(၂၁ နည်းနဲ့တွဲ လွဲအောင်မသင်နဲ့)

သင်ကြားတဲ့ နည်းလမ်း ဘယ်နှမျိုးရှိသလဲ?။ ဘယ်နည်းလမ်းက အကောင်းဆုံးလဲ?။

သင်ကြားနည်းကို မေးရင် အများစုက သင်နည်း(၂၁)နည်းကိုပဲ ပြေးမြင်ကြလိမ့်မယ်။ အဲ့တာတောင် မသိတဲ့ ဆရာ/မတွေ ရှိသေးတယ်။ တစ်ချို့က နှုတ်တိုက်ပဲ သိတယ်။ လက်တွေ့မှာ ဘယ်သင်ခန်းစာကို ဘယ်သင်နည်းနဲ့သင်ရမလဲ ဆိုတာတောင် မသိကြတဲ့ ဆရာ/မတွေ အများကြီးရှိတယ်။ အဲ့လိုပြောလို့လည်း စိတ်မဆိုးကြပါနဲ့။ ဒါပေမယ့် ဒါ အမှန်တရားပဲ။

အဲ့ဒီသင်နည်း(၂၁)နည်းက ဘယ်က လာသလဲ။ မှတ်ထား။ ဒါ Japanနိုင်ငံ JACCA ရဲ့ CCA သင်ကြားနည်း ဗျ။ CCA(Child Centred Approach) ကလေးဗဟိုပြုချဉ်းကပ်သင်ယူနည်းလို့ ခေါ်တယ်။ ၂၀၀၆-၂၀၀၇ ခုနှစ်မှာ UNICEF က စမ်းသပ်ခဲ့တဲ့ ပညာရေး။ အခု လက်ရှိ စနစ်သစ်ပညာရေး က SouthKorea တောင်ကိုရီးယား ပညာရေး။ အခုလည်း စမ်းသပ်နေဆဲ ပညာရေးပဲ။ အောင်မြင်ဖို့မျှော်လင့်ပါတယ်။ မအောင်မြင်လည်း နောက်တစ်ကြိမ် နောက်တစ်နိုင်ငံရဲ့ ပညာရေးနဲ့ ပြန်စမ်းသပ်ကြပြန်တာပေါ့။

ကဲ ထားပါတော့။ ကျွန်တော်ပြောပြမယ့် သင်နည်းက အမေရိကန်ပညာရှင် Benso မြို့သား Edgar Dale ရဲ့ The Pyramid Learning ပဲ ဖြစ်ပါတယ်။
ပြောရမယ်ဆိုရင် The Pyramid Learning method မှာ အဆင့် (၇)ဆင့်ရှိတယ်ဗျ။
၁။ Lecture (ဟောပြောခြင်းနည်း)
၂။ Reading (ဖတ်ရှင်းနည်း)
၃။ Audio/Visual (media audio နဲ့ သင်နည်း)
၄။ Demonstration (သရုပ်ပြသင်နည်း)
၅။ Discussion Group (အုပ်စုဖွဲ့ဆွေးနွေးခြင်းနည်း)
၆။ Practice by doing (လက်တွေ့လုပ်ခြင်းနည်း)
၇။ Teach Others (အချင်းချင်းသင်ယူခြင်းနည်း)

#Lecture (ဟောပြောခြင်းနည်း)
တစ်ချို့ဆရာ/မတွေက စာသင်ရင် ဆရာ/မစားပွဲမှာပဲ ထိုင်ပြီး သင်ကြတယ်။ တစ်ချို့က အတန်းရှေ့ ထိုင်ခုံလေးချ။ စာအုပ်လေးကိုင်ပြီး သင်တတ်ကြတယ်။ နေရာမရွှေ့ကြဘူး။ ကျောင်းသားနဲ့ မေးလိုက် ဖြေလိုက်ဘယ်လောက်လုပ်လုပ်။ ဒါ ဟောပြောခြင်းနည်းအဆင့်ထဲမှာပဲ ရှိတယ်။ တစ်ချို့ဆရာ/မတွေက စာသင်ရင် မထိုင်ကြဘူး။ အတန်းထဲ လှည့်ပြီး စာအုပ်ကြီးကိုင် ဟောပြောနေတတ်ကြတယ်။ ဘာလို့လဲ။ ကိုယ်ပြောတဲ့ စာပိုဒ် ဘယ်ရောက်ပြီလဲ ဆိုတာ ကလေးတွေကို သိနေစေချင်တာရယ်။ စာသင်ချိန် အတန်းထဲ ငြိမ်နေစေချင်တာရယ်။ ဒါပဲ။ အတန်းငြိမ်အောင်ထိန်းချုပ်ရင်း ဟောပြောနေရုံ နဲ့ ကလေးစာမတတ်ဘူးဗျ။ တတ်ခဲ့ရင်လည်း ၅% ပဲ ရတယ်လို့ Edgar Dale က ဆိုထားပါတယ်။ ၅% ဆိုတာ ကျောင်းသားဦးရေ ၅% တတ်သွားတာကို ပြောတာမဟုတ်ဘူး။ သင်ခန်းစာ နဲ့ပတ်သက်ပြီး ကလေးတွေရသွားတဲ့ တတ်ကျွမ်းမှု ၅%ပဲ ရှိတယ် လို့ ပြောတာ။

#Reading (ဖတ်ရှင်းနည်း)
ဒီဖတ်ရှင်းနည်းကို အင်မတန်စာသင်ကောင်းတဲ့ ဆရာ/မတစ်ချို့တောင် လုပ်တတ်ကြတယ်ဗျ။ ဆရာက အကြိမ်ကြိမ် ဖတ်ပြတယ်။ ကျောင်းသားတွေကိုလည်း မူဆင့်မှာဆိုရင်တော့ CGI နည်းနဲ့ပေါ့။ C ဆိုတာ Class။ အတန်းလိုက် ဖတ်ခိုင်းတယ်။ G ဆိုတာ Group။ အုပ်စုလိုက် ဖတ်ခိုင်းတယ်။ I ဆိုတာ Individual။ တစ်ဦးချင်းစီ ဖတ်ခိုင်းတယ်။ ဒီလိုတွေ ဖတ်ခိုင်းတော့ ကလေးက နှုတ်မှာ စွဲသွားတယ်။ စာဖတ်တတ်သွားတယ်။ ဒါပေမယ့် တွေးခေါ်ဖို့ ဦးနှောက်ကို မရောက်ဘူး။ ရင်ထဲမှာ ခံစားနားလည်မှုတွေ မဖြစ်ဘူး။ ဒါကြောင့် ဒီ Reading ဖတ်ရှင်းနည်းဟာ ဘယ်လောက်ကောင်းကောင်း။ ဘယ်လောက်ပဲ အားသွန်ခွန်စိုက် သင်သင်။ သင်ခန်းစာနဲ့ပတ်သက်တဲ့ တတ်ကျွမ်းမှု ၁၀% ပဲ ရစေတယ်ဗျ။

#Audio_Visual(အသံဖိုင် media ဖြင့်သင်နည်း)
ပညာရေးဌာနက သတ်မှတ်ထားတာ ရှိတယ်။ မူလတန်းဆင့် ဆိုရင် 1 platform (Audio media) ရှိရမယ်။ (sound box, Cassette, Radio တို့လိုပေါ့)။ အလယ်တန်းဆင့်မှာဆိုရင် 2 Platform (ရုပ်ရော အသံရော ပါတဲ့ TV လိုပေါ့)။ အထက်တန်းဆင့်မှာဆိုရင် 3 Platform (Computer, Projector တို့လိုပေါ့)။ ကျွန်တော်နားလည်တာက 1 platform ပဲဖြစ်ဖြစ်။ 2 Platform ပဲဖြစ်ဖြစ်။ 3 Platform ပဲဖြစ်ဖြစ်။ စာသင်ခန်းတိုင်းမှာ သင်ခန်းစာကိုသင်တိုင်း အသုံးချသင်ကြရမယ် ထင်တာ။ ဒါပေမယ့် Sound Box တို့၊ Computer တို့၊ Projector တို့ဆိုတာ ဟောပြောပွဲ အခမ်းအနားမှာ သုံးဖို့နဲ့ သီချင်းတွေတိုက်ရင် သုံးဖို့ ရုံးခန်းထဲ သိမ်းထားတာလောက်ပဲ ရှိတယ်ဗျ။ ဆရာ/မတွေက မနေနိုင် မထိုင်နိုင်လို့ ကိုယ်ပိုင် Sound Box ဝယ်ပြီး Audio နဲ့ သင်ရင်တောင် သင်ခန်းစာနဲ့ပတ်သက်တဲ့ တတ်ကျွမ်းမှုက ၂၀% ပဲ ရှိပါတယ် လို့ ဆိုထားပါတယ်။

#Demostration (သရုပ်ပြသင်နည်း)
ဆရာ/မတော်တော်များများက Demostration နည်းဟာ အကောင်းဆုံးနည်း။ ဒီသင်နည်းနဲ့ သင်ရင် လုံးဝတတ်ပြီလို့ ထင်ကြတယ်။ Edgar Dale ကဘာပြောထားလဲဆိုရင်။ Demostration Method ဟာ ကလေးတွေအတွက် What they see and hear တဲ့။ သူတို့ကို အမြင်နဲ့ကြားသိမှုကိုပဲ ပေးနိုင်တာပါတဲ့။ ပြန်စဉ်းစားကြည့်တော့လည်း ဟုတ်နေတာပဲဗျ။ Demostration လုပ်တယ်ဆိုတာ သင်ခန်းစာအတိုင်း မြင်စေချင်တာ ကြားစေချင်တာ သိစေချင်တာကို သူ့သင်နည်းအတိုင်း ရအောင်သရုပ်ပြပြီး သင်ရတာ။ အဲ့ဒီအတွက် ဆရာက ရှင်းပြသမျှ ကလေးတွေ ကြားသိသွားမယ်။ ဆရာက သရုပ်ပြစမ်းသပ်ပြတာတွေကို သူတို့မြင်သိသွားမယ်။ စာအုပ်ထဲကအတိုင်း သူတို့ ကြားသိသမျှ၊ မြင်သိသမျှကို ပြန်လုပ်တတ်သွားရုံပဲ ရှိတယ်။ ဒါကြောင့် ဆရာ/မတို့ အများဆုံးအသုံးပြုနေတဲ့

Demostration(သရုပ်ပြသင်နည်း)ဟာ ကလေးတွေအတွက် တတ်ကျွမ်းမှု ၃၀% ပဲ ရရှိစေပါတယ်။

#Discussion Group (အုပ်စုဖွဲ့ ဆွေးနွေးခြင်းနည်း)
Discussion group မှာ သင်နည်းလွဲနေတဲ့ ဆရာ/မတွေ ရှိတယ်။ ကလေးတွေကို အုပ်စုဖွဲ့။ ပြီးရင် စာပိုဒ်တွေကိုပဲ အုပ်စုလိုက် ဖတ်ရှင်းခိုင်းတယ်။ ဒါဟာ Reading (ဖတ်ရှင်းနည်း) အဆင့်သာ ဖြစ်ပါတယ်။ အဲ့ဒီအတွက် ဆရာက စာပိုဒ်နဲ့ပတ်သက်တဲ့ မေးခွန်းတွေ ဖန်တီးပေးနိုင်ရမယ်။ မေးခွန်း (၁၁)မျိုးရှိတယ်။ ဘာလဲ၊ ဘယ်အချိန်လဲ၊ ဘယ်နှခုနှစ်လဲ ဆိုတာထက်။ ဘယ်လိုလဲ၊ ဘာကြောင့်လဲ ဘယ်လိုထင်သလဲ ဆိုတဲ့မေးခွန်းတွေတည်ဆောက်ပြီး စဉ်းစားခိုင်းရမှာပါ။ ခုနှစ်၊ အချိန် နေရာ ဆိုတာ သိချင်တဲ့အချိန် ပြန်ဖတ်။ သိနိုင်တယ်။ ကျွန်တော်တို့ဆရာ/မတွေပေးရမှာက စဉ်းစားတွေးခေါ်မှုအပိုင်း နဲ့ နားလည်တတ်ကျွမ်းမှုအပိုင်း။ ပြီးရင် အုပ်စုလိုက် သူ့အမြင် ကိုယ့်အမြင်။ သူ့စိတ်ကူး ကိုယ့်စိတ်ကူး မျှဝေတတ်အောင်လည်း လမ်းကြောင်းမှန်အောင် ဦးတည်ပေးရအုံးမယ်။ ဒီလို Discussion Group သင်နည်းဟာ ကလေးတွေကို သင်ခန်းစာနဲ့ပတ်သက်တဲ့ တတ်ကျွမ်းနိုင်မှု ၅၀% ကို ရစေတယ်လို့ ဆိုထားပါတယ်

#Practice by doing (လက်တွေ့လုပ်ဆောင်ခြင်းနည်း)
သင်ခန်းစာမှာပါတဲ့ အကြောင်းအရာကို စာသင်ခန်းထဲမှာ ပြန်လုပ်ခိုင်းရုံနဲ့။ ဆရာကပြတဲ့ Demostraion ကို ပြန်လုပ်တတ်ရုံနဲ့။ Practice by doing method ဖြစ်သွားရောလား။ No မဖြစ်ဘူးဗျ။ Practice လက်တွေ့လုပ်ဆောင် ခြင်းနည်း ဆိုတာ ဆရာက လမ်းကြောင်းပဲ ပေးမှာ။ သူတို့ကိုပဲ ကိုယ်တိုင် ဖန်တီးလုပ်ဆောင်ခိုင်း ရမှာ။ အားနည်းချက် နဲ့အားသာချက်တွေ ရှာဖွေခိုင်းရမှာ။ တွေ့ရှိချက်တွေကို တင်ပြခိုင်းရမှာ။ ပြီးမှ သင်ခန်းစာကို ချိတ်ဆက်ပေးလိုက်ရမှာ။ အဲ့အတွက် နေရာတွေ၊ အချိန်တွေ၊ ငွေတွေ၊ သင်ကူပစ္စည်းစစ်တွေ လိုတယ်။ တစ်ခါလာလည်း စွန့်ပစ်ပစ္စည်း။ နှစ်ခါလာလည်း စွန့်ပစ္စည်း။ စာသင်ကျောင်းမှာ စွန့်ပစ်ပစ္စည်း အမှိုက်တွေပုံသွားတာပဲ အဖတ်တင်တယ်။ ဘယ်မှာလည်း သိပ္ပံခန်း။ ဘယ်မှာလည်း လှုပ်ရှားမှုအတွက် ခန်းမ။ မူကျောင်းနဲ့ လယ်ကျောင်းမှာလည်း ဒါတွေလိုအပ်တယ်ဗျ။ ထားပါတော့ ပြောရင်ရှည်သွားမယ်။ Edgar Dale ရဲ့တွေ့ရှိမှုအရ Practice လက်တွေ့လုပ်ဆောင်ခြင်းနည်းနဲ့ သင်မယ်ဆိုရင် ကလေးတွေရဲ့တတ်ကျွမ်းမှုဟာ ၇၅% ရစေတယ်လို့ ဆိုထားပါတယ်ဗျ။

#Teach_Others (အချင်းချင်းသင်ယူခြင်းနည်း)
ဒါကတော့ ရှင်းတယ်။ အချင်းချင်းသင်ယူတာက ပိုပြီးတတ်လွယ်တယ်။ ပိုပြီးကျွမ်းကျင်စေတယ်။ “အတုမြင် အတတ်သင်”ဆိုတဲ့ စကားရှိဗျ။ မြင်တာကို တုပြီး တတ်မြောက်အောင် သင်ယူကမှ လက်တွေ့ကျစေတယ်ဗျ။ သင်ကြားခံရတယ် ဆိုတာက ကလေးတွေအတွက် ဖိအားတစ်ခု ဖြစ်စေတယ်။ အချင်းချင်း သင်ယူတယ် ဆိုတာက လွတ်လပ် တယ်။ ပေါ့ပါးတယ်။ ဒါကြောင့် ပိုပြီးတတ်လွယ်တယ်။ သိလိုသူနဲ့ သိစေချင်သူရဲ့ ကြားမှာ ရင်းရင်းနှီးနှီးနဲ့ ပွင့်လင်းမှု ရှိတဲ့အတွက် သင်ကြားသင်ယူမှုဟာပိုပြီးပေါက်မြောက်စေတယ်။ ဒါကြောင့် Teach Others အချင်းချင်းသင်ယူခြင်းဟာ တတ်ကျွမ်းမှုကို ၉၀% ထိ အောင်မြင်စေတယ်လို့ ဆိုပါတယ်။

ဆိုတော့ ကျွန်တော်တို့ဆရာ/မတွေအနေနဲ့။ ကိုယ့်အတန်းထဲက ကလေး။ ကိုယ်သင်တဲ့သင်ခန်းစာ။ ဒါနဲ့ပတ်သက်ပြီး ရာခိုင်နှုန်း ဘယ်လောက်ပေးမယ်လို့ မျှော်လင့်ကြသလဲဗျ။ ဆရာ/မအားလုံးနီးပါးဟာ ကလေးဗဟိုပြုချဉ်းကပ်သင်ယူနည်းChild Centre Approach (CCA)သင်နည်း(၂၁) အရ သင်ကြမယ်ဆိုတာ ယုံကြည်ပါတယ်။ ဒါပေမယ့် သင်ကြားတဲ့နည်းလမ်းလွဲရင် တော့..။ ကလေးတွေ သင်ခန်းစာရဲ့ ကျွမ်းကျင်တတ်မြောက်မှု ရာခိုင်နှုန်းလည်း လွဲသွားပါလိမ့်မယ်။

ဒါကြောင့် ဆရာ/မတွေအနေနဲ့
သင်နည်း(၂၁)နည်းနဲ့တွဲသင်ပါ။ လွဲအောင်မသင်ကြပါနဲ့ လို့ ပညာရေးအတွက် အကျိုးမျှော် နှိုးဆော်ရင်း….

ဦးရဲ
ပညာရေး

Kg to G5 မွမ်းမံသင်တန်းအတွက်.ကြားသိတာကိုမျှဝေပါတယ်....

ပထမရက် နံနက်ပိုင်း

1️⃣ သင်တန်းမိတ်ဆက်
2️⃣ သင်ယူမူအတက်ပညာ ၁ နှင့် ၂
3️⃣ TCSF
4️⃣ စစ်ဆေးခြင်း ၁

နေ့လည်ပိုင်း

1️⃣ စစ်ဆေးခြင်း ၂
2️⃣ CPD
2️⃣ Kg နှင့် မူအောက်ဆင့်အရည်အသွေးနိမ့်ပါးနေမူ

ဒုတိယရက် နံနက်ပိုင်း

1️⃣ Kg.....သင်ကြားချိတ်ဆက်မူနှင့်စစ်ဆေးပုံစံ

နေ့လည်ပိုင်း

2️⃣ G1.... (ဘာသာစုံ နည်းပြလက်စွဲကောက်နှုတ်ချက် ၊ သင်ပြမူပုံစံနှင့်လက်တွေ့သင်ပြခြင်း ၊ စစ်ဆေးခြင်း)

တတိယရက် နံနက်ပိုင်း

1️⃣ G2.........အထက်ပါအတိုင်း

နေ့လည်ပိုင်း

2️⃣ G3..........အထက်ပါအတိုင်း

စတုတ္ထရက် နံနက်ပိုင်း

1️⃣ G4..........အထက်ပါအတိုင်း

နေ့လည်ပိုင်း

2️⃣ G5..........အထက်ပါအတိုင်း

ပဥ္စမရက် တစ်နေ့လုံး

ပို့ချချက်များပြန်လည်အနှစ်ချုပ်ခြင်း

မူလတန်းကျောင်းအုပ်ကြီးများစီမံခန့်ခွဲမူသင်တန်း အမှတ်စဥ်၁/၂၀၂၃
#Crd
#မူလတန်းအဆင့် Kg to G5 သင်တန်းမိတ်ဆက် ( ပထမရက်)

မင်္ဂလာပါ Kg to G5 မွမ်းမံသင်တန်းမှာ နည်းပြဆရာကြီး ဆရာမကြီးတို့ရေ..............

သင်တန်း၏ ပထမဆုံးရက်တွင် သင်တန်းမိတ်ဆက်ခြင်းဖြင့်စတင်ရပါမယ်။
သင်တန်းမိတ်ဆက်ရာတွင်

👨‍🏫
သင်တန်း၏ရည်ရွယ်ချက်
သင်တန်းတက်ရောက်သူများရရှိရန်မျှော်မှန်းထားသည့်အချက်များ
သင်တန်းဖွဲ့စည်းပုံ...သင်တန်းအစီစဥ်
သင်တန်း၏အခြေခံစည်းမျဥ်းများ
သတန်းတန်းကိုအကဲဖြတ်ခြင်း

👨‍🏫
သင်တန်းကိုအကဲဖြတ်ရာတွင် အဆင့် ၄ဆင့် ဖြင့် သင်တန်းတက်ရောက်သူများကိုအကဲဖြတ်၍ သင်တန်း၏ပို့ချမူများကိုအောင်မြင်မူရှိမရှိဆုံးဖြတ်သွားပါမည်။

သင်တန်းမိတ်ဆက်ခြင်းအစီစဥ်ပြီးဆုံးခြင်း

ေအာက်တွင်အပိုင်းတစ်ခုစီ၏ အကြောင်းအရာများကိုဖော်ပြထားပါတယ်ခင်ဗျာ။

#crd
မူလတန်းကျောင်းအုပ်ကြီးများစီမံခန့်ခွဲမူသင်တန်း အမှတ်စဥ်၁/၂၀၂၃

ဝန်ထမ်းများမြေဝယ်မယ်ဆို
ကျူးလား?
ဂရမ်လား?
ဂရန်မြေကို ဝယ်ယူလျှင်

➢ အဆင့်(၁၀)ဆင့်လုပ်ဆောင်မှသာ ပြီးပြည့်စုံပါသည်။

➢ ဤ(၁၀)အဆင့်ကို(၁)ဆင့်မ ျှ ဈေးမဆစ်ပါနှင့် အခက်အခဲတွေပေါ် လာလိမ့်မည်။
(အတွေ.အကြုံကိုရေးတာပါ။)

➢ အရောင်းအဝယ်စရန်ကြီး(စရန်ငွေ)မပေးမီ(၃)ဆင့် လုပ်ဆောင်ရပါမည်။

1. ဘယ်လောက်ပင်ရင်းနှီးကြပါစေ၊ ဂရန်မိတ္တူကိုယူ၍ စည်ပင်မှာစစ်ဆေးပါ။

2. စရန်ကြီးပေးခါနီး မူရင်ဂရန်ကိုမြင်တွေ.ရမှသာလ ျှင် စရန်ချပါ။

3. စရန်ချပြီးသည်နှင့်တပြိုင်နက်နိုင်ငံပိုင်သတင်းစာတွင် ကန်.ကွက်ရန်ရှိ/မရှိ ကြော်ငြာထည့်ပါ။

➢ ၄-မျိုး ရမှငွေပြေချေပါ။

1. အရောင်းအဝယ်ပြုလုပ်ရန်အတွက်ထုတ်ယူထားသော မြေပုံမြေရာဇဝင်။

2. မူရင်းဂရန် အမည်ပေါက်ထံမှ SP။

3. မူရင်းဂရန်နှင့် ဆက်စပ်စာချုပ်များ။

4. မြေကွက်နှင့် တိုက် လက်ရောက်ရယူပါ။

➢ ဝယ်ယူပြီးနောက် ၃-ဆင့်။

1. တန်ဘိုးလျော့ချုပ်သည့်စာချုပ်တစ်ဆောင်နှင့် မြေပုံမြေရာဇဝင်ကို “ရာဖြတ်” တင်ပါ။

2. “ရာဖြတ်” ၏၊ သတ်မှတ်တန်ဖိုးအရ “အခွန်တော်ခေါင်း” နှင့် “မှတ်ပုံတင်ကြေး” တို.ဖြင့်မှတ်ပုံတင်စာချုပ်ချုပ်ဆိုပါ။

3. အားလုံးပြီးမှ မြို.တော်စည်ပင်တွင် “ဂရန်” နှင့် “မြေကွက်” အမည်ပြောင်းပါ။