ဦးပေါ်ဦး၏စကားအလင်္ကာ

အသုံးများသော အင်္ဂလိပ်စကားပြော

ကျောင်းအရည်အသွေးအာမခံမှုအညွှန်းဘောင်၂၀၂၀

.
☯️

" ကိုယ်သွားမဲ့လမ်း.... ကိုယ်ရွေးတာပါ "

ကုသိုလ်လုပ်လုပ်၊ အကုသိုလ်လုပ်လုပ်
ကိုယ်ပဲလုပ်တာဖြစ်လေတော့ ကိုယ်သွားရမဲ့လမ်း
ကိုယ်ပဲရွေးခြယ်တာဖြစ်နေပါတယ်၊ ဝိပဿနာ
ကတော့ ဉာဏ်လမ်းစဉ်ဖြစ်လို့အကောင်းဆုံးပါ၊
ဒါပေမဲ့ လူတိုင်းနဲ့တော့လက်တွေ့မှာ မနီးစပ်လှဘူး
ပါရမီဖြစ်အောင် ဖြည့်ကျင့်သင့်တယ်၊

သမထလမ်းကအမြင့်ဆုံး ဗြဟ္မာဘုံအထိ
ရောက်တယ်၊ အရိယာအနေနဲ့မဟုတ်ပဲ ပုထုဇဉ်
အနေနဲ့ရောက်ရင်တော့ သက်တမ်းကုန်ရင်
နတ်ပြည်နဲ့ လူဘုံကိုပြန်ဆင်းတယ်၊ လူဘုံမှာ
အကုသိုလ်များရင်အောက်ဘုံကို ပြန်ရောက်နိုင်လို့
စိတ်ချရတဲ့ လမ်းလို့ပြောလို့မရဘူး၊ အလကား
အချိန်ကုန် သံသရာရှည်တာပဲအဖတ်တင်ပါတယ်
အရိယာအနေနဲ့ရောက်ရင်တော့ ဘုံအဆင့်ဆင့်
တက်ပြီး ကျွတ်တန်းဝင်ပါတယ်၊

ဒါနဲ့သီလကိုအရင်းပြုရင် လူဘုံ / နတ်ဘုံ
ရောက်တယ်၊ နတ်ပြည်မှာက ကံအကျိုးကိုသာ
ခံစားရတာဖြစ်လေတော့ ကုသိုလ်ဖြစ်ဖို့ခက်တာက
အဓိကစိန်ခေါ်မှုဖြစ်လာတယ်၊ နတ်သက်ကြွေ
ရင်လဲ အောက်ဘုံရောက်နိုင်တာပဲ၊ လူ့ဘုံရောက်လို့
ဝိပဿနာနဲ့ ပြန်နီးစပ်ရင်တော့ မဆိုးလှပေမဲ့
ဗုဒ္ဓ ဓမ္မတွေနဲ့ဝေးတဲ့ လူမျိုး အယူဝါဒရှိရာကို
ဆိုရင်တော့ အောက် (၄) ဘုံရောက်ဖို့ အခွင့်အလမ်း
ပိုများသွားပြန်တယ်၊

...............

အောက် (၄) ဘုံက ဒုဂ္ဂတိဘုံတွေ၊ တရားမရ
နှိုင်ဘူး၊ တရားကိုသိနိုင်တဲ့ ဉာဏ်ရည်မရှိဘူး၊
ဒါကြောင့် အောက်ဘုံမှာ ဘဝပေါင်းများစွာနဲ့
ကျင်လည်ပြီး သံသရာရှည်ကြရမှာ၊

လောဘနဲ့သေရင် .... ပြိတ္တာဘုံ
ဒေါသနဲ့သေရင် .... ငရဲ
မောဟနဲ့သေရင် .... တိရစ္ဆာန်
တလွဲမာနနဲ့သေရင် ... အသူရကယ်

လူတွေမှာ ဒေါသမူစိတ် အများဆုံး၊ ဒါကြောင့်
"သရဲ" လို့ခေါ်တဲ့ ပြိတ္တာအမျိုးမျိုး အဖြစ်များ
ကြတာပါ၊

အခုထဲက ကိုယ့်ကိုယ်ကို စစ်ကြည့်လို့ရပါတယ်
ကိုယ့်စရိုက်က လောဘကြီးသူလား❗
( ပစ္စည်းလောဘ၊ အာဏာလောဘ... စသဖြင့် )
ဒါမှမဟုတ် ဒေါသကြီးသူလား❗တလွဲမာန
သမားလား❗( ဘာသာရေးဆရာတွေမှာအဖြစ်
များကြတယ် ) အားလုံးရဲ့အခြေခံကတော့
အမှန်ကိုမသိခြင်း ဆိုတဲ့ မောဟပဲ၊ တိရစ္ဆာန်လို့
ဆိုရာမှာ Insect လေးတွေကစပြီး ဆင်ကြီးတွေ
ဝေလငါးတွေအထိပါတယ်၊ ငရဲမရောက်ရင်တောင်
တိရစ္ဆာန်အရေအတွက်က လူတွေထက်များတာကို
သတိပြုမိရင် ကြောက်စရာကောင်းတာကို
တွေ့ကြရပါလိမ့်မယ်၊

ကိုယ့်စရိုက်ကိုယ်စစ်ရင် ကိုယ်ဘယ်ကို
သွားရမယ်ဆိုတာ ခန့်မှန်းလို့ရပါတယ်၊ သေခါနီး
စိတ်ကို သတိထားမှာပေါ့လို့လွယ်လွယ်ပြောလို့
မရပါဘူး၊ သာမန်နေထိုင်မကောင်းရင်တောင်၊
ဒါမှမဟုတ် ဖြစ်ချင်တာမဖြစ်ရင်တောင် စိတ်ရဲ့
သဘာဝက ဘယ်လိုနေပါသလဲ❗

စိတ်စရိုက်ကိုမပြင်နိုင်လို့ ရင့်သွားရင်
Nature လို့ခေါ်တဲ့ သဘာဝအဆင့်ထိဖြစ်သွား
ပါတယ်၊ သဘာဝအဆင့်မပြောနဲ့ စရိုက်ရင့်ရင်
တောင် လက်တွေ့မှာပြင်ဖို့မလွယ်ပါဘူး၊
စရိုက် နုစဉ်မှာပြင်တာအကောင်းဆုံးပါ၊

သံသရာမရှည်ဖို့အတွက် ၊ ဒုဂ္ဂတိဘုံတွေကို
မရောက်ဖို့အတွက် အရေးကြီးတယ်၊ ဒါကြောင့်
မဂ်တား၊ ဖိုတား မဖြစ်ဖို့က ပထမအရေးအကြီး
ဆုံးဖြစ်ပြီး၊ ဒုတိယကတော့ ကံကြီးထိုက်တဲ့
ပဉ္စနန္ဒရိယဆိုတဲ့ အားကြီးတဲ့ကံ (ဂရုကံ) တွေကို
မကျူးလွန်ထားဖို့လိုတယ်၊ ဂရုကံဆိုတာ အားကြီး
ပြီး အခြားကံတွေကို ဖြတ်တောက်ပစ်နိုင်တဲ့
ကံ အမျိုးအစားပါ၊ နောက်ထပ်ဖြစ်လာမဲ့ ကံကို
ခဏထား၊ ဖြစ်ပြီးခဲ့တဲ့ အတိတ်မှာ ရုတ်တရက်
စီးပွားပျက်တာ၊ အလုပ်ပြုတ်တာ၊ ထောင်ကျတာ
အရေးကြီးတဲ့ အိမ်ထောင် ပျက်စီးခဲ့တာမျိုးရှိရင်
ကိုယ့်ကို အတိတ်က ဂရုကံတခုခုက ဖြတ်တောက်
ဒုက္ခပေးနေပြီလို့ ခန့်မှန်းလို့ရပါလိမ့်မယ်၊

အတိတ်မှာ အကုသိုလ်ဂရုကံမျိုးပါလာသူ
အတွက် ဒီဘဝမှာလဲ ဂရုကံဖြစ်စေမဲ့ အကြောင်း
တခုခုကိုထပ်ကျူးခဲ့မယ်ဆိုရင်တော့... အဲ့ဒီလူရဲ့
ဒီဘဝ အနာဂါတ်နဲ့ နောင်လာမဲ့ဘဝတွေရဲ့ ဖြစ်ပျက်
မှုဟာ မစဉ်းစားရဲလောက်အောင်ဆိုတာ Logic နဲ့
တွေးလို့ရပါလိမ့်မယ်၊ အကုသိုလ်ဂရုကံ ပါလာသူ
ဟာ တော်ရုံကုသိုလ်ကပေးတဲ့ ကံကို မခံစားနှိုင်ရ
လေအောင်ဖြတ်တောက်ပစ်လေ့ရှိတာမို့ အလွန်
ကြောက်စရာကောင်းလှပါတယ်၊ လုပ်တိုင်းမဖြစ်
အနှောက်အယှက် အမြဲခံရ၊ လူမုန်းများသူတွေနဲ့
ရှင်လျက်နဲ့ သားတကွဲ မယားတကွဲ ဖြစ်နေကြသူ
တွေမှာ အဲ့ဒီဂရုကံမျိုး ပါလာနေတယ်လို့
ယေဘူယျ ပြောဘို့ရနိုင်ပါတယ်၊
ဒါကြောင့် ပဉ္စနန္ဒရိယကံနဲ့ ခင်ပွန်းကြီး(၁၀) ပါး
ကံကို မကျူးလွန်ဖြစ်အောင် မကြာခဏရေးဖြစ်
နေရတာပါ၊ ဘဝပျက်တဲ့အထိဖြစ်တတ်လို့ပါ။

ကုသိုလ်ကဖြစ်တဲ့ ဂရုကံလဲရှိပါတယ်
အားကြီးတဲ့အတွက် တော်ရုံမကောင်းကံလေးတွေရဲ့
အကျိုးကို ဖျက်ဆီးပစ်နိုင်ပါတယ်၊ ရှေ့တန်းမှာ
မိုင်းနင်းပေမဲ့ ကိုယ့်အလှည့်မကွဲ၊ သူအလှည့်ကွဲ
ဆိုတာမျိုးတွေဖြစ်ပါတယ်၊

နှစ်သစ်မှာ အားလုံးကျန်းမာချမ်းသာကြပြီ
နှလုံးစိတ်ဝမ်းအေးချမ်းကြပါစေ၊ ကောင်းသောကံ
တွေကို ရရှိခံစားနိုင်ကြပါစေ၊ သူတော်ကောင်းတွေနဲ့
ဆုံတွေ့ကြပြီး သူယုတ်မာတွေနဲ့ဝေးကြပါစေ။


Nay Zin Latt ☯️ ( 20.4.24 )

.

တတ်မြောက်မှုစစ်ဆေးခြင်းဆိုင်ရာဆရာလမ်းညွှန်

TCSF (မြန်မာ၊အင်္ဂလိပ်)၂ဘာသာဖော်ပြချက်၂၀၂၀