Education Channel 🇲🇲🇲🇲🇲🇲🇲🇲🇲🇲

တွေ့ရှိရတဲ့နယ်သတ်အမိန့်မှာ အရှေ့တောင်အရပ် စည်သူကန်ရိုးကနေ နယ်သတ်စယူထားတာသတိထားမိပါတယ်။စည်သူကန်ရိုးကိုတော့ ရှာမတွေ့ရသေးပါဘူး။တောင်ကြားရွာအနောက်ဖက်လောက်ရှိမယ်ထင်ပါတယ်။ဘာဖြစ်လို့လည်းဆိုတော့ တောင်ကြားရွာနယ်အစပ်က တောင်ယမားချောင်းကမ်းစပ်မှာရှိနေလို့ပါဘဲ။တင့်တောင်ဆိုတာက တောင်ကြားရွာရဲ့အနောက်မြောက်ဘက်မှာရှိပါတယ်။ရှင်မဉ္ဇူတောင်ဆိုတာက ဆားခါးရွာရဲ့အနောက်ဖက်မှာ ရှိနေပါတယ်။
မင်းသားကုန်းဆိုတာကတော့ ဆားလင်းကြီးမြို့အရှေ့ဘက်ထိပ် ပေါင်းဝသွားကားလမ်းဘေးက ကံသာရွာအနီးမှာရှိပါတယ်။ဖောင်းကတာရွာ၊ညောင်ပင်ကတော့ထင်ရှားပါတယ်။ကျောက်ကြီးရွာကိုတော့ မသိရသေးပါဘူး။ ဒါပေမဲ့ ရှင်မဉ္ဇူတောင်ကနေ ဖောင်းကတာထိမျဉ်းဖြောင့်ဆွဲကြည့်ရင် အရှေ့ဘက်ပိုင်းရွာတွေက အမြင့်မြို့နယ်ထဲမှာပါဝင်ခဲ့တာကိုတွေ့ရပါလိမ့်မယ်။
ထိုနေ့မှာ ထုတ်ပြန်တဲ့ အမြင့်နယ်သတ်အမိန့်မှာလည်းလေ့လာကြည့်ရင် တွေ့နိူင်ပါတယ်။
!!ပိုက်တန်း ညောင်ပင်၊။၄င်းကသည် သလ္လာဝတီမြစ်ကိုလျှောက်၍ ။ တောင်ယမားနှင့်အတည့်။ ၄င်းကအနောက်ကို ကူးပြီးလျှင်။ ယမားကိုလျောံ၍။ စည်သူကံရိုး။ ၄င်းကသည် အနောက်ကိုတင့်တောင်။ ၄င်းကမြောက်ကို ရှင်မဉ္ဇူတောင်။ ၄င်းကမြောံကို မင်သာကုန်။ ၄င်းမြောက်ကို ဘောင်ကတာ ညောင်ပင်။ ၄င်းကမြောံကိုကျောံကြီးရွာ။ အနောက်ကိုလျှောံ၍ မြောံယမားထိ ။ ၄င်းကအရှေ့ယမားကို ကူးပြီးလျှင် ။သလ္လာဝတီမြစ်ကိုကူး၍။ အရှေ့မြစ်နား အလုံမြေနှင့်အစပ်။ ၄င်းကတောင်ကို......!!
ရေးသားဆက်သွင်းတာကိုတွေ့ရပါတယ်။ဒါကြောင့် ချင်းတွင်းမြစ်ခေါ်တဲ့သလ္လာဝတီမြစ်ရိုးကရွာတွေက အမြင့်နယ်မှာပါဝင်ခဲ့တာမို့ ဗန့်ကျီတိုက်ထဲ မဟုတ်ခဲ့ပါဘူး။
ဗန့်ကျီနယ်စားဖြစ်သူတွေက သရက်ကိုင်းရွာ ၊ဆားခါးရွာ၊ခွန်သာရွာ(ခွံသာ)၊ငါးခုန်ရွာအပါအဝင် ချင်းတွင်းမြစ်ကမ်းရွာတွေကို ဗန့်ကျီနယ်သတ်မှတ်ပေးဖို့ ပုံစံရေးသွင်း တောင်းဆိုမှာပါဘဲ။ဒါပေမဲ့ အမြင့်မြို့စားကလည်း သူတို့ပိုင်နက်ကို မပေးရဖို့အရေး ကာကွယ်ငြင်းဆန်ကြမှာအမှန်ပါဘဲ။
ဗန့်ကျီတိုက်စား မက္ခရာမင်းသားလက်ထက် မှာတော့ ပုံစံရေးသွင်းတောင်းဆိုမှုကို (၁၈၁၈)ခု ဧပြီ(၂၉)၊ရက်နေ့မှာ ဘိုးတော်ဗဒုံမင်းက အမိန့်ထုတ်ပြန်ပေးခဲ့ပါတယ်။

!!ဗန့်ကျီတိုက် ပုံစံရေးသားဆက်သွင်းသည့်နယ်သည် ။အရှေ့ကိုသလ္လာဝတီ။ချင်းတွင်းမြစ်။တောင်ကို ယမားချောင်း။အနောက်ကို ပုံတောင်ရိုး။မြောံကိုယမားချောင်နယ်သတ်ရှိသည်မှာ ။ အရှေ့ကိုသတ်သည့်နယ်တွင် ။ ချင်းတွင်းသို့မရောက်။ အမြင့်မြို့ သရက်ကိုင်းရွာ။ဆားခါးရွာ။ခွံသာရွာ။ဆင်ခြေတိုက်။ငါးခုန်ရွာများကွက်မှတ်ရှိသည်ကို။ဗန့်ကျီတိုက်နယ် အသနားတော်မြတ် ခံပါရမည်ကြောင်းနှင့် ။ မက္ခရာမင်းက။ပုံဆက်သွင်း၍။ ရှိခိုးသံတော်ဦးတင်ချက်အတိုင်း။ အလုံမြို့နယ်သည်။ချင်းတွင်းအနောံဘက်။ရေတဘက်ပြတည်၍ရှိသည်။
အလုံမြို့နယ်နှင့်ခိုင်စပ်သည်မှာ။အလုံမြို့က။ပြကိုသာ။ဗန့်ကျီတိုက်က သတ်ဆိုစေ။ အလုံမြို့နယ်ကုန် အစက။တောင်ကိုယမား။ချောင်ရောံသတ်သည်နယ်မှာ။အရှေ့ကိုချင်းတွင်းမြစ်ထိ။ဗန့်ကျီတိုက်ကသတ်ဆိုစေ။ ဗန်င့်္ကျီတိုက်နယ်ရာပါသည်။ သရက်ကိုင်းရွာ။မြစ်ကိုင်ရွာ။ဆားခါးရွာ။ခွံသာရွာ။ငါးခုန်ရွာများကိုလည်း ။ဗန့်ကျီတိုက်နယ်ဖြစ်စေ။အမြင့်မြို့ ဆင်ခြေတိုက်စာရင်းပါသည်များကို။သိန်း၍။
ဗန့်ကျီတိုက်ကျေးရွာ။စာရင်းသွင်းစေ။ဗန့်ကျီတိုက်ပုံတွင် နယ်နိမိတ်ကိုပြတတ်စေ။!!!

ဆိုပြီး နယ်နိမိတ်ကိုတိုးချဲ့ပြင်ဆင် သတ်မှတ်ပေးထားတာကို တွေ့ရပါတယ်။
ပြင်ဆင်သတ်မှတ်ပေးရာမှာလည်း မူလကတောင်းဆိုတဲ့ ကျေးရွာများအပြင် မြစ်ကိုင်းရွာနဲ့ ချင်းတွင်းမြစ်အနောက်ဖက်ရှိနေတဲ့ အလုံနယ်မြေအစိတ်အပိုင်းများကီုလည်း တိုးပေးလာတာတွေ့ရပါတယ်။အရင်က မပါသေးတဲ့ ဆားထုံးရွာနဲ့ဖောင်းကတာညောင်ပင်မြောက်ဖက်ကရွာများဖြစ်တဲ့ ကတို့ကုန်း၊ကျောက်မျက်၊ခံကုန်း(ရွှေကုန်း)၊ဆားထုံး၊ညောင်ပင်ကြီး၊တောကျောင်း၊တုံ၊ထန်းဇင်၊ထန်းတော၊မယ်ဇလီကံ၊ရွာရှည်၊ရွာသစ်၊လက်ပန်တောင်း၊အင်းမ၊
ရွာတို့ထိ တိုးမြှင့်သတ်မှတ်ပေးခံရပါတယ်။
သတိထားတွေးစရာတစ်ခု တွေ့ရပါတယ်။မူလသတ်မှတ်ပေးတဲ့ဖောင်းကတာညောင်ပင်ဆိုတဲ့နယ်သတ်အမှတ်အသားပါ။ဖောင်းကတာရွာအရှေ့ဘက်က ညောင်ပင်ကို ဆိုလိုဟန်ရှိပါတယ်။အဘယ်ညောင်ပင်မှန်းမသိရတော့ပါဘူး။ဖောင်းကတာရွာအနီးမှာ လက်ခုတ်ပင်ရွာဆိုတာရှိပါတယ်။လက်ခုတ်ပင်ရွာအရှေ့ဘက် ဘုန်းတော်ကြီးကျောင်းမှာ နယ်ခြားစေတီတစ်ဆူရှိပါတယ်။ထိုစေတီက နယ်ခြားအမှတ်အသားပြုတည်ခဲ့တဲ့စေတီပါဘဲ။ ဆားထုံးရွာအနောက်ဘက် (၄)ဖာလုံခန့်အကွာမှာလည်း နယ်ခြားစေတီတစ်ဆူနဲ့ နယ်ခြားကျောင်းရှိပါသေးတယ်။ထိုစေတီနှစ်ဆူနဲ့ အဖြောင့်တန်းကြည့်ရင် ဖောင်းကတာညောင်ပင်ကို မှန်းဆနိူင်ပါလိမ့်မယ်။
အနောက်ဖက်နယ်နိမိတ်ကိုလည်း မူလက ဗန့်ကျီတောင်ရိုးထိ သတ်မှတ်ရာကနေ ပုံတောင်ရိုးထိ တို့ချဲ့သတ်မှတ်ပေးခံရတာကို တွေ့ရပါတယ်။ဒါကြောင့် ဗန့်ကျီတိုက်နယ်ကို အရှေ့ဘက်မှာချင်းတွင်းမြစ်ကမ်းအနီးက ကျေးရွာများအထိလို့ဆိုနိူင်ပါပြီ။ချင်းတွင်းမြစ်ထိ မရောက်သေးပါဘူး။တောင်ဘက်မှာ တောင်ယမားထိ။မြောက်ဖက်မှာမြောက်ယမားထိ။အနောက်ဖက်မှာ ပုံတောင်ရိုးထိ ကျယ်ပြန့်လာခဲ့ပါတယ်။

1.98K viewsMr. Myanmar 🍅🌱SEED, 11:42