ဟာ ထင်ထားတာထက် ပိုကောင်းနေပြီး အုပ်ချုပ်သူ
ကျောင်းကို ရောက်လာချိန်မှာ ဆရာ/မတွေဟာ သူ့ကို
ကြောက်ရွံ့တဲ့ ပုံစံမျိုးပြကြပါတယ်။ အလုပ်တွေ
ကြည့်လိုက်တဲ့အခါမှာလည်း သူစီမံထားသလို ဖြစ်
မနေတဲ့အတွက် ဘယ်လိုဖြေရှင်းရမလဲဆိုတာလေး
မေးထားတာပါ။

အဲဒါနဲ့ ကျွန်မသုံးသပ်ပြီး ဒီအကြံလေးတွေ ပေးခဲ့ပါတယ်။

-အုပ်ချုပ်သူ အနေ နဲ့ ဆရာ/မ၊ ဝန်ထမ်းတွေနဲ့ ရင်းနှီး
မှု တည်ဆောက်သင့်ပါတယ်။ ဘယ်လောက်ပဲ
Supervisor ခန့်ထားထား၊ ကိုယ့်ဆီမှာ အလုပ်ဝင်
နေတဲ့သူတွေကို ပုဂ္ဂိုလ်ရေးအရ ဂရုစိုက်ကြောင်း၊
ကိုယ်သူတို့ကို ဘယ်လိုတန်ဖိုးထားကြောင်း ၊ ကိုယ်
ဟာ ဘယ်လိုလူမျိုး ဖြစ်ကြောင်း မသိမသာလေး
ပြပေးသင့်ပါတယ်။ Supervisor နဲ့ပဲ အမြဲလွှတ်ထား
ရင် ကိုယ်နဲ့ ဆရာ/မတွေ ကြားမှာ Gap တစ်ခုဖြစ်နေ
တတ်ပါတယ်။ ဒါ့ကြောင့် တစ်လမှာ အနည်းဆုံး ၂
ကြိမ်လောက် အားလုံးနဲ့တွေ့ဆုံပြီး Meeting လေး
တွေလုပ်ကာ အတူလက်တွဲ အဖြေရှာသင့်ပါတယ်။

-နောက်တစ်ခုက အုပ်ချုပ်သူဟာ ပညာရေးနယ်ပယ်
က မဟုတ်တဲ့အတွက် ဆရာဆရာမတွေ အနေနဲ့
တစ်ချို့ ပြောချင်တာတွေကို ပွင်းလင်းစွာ မပြော
နိုင်တာလည်း ဖြစ်နိုင်ပါတယ်။ ဒါ့ကြောင့် ကိုယ်က
စာမသင်ဘူးဆိုရင်တောင် သင်ကြားရေးပိုင်းနဲ့
ပက်သက်တွေ စာတွေဖတ်၊ သင်တန်းတက်၊
Workshop တွေပါ တက်ပေးမယ်ဆိုရင် ဆရာ/မ
တွေရဲ့ နယ်ပယ်အကြောင်း နားလည်လာပြီး
သူတို့ ခံစားချက်လေးတွေပါ ပိုသိလာပါလိမ့်မယ်။
သူတို့လုပ်တာလေးတွေကို ကိုယ်က သိတယ်၊
နားလည်တယ်ဆိုတာမျိုး ပြပေးနိုင်ရင်လည်း
ကြားခံဘယ်သူ့ဘယ်သူကြောင့်မှ ဝန်ထမ်းနဲ့
အုပ်ချုပ်သူကြားမှာ Gap ဖြစ်မှာ မဟုတ်တော့ပါ
ဘူး။

Tips✌️✌️✌️

-ဝန်ထမ်းတွေနဲ့ တွေ့ဆုံးစကားပြောဖို့ အချိန်ပေး
ပါ။ Manager/ Supervisor တို့နဲ့ပဲ လွှဲမထားပါနဲ့။

-ကိုယ်လုပ်ငန်းအကြောင်း ကိုယ်တိုင်သိနားလည်
အောင် အချိန်ပေးလေ့လာပါ။

==============================

သင်တန်းမှာ

နောက်ထပ်ဆွေးနွေးတာလေးတစ်ခုက Senior/
Junior ပြဿနာပါ။ ကျောင်းမှာ နှစ်ရှည်လများ
အလုပ်လုပ်လာတဲ့ ဆရာ/မတစ်ချို့ရှိပါတယ်။
လုပ်တာကြာပေမယ့် Skills တက်လာတာမျိုး
မရှိပါ။ ထပ်လေ့လာတာမျိုးလည်း မရှိတာကြောင့်
ပုံမှန်အတိုင်းပဲ စီးမျောနေပါတယိ။ ဒါကြောင့်
ပုံမှန်လစာသာ ပေးပါတယ်။ Juniors တွေ ဝင်လာ
တဲ့အခါ အသစ်တွေက Skills လည်း ကောင်းသလို၊
ကြိုးလည်းကြိုးစားတယ်။ ဒါ့ကြောင့် သူတို့ကို
လစာပိုပေးတဲ့အခါ Seniors တွေက မကျေနပ်ကြပါ
ဘူး။

ကျွန်မအကြံပြုပေးလိုက်တာကတော့ KPI (Key Performance Indicator) လေး ထားပေးဖို့ပါ။
KPI ဆိုတာကတော့ သူတို့အရည်အချင်းကို ဖော်
ပြပေးတဲ့ ပေတံလေးတစ်ခုပါ။ KPI မှာဆိုရင်
-အတန်းချိန်မှန်တာ
-အတန်းမပျက်တာ
-ကျောင်းသားတွေ ပျော်အောင် ဖန်တီးနိုင်စွမ်းရှိတာ
-ကျောင်းသားရလဒ်တွေကောင်းတာ
-ကျောင်းသား complaint မတက်တာ
-ကျောင်းသားမိဘနဲ့ ဆက်ဆံရေးပြေလည်တာ
-Continuous Professional Development လုပ်နိုင်
တာ အစရှိတဲ့ သင့်တော်တဲ့ အချက်တွေထည့်ထား
ပြီး လစဉ်ထောက်ပြဆွေးနွေးအမှတ်ပေးသင့်ပါ
တယ်။ လစာ Pay Slip လက်မှတ်မထိုးခင်မှာ
KPI Result လေးပြပြီး အဲဒါကိုပါ လက်မှတ်ထိုး
ခိုင်းသင့်ပါတယ်။

နောက်ပြီး KPI Results အရ အမှတ်အများဆုံးရတဲ့
ဆရာ/မ သို့ ဝန်ထမ်းကို The Best Staff of the Month အနေနဲ့ ရွေးချယ်ပြီး Appreciate လုပ်ပေး
မယ်၊ ကြေညာပေးမယ်ဆိုရင် Seniors တွေလည်း
ပိုကြိုးစားချင်စိတ်ရှိလာသလို အငယ်ဆရာ/မတွေ
လစာပိုရတာကို ကြည်ဖြူစွာ လက်ခံနိုင်ပါလိမ့်မယ်။

Tips ✌️✌️✌️

-KPI ထားဖြစ်အောင်ထားသလို ဝန်ထမ်းတွေကို
သိရှိကြောင်းလေး လက်မှတ်ထိုးခိုင်းပါ။

(ဖော်ပြပါအချက်တွေကတော့ မနေ့ညက သင်တန်းမှာ ဆွေးနွေးတာတွေထဲက တစ်ချို့ဖြစ်ပါတယ်။
တစ်စုံတစ်ရာ အကျိုးရှိမယ်လို့ ယုံကြည်ပါတယ်။)

2022ခုနှစ် တက္ကသိုလ်ဝင်ခွင့်လမ်းညွှန်မှ ဝင်ခွင့်ဆိုင်ရာ အနိမ့်ဆုံးသတ်မှတ်ရမှတ်များ

ပညာရေးတက္ကသိုလ် BEd ဝင်ခွင့်
ရန်ကုန် + စစ်ကိုင်း ၊ အနိမ့်ဆုံးအမှတ်
သိပ္ပံဘာသာတွဲ - 450 မှတ်
ဝိပ္ပံဘာသာတွဲ - 420 မှတ်
ဝိဇ္ဇာဘာသာတွဲ - 400 မှတ်
စုစုပေါင်းကျောင်းသားဦးရေ = 400
သိပ္ပံဘာသာတွဲ = 200 ဦး
ဝိပ္ပံဘာသာတွဲ = 100 ဦး
ဝိဇ္ဇာဘာသာတွဲ = 100 ဦး

ရေဆင်းစိုက်ပျိုးရေးတက္ကသိုလ် - 400 မှတ်နှင့်အထက်
မွေးမြူရေးဆိုင်ရာဆေးတက္ကသိုလ် - 420 မှတ်နှင့်အထက်
သစ်တောနှင့်ပတ်ဝန်းကျင်ဆိုင်ရာတက္ကသိုလ် - 360 မှတ်နှင့်အထက်

ရန်ကုန်စီးပွားရေးတက္ကသိုလ်(ရွာသာကြီးနယ်မြေ) - 380 မှတ်နှင့်အထက်
စုစုပေါင်းကျောင်းသားဦးရေ = 1600 ဦး
ရန်ကုန်စီးပွားရေးတက္ကသိုလ် (လှိုင်နယ်မြေ) - 420 မှတ်နှင့်အထက်
စုစုပေါင်းကျောင်းသားဦးရေ = 640 ဦး

ရန်ကုန်နည်းပညာတက္ကသိုလ်ဝင်ခွင့်အနိမ့်ဆုံးရမှတ်
ရူပ+ဓာတု+သင်္ချာ+အင်္ဂလိပ်စာ
(4ဘာသာရမှတ်ပေါင်း) - 320 မှတ်နှင့်အထက် ကျား220+မ180= 400 ဦး

မန္တလေးနည်းပညာတက္ကသိုလ်ဝင်ခွင့်အနိမ့်ဆုံးရမှတ်
ရူပ+ဓာတု+သင်္ချာ+အင်္ဂလိပ်စာ
(4ဘာသာရမှတ်ပေါင်း) - 320 မှတ်နှင့်အထက် ကျား210+မ170= 380 ဦး

သတင်းအချက်အလက်နှင့်နည်းပညာတက္ကသိုလ်
(ချာ ဓာ ရူ ပါသောဘာသာတွဲများ)
စုစုပေါင်းရမှတ် - 450 မှတ်နှင့်အထက်
ကျောင်းသား/သူဦးရေ= 200 ဦး

ရန်ကုန်ကွန်ပျူတာတက္ကသိုလ် - 450 မှတ်နှင့်အထက်
(or) Eng+Maths - 140 မှတ်နှင့်အထက်
စုစုပေါင်းကျောင်းသား/သူ = 500 ဦး

မန္တလေးကွန်ပျူတာတက္ကသိုလ် - 430 မှတ်နှင့်အထက်
(ချာ ဓာ ရူ ပါသော ဘာသာတွဲဖြင့်အောင်မြင်သူများ)
(အင်္ဂလိပ်+သင်္ချာ ၂ ဘာသာပေါင်း 140 မှတ်နှင့်အထက် ရရှိသူ)
စုစုပေါင်းကျောင်းသား/သူ = 250 ဦး

နည်းပညာတက္ကသိုလ်(ရတနာပုံဆိုင်ဘာစီးတီး)- 420 မှတ်နှင့်အထက်
(ချာ ဓာ ရူ ပါသော ဘာသာတွဲများ)
၃၅၀ ဦး = ကျား 50% + မ 50%

နိုင်ငံခြားဘာသာတက္ကသိုလ်ဝင်ခွင့် - 400 မှတ်နှင့်အထက်
English ဘာသာရပ်ဆိုလျင် -
ရန်ကုန် - Eng 65 မှတ်အထက်
မန္တလေး - Eng 60 မှတ်အထက်

မြန်မာနိုင်ငံလေကြောင်းနှင့် အာကာသပညာတက္ကသိုလ် - 400 မှတ်နှင့် အထက်
(လိပ်၊ချာ၊ရူ၊ဓာ ၄ဘာသာပေါင်း = 300 မှတ်နှင့်အထက်)
200 ဦး = ကျား 70% + မ 30%

ဆေးတက္ကသိုလ်များ၊ သွားဘက်ဆိုင်ရာဆေးတက္ကသိုလ်များ၊ ဆေးဝါးတက္ကသိုလ်များ၊ ဆေးဘက်ဆိုင်ရာနည်းပညာတက္ကသိုလ်များ၊ သူနာပြုတက္ကသိုလ်များ၊ တိုင်းရင်းဆေးတက္ကသိုလ်၊
ပညာရေးဒီဂရီကောလိပ်များအနေဖြင့်
အမှတ်ကန့်သတ်ပေးထားခြင်းမတွေ့ရှိရပါ။

မြို့နယ်ရာခိုင်းနှုန်းအလိုက်၊
တက္ကသိုလ်များဝင်ဆံ့အင်အားအလိုက်
အမှတ် ဖြတ်ချသွားမည် ဖြစ်ပါသည်။

စိစစ်ရွေးချယ်ရေးအဖွဲ့ နေပြည်တော်

အမှတ်(-/-/-/)အောက်ဖော်ပြပါ မူလတန်းကျောင်းအုပ်(လစာနှုန်း ၁၉၈၀၀၀-၂၀၀၀-၂၀၈၀၀၀/ပညာရှင်အဆင့်-၂)များအား (၂၇-၆-၂၀၂၂)ရက်နေ့မှစ၍
မူလတန်းကျောင်းအုပ် လစာနှုန်းကျပ်
(၂၁၆၀၀၀-၂၀၀၀-၂၂၆၀၀၀)များအဖြစ်
ရာထူးတိုးမြှင့်ခန့်ထားလိုက်သည်-

_/__/_/___/

__/__/__/___/

/------------
ခရိုင်ပညာရေးမှူး

------------------------------ခရိုင်

------------

လတ်တလော
သတ်မှတ်ချက်နှင့်ကိုက်ညီသော
ဒုတိယအလယ်တန်းပြလစာစား
မူလတန်းကျောင်းအုပ်များအား ဖွဲ့စည်းပုံသစ်
မူလတန်းကျောင်းအုပ်လစာနှုန်းသို့
တိုးမြှင့်ခန့်ထားခြင်း
ရုံးအမိန့်စာ ကောက်နုတ်ချက်မှ

လုပ်သက်နှင့်အခြားသတ်မှတ်ချက်များဖြင့်
ကိုက်ညီသော မူလတန်းကျောင်းအုပ်များအား
ဖွဲ့စည်းပုံသစ်မူလတန်းကျောင်းအုပ်လစာနှုန်းသို့
တိုးမြှင့်ခန့်ထားပေးခြင်းဖြစ်ပါတယ်

အခြားသင်ကြားရေးရာထူးများကိုလည်း
လုပ်သက်နှင့်အခြားသတ်မှတ်ချက်များဖြင့်
ကိုက်ညီပါက ဖွဲ့စည်းပုံအသစ်ရာထူး
လစာနှုန်းများသို့ တိုးမြှင့်ခန့်ထားပေးသွားမှာ
ဖြစ်ပါကြောင်း။