Education Channel 🇲🇲🇲🇲🇲🇲🇲🇲🇲🇲

✍ စာလုံးဆင့်နှင့်
ကင်းစီး ✍

မြန်မာစာအရေးအသားစနစ်တွင် ပါဌ်ဆင့် ခေါ် နှစ်လုံးဆင့်အက္ခရာများလည်းပါဝင်သည့်အတွက်
နှစ်လုံးဆင့်ပုံစနစ်အကြောင်း
ပြောရန်ရှိပါသည်။မြန်မာစာတွင် ပါဌ်ဆင့်များပါသည့်အတွက် ကွန်ပျူတာစာစီ၊ စာရိုက်ပြုလုပ်ရာတွင် နှစ်လုံးဆင့်များထည့်သွင်းထားရသည်ကို အများအသိပင် ဖြစ်ပါသည်။🌿

ပါဠိမှလာသော ပါဠိသက်စကားလုံးများကို နှစ်လုံးဆင့်သည့်အတွက်
ပါဌ်ဆင့်ဟုခေါ်ခြင်းဖြစ်သည်။ နှစ်လုံးဆင့်ရာတွင် ဆင့်သည်စနစ်ရှိပါသည်။ ဘယ်စာလုံးတွေကို ဘယ်လို ဆင့်ရပါသလဲ။🌿

က၊ ဂ၊ ( င)၊ စ၊ ဇ၊ ည၊ ဋ၊ ဍ၊ ဏ၊ တ၊ ဒ၊ န၊ ပ၊ ဗ၊ မ၊ ယ၊ လ၊ သ
တို့ကို စာလုံးတူချင်း နှစ်လုံးဆင့်နိုင်ပါသည်။
သာဓကများကိုကြည့်ပါ။

" တက္ကသိုလ်၊ သမဂ္ဂ၊ ပစ္စည်း၊ ဝိဇ္ဇာ၊
( ပညာ)၊ ဝဋ္ဋ၊ အဍ္ဍ၊ ပုဏ္ဏား၊ စာရိတ္တ၊
သဒ္ဒါ၊ သန္နိဋ္ဌာန်၊ သပ္ပါယ်၊ နိဗ္ဗာန်၊
ဓမ္မတာ၊ ( ယေဘုယျ)၊ ပလ္လင်၊
( နိဿယ)" တို့တွင် စာလုံးတူနှစ်လုံးဆင့်ထားသည်ကို တွေ့နိုင်ပါသည်။

စနစ်အရပြောရလျှင် -
က-င၊ စ-ဉ၊ ဋ-ဏ၊ တ-န၊ ပ-မ
ဟူ၍ ငါးလုံးတစ်စုစီစုထားသည်ကို
ဝဂ်( ဝဂ္ဂ=အစု)ဟုခေါ်သည်။
ပြခဲ့သောနှစ်လုံးဆင့်များကိုကြည့်လျှင် ဝဂ်တစ်ခုစီမှ-
ပထမအက်ခရာ၊ တတိယအက်ခရာ၊
ပဉ္စမအက္ခရာတို့ကို နှစ်လုံးဆင့်ခြင်းဖြစ်ကြောင်း တွေ့နိုင်ပါသည်။

" င" မှာမူ ပဉ္စမအက္ခရာဖြစ်သော်လည်း အခြားပဉ္စမအက္ခရာများဖြစ်သော ဉ၊ ဏ၊ န၊ မ တို့လို
"င" နှစ်လုံးဆင့်မရှိပါ။ပဉ္စမအက္ခရာအဖြစ်သာ ဖော်ပြခြင်းဖြစ်ပါသည်။

" ပညာ"မှ "ည" သည် "ဉ" နှစ်လုံးဆင့်ဖြစ်ပါသည်။( ပဉ်+ဉာ)
ယေဘုယျမှ "ယျ"သည် ယနှစ်လုံးဆင့် ဖြစ်ပါသည်။( ဘုယ်+ယ)

နိဿယမှ "ဿ" သည် သနှစ်လုံးဆင့်ဖြစ်ပါသည်။
( သ်+သ) နှစ်လုံးဆင့်တွင် အပေါ်စာလုံးသည် အသတ်ဖြစ်ခြင်း၊
အခြားစာလုံးများလို နှစ်လုံးမဆင့်ဘဲ ပူးတွဲရေးခြင်းတို့ကြောင့် ပုံစံကွဲပြားနေခြင်းဖြစ်ပါသည်။

ဗျည်း ၃၃လုံးတွင် က မှ မ အထိ
ဝဂ်အက္ခရာများဟုခေါ်ပြီး -
ယ မှ အ အထိ အဝဂ် ( ဝဂ်မဟုတ်သော) အက္ခရာများဟု ခေါ်ပါသည်။
အ, ဝဂ် အက္ခရာများတွင် ယ၊ လ၊ သ
သုံးလုံးကိုသာ စာလုံးတူနှစ်လုံးဆင့်နိုင်ပါသည်။

မတူသောစာလုံးချင်းလည်း ဆင့်နိုင်ပါသည်။ ဘယ်လိုဆင့်နိုင်ပါသလဲ။
သာဓကများကိုကြည့်ပါ။
" ဒုက္ခ၊ အနဂ္ဃ၊ ပုစ္ဆာ၊ မဇ္ဈိမ၊
( ပဋ္ဌာန်း)၊ အာယုဝဎ္ဍန၊ ဝတ္ထု၊ ဗုဒ္ဓ၊
ဇာတိပ္ဖိုလ်၊ ဒုဗ္ဘိက္ခန္တရကပ်"တို့တွင်
စာလုံးကွဲနှစ်လုံးဆင့်ထားသည်ကို
တွေ့နိုင်ပါသည်။

စနစ်အရပြောရလျှင် ဝဂ်အက္ခရာများတွင် ပထမအက္ခရာကို ဒုတိယအက္ခရာအပေါ်ကဆင့်ရသည်။

တတိယအက္ခရာကို စတုတ္ထအက္ခရာအပေါ်ကဆင့်ရသည်။

"ဂိဇ္ဈကုဋ်" တွင် ဇကို ဈပေါ်က ဆင့်ခြင်းဖြစ်သည်။
" ဝဎ္ဍန" တွင် ဍ ကို ဎ ပေါ်ကဆင့်ခြင်းဖြစ်သည်။
ပုံနှိပ်စာလုံး ပုံစံများပြုလုပ်ရာတွင်
တစ်လုံးပေါ်တစ်လုံးဆင့်ရေးလျှင်
ဈ နှင့် ဍ တို့ ခြေထောက်များရှည်နေပြီး နေရာယူမည်စိုး၍ ဤပုံစံများအတိုင်း တစ်လုံးနှင့်တစ်လုံး သီးခြားမဆင့်ဘဲ နေရာချုံ့ထားခြင်းဖြစ်သည်။
" ပဋ္ဌာန်း" မှ " ဋ္ဌ" မှာ "ဋ်+ ဌ" ဖြစ်ကြောင်း ပါဠိအသတ်များတွင် ပြပြီးဖြစ်သည်။ ဋ နှင့် ဌ ကို ဆင့်ထားခြင်းဖြစ်သော်လည်း ရှေ့စာလုံးမှာ အသတ်ဖြစ်နေခြင်း ၊
နှစ်လုံးမဆင့်ဘဲ ပူးတွဲရေးခြင်းတို့ကြောင့် ဤပုံစံဖြစ်နေရခြင်းဖြစ်ပါသည်။🌿

င၊ ဉ၊ ဏ၊ န၊ မ ဟူသော ပဉ္စမအက္ခရာငါးလုံးတွင် ဉ၊ ဏ၊ န၊ မ တို့ကို အခြားအက္ခရာအပေါ်ကဆင့်သောအခါ
" ပဉ္စမ၊ ကဏ္ဍ၊ သန္တာ၊ ကမ္ဘာ" ဟူသောပုံစံများအတိုင်းဆင့်သော်လည်း " င" ကို အခြားအက္ခရာပေါ်ကဆင့်သောအခါတွင်မူ
" င" အက္ခရာသက်သက်ဖြင့်မဆင့်ဘဲ င အပေါ်က အသတ်ကလေး
ထည့်ပြီး ဆင့်ရကြောင်းတွေ့နိုင်ပါသည်။ ငကို က၊ ခ၊ ဂ၊ ဃ တို့အပေါ်က ဆင့်နိုင်သည်။
ဆင့်ရာတွင်
" သင်္ကါ၊ သင်္ခါရ၊ အင်္ဂါ၊ သင်္ဃါ" ဟူသော စာလုံးပုံစံမျိုးဖြင့် င အပေါ်က အသတ်ပါသော ( င်) စာလုံးလေးဖြင့် ဆင့်ရသည်။ထိုမျှမက
" သေ င်္ဘါ၊ ဟင်္သါ" တို့မှာကဲ့သို့
" ဘ၊ သ" တို့၏အပေါ်ကလည်း
ဆင့်ပါသည်။
ထို ငသတ်အသေးလေးကို " "ကင်းစီး" ဟုခေါ်သည်။
အသတ်မထည့်ဘဲ င သက်သက်
ဖြင့်ဆင့်လျှင် " က်၊ ခ်၊ ဂ်၊ ဃ်" တို့နှင့် ရောထွေးစရာရှိသည့်အတွက် င သက်သက်မဆင့်ဘဲ အသတ်ထည့်ပြီး " င" ကင်းစီးဖြင့်ဆင့်သည်ဟု ယူဆရပါသည်။🌿

ပါဠိစကားလုံးများကို စာလုံးဆင့်ရေးသကဲ့သို့ မြန်မာစာလုံးအချို့ကိုလည်း စာလုံးဆင့်ဖြင့် ရေးလေ့ရှိပါသည်။
" ကုက္ကို၊ မိတ္တူ၊ လိမ္မာ၊ လိမ္မော်၊ သေတ္တာ၊ ယောက္ခမ၊ လက်ျာ၊ ယောက်ျား" စသည့်စာလုံးများဖြစ်သည်။🌿

ရှေးက ကျောက်စာ၊ ပေစာများတွင်
နေရာကျုံ့စေရန် စာလုံးနှစ်လုံးဆင့်
ရေးလေ့ရှိကြသည်။" သခင်" ကို "သ္ခင်" ဟုနှစ်လုံးဆင့်ရေးပုံကို
ရာဇကုမာရ်ကျောက်စာမှာကတည်းက တွေ့နေရပြီဖြစ်သည်။
ပေစာတွင် "လ္နံ" မှာ " လက်နက်" ကို အတိုကောက်ရေးခြင်းဖြစ်သည်။
သေးသေးတင်မှာ ကသတ်၏အတိုကောက်ဖြစ်သည်။ လနှင့် နကို ကသတ်တစ်လုံးတည်းဖြင့် ရေးခြင်းဖြစ်သည်။

( ယောက်ျား) မှာ စိတ်ဝင်စားစရာဖြစ်သည်။ ပုဂံခေတ်က

👍3

5K viewsMr. Myanmar, 15:48