တန်ဆောင်မုန်းလနှင့် ပွဲတော်များ

တန်ဆောင်မုန်းလသည် မြန်မာတို့၏ ယဉ်ကျေးမှုထုံးတမ်းစဉ်လာများ၊ ရိုးရာအစဉ်အလာ ယုံကြည်သက်ဝင်မှုများဖြင့် ပြည့်နှက်နေသည်။ ဘာသာရေးဆိုင်ရာပွဲတော်နှင့် အခမ်းအနားများမှာ မီးထွန်းပွဲ၊ ကထိန်ပွဲ၊ ကျီးမနိုးပွဲ၊ မသိုးသင်္ကန်းရက်လှူပွဲ၊ ပံ့သကူပစ်ပွဲ၊ ရှင်မာလဲပွဲနှင့် ကြာသင်္ကန်းကပ်လှူပူဇော်ပွဲ စသည်တို့ဖြစ်သည်။ အဆိုပါပွဲတော်များအနက် အထင်ရှားဆုံးမှာ ကထိန်ပွဲဖြစ်သည်။

တန်ဆောင်မုန်းလရာသီ ကထိန်ခင်းကြသည်

“ကထိန်” သည် “ကထိန” ဟူသော ပါဠိကို မြန်မာမှုပြုကာ မြန်မာဝေါဟာရသို့ ပြောင်းလဲထားသော အမည်ဖြစ်ပြီး “မြဲမြံခိုင်ခံ့ခြင်း” ဟု အဓိပ္ပာယ်ရသည်။ ကထိန်ဟူသည် သင်္ကန်းဖြတ်ခြင်း၊ ချုပ်ခြင်း၊ ဆိုးခြင်း၊ လှူခြင်း၊ ခင်းခြင်း စသော ကထိန်အမှုနှင့် စပ်သမျှအရာအားလုံးကိုခြုံငုံ၍ ခေါ်ဝေါ်သုံးစွဲသည့်အမည်ဖြစ်သည်။ ထို့ကြောင့် ကထိန်အာနိသင်ငါးပါးကို ကျောင်းတိုက်အပြင် ထွက်မသွားဘဲ ကျောင်းတိုက်အတွင်းမှာသာ မြဲမြံခိုင်ခံ့နေအောင် ပြုလုပ်နိုင်စွမ်းရှိခြင်းဟု ဆိုလိုကြောင်း လေ့လာသိရှိရသည်။ ဒကာ၊ ဒကာမများက ကထိန်ခင်းရန်သင်္ကန်းကို လှူဒါန်းရုံသာ လှူဒါန်းနိုင်ပြီး သံဃာများကိုယ်တိုင်သာ ကထိန်ခင်းရသည်။ ကထိန်သင်္ကန်းကပ်လှူပွဲသည် သီတင်းကျွတ် လပြည့်ကျော် ၁ ရက်မှ တန်ဆောင်မုန်းလပြည့်နေ့အထိ ၂၉ ရက်တိုင်တိုင်ကာလဖြစ်သည်။

ကထိန်သင်္ကန်းဖြစ်ပေါ်လာပုံ

ကထိန်ဖြစ်ပေါ်လာပုံမှာ ဘဒ္ဒဝဂ္ဂီရဟန်းတော်ကို အကြောင်းပြု၍ မြတ်စွာဘုရားရှင်က ခွင့်တော်ပြုပေးတော်မူခဲ့ခြင်းဖြစ်ပါသည်။ မိုးတွင်းကာလတစ်ခု၌ ဘဒ္ဒဝဂ္ဂီနှင့် ရဟန်းတော်အပါး သုံးကျိပ်တို့သည် ခြောက်ယူဇနာ ၄၈ မိုင်ခန့် ခရီးရှည်ကို ဖြတ်သန်း၍ ဘုရားရှင်အား ဖူးမြော်ရန်လာကြသည်။ လေထဲမိုးထဲ ရွှံ့နွံထဲဖြတ်သန်းလာကြရသဖြင့် သင်္ကန်းများ ရွှဲရွှဲစိုလေးလံလာကြပြီး လွန်စွာပင်ပန်းကြလေသည်။ ထိုခေတ်ထိုကာလတွင် အသစ်လဲလှယ်စရာ သင်္ကန်းအပိုဆောင်ရန် ခွင့်မပြုထားသေးပေ။ ထို့ကြောင့် ဘုရားရှင်က သံဃာတော်များ သင်္ကန်းကြောင့် ဝန်မလေးကြစေရန်နှင့် အလှူရှင်များလည်း စေတနာသဒ္ဓါတရားဖြင့် လှူဒါန်းနိုင်ကြစေရန် အလို့ငှာထိုအချိန်မှစ၍ ကထိန်ခင်းခွင့်ပြုတော်မူခဲ့သဖြင့် “ကထိန်သင်္ကန်း” ဝတ်ရုံတော်ပေါ်ပေါက်လာခြင်းဖြစ်သည်။

ပညတ်ချက်များ

ကထိန်ခင်းရာတွင် ပညတ်များစွာရှိသည်။ ကျောင်းရှိသံဃာများက ဒကာ၊ ဒကာမတို့အား ကထိန်ခင်းပေးရန် ရေလာမြောင်းပေး၊ အရိပ်အမြွက်စကားတစ်လုံးတစ်ပါဒမျှ စတင်ပြောဆိုခွင့်မပြုပါ။ မိုးပေါ်ကရေစက်များ သူ့အလိုလိုကျလာသကဲ့သို့ ဒကာ၊ ဒကာမများ၏ သဒ္ဓါတရားအလျောက်သာ ဖြစ်ပေါ်လာသည့် အလှူသင်္ကန်းဖြစ်ရပါမည်။ ထိုကထိန်သင်္ကန်းကို တစ်ဦးတစ်ယောက်တည်းက လှူဒါန်းနိုင်သလို အများစုပေါင်း “ဘုံကထိန်” အဖြစ်လည်း လှူဒါန်းနိုင်သည်။ သံဃာတော်များ ဆင်မြန်းသည့် သင်္ကန်းသည် အမျိုးအစားသုံးမျိုးရှိသည်။ ၎င်းတို့မှာ “ဒုကုဋ်သင်္ကန်း” ခေါ် နှစ်ထပ်သင်္ကန်း၊ “ဧကသီ” ခေါ် အပေါ်ရုံသင်္ကန်း၊ “သင်းပိုင်” ခေါ် ခါးဝတ်သင်္ကန်းတို့ဖြစ်သည်။ ၎င်းသုံးထည်ကို စုစည်း၍ သင်္ကန်းတစ်စုံဟု သတ်မှတ်သည်။ ၎င်းသင်္ကန်းကို သိမ်ထဲမှာသာကပ်ရသည်။ ကထိန်ခင်းထိုက်သည့် ရဟန်းကို သင်္ကန်းကပ်သည့်အခါ “ဥတ္တိဒုတိယ ကမ္မဝါစာ” ဆိုရသဖြင့် ကထိန်သင်္ကန်းကို “ဉတ်သင်္ကန်း” ဟု ခေါ်ကြခြင်းဖြစ်သည်။

ယနေ့ကာလ ဉတ်သင်္ကန်းကို ဟထိုးအသံနှင့် ညှပ်သင်္ကန်းဟု မှားယွင်းစွာခေါ်ဆိုနေကြသည်။ အသံထွက်အမှန်က “ညတ်” သင်္ကန်း ဖြစ်သည်။

ကထိန်ခင်းထိုက်သောရဟန်း

ကထိန်ခင်းထိုက်သောရဟန်းဆိုသည်မှာ ပုရိမဝါကျွတ်ပြီး ပထမပဝါရဏာနေ့မှာ ပဝါရနာပြုထားသော ရဟန်း၊ ပုရိမဝါ မကျိုးမပျက်သောရဟန်း၊ ရှေးဦးပြုဖွယ် ပုဗ္ဗကရဏတို့ကိုသိခြင်း စသည့်အင်္ဂါရှစ်ပါးနှင့် ပြည့်စုံသည့်ရဟန်း၊ သံဃာကဝိနည်းကံနှင့်အညီ ဉတ်ကမ္မဝါဖတ်ပေးမည့် ကထိန်ခင်းရန်သင်္ကန်းကို အလှူခံရရှိသည့်ရဟန်း စသည့် ကထိန်ခင်းရန်စွမ်းဆောင်နိုင်သော ရဟန်းတို့ကို ဆိုလိုသည်။
ကထိန်သင်္ကန်းအကြောင်း သိမှတ်ဖွယ်

အဓိက ဉတ်သင်္ကန်းနှင့်အတူ ပဒေသာပင်တွင် ချိတ်ဆွဲထားသော သင်္ကန်းများကို “ဉတ်ရန်သင်္ကန်း” သို့မဟုတ် ကထိန်အရန်သင်္ကန်းဟု ခေါ်သည်။ ကထိန်အာနိသင်ရသွားမည့် သင်္ကန်းများဖြစ်သဖြင့်လည်း “ကထိန်အာနိသင်သင်္ကန်း” ဟု ခေါ်နိုင်သည်။ ကထိန်ခင်းကြသည်ဆိုရာဝယ် ကထိန်သင်္ကန်း များစွာလှူခြင်း၊ ဝတ္ထုငွေ များစွာလှူခြင်းနှင့် ပဒေသာပင်များစွာပြုလုပ်ခြင်းတို့ကို မဆိုလိုပါ။ ကထိန်ခင်းသည့်အခါ ဉတ်သင်္ကန်းလှူခြင်းကိုသာ ဆိုလိုပြီး၊ ဉတ်သင်္ကန်းလှူသူကသာ ကထိန်အလှူရှင် ဖြစ်သည်။ ကထိန်ခင်းကြသည့်အခါ ဉတ်သင်္ကန်းကို ကိုယ်တိုင်လှူဒါန်းခွင့် မရသေးသရွေ့ဘယ်သောအခါမျှ ကထိန်အလှူရှင်မဖြစ်နိုင်သေးပေ။ ထို့ကြောင့် စုပေါင်းမဟာဘုံကထိန် ခင်းကြသည့်အခါ ဉတ်သင်္ကန်းကို အများထည့်ဝင်လှူဒါန်းသည့် အလှူငွေဖြင့် ဝယ်ကြရပါမည်။ တစ်ဦးတစ်ယောက်တည်းက တာဝန်ယူပါရစေဟူ၍ လှူလို့မရ၊ လက်မခံရပါ။ ထို့ပြင် တစ်နှစ်လျှင် ကျောင်းတိုက်တစ်တိုက်၌ တစ်ကြိမ်သာ ကထိန်ခင်းခွင့်ရှိသည်။

ကထိန်သင်္ကန်းအလှူရှင်များ သိမှတ်ဖွယ်

အထက်တွင်ဖော်ပြထားသကဲ့သို့ ကထိန်ခင်းမည့်ကျောင်းကို သွားရောက်လှူဒါန်းခြင်းအပြင် မိမိအိမ်မှာပင့်လှူ၍လည်းရပါသည်။ ကျောင်းသို့ သွားရောက်လှူဒါန်းသည့်အခါ သို့မဟုတ် ဆရာတော်၊ သံဃာတော်ကို သင်္ကန်းကပ်သည့်အခါ “ဤသင်္ကန်းကို သံဃာအား လှူဒါန်းပါ၏” ဟု နှုတ်ကရွတ်ဆို၍ လှူဒါန်းရပါမည်။ ထိုသင်္ကန်းသည် လတ်တလော ကပ်လှူလက်ခံသည့် ဆရာတော်၊ သံဃာတော်က မပိုင်ဆိုင်သေးပေ။ ကျောင်းတိုက်ရှိ သံဃာအများနှင့်သာ သက်ဆိုင်သည်။

မိမိတို့နေအိမ်တွင် ပင့်ဖိတ်လှူသည့်အခါမှာလည်း သံဃာတော်ကို သင်္ကန်းကပ်လှူသည့်အချိန်၌ ကထိန်ခင်းမည့် ကျောင်းတိုက်၏ ကျောင်းအမည်ကိုတပ်ပြီး လှူဒါန်းရပါမည်။ သို့မှသာ မိမိရည်စူးသည့် သံဃာက ယင်းကျောင်းတိုက်တွင် ကထိန်ခင်းခွင့်ရမည်ဖြစ်သည်။

ကထိန်သင်္ကန်းအလှူရှင်တွင်ရရှိမည့် ကုသိုလ်တရားငါးပါး

ကထိန်သင်္ကန်း ကပ်လှူခြင်းကြောင့် အလှူရှင်များအနေဖြင့် သွားလေရာအရပ်ရပ်တို့၌ အနှောင့်အယှက်မရှိ၊ ဘေးကင်းစွာသွားလာရခြင်း၊ မိမိပိုင်စည်းစိမ်ဥစ္စာများကို ရန်သူမျိုးငါးပါးတို့ မဖျက်ဆီးနိုင်ခြင်း၊ စားကောင်းသောက်ဖွယ်အထူးပေါများ၍ အစားအတွက် ဘေးမဖြစ်နိုင်၊ အဆိပ်မသင့်နိုင်ခြင်း၊ မိမိပိုင်ပစ္စည်းများကို ကာလကြာမြင့်စွာ မေ့လျော့နေသော်လည်း မဆုံးပါးနိုင်ခြင်း၊ ပစ္စည်းများ ရှာဖွေရာတွင် သူတကာတို့ထက်ထူး၍ အစုလိုက်အပုံလိုက်ရခြင်း၊ ရုပ်ရည်အဆင်းချောမောလှပခြင်းဟူသော အကျိုးတရားများကို ရရှိခံစားနိုင်မည်ဖြစ်ကြောင်း ကျမ်းဂန်များက ဆိုထားသည်။

မသိုးသင်္ကန်း

“မသိုးသင်္ကန်း” ရက်လှူပူဇော်ပွဲမှာလည်း ထင်ရှားသည့်အလှူဒါနတစ်ခု ဖြစ်ပါသည်။ မသိုးသင်္ကန်းဟူသည် နေ့မကူး၊ ရက်မကူးစေဘဲ တစ်ရက်အတွင်း အပြီးရက်လုပ်လှူဒါန်းရသော သင်္ကန်းဖြစ်သဖြင့် မသိုးသင်္ကန်းဟု ခေါ်ဆိုခြင်းဖြစ်သည်။ မသိုးသင်္ကန်းကို ကထိန်ကာလ၏ နောက်ဆုံးနေ့ဖြစ်သော တန်ဆောင်မုန်းလပြည့်နေ့မတိုင်မီ လဆန်း ၁၄ ရက် ညနေပိုင်းတွင် စတင်ရက်လုပ်ကြပြီး လပြည့်နေ့အရုဏ်မတက်မီ အပြီးချုပ်လုပ်ကာ ကပ်လှူကြသည်။

ဗုဒ္ဓဘာသာဝင်သူတော်စင်အပေါင်းတို့ရှင့်။ တစ်နှစ်လျှင်တစ်ကြိမ်၊ ထိုတစ်ကြိမ်တွင်လည်း တန်ဆောင်မုန်းလရာသီ ကထိန်ခင်းကြသည့်အခါ အလှူဒါနမြောက်စေရန်အတွက် ဝိနည်းတော်နှင့်အညီ လှူဒါန်းနိုင်ကြပါစေကြောင်း စာရေးသူမှ ဤဆောင်းပါးဖြင့် ဓမ္မကုသိုလ်ပြုလိုက်ရပါသည်။

၂၀၂၄ ခုနှစ်၊ (၁ဝ၄) နှစ်မြောက် အမျိုးသားအောင်ပွဲနေ့ ဆောင်ပုဒ် “ပြည်ထောင်စုကြီး ငြိမ်းချမ်းဖို့၊ တစ်မျိုးသားလုံးညီညွတ်စို့”

အမျိုးသားနေ့သည် မြန်မာ့လွတ်လပ်ရေးသမိုင်းတွင် အရေးပါသည့်နေ့ရက်တစ်ရက်ဖြစ်ပါသည်။ ကိုလိုနီနယ်ချဲ့တို့ လက်အောက်ကျရောက်စဉ် နယ်ချဲ့ဆန့်ကျင်ရေး အမျိုးသားလွတ်မြောက်ရေး လှုပ်ရှားမှုများစွာအနက်မှ နယ်ချဲ့အစိုးရ၏ ရန်ကုန်တက္ကသိုလ်အက်ဥပဒေကို တက္ကသိုလ် ကျောင်းသားများက ဆန့်ကျင်သပိတ်မှောက်ရာမှ အမျိုးသားရေးနိုးကြားတက်ကြွမှု ဖြစ်လာစေသည့်နေ့ရက်ကို အမျိုးသားနေ့အဖြစ် သတ်မှတ်ခဲ့ခြင်းဖြစ်ပါသည်။ ၁၉၂၂ ခုနှစ်က စတင်သတ်မှတ်ခဲ့သော အမျိုးသားနေ့သည် မြန်မာနိုင်ငံအတွက် နှစ်ပေါင်း ၁၀၀ တိုင်သည့် ယနေ့ထက်တိုင် အရေးပါနေဆဲဖြစ်ပါသည်။

သမိုင်းကြောင်း

အမျိုးသားနေ့ဖြစ်ပေါ်လာရသည့် သမိုင်းကြောင်းသည် မြန်မာနိုင်ငံသားတိုင်းလိုလို သိပြီးဖြစ်ကြပါသည်။ အမျိုးသားနေ့အကြောင်းကို ကျောင်းသားဘဝကပင် သင်ကြားခဲ့ကြရသည်။ အမျိုးသားနေ့ဟုဆိုလျှင် နယ်ချဲ့ဆန့်ကျင်ရေး၊ အမျိုးသားပညာရေး၊ တက္ကသိုလ်ပညာရေး၊ လွတ်လပ်ရေး ကြိုးပမ်းမှုသမိုင်း စသည့်ဖြစ်စဉ်တို့နှင့် တွဲလျက် သိရှိခဲ့ရသည်။

ဝံသာနုလှုပ်ရှားမှုများကို ဦးဆောင်ခဲ့သည့် ဂျီစီဘီအေအသင်းကြီးက ဝံသာနုလှုပ်ရှားမှုအနေဖြင့် အမျိုးသားနေ့သတ်မှတ်ရန် စတင်ကြိုးပမ်းခဲ့ရာမှ အမျိုးသားနေ့ ပေါ်ပေါက်လာခဲ့ပါသည်။ အမျိုးသားနေ့ကျင်းပရခြင်း ရည်ရွယ်ချက်မှာ အမျိုးသားရေးစိတ်ဓာတ်များ တိုးမြင့်လာစေရန်ဖြစ်ပါသည်။ ထိုစဉ်ကာလက မြန်မာတစ်မျိုးသားလုံး နယ်ချဲ့လက်အောက်ကျရောက်နေစဉ်ဖြစ်ပြီး နယ်ချဲ့ဆန့်ကျင်ရေးနှင့် လွတ်လပ်ရေးရရှိရန်အတွက် တစ်မျိုးသားလုံး၏ အမျိုးသားရေး စိတ်ဓာတ်များ လိုအပ်နေသည့် အချိန်ဖြစ်ပါသည်။

ထိုသို့သော အချိန်တွင် ရန်ကုန်တက္ကသိုလ်ကျောင်းသားများက အင်္ဂလိပ်တို့အား ရန်ကုန်တက္ကသိုလ်အက်ဥပဒေကို အကြောင်းပြု၍ သပိတ်မှောက်ဆန့်ကျင်ခဲ့ကြပါသည်။ ယင်းသို့ သပိတ်မှောက်တော်လှန်ခဲ့သည့် တန်ဆောင်မုန်းလပြည့်ကျော် ၁၀ ရက်ကို တစ်မျိုးသားလုံး၏ အမျိုးသားရေးစိတ်ဓာတ်မြှင့်တင်ပေးရန် ရည်ရွယ်ချက်ဖြင့် အမျိုးသားနေ့အဖြစ် သတ်မှတ်ရန် ၁၉၂၂ ခုနှစ် ဇွန်လတွင် ရန်ကုန်မြို့ ဂျူဗလီဟော၌ ကျင်းပသော ဂျီစီဘီအေ အထူးကွန်ဖရင့်က ဆုံးဖြတ်ခဲ့ကြပါသည်။

အမျိုးသားနေ့သတ်မှတ်ခဲ့သည့် ၁၉၂၂ ခုနှစ်မှစ၍ အမျိုးသားနေ့များကို နှစ်စဉ် ကျင်းပခဲ့ကြပါသည်။ ၁၉၃၄ ခုနှစ်မှစ၍ အမျိုးသားနေ့ကို ကျောင်းပိတ်ရက်အဖြစ် လည်းကောင်း၊ ၁၉၃၈ ခုနှစ်မှစ၍ ရုံးပိတ်ရက် အဖြစ်လည်းကောင်း ပြဋ္ဌာန်းခဲ့ပါသည်။ အမျိုးသားနေ့အား ကျင်းပရာတွင် မျိုးချစ်စိတ် ထက်သန်ရေးနှင့် နယ်ချဲ့အစိုးရ ဆန့်ကျင်ရေးလုပ်ငန်းများအတွက် စည်းရုံးလှုံ့ဆော်အဓိဋ္ဌာန်ပြုခြင်းဖြင့် အမျိုးသားရေး စိတ်ဓာတ်များ တက်ကြွလာစေပြီး နယ်ချဲ့အစိုးရဆန့်ကျင်ရေး လုပ်ငန်းများ အရှိန်မြင့်လာစေခဲ့ပါသည်။ ထိုအမျိုးသားရေးစိတ်ဓာတ်ကပင် အမျိုးသားလွတ်မြောက်ရေးလှုပ်ရှားမှုကို လွတ်လပ်ရေးရသည်အထိ ဦးဆောင်သွားနိုင်ခဲ့ပါသည်။

ထိုစဉ်က နယ်ချဲ့အစိုးရကို ဆန့်ကျင်သပိတ်မှောက်ခဲ့ကြသည့် တက္ကသိုလ်ကျောင်းသားသပိတ်ကို လူထုတစ်ရပ်လုံးက ထောက်ခံအားပေးခဲ့ကြသည်။ ၁၉၂၀ ပြည့်နှစ် ကျောင်းသားသပိတ်၏ ကြီးမား သောရလဒ်တစ်ခုမှာ မြန်မာနိုင်ငံတစ်ဝန်း အမျိုးသားကျောင်းများ ပေါ်ပေါက်ခဲ့ခြင်းဖြစ်သည်။ ၁၉၂၁ ခုနှစ် ဩဂုတ်လတွင် ရန်ကုန်မြို့ ဗဟန်းရပ်၊ ရွှေကျင်ကျောင်းတိုက်ကြီးတွင် ဗဟန်းကောလိပ်ဟု အမည် တွင်သော အမျိုးသားကောလိပ်ကို ဖွင့်လှစ်နိုင်ခဲ့ကြပါသည်။

ထို့အပြင် အမျိုးသားပညာရေးကောင်စီလည်း ပေါ်ပေါက်လာကာ မြန်မာနိုင်ငံ တစ်နံတစ်လျား၌ အမျိုးသားကျောင်းများ အများအပြား ပေါ်ထွက်လာစေခဲ့သည်။ ထိုအမျိုးသားကျောင်းများမှပင် ဗိုလ်ချုပ်အောင်ဆန်းကဲ့သို့သော မျိုးချစ်လူငယ်များ ပေါ်ထွန်းခဲ့သည်။ ၁၉၂ဝ ပြည့်နှစ်သပိတ်ကြောင့် ပညာရေးအမြတ်များ ထွက်ပေါ်လာခဲ့ရုံမက ပြည်သူလူထုအတွင်း၌ နယ်ချဲ့ဆန့်ကျင်ရေး အမျိုးသားစိတ်ဓာတ်များ အပြင်းအထန် ပေါ်ပေါက်လာစေခဲ့ပါသည်။ ယင်းသို့ အမျိုးသားရေးစိတ်ဓာတ်များ ပိုမိုမြင့်မားလာခဲ့သဖြင့် ယင်းစိတ်ဓာတ်ဖြင့်ပင် လွတ်လပ်ရေးကို မဆုတ်မနစ်ရယူနိုင်ခဲ့ခြင်း ဖြစ်ပေသည်။

အမျိုးသားရေးစိတ်ဓာတ်

အမျိုးသားရေးဟုဆိုလျှင် ဝိဝါဒကွဲပြားမှုများရှိနေပါသည်။ အမျိုးသားရေးကို ရှုထောင့်မျိုးစုံမှကြည့်၍ ဖွင့်ဆိုကြသည်များ ရှိကြပါသည်။ အမျိုးသားရေးစိတ်ဓာတ်ကို မျိုးချစ်စိတ်ဓာတ်ဟု ခေါ်မည်ဆိုက ခေါ်ဆိုနိုင်ပါသည်။ အမျိုးသားရေးသည် မိမိနိုင်ငံ၊ မိမိလူမျိုးအပေါ် ချစ်ခင်ခြင်း၊ အလေးထားခြင်းလည်းဖြစ်ပါသည်။ ထိုသို့ မိမိနိုင်ငံ၊ မိမိလူမျိုးကို ချစ်ခြင်း၊ အလေးထားခြင်းသည် အခြားနိုင်ငံ၊ အခြား လူမျိုးများကို ပစ်ပယ်ခြင်း၊ မလိုလားခြင်း၊ လွှမ်းမိုးခြင်းကို ဆိုလိုခြင်းမဟုတ်ချေ။ အမျိုးသားရေးဝါဒအား ရှေးရိုးစွဲအမျိုးသားရေးဝါဒနှင့် လစ်ဘရယ်အမျိုးသားရေးဝါဒဟု ပိုင်းခြားထားကြသည်ကို တွေ့ရပါသည်။

ပြင်းထန်သောအမျိုးသားရေးစိတ်ဓာတ်နှင့် ဝါဒများသည် ငါ့နိုင်ငံ၊ ငါ့လူမျိုး၊ ငါ့ဘာသာသာသနာ၊ ငါ့ယဉ်ကျေးမှု၊ ငါတို့ရဲ့ အမှတ်သရုပ်လက္ခဏာ စသည်ဖြင့် တစ်ဖက်စွန်းအယူအဆများနှင့် လုပ်ဆောင်မှုများကို ဖြစ်ပေါ်စေပြီး နိုင်ငံများအကြား၊ လူမျိုးများအကြား ပဋိပက္ခ များရှိခဲ့ကြသည်ကို တွေ့ရပါသည်။ မည်သည့်နိုင်ငံရေး အယူအဆမဆို ပြင်းထန်လွန်းခြင်းသည် အစွန်းတစ်ဖက်သို့ရောက်ရှိစေပြီး မလိုလားအပ်သည့်အကျိုးဆက်များ ဖြစ်စေတတ်ပါသည်။

ယနေ့ အမေရိကန်နိုင်ငံကဲ့သို့ ဒီမိုကရေစီနိုင်ငံက Make American Great Again ဟု ကြွေးကြော်နေသည်မှာ အမျိုးသားရေးပင် ဖြစ်ပါသည်။ သို့သော် ထိုသို့အမျိုးသားရေး ပြင်းထန်လွန်းလာပါက အခြားနိုင်ငံများထံမှ တူညီသောတုံ့ပြန်မှုများ ဖြစ်ပေါ်လာစေနိုင်ပြီး အကျိုး စီးပွား ထိပ်တိုက်ရင်ဆိုင်မှုများ ဖြစ်ပေါ်စေနိုင်ပါသည်။

အခြားတစ်ဖက်တွင် အမျိုးသားရေးစိတ်ဓာတ် လျော့နည်းသည့် အစွန်းရောက်လစ်ဘရယ်များကြောင့် နိုင်ငံ၏အချုပ်အခြာအာဏာ၊ နိုင်ငံ၏နယ်မြေ၊ မိမိနိုင်ငံ၏ တိုင်းရင်းသားလူမျိုးများ၊ ယဉ်ကျေးမှု၊ ဘာသာတရားတို့အပြင် နိုင်ငံ၏အမျိုးသား အကျိုးစီးပွားများကို တဖြည်းဖြည်း ဝါးမျိုခံကြရမည်ဖြစ်ပါသည်။ အထူးသဖြင့် ဂလိုဘယ် လိုက်ဇေးရှင်းခေတ်တွင် နယ်စပ်ဖြတ်ကျော်ဆက်နွှယ်မှုများ ပိုမိုများပြားနေသဖြင့် နိုင်ငံများအနေဖြင့် အမျိုးသားရေးစိတ်ဓာတ်အား ပြန်လည်နိုးထလာစေလျက်ရှိပါသည်။ နိုင်ငံတည်ဆောက်ရေးနှင့် နိုင်ငံတကာဆက်ဆံရေးတို့တွင် အမျိုးသားအကျိုးစီးပွားကို ဖော်ဆောင်ရာ၌ မျှတသောအမျိုးသားရေးဖြင့်သာ သူနိုင်ကိုယ်နိုင် အခြေအနေကို ရရှိစေနိုင်ပါသည်။

ဂလိုဘယ်လိုက်ဇေးရှင်းနှင့် အမျိုးသားရေး

ကမ္ဘာကြီးတွင် တစ်ဖက်က အမျိုးသားရေးနှင့် အခြားတစ်ဖက်တွင် ကမ္ဘာလုံးဆိုင်ရာ ပေါင်းစည်းမှုများ အပြိုင်ဖြစ်ပေါ်နေချိန်တွင် ယင်းနှစ်ခု ယှဉ်တွဲတည်ရှိနေခြင်းအား ပြဿနာတစ်ရပ်အသွင်ရှုမြင် ကြသည်လည်း ရှိကြပါသည်။ ဂလိုဘယ်လိုက်ဇေးရှင်းကြောင့် စီးပွားရေး၊ လူမျိုးရေးနှင့် ယဉ်ကျေးမှုတို့အပြင် ကဏ္ဍအသီးသီး ဆက်နွှယ် ပေါင်းစည်းမှုများကြောင့် လွှမ်းမိုးခံရမှုများ၊ မညီမျှမှုများရှိနေချိန်တွင် အမျိုးသားရေးဖြင့် မိမိနိုင်ငံ၏ အချုပ်အခြာအာဏာနှင့် အမျိုးသား အကျိုးစီးပွား ကာကွယ်ရေး၊ ယဉ်ကျေးမှု၊ ဘာသာရေး၊ လူမျိုးရေး လွှမ်းမိုးမခံရစေရေးနှင့် ထိန်းသိမ်းကာကွယ်ရေးအတွက် အမျိုးသား ရေးကို အလေးထားလာနေကြပါသည်။ နိုင်ငံတိုင်းက မည်သို့ပင် လစ်ဘရယ်အမျိုးသားရေးဟု ဆိုစေကာမူ လက်တွေ့တွင်မူ ကိုယ့်နိုင်ငံ၏ အကျိုးစီးပွားကိုသာ ဦးထိပ်ထားကြလေ့ရှိကြသည်ကို တွေ့ရပါသည်။

ထိုသို့အမျိုးသားရေးကို ဦးထိပ်ထားရာတွင် ပုံစံအမျိုးမျိုးဖြင့် ကျင့်သုံးကြသည်ဖြစ်ရာ ယင်းကျင့်သုံးမှုအပေါ်မူတည်၍ ဖြစ်လာသည့် အကျိုးရလဒ်များလည်း ကွာခြားနိုင်ပါသည်။ သေချာသည်မှာ အမျိုးသားရေးစိတ်ဓာတ်နှင့် အမျိုးသားရေး ခံယူချက်မရှိဘဲနှင့် မိမိတို့ နိုင်ငံ၏ အကျိုးစီးပွားကိုကာကွယ်ရန်နှင့် မြှင့်တင်ရန် အခက်အခဲများ ရှိနေနိုင်ပါသည်။

မြန်မာနိုင်ငံအား ကိုလိုနီနယ်ချဲ့များ အုပ်ချုပ်ခဲ့စဉ်ကလွတ်လပ်ရေး ကြိုးပမ်းမှုအတွက် အမျိုးသားရေးစိတ်ဓာတ်များ မြှင့်တင်ရန် ကြိုးပမ်းခဲ့ကြပါသည်။ အလားတူပင် ဂလိုဘယ်လိုက်ဇေးရှင်းခေတ်တွင် ခေတ်သစ်ကိုလိုနီစနစ်ကို ကာကွယ်ရန်အတွက် အမျိုးသားရေး စိတ်ဓာတ်နှင့် ခံယူချက်များ လိုအပ်မည်ဖြစ်သည်။ ထိုသို့လိုအပ်ခြင်း သည် ရှေးရိုးစွဲအမျိုးသားရေးနှင့် လစ်ဘရယ်အမျိုးသားရေးကဲ့သို့ အစွန်းရောက် အမျိုးသားရေးကို ဆိုလိုခြင်းမဟုတ်ချေ။ သင့်တင့်မျှတသော အမျိုးသားရေးကို ဆိုလိုခြင်း ဖြစ်ပါသည်။ ဂလိုဘယ်လိုက်ဇေးရှင်းခေတ်တွင် လူမျိုးစုံဝါဒ၊ ယဉ်ကျေးမှုစုံဝါဒတို့ဆိုသည်မှာ အတိုင်းအတာတစ်ခုအရသာ ဖြစ်နိုင်ပါသည်။

အကန့်အသတ်မဲ့ လူမျိုးစုံ၊ ယဉ်ကျေးမှုစုံဆိုပါက အင်အားကြီးသူက အင်အားငယ်သူများကို ဝါးမျိုသွားမည်သာဖြစ်သည်။ လူ့အခွင့်အရေးကို အလေးထားပါသည်ဆိုသည့် နိုင်ငံကြီးများပင် ၎င်းတို့၏ အကျိုးစီးပွားကို ထိခိုက်လာပါက ရွှေ့ပြောင်းအခြေချမှုများကို ကန့်သတ်နေကြသည်ကို တွေ့ရမည်ဖြစ်သည်။

အမှတ်သရုပ်လက္ခဏာနိုင်ငံရေး

မြန်မာနိုင်ငံတွင် ကိုလိုနီနယ်ချဲ့များကို တိုက်ထုတ်ခဲ့စဉ်က တိုင်းရင်းသားအားလုံး စည်းလုံးညီညွတ်စွာ လက်တွဲခဲ့ကြသည်မှာ အမျိုးသားရေးစိတ်ဓာတ် အခြေခံဖြစ်ပါသည်။ တိုင်းရင်းသားအားလုံး စုပေါင်းနေထိုင်ကြသည့် မိမိနိုင်ငံအတွက် စုပေါင်းကာကွယ်ခြင်းဖြစ်ရာ ပြည်ထောင်စုစိတ်ဓာတ်ဟုလည်း ဆိုနိုင်ပါသည်။

ပြည်ထောင်စုအကျိုးကိုဖော်ဆောင်ခြင်းသည် စုပေါင်းနေထိုင်ကြသည့် တိုင်းရင်းသားအားလုံး၏အကျိုးလည်း ဖြစ်ပါသည်။ သို့ဖြစ်ရာ ပြည်ထောင်စုစိတ်ဓာတ် ဖြစ်တည်လာရန်အတွက် အမျိုးသားရေးမှာ အခြေခံလိုအပ်ချက်ဟုလည်း ဆိုရပါမည်။ ထိုစိတ်ဓာတ်ဖြင့်သာ နိုင်ငံ၏အချုပ်အခြာအာဏာနှင့် အကျိုးစီးပွားကို ကာကွယ်စောင့်ရှောက် နိုင်ပါလိမ့်မည်။

လွန်ခဲ့သည့်ဆယ်စုနှစ် နှစ်ခုနီးပါးက လစ်ဘရယ်ဒီမိုကရေစီ၏အောင်ပွဲဟု ကြွေးကြော်ခဲ့သည့် နိုင်ငံရေးသိပ္ပံပညာရှင် ဖရန့်စစ်ဖူကူးယားမားက The Economic နှင့် တွေ့ဆုံမေးမြန်းမှုတွင် လွန်ခဲ့ သော ဆယ်စုနှစ်များအတွင်း ဥရောပနှင့် မြောက်အမေရိကတွင် နိုင်ငံရေး၏ အဓိကဝင်ရိုး အပြောင်းအလဲဖြစ်ခဲ့ကြောင်း၊ ကမ္ဘာတွင် စီးပွားရေးမညီမျှမှုများနှင့် ရွှေ့ပြောင်းအခြေချမှုများကြောင့် မိမိတို့နိုင်ငံ၏ အမျိုးသားရေးလက္ခဏာများကို ခြိမ်းခြောက်မှုများရှိလာကြောင်း ပြောကြားခဲ့ပါသည်။

ပြောင်းလဲလာသည့် ကမ္ဘာ့နိုင်ငံရေးစင်မြင့်တွင် ပြည်သူလူထုသည် ကျယ်ပြန့်သောမူဝါဒများထက် သူတို့၏ လူမျိုးရေး၊ မျိုးနွယ်၊ ကျား/မ သို့မဟုတ် ဘာသာရေးအပေါ် အခြေခံသည့် နိုင်ငံရေးအထိုင်များကို ချမှတ်လာသည့်အခါ အမှတ်သရုပ်လက္ခဏာနိုင်ငံရေးကို ထုတ်ဖော်လာကြပါသည်။ သို့ဖြစ်ရာ ကမ္ဘာ့နိုင်ငံအချို့တွင် အမျိုးသားရေး ဦးဆောင်သူများ နေရာရလာကြပြီး အချို့နိုင်ငံများတွင် အမျိုးသား ရေးကို ဦးတည်သည့်လုပ်ဆောင်မှုများ ရှိလာခဲ့ပါသည်။ ယင်းသို့ ပြောင်းလဲလာခြင်းမှာ ဒီမိုကရေစီစနစ်၏ ချို့ယွင်းအားနည်းချက်ဟု ဆို၍မရဘဲ အထက်မှာဆိုခဲ့သကဲ့သို့ ကမ္ဘာတစ်ဝန်း ဖြစ်ပေါ်နေသည့် နိုင်ငံရေး၊ စီးပွားရေး၊ လူမှုရေး မညီမျှမှုများ၊ လွှမ်းမိုးလာမှုများကြောင့် နိုင်ငံများက အမျိုးသားရေးကိုကာကွယ်ရန် ဦးစားပေးလုပ်ဆောင်လာကြခြင်း ဖြစ်ပါသည်။

ထိန်းသိမ်းရမည့်အမျိုးသားနေ့နှင့် အမျိုးသားရေး

၁၉၂၂ ခုနှစ်က သတ်မှတ်ခဲ့သော အမျိုးသားရေးနေ့သည် ယနေ့ဆိုလျှင် နှစ်ပေါင်း ၁၀၀ ရှိပြီ ဖြစ်ပါသည်။ အမျိုးသားနေ့စတင်အခြေ တည်ခဲ့သည့်အချိန်က မိမိတို့နိုင်ငံကို ကိုလိုနီနယ်ချဲ့တို့က သိမ်းပိုက်အုပ်ချုပ်နေသည့်အချိန်ဖြစ်ပါသည်။ ထိုစဉ်က လွတ်လပ်ရေးကြိုးပမ်းမှုတွင် ပြည်သူလူထုတစ်ရပ်လုံး နိုးကြားတက်ကြွစွာ ပူးပေါင်းလာ စေသည့် အမျိုးသားရေးစိတ်ဓာတ်ကို မြှင့်တင်ခဲ့ကြပါသည်။ ယင်းအမျိုးသားရေးစိတ်ဓာတ်သည်

အချို့သောသူများ ဖွင့်ဆိုခဲ့ကြသကဲ့သို့ လူမျိုးကြီးဝါဒမဟုတ်။ အစွန်းရောက်အမျိုးသားရေး မဟုတ်။ တိုင်းရင်းသားတစ်မျိုး၊ ယဉ်ကျေးမှုတစ်ခု၊ ဘာသာတစ်ခုအတွက် မဟုတ်။ ပြည်ထောင်စုသားတိုင်းရင်းသားများ စုစည်းနေထိုင်ကြသည့် မြန်မာနိုင်ငံ၏ အမျိုးသားအကျိုးစီးပွား၊ နိုင်ငံသားတိုင်း၏ အကျိုးစီးပွား ကာကွယ်စောင့်ရှောက်ရေးနှင့် ထိန်းသိမ်းရေးအတွက်သာ ဖြစ်သည်။ မျှတသောအမျိုးသားရေးဖြစ်ပါသည်။

ထိုသို့ မြန်မာနိုင်ငံ၏ အမျိုးသားရေးစိတ်ဓာတ်ကို မြှင့်တင်ပေးသည့် အမျိုးသားနေ့သည် ဂုဏ်ယူဖွယ်အမှတ်တရနေ့ တစ်နေ့ဆိုသည်ထက် ယနေ့ထက်တိုင် အရေးပါနေဆဲ၊ လိုအပ်နေဆဲ နေ့တစ်နေ့ ဖြစ်ပါသည်။

ကမ္ဘာ့အင်အားကြီးနိုင်ငံများ၏ ကိုယ်ကျိုးစီးပွားကာကွယ်ရေးနှင့် မြှင့်တင်မှုများကြောင့် အင်အားနည်းသည့်နိုင်ငံများမှာ ခေတ်၏သားကောင်ဖြစ်နေသည့် အခြေအနေနှင့် အချိန်ကာလတွင် မိမိနိုင်ငံ၏ အချုပ်အခြာအာဏာ ကာကွယ်စောင့်ရှောက်ရေး၊ အမျိုးသားအကျိုး စီးပွားထိန်းသိမ်းကာကွယ်ရေးအတွက် အမျိုးသားရေး စိတ်ဓာတ်များ မြှင့်တင်ပေးကြရမည်ဖြစ်ပါသည်။ တစ်ချိန်က မိမိတို့ဘိုးဘွားများက အမျိုးသားရေးစိတ်ဓာတ်ဖြင့် နိုင်ငံ့လွတ်လပ်ရေးအား ရယူပေးနိုင်သကဲ့သို့ ယနေ့ အချိန်အခါတွင်လည်း ပြည်ထောင်စုမြန်မာနိုင်ငံ တည်ဆောက်ရေးအတွက် အမျိုးသားရေးစိတ်ဓာတ်များ မြှင့်တင်ပေးရန် လိုအပ်နေဦးမည် ဖြစ်ပါသည်။ ။

မဂၤလာပါ ဆရာကြီးဆရာမကြီးတို့ရေ

SPI ကိုအကောင်ထည်ဖော်သည့်အနေနဲ့ ဇယားကွက်ထွင်ပါရှိသော နံပါတ် ၁ မှ နံပါတ် ၇ အထိ အချက်အလက်အကြောင်းအရာများထဲမှ မိမိတို့ကျောင်းတွင်ပြုလုပ်ထားပြီးသောအကြောင်းအရာကို ပြုလုပ်ပြီးပါကြောင်းအစီရင်ခံစာတင်ပေးရမည့်လုပ်ငန်းရှိလာပါမည်။ လှုပ်ရှားဆောင်ရွက်နေမူ.ဓာတ်ပုံမှတ်တမ်းတွေတော့ရိုက်ထားပေးပါ....သက်ဆိုင်ရာမြို့နယ်ပညာရေးမှူးရုံးကိုပေးပို့ဖို့ရှိလာမှာပါခင်ဗျာ။

မူလတန်းကျောင်းအုပ်ကြီးများစီမံခန့်ခွဲမူသင်တန်း အမှတ်စဥ်၁/၂၀၂၃

G11 နှင့် G12 များ၏ အခြေခံပညာသင်ရိုးညွှန်းတမ်းများတွင် ဥပဒေဘာသာရပ်ထည့်သွင်းသင်ကြားနိုင်ရေး ရှိလာပါမည်။ ယခုစာသင်နှစ်
တွင်အနည်းငယ်သာသင်ကြားနိုင်သော်လည်း လာမည့်စာသင်နှစ် အစပိုင်းမှစ၍ ဖေည်ပြပါရှိသောအတန်းများတွင် ဥပဒေဘာသာရပ်ကိုထည့်သွင်းသင်ကြားရပါမည်။

ထိုသို့သင်ကြားနိုင်ရေးအတွက် ဉပဒေသင်ရိုးညွှန်းတမ်းစာအုပ် ထုတ်ပေးနိုင်ဖို့ဆောင်ရွက်နေပါသည်။

ဒါ့အပြင် အထက်တန်းဆင့်သင်ဆရာဆရာမများကိုယ်တိုင်လည်း ဥပဒေဘာသာရပ်ဆရာဖြစ်သင်တန်း(TOT) ကိုဖွင့်လှစ်ပို့ချပေးမည်ဖြစ်ပါသည်။

မူလတန်းကျောင်းအုပ်ကြီးများစီမံခန့်ခွဲမူသင်တန်း အမှတ်စဥ်၁/၂၀၂၃

1. Peg out -ပန္နက်
2. Stake /peg -တိုင်ငုတ်ချွန်၊ပန္နက်တိုင်
3. Pole/Column -တိုင်
4. Concrete Pole-ကွန်ကရစ်တိုင်
5. Pillar -ဖောင်းအလှတိုင်
6. Wall -နံရံ
7. Beam -ထုတ်/ယက်မ
8. Floor -ကြမ်းခင်း /ကြမ်းပြင်
9. Balcony Floor -လသာဆောင်ကြမ်းခင်း
10. Toilet Floor - အိမ်သာကြမ်းခင်း
11. Polished Concrete -ချောမွတ်ပြောင်လက်နေသော ကွန်ကရစ်နံရံကြမ်းပြင်
12. Brick - အုတ်
13. Lime -ထုံး
14. Sand lime brick -သဲအုတ်
15. Paving brick -လမ်းခင်းအုတ်
16. Ventilation brick -ပန်းအုတ်
17. Concrete brick -ဘိလပ်မြေအုတ်(ဘောက်အုတ်)
18. Joint -နှာ(အုတ်စီ)
19. Raking back -နောက်ဆုတ်အုတ်စီနည်း
20. Stretcher -အုတ်လျား
21. Plinth level -အုတ်ခုံမျက်နှာ
22. Cement -ဘိလပ်မြေ
23. Water -ရေ
24. Sand -သဲ
25. Sand Coarse-သဲကြမ်း
26 . Sand fine -သဲနု
27. Gravel -ကျောက်စရစ်
28. Stone chipping -ကျောက်ဆန်ကွဲ
29. Marble -စကျင်ကျောက်
30. Shingle -ကျောက်စရစ်
31. Steel bar -၃မူးနှင့်အထက်ကြီးသောသံချောင်းများ
32. Steel Round Bar -ပြောင်ချောသံချောင်း
33. Steel plate -သံပြား
34. Steel flat bar -သံပြားအရှည်
35. Steel wire rod -သွတ်ကြိုး
36. Angle steel bar -ကျင်တွယ်သံချောင်း
37. Welded panels -သံဇကာ
38. Welded net -သံဇကာအသေး
39. Iron nail -သံမှို
40. Concrete nail -စတီးသံမှို
41. Bamboo -ဝါး
42. Timber -သစ်
43. Plastic rope-ပလတ်စတစ်ကြိုး
44. Nylon rope -နိုင်လွန်ကြိုး
45. Hardwood Squares -ပျဥ်(သစ်မာ)
46. Plywood -သစ်သားပြား
47. Lumber -သစ်ပွ
48. Earth -မြေကြီး
49. Dig earth -မြေကြီးတူး
50. Earth leveling construction-မြေကြီးညှိ
51. Cement earth -ဘိလပ်မြေညှိ(မျဥ်းတိုက်)
52. Construction site clearing -နေရာဌာနရှင်းလင်း
53. Hall -ဟောခန်း
54. Bedroom -အိပ်ခန်း
55. Living room -ဧည့်ခန်း
56. Shrine /Buddha room -ဘုရားခန်း
57. Dinning room -ထမင်းစားခန်း
58. Kitchen -မီးဖိူချောင်
59. Pantry -စားနပ်ရိပ်ခါထားရာအခန်း
60. Bathroom -ရေချိုးခန်း
61. Lounge room/sitting room-အပန်းဖြေခန်း
62. Basement -မြေအောက်ခန်း
63. Garage -ကား ထားရန်
64. Study -စာကြည့်ခန်း
65. Balcony -လသာဆောင်
66. Verandah -ဝရန်တာ
67. Path -လျှောက်လမ်း
68.Roof -အမိုး
69. Ceiling -မျက်နှာကျက်
70. Sheds -အဖီများ
71. Gate -ဝိုင်းဝင်တံခါး
72. Fence - ခြံစည်းရိုး
73. Letter box-အိမ်ဝန်းရှေ့စာတိုက်ပုံး
74. Door bell -အိမ်ဝန်းရှေ့ အချက်ပေးဘဲ
75. Ditch - ရေမြောင်း
76. Water tank -ရေလှောင်ကန်
77. Wattle -ဝါးကပ်
78. Metal -သတ်တု
79. Brass -ကြေးဝါ
80.Aggreate -ရောစာ
81. Marble tile -စကျင်ကျောက်ပြား
82. Marble chipping-စကျင်ကျောက်ဆန်ကွဲ
83. Abutment wall -မြေကာနံရံ
84. Chimney -မီးဖိုခေါင်းတိုင်
85. Gypsum - စကျင် သလင်းကျောက်
86. Lodedtone -သံလိုက်ကျောက်
87. Bismuth(cast iron) -သံကြွပ်
88. Chowket /door&window frame -ကျည်းဘောင်
89. Formwork -ကျောက်ပုံး
90. Flooring tile- ကျောက်ပြား
91. Span -ခန်းဖွင့်အကျယ်
92. ridge -ခေါင်ရိုး
93. ridge piece-ခေါင်ချုပ်
94. Folding door -ခေါက်တံခါး
95. Hollw brick -ခေါင်းပွအုတ်
96. Pudlog -ငြမ်းဆင့်
97. Puglog hole-ငြမ်းဆင့်ထိုးပေါက်
98. Scaffolding -ငြမ်းဆင်ခြင်း
99. Binder -ထိန်းချုပ်ဆေး
100. Ledged&battened door-ပျဥ်ထောင်တံခါး
101. Putty -ထေးဆေး
102.Turpentine -ထင်းရူးဆီ
103.Tallow -အမဲဆီ
104.Angle bracket -ထောင့်ချိုးသံပြား
105.Angle -ထောင့်မှန်ချိုး
106.Corner -ထောင့်ချိုး
107.Header-ထိပ်စီကျောက်
108.Lime concrete -ထုံးကွန်ကရစ်
109. Binder/stirrup -ထိန်းကွင်း
110.Collar truss -ဒိုင်းငယ်
111.Truss -ဒိုင်းငယ်
112.Cavity tie -နံရံချုပ်
113.Gutter -ရေတလျှောက်
114.Parapet gutter -နံရံကပ်ရေတလျှောက်
115.Valley -ရေလိမ်
116.Valley rafter -ရေလိမ်ဒိုင်း
117.Valley gutter -ရေလိမ်ရေတံလျှောက်
118.Flat or flush pointing -နှာပြည့်
119.Nosing -နှာစွန်း
120.Coping -နံရံထိပ်စီး
121.Batter -နံရံစောင်း
122.Layout plan - ပန္နက်ရိုက်ပုံစံ
123. Bond - ကွန်ကရစ်သိပ်သည်း
124.Stencil -ပုံဖော်ပြား
125.Eave board -ပန်းဆွဲ
126.Moulding (plaster)-ပြော့ကြောင်းထိုးခြင်း
127.Formwork -ပုံစံခွက်
128.Plastic emulsion paint -ပလပ်စတစ်ဆီဆေး
129.Main rod-ပင်မသံချောင်း
130.Cleat -ဖားတုံး
131.Mixing -ဖျော်စပ်ခြင်း
132.Gable -မြင့်မိုရ်
133.Glazed door -မှန်တံခါး

134.Glazed window -မှန်ကွက်ပြတင်း
135.Centre hung fanlight -မှန်လည်လေဝင်ပြတင်းပေါက်
136.Fixed fanlight -မှန်အသေတပ်ပြတင်းပေါက်
137.Barbed wire -သံဆူးကြိုး
138.Mortar -သရိုး
139.Plaster -သရွတ်
140.Plastering -သရွတ်ကျံခြင်း
141.Metal lath -သံဇကာဘိလပ်မြေ
142. Quick setting cement-အအိပ်မြန်ဘိလပ်မြေ
143.Slow setting cement -အအိပ်နှေးဘိလပ်မြေ
144.Rapid hardening cement -အမာမြန်ဘိလပ်မြေ
145. Reinforcement rod -အားကူသံချောင်း
146.Deformed reinforcement rod- အရစ်ပါသောအားကူသံချောင်း
147.Plywood -အထပ်သား
148. Balancing reservoir -ထိန်းညှိ ရေလှောင်ကန်
149. Balanced cantilever -အစွန်းထွက်ယက်မ
150. ballast - အောက်ခံကျောက်များ
151. base line -အခြေခံမျဥ်း
152. base plate -တိုင်အောင်ခံပြား
153. batten or reeper -အုတ်ကြွပ်တန်း
154. bed of pier -တိုင်ခြေ
155. bedding plate- ခံဆောင်ပြားများ
156. bond -အုတ်စီနည်း
157. bonder -တွဲဆက်ကျောက်
158.cement motar -ဘိလပ်မြေသရွတ်
159. cement sand screed -ဘိလပ်မြေ သဲ သရွတ်ခင်း
160.column footings -တိုင်ဖိနပ်
161. combined footing -တွဲဖိနပ်
162. commode step -ကမုဒ်အနင်း
163. copings -ထိပ်အုပ်
164. corble -အစွန်းထွက်
165. cornices -ပန်းကလပ်
166. corrosive -သတ္တုစားခြင်း
167. cross hair -ကန့်လန့်ဖြတ်အမှတ်
168. cross -section -ကန့်လန့်ဖြတ်အပိုင်း
169. Curved roofs -အမိုးခုံး
170. efflorescence -ဆားပွင့်ခြင်း
171. Filter bed -ရေစစ်ကန်
172. final setting of cement -ဘိလပ်မြေအပြီးသတ်အိပ်ချိန်
173. fine aggregate -ရောစာနု
174. flag stone -ကျောက်ပြား
175. flange -ဖလန်းပြား
176. flat arch -ခုံးပြား
177. flight -လှေကားပြေး
178. Gypsum -ဂျစ်ပဆန်ကျောက်
179. Precast -ကြိုတင်သွန်းလောင်းခြင်း
180. rain water pipe -မိုးရေပိုက်
181.septic tank -မိလ္လာကန်
182. service reservior -ရေဝေကန်
183. setting tank -အနည်ထိုင်ကန်
184. sump -ရေစုကန်
185. spill way -ရေပိုလွှဲ
186. surplus works -ရေပိုလွှဲပိုက်
187. waste pipe -စွန့်ပစ်ရေလွှဲပိုက်
188. waste weir -ရေလွှဲဆည်
189. water seal -ရေခံ
190. wearing course-အပွန်းခံလွှာ
191. vent pipet -လေထွက်ပိုက်
192. filter bed -ရေစစ်ကန်
193.fish plate -ပိုးပြား
194. flag -stone ကျောက်ပြား
195. sun shade -နေကာမိုး
196. super -structure အထက်ပိုင်းအဆောက်အအုံ
197. support beam -ထောက်ရက်မ
198. surveying -မြေတိုင်းပညာ
199. suspended floor -အလွတ်ကြမ်းခင်း
200. suspended span -ဆိုင်းထား ခန်းဖွင့်

ဝန်ကြီးဌာန ၂၄ ခု အောက်မှာရှိတဲ့ ဦးစီးဌာနတွေနဲ့
Central Office စာရင်းတွေ ပြုစုပေးလိုက်ပါတယ်

Ministry of Agriculture, Livestock and Irrigation (စိုက်ပျိုးရေး၊ မွေးမြူရေးနှင့် ဆည်မြောင်း၀န်ကြီးဌာန)
*********
1. Department of Planning (စီမံကိန်းဦးစီးဌာန)
2. Department of Agriculture (စိုက်ပျိုးရေးဦးစီးဌာန)
3. Department of Agricultural Land
Management and Statistics (လယ်ယာမြေစီမံခန့်ခွဲ
ရေးနှင့် စာရင်းအင်းဦးစီးဌာန (ကြေးတိုင်))
4. Department of Irrigation and Water Utilization Management (ဆည်မြောင်းနှင့် ရေအသုံးချမှုစီံမံခန့်ခွဲရေးဦးစီးဌာန (ဆည်မြောင်းနှင့် ရေအရင်းအမြစ်))
5. Department of Agricultural Machinization
(စက်မှုလယ်ယာဦးစီးဌာန)
6. Department of Agricultural Research
(စိုက်ပျိုးရေးသုတေသနဦးစီးဌာန)
7. Cooperative Department (သမဝါယမ ဦးစီးဌာန)
8. Small Scale Industries Department
(အသေးစားစက်မှုလက်မှုလုပ်ငန်းဦးစီးဌာန)
9. Livestock Breeding & Veterinary Department (မွေးမြူရေးနှင့် ကုသရေးဦးစီးဌာန)
10. Department of Fisheries (ငါးလုပ်ငန်းဦးစီးဌာန)
11. Department of Rural Development
(ကျေးလက်ဒေသဖွံ့ဖြိုးတိုးတက်ရေးဦးစီးဌာန)
12. Yezin Agriculture University
(ရေဆင်းစိုက်ပျိုးရေး တက္ကသိုလ်)
13. University of Veterinary Science
(မွေးမြူရေးဆိုင်ရာ ဆေးတက္ကသိုလ်)
14. Cooperative University (Thanlyin)
(သမဝါယမ တက္ကသိုလ်၊ သန်လျင်)
15. Cooperative University (Sagaing)
(သမဝါယမ တက္ကသိုလ်၊ စစ်ကိုင်း)

Ministry of Border Affairs
(နယ်စပ်ရေးရာ၀န်ကြီးဌာန)
****
1. Progress of Border Areas and National
Races Development (နယ်စပ်ဒေသနှင့်
တိုင်းရင်းသားလူမျိုးများဖွံ့ဖြိုးတိုးတက်ရေးဦးစီးဌာန)
2. Education and Training Department
(ပညာရေးနှင့် လေ့ကျင့်ရေးဦးစီးဌာန)

Ministry of Commerce
(စီးပွားရေးနှင့် ကူးသန်းရောင်း၀ယ်ရေး၀န်ကြီးဌာန)
********
1. Department of Trade (ကုန်သွယ်ရေးဦးစီးဌာန)
2. Consumer Affairs Department
(စားသုံးသူရေးရာဦးစီးဌာန)
3. Myanmar Trade Promotion Organization
(မြန်မာ့ကုန်သွယ်မှုမြှင့်တင်ရေးအဖွဲ့)

Ministry of Construction
(ဆောက်လုပ်ရေး၀န်ကြီးဌာန)
********
1. Department of Urban & Housing Development (မြို့ပြနှင့် အိမ်ရာဖွံ့ဖြိုးရေးဦးစီးဌာန)
2. Department of Building (အဆောက်အဦဦးစီးဌာန)
3. Department of Highways (လမ်းဦးစီးဌာန)
4. Department of Bridges (တံတားဦးစီးဌာန)
5. Department of Rural Road Development
(ကျေးလက်လမ်းဖွံ့ဖြိုးရေးဦးစီးဌာန)

Ministry of Defence (ကာကွယ်ရေး၀န်ကြီးဌာန)
*********
1. International and National Affairs Department (နိုင်ငံတကာနှင့် ပြည်တွင်းရေးရာဦးစီးဌာန)
Ministry of Education (ပညာရေး၀န်ကြီးဌာန)
2. Department of Higher Education
(အဆင့်မြင့်ပညာဦးစီးဌာန)
3. Department of Educational
Research, Planning and Training
(ပညာရေးသုတေသန၊ စီမံကိန်းနှင့် လေ့ကျင့်ရေးဦးစီးဌာန)
4. Department of Basic Education
(အခြေခံပညာဦးစီးဌာန)
5. Department of Myanmar Examinations
(မြန်မာနိုင်ငံစာစစ်ဦးစီးဌာန)
6. Department of Myanmar Nationalities'Langu
ages ( မြန်မာနိုင်ငံတိုင်းရင်းသား ဘာသာစကားဦးစီးဌာန)
7. Department of Alternative
Education and Life Long Learning
(ကျောင်းပြင်ပနှင့် တစ်သက်တာပညာရေး ဦးစီးဌာန)
8. Department of Technical,
Vocational Education and Training
(နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန)
9. Department of Technology
Promotion and Coordination (စက်မှုနည်းပညာ
မြင့်တင်ရေးနှင့် ပူးပေါင်းဆောင်ရွက်ရေးဦးစီးဌာန)
10. Department of Research and Innovation
(သုတေသနနှင့် တီထွင်ဆန်းသစ်မှုဦးစီးဌာန)
11. Monitoring and Evaluation Team (Education) (လေ့လာဆန်းစစ်အကဲဖြတ်ရေးအဖွဲ့ (ပညာရေး))
12. Monitoring and Evaluation Team (Research) (လေ့လာဆန်းစစ်အကဲဖြတ်ရေးအဖွဲ့ (သုတေသန))

Ministry of Electricity and Energy
(လျှပ်စစ်နှင့် စွမ်းအင်၀န်ကြီးဌာန)
********
1. Department of Electric Power
Transmission & System Control (DPTSC)
(လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာန)
2. Department of Electric Power Planning
(လျှပ်စစ်စွမ်းအားစီမံရေးဦးစီးဌာန)
3. Department of Hydropower Implementation (ရေအားလျှပ်စစ်အကောင်ထည်ဖော်ရေးဦးစီးဌာန)

4. Electricity Supply Enterprise
(လျှပ်စစ်ဓာတ်အားဖြန့်ဖြူးရေးလုပ်ငန်း)
5. Electric Power Generation Enterprise
(လျှပ်စစ်ဓာတ်အားထုတ်လုပ်ရေးလုပ်ငန်း)
6. Department of Oil & Gas Planning
(ရေနံနှင့်သဘာ၀ဓာတ်ငွေ့စီမံရေးဦးစီးဌာန)
7. Myanma Oil & Gas Enterprise (MOGE)
(မြန်မာ့ရေနံနှင့် သဘာ၀ဓာတ်ငွေ့လုပ်ငန်း)
8. Myanma Petrochemical Enterprise (MPE)
(မြန်မာ့ရေနံဓာတုဗေဒလုပ်ငန်း)
9. Myanma Petroleum Products Enterprise (MPPE) (မြန်မာ့ရေနံထွက်စ္စည်းရောင်း၀ယ်ရေးလုပ်ငန်း)

Ministry of Ethnic Affairs
(တိုင်းရင်းသားလူမျိုးများရေးရာ၀န်ကြီးဌာန)
*******
1. Department of Ethnic Literature and Culture (တိုင်းရင်းသားစာပေနှင့် ယဉ်ကျေးမှုဦးစီးဌာန)
2. Department of Protecting Ethnic Rights
(တိုင်းရင်းသားအခွင့်အရေးများ
ကာကွယ်စောင့်ရှောက်ရေး ဦးစီးဌာန)

Ministry of Foreign Affairs
(နိုင်ငံခြားရေး၀န်ကြီးဌာန)
****
1. Political Department
(နိုင်ငံရေးရာဦးစီးဌာန)
2. ASEAN Affairs Department
(အာဆီယံရေးရာဦးစီးဌာန)
3. Strategic Studies and Training Department
(မဟာဗျူဟာလေ့လာရေးနှင့် လေ့ကျင့်ရေးဦးစီးဌာန)
4. Protocol Department
(သံတမန်ရေးရာဦးစီးဌာန)
5. International Organizations and
Economic Department (အပြည်ပြည်ဆိုင်ရာ
အဖွဲ့အစည်းများနှင့် စီးပွားရေးဦးစီးဌာန)
6. Consular and Legal Affairs Department
(ကောင်စစ်ရေးရာနှင့် ဥပဒေရေးရာဦးစီးဌာန)
7. Planning and Administrative Department
(စီမံကိန်းနှင့် စီမံရေးရာဦးစီးဌာန)

Ministry of Health and Sports
(ကျန်းမာရေးနှင့် အားကစား၀န်ကြီးဌာန)
*********
1. Department of Public Health
(ပြည်သူ့ကျန်းမာရေးဦးစီးဌာန)
2. Department of Medical Services
(ကုသရေးဦးစီးဌာန)
3. Department of Human Resource for Health (ကျန်းမာရေး လူ့စွမ်းအားအရင်းအမြစ်ဦးစီးဌာန)
4. Department of Traditional Medicine
(တိုင်းရင်းဆေးပညာဦးစီးဌာန)
5. Department of Medical Research
(ဆေးသုတေသနဦးစီးဌာန (အထက် + အောက်))
6. Department of Food and Drug Administration (အစားအသောက်နှင့် ဆေးဝါးကွပ်ကဲရေးဦးစီးဌာန)
7. Department of Sport and Physical Education (အားကစားနှင့် ကာယပညာဦးစီးဌာန)

Ministry of Home Affairs (ပြည်ထဲရေး၀န်ကြီးဌာန)
********
1. General Administration Department (GAD) (အထွေထွေအုပ်ချုပ်ရေးဦးစီးဌာန)
2. Myanmar Police Force (မြန်မာနိုင်ငံရဲတပ်ဖွဲ့)
3. Bureau of Special Investigation
(အထူးစုံစမ်းစစ်ဆေးရေးဦးစီးဌာန)
4. Correctional Department (အကျဉ်းဦးစီးဌာန)
5. Department of Fire Service (မီးသတ်ဦးစီးဌာန)

Ministry of Hotels and Tourism
(ဟိုတယ်နှင့်ခရီးသွားလာရေးလုပ်ငန်း ၀န်ကြီးဌာန)
*********
1. Directorate of Hotels & Tourism
(ဟိုတယ်နှင့် ခရီးသွားညွှန်ကြားမှုဦးစီးဌာန)
Ministry of Industry (စက်မှု၀န်ကြီးဌာန)
2. Myanma Pharmaceutical Industries
(မြန်မာ့ဆေးဝါးလုပ်ငန်း)
3. Directorate of Industrial Collaboration
(စက်မှုပူးပေါင်းဆောင်ရွက်ရေးဦးစီးဌာန)
4. Directorate of Industrial Supervision & Inspection (စက်မှုကြီးကြပ်ရေးနှင့် စစ်ဆေးရေးဦးစီးဌာန)
5. No. (1) Heavy Industries Enterprise
(အမှတ် (၁) အကြီးစားစက်မှုလုပ်ငန်း)
6. No. (2) Heavy Industries Enterprise (အမှတ်(၂) အကြီးစားစက်မှုလုပ်ငန်း (အမှတ် ၂ + အမှတ် ၃))
7. No. (3) Heavy Industries Enterprise
(အမှတ် (၃) အကြီးစားစက်မှုလုပ်ငန်း (အထည် + စက္ကူ))

Ministry of Information (ပြန်ကြားရေး၀န်ကြီးဌာန)
********
1. Myanmar Radio and Television
(မြန်မာ့အသံနှင့် ရုပ်မြင်သံကြား)
2. Department of Information and Public Relations (ပြန်ကြားရေးနှင့် ပြည်သူ့ဆက်ဆံရေးဦးစီးဌာန)
3. Printing and Publishing Department
(ပုံနိုပ်ရေးနှင့် ထုတ်ဝေရေးဦးစီးဌာန)
4. News and Periodicals
သတင်းနှင့် ( စာနယ်ဇင်းလုပ်ငန်း)

Ministry of Labour, Immigration and
Population (အလုပ်သမား၊ လူ၀င်မှုကြီးကြပ်ရေးနှင့်
ပြည်သူ့အင်အား ၀န်ကြီးဌာန)
********
1. Department of Immigration
(လူ၀င်မှုကြီးကြပ်ရေးဦးစီးဌာန)
2. Department of National Registration and Citizenship(အမျိုးသားမှတ်ပုံတင်နှင့် နိုင်ငံသားဦးစီးဌာန)
3. Department of Population
(ပြည်သူ့အင်အားဦးစီးဌာန)
4. Department of Labour
(အလုပ်သမားညွှန်ကြားရေးဦးစီးဌာန)
5. Social Security Board (လူမှုဖူလုံရေးအဖွဲ့)
6. Department of Factories & General
Labour Laws Inspection
(အလုပ်ရုံနှင့် အလုပ်သမား ဥပဒေစစ်ဆေးရေးဦးစီးဌာန)
7. Department of Labour Relations
(အလုပ်သမားရေးရာဆက်ဆံရေးဦးစီးဌာန)