Grade 12 အတွက်
မွန်းမံတွေ အထူးထုတ်ဘာသာပြန်တွေ TG,TB တွေနဲ့ မပြည့်စုံနိုင်ဘူးလို့ အတွေးတစ်ခုပေါ်လာလို့ တစ်နေ့လုံးစမ်းနေတာက အေအိုင်
Chat GPT ကို English Chemistry, Physics, Biology, စာလေ့လာတဲ့နေရာမှာသုံးလို့ရတာ သိပြီးပြီလား?
🤖📝

Chat GPT ဆိုတာဘာလဲ ။ 🤔

Chat GPT ကို အခုမှ ကြားဖူးတဲ့Learners လေးတွေအတွက် Chat GPT အကြောင်းလေး အရင်ရှင်းပြချင်ပါတယ်နော်။ Chat GPT ဆိုတာကတော့ Generative Pre-trained Transformer ဆိုတဲ့ စကားလုံးဖြစ်တဲ့ AI နည်းပညာတစ်ခုပဲဖြစ်ပါတယ်။ AI နည်းပညာနဲ့ လုပ်လို့ရတဲ့ အရာတွေအများကြီးရှိပြီးတော့ ကောင်းကောင်းအသုံးချတတ်ရင် အကျိုးရှိနိုင်မှာဖြစ်ပါတယ်။ ✨
Chat GPT : https://chat.openai.com (https://chat.openai.com/)

Chat GPT ကို အင်္ဂလိပ်စာ လေ့လာဖို့အတွက် ဘယ်လိုအသုံးချလို့ရမလဲ။ ❓

Chat GPT ကို အင်္ဂလိပ်စာ လေ့လာတဲ့နေရာမှာ ကောင်းကောင်းအသုံးချနိုင်ဖို့အတွက် နည်းလမ်းကောင်းလေးတွေ ဖော်ပြပေးလိုက်ပါတယ်။
1️⃣Vocabulary Building

မိမိရဲ့ vocabulary စွမ်းရည်တိုးတက်ဖို့ Chat GPT နဲ့ အတူလေ့လာလို့ရပါတယ်နော်။ မရှင်းလင်းတဲ့စကားလုံးဖြစ်ဖြစ်၊ လေ့လာချင်တဲ့စကားလုံးကို ဖြစ်ဖြစ် Chat GPT ကို prompt လေးပေးပြီး မေးလို့ရပါတယ်။ အဲ့အခါ အဲ့စကားလုံးရဲ့ အသုံးပြုပုံ ၊ အဓိပ္ပါယ်၊ Synonyms, antonyms တို့ကို စုံစုံလင်လင် ဖြေကြားပေးသွားမှာ ဖြစ်ပါတယ်။ ဥပမာ Can you give everything about the word “good”? ဆိုပြီး မေးလိုက်ရင် Good နဲ့ပတ်သတ်တဲ့ အရာအားလုံးကို လေ့လာလို့ရမှာဖြစ်ပါတယ်။☺️

2️⃣Grammar Building

English Grammar နဲ့ပတ်သတ်ပြီး အခက်တွေ့နေတဲ့ learners တွေအနေနဲ့ Chat GPT ရဲ့ အကူအညီကို ယူပြီး မရှင်းလင်းတဲ့ Grammatical Usage တွေကို သိရှိနိုင်မှာဖြစ်ပါတယ်။ ဥပမာ What is the difference between Present Perfect and Present Perfect Continuous Tense? လို့ မေးလိုက်ရင် Tense တွေအကြောင်း အသေးစိတ်ကို Example Sentences တွေနဲ့ ရှင်းပြပေးသွားမှာဖြစ်ပါတယ်ရှင်။ ☺️

3️⃣ Writing Practice

Academic Writing နဲ့ပတ်သတ်ပြီး တိုးတက်ချင်တဲ့သူတွေအတွက် Chat GPT ကိုသုံးပြီး Writing လေ့ကျင့်လို့ရပါတယ်။ ဥပမာ Can you give me a writing prompt about my favorite person? ဆိုပြီး မေးလိုက်တဲ့အခါ Writing အတွက် လိုအပ်တဲ့ idea prompts လေးတွေကို သေချာလေး ပြန်ပေးမှာဖြစ်ပါတယ်။ ☺️

4️⃣ Writing Assessment

အထက်ကပြောခဲ့တဲ့ အရာတွေထက် အသုံးဝင်ဆုံးအရာလေးကတော့ writing assessment လုပ်လို့ရတာဖြစ်ပါတယ်။ IELTS Writing အတွက် Feedback ကောင်းကောင်းလေး ပြန်လိုချင်သူတွေအတွက် ဒီအရာလေးက အသုံးဝင်မှာဖြစ်ပါတယ်။ ဥပမာ You are a former IELTS Examiner. You know everything about IELTS Marking Criteria. Can you please assess my IELTS Writing and give feedback on my mistakes? Here is the essay. ဆိုပြီး မေးလိုက်ရင် ပြင်ဆင်ဖို့လိုအပ်နေတဲ့ Grammatical Mistakes, Vocabulary Usage,အစရှိတဲ့ အသေးစိတ် Feedback လေးတွေကို ပြန်ပေးသွားမှာဖြစ်ပါတယ်။ 😯

အလျင်အမြန်တိုးတက်နေတဲ့နည်းပညာခေတ်နဲ့အညီ AI နည်းပညာ ကို အကျိုးရှိရှိ ကောင်းကောင်းအသုံးချတတ်အောင် လေ့လာထားသင့်ပါတယ်နော်။ ✨

ဒါတွေကိုလေ့လာဖို့ မေးခွန်းမေးတတ်အောင်လေ့ကျင့်ပါ။
မေးခွန်းကို English လို prompt မရေးတတ်ရင် မြန်မာလိုရေးပြီး google translate နဲ့ English လိုရအောင်လုပ်ပြီး ChatGPT မှာ မေးလို့ရတယ်။
အပေါ်က link ကို နှိပ်ပြီး အခုပဲ စမ်းကြည့်ကြစို့လေး။

#သတိပြုဖို့က သုံးမတတ်သေးခင်း အရမ်းရှုပ်တယ်လို့ခံစားရမှာပါ။ သုံးတတ်အောင်သင်ချင်စိတ် ရှိဖို့ပဲလိုတယ်။

နှစ်သစ်မှာ ပရိတ်အိုး၊ပရိတ်ချည်၊ပရိတ်ရေပြင်ဆင်တတ်ဖို့
🙏

နှစ်သစ်ကူးအခါသမယမှာ ပရိတ္တရားမှ မနာယူ၊မရွတ်ဖတ်ရလျှင် စိတ်ထဲ နှစ်သစ်မှာ မပြည့်စုံသလိုခံစားရတာ အမှန်ပါပဲ

ပရိတ်တရားဆိုသည်မှာ "ဘေးရန်အန္တရာယ်တို့မှ ကာကွယ်စောင့်ရှောက်တတ်သော တရား၊အန္တရာယ်ကင်းစေတတ်သော တရား" ဟုအဓိပ္ပါယ်ဖွင့်ဆိုပါတယ် ဒါ့အပြင် ချမ်းသာသုခနှင့်ပြည့်စုံခြင်းအကျိုးကိုလည်း ရရှိစေနိုင်ပါတယ်

ပရိတ်အိုး ပြင်ဆင်နိုင်ရန်
*****
ပရိတ်အိုးပြင်ဆင်ပြီဆို ပရိတ်ရေ၊ပရိတ်ချည်၊ပရိတ်ဆန်၊ပရိတ်သဲ ဒါတွေကို ကြိုတင်ပြင်ဆင်ထားဖို့လိုပါတယ် ကေသပုတ္တဇာတ်တော်မှာ ပရိတ်ပန်းကို ဘာပန်း ညာပန်းဟူ၍ အထူးညွှန်းဆိုထားတာတော့မရှိပါဘူး

ပရိတ်အိုးမှာ ပနံတင့်အောင် ပရိတ်ပန်းတွေကိုတော့ အတာအိုးပြင်ဆင်သကဲ့သို့ ခုနစ်နေ့နံ ပန်း၊အညွှန့်များကို ပြင်ဆင်နိုင်ပါတယ် ပြင်ဆင်ပြီးပြီဆိုရင်တော့ ပရိတ်ရွတ်ဖတ်တဲ့ ရဟန်းသံဃာတော်များရှေ့မှာထားပြီး ပရိတ်ရွတ်ဖတ်နာယူနိုင်ကြောင်းကို ကျမ်းဂန်များထဲမှာ လမ်းညွှန်ထားပါတယ်

ပရိတ်အကျိုးတရားများ ဧကန်မုချရရှိစေရန်....
ပရိတ်ရွတ်ဖတ်သူ၊ နာယူသူများ အင်္ဂါ သုံးချက်နဲ့ ပြည့်စုံရန် ကြိုးစားအားထုတ်ဖို့လိုပါတယ်

ပရိတ်ရွတ်ဖတ်သူ၌ ပြည့်စုံရမည့် အင်္ဂါ ၃-ပါး
*******
၁။ အနက်သဒ္ဒါကို သုတ်သင်၍ ကောင်းစွာသင်ယူထားခြင်း

၂။ ပုဒ်၊ ဗျည်းတို့ကို မယုတ်စေရ။ ပြည့်စုံအောင်လေ့လာကျက်မှတ်ထားခြင်း

၃။ လာဘ္လာဘကိုမငဲ့ မေတ္တာရှေ့ထား၍ ရွတ်ဆိုခြင်းတို့ ဖြစ်ပါတယ်
(ပါထိကအဋ္ဌကထာ၊ အာဋာနာဋိယသုတ် (၁၄၉) )

ပရိတ္နာသူ၌ ပြည့်စုံရမည့် အင်္ဂါ ၃-ပါး
********
၁။ ပဉ္စာနန္တရိယကံမရှိခြင်း (ပဉ္စာနန္တရိယကံဆိုသည်မှာ - အမိရင်းကိုသတ်သူ၊အဖရင်းကိုသတ်သူ၊ရဟန္တာကိုသတ်သူ၊ဘုရားအားသွေးစိမ်းတည်အောင်ပြုသူ၊သံဃာတော်တို့အား ဂိုဏ်းအသင်းခွဲသူ)

၂။ နိယတမိစ္ဆာ ဒိဋ္ဌိမဟုတ်ခြင်း (နိယတမိစ္ဆာ ဒိဋ္ဌိဆိုသည်မှာ -သတ္တဝါတို့အား ညစ်ညူးခြင်း၊ ဖြူစင်ခြင်းမရှိဟု စွဲယူခြင်း)

၃။ ပရိတ်တန်ခိုး ကို ယုံကြည်ခြင်း တို့ဖြစ်ပါတယ်
(မိလိန္ဒပဥှာ (၁၅၅) )

ပရိတ် ရွတ်ပြီးနောက် ပရိတ်အိုး ပရိတ်ပန်း ခြံစည်းရိုးများ အိမ်အဝများမှာ ထားခြင်း ပရိတ်ဆန် ပရိတ်သဲများ ဖြူးခြင်း စည်းချခြင်းဖြင့် မကောင်းသော ဒုက္ခပေးနိုင်တဲ့ နာနာဘာဝမ်ား သရဲတစ္ဆေများ၊မကောင်းသော အညံ့များ ဝင်မလာနိုင်အောင် အဟန့်ဖြစ်စေရန်လည်းကောင်း၊ ပရိတ်ရေကို သောက်သုံးပြီး ကျန်းမာစေရန်၊ကြံတိုင်းအောင်၊ဆောင်တိုင်းမြောက်စေရန်အတွက်လည်းကောင်း၊ ပရိတ်ချည်၊ပရိတ်ကြိုးများကို သွားလေရာမှာ အန္တရာယ်ဘေးကင်းစေရန်အတွက် ဆောင်ထားနိုင်ပါတယ်😊

Photo - Dhama School Foundation

#Thingyan
#ပရိတ်အိုး #ပရိတ်ချည် #ပရိတ်ရေ
#myanmarnewyear

၂၀၂၃ခုနှစ်ဇွန်လ၄ရက်နေ့ တက္ကသိုလ်ဝင်စာမေးပွဲအောင်စာရင်းထွက်မည်

တပည့်တို့ရေ ဆရာ့ကို ခွင့်လွှတ်ပေးကြပါ

အရက်ဆိုင်ထဲမှာ အရက်သောက်နေတဲ့တပည့်က
လမ်းမပေါ်ကနေလမ်းလျှောက်လာတဲ့
ဆရာကိုမြင်တော့ နောက်ကနေ လိုက်လာပြီး
ပြုံးဖြဲဖြဲနဲ့ လာနှုတ်ဆက်တယ်။

လက်ဖက်ရည်ဆိုင်ထဲဝင်တုန်းက
သောက်လက်စ ဆေးလိပ်ကလေးဝှက်ပြီး
ဆရာနေကောင်းလား ဘာလား
လာနှုတ်ဆက်တဲ့ တပည့်မျိုးနဲ့ ကြုံဖူးတယ်။

တစ်ခါတလေ ဘောလုံးကွင်းသွားရင်
ဆရာ ဝင်ကန်လို့ရအောင် ခဏထွက်ပေးမယ့်
တပည့်မျိုးလည်း ကြုံဖူးတယ်။

ပျက်နေတဲ့ကိုယ့်ဆိုင်ကယ်လေးကို
စေတနာပါပါပြင်ပေးပြီး ဆိုင်ကယ်ပြင်ခကို
ဘယ်လိုပေးပေးမယူတဲ့အင်္ကျိမှာ ဆီချေးအထပ်ထပ်နဲ့
တပည့်မျိုးနဲ့လည်း ကြုံဖူးခဲ့တယ်။

အမှန်အတိုင်းပြောရရင် သူတို့လေးတွေက
ကိုးတန်း,ဆယ်တန်းတုန်းက စာမတော်ခဲ့ဘူး။
သူတို့လေးတွေအတွက်
ကျွန်တော်သိပ်ပြီး မကြိုးစားပေးမိခဲ့ဘူး။

ဂုဏ်ထူးရမယ့် တပည့်လေးတွေလောက်
အားမကိုးမိခဲ့ဘူး ဆယ်တန်း အောင်ချက်နဲ့
ဂုဏ်ထူးရရေးကိုသာ အဓိကထား
ဦးစားပေးပြီး ကြိုးစားခဲ့မိတယ်။

အောင်သွားသူတွေ ဂုဏ်ထူးရသွားသူတွေ
အတွက် ကျွန်တော် ဂုဏ်ယူမိခဲ့တာအမှန်ပဲ။
ဒါပေမယ့် ဆယ်တန်းမအောင်ဘဲ အပြင်မှာ
ဘဝကို ရုန်းကန်နေတဲ့တပည့်တွေအတွက်
ဂုဏ်ယူပေးဖို့ ကျွန်တော် မေ့နေခဲ့မိတယ်။

တချို့ ဆယ်တန်းအောင်တပည့်တွေက
ကိုယ့်ကို နှုတ်ဆက်ဖို့ တွန့်ဆုတ်နေချိန်မှာ
အပြင်ရောက်သွားတဲ့ ကလေးက
အရက်မူးမူးနဲ့ လာနှုတ်ဆက်နေတယ်။

ဂုဏ်ထူးရဖို့ ဖိပြီးကြိုးစားလုပ်ပေးခဲ့တဲ့တပည့်ထက်
မထင်မှတ်ဘဲ အောင်သွားတဲ့တပည့်က
ကိုယ့်ကို တွေ့တိုင်း နှုတ်ဆက်ပြုံးပြဖော်ရတယ်။

လက်ဖက်ရည်ဆိုင်မှာ တက္ကသိုလ်ကျောင်းသားကြီးက
Game ကစား မပျက်ပေမယ့် ဆယ်တန်းမအောင်ဘဲ
အပြင်ရောက်သွားတဲ့ကလေးက ဆေးလိပ်ကလေး
ဝှက်ပြီးတော့ လာနှုတ်ဆက်တယ်။

ကိုယ်ဟာ တချို့တပည့်တွေအတွက် Hero
တစ်ယောက်ပါလို့ကိုယ့်ကိုယ့်ကို ထင်ခဲ့မိတယ်။
တကယ်တော့ အဲဒီတပည့်တွေက
ကိုယ့်ကို သတိရပုံတောင် မပေါ်ဘူး။

ဒါပေမယ့် ကိုယ်သတိမထားမိတဲ့
တပည့်တွေက ကိုယ့်ကို Hero တစ်ယောက်အဖြစ်
သတ်မှတ်ထားတာရှိတယ်ဆိုတာကို တွေ့လာရတယ်။

အောင်ချက်နဲ့ ဂုဏ်ထူးက
ဆရာတွေအတွက် ဂုဏ်ယူစရာဖြစ်နေခဲ့တော့
ပညာမတော်တဲ့တပည့်လေးတွေက
ဂုဏ်ငယ်စရာတွေ ပေးသလို ဖြစ်နေခဲ့တယ်။

အခုတော့ နားလည်လာပါပြီ။
ကျွန်တော်တို့ကိုယ်တိုင်က ပညာနောက်လိုက်ရင်း
စိတ်ဓာတ်နဲ့ စည်းကမ်းတွေကို မေ့လာကြတယ်။

စိတ်ဓာတ်လေးတွေကို ပြင်ပေးဖို့ထက်
ကျက်ထား, တွက်ထားတဲ့စာအမှားတွေကို
ပြင်ပေးဖို့ စိတ်သန်နေခဲ့တယ်။

လူ့ဘောင်စည်းမျဉ်းနဲ့အညီ နေတတ်ဖို့ထက်
အမှတ်ပေး စည်းမျဉ်းနဲ့အညီ
ဖြေတတ်ဖို့ကိုပဲ ဦးစားပေးခဲ့မိတယ်။

တက္ကသိုလ်မှာအပျော်လွန်ပြီး
စာမေးပွဲကျတဲ့တပည့်တွေရဲ့သတင်းတွေ
ကြားမိတော့ ပုစ္ဆာတွက်နည်းတွေပဲ သင်ပေးခဲ့မိပြီး
ကိုယ့်ဘဝကိုယ် ထိန်းနည်းတွေ မသင်ပေးခဲ့မိတဲ့
ကျွန်တော့်ကိုကျွန်တော် စိတ်မသန့်ဘူး။

ပညာမတော်ချင်နေ ဘဝမှာ စိတ်ဓာတ်နဲ့
စိတ်ကမ်းကောင်းရင် ထိပ်ဆုံးကို
ရောက်နိုင်သေးတယ်ဆိုတာ တပည့်တွေကို
ပြောပြဖို့ အကြိမ်ကြိမ် ဆွံ့အခဲ့မိတယ်။

တပည့်တို့ရေ ဆရာ့ကို ခွင့်လွှတ်ပေးကြပါ။
အောင်ချက်နဲ့ဂုဏ်ထူးက လောလောဆယ်
နိုင်ငံတော်ရဲ့ အလိုချင်ဆုံး Product တွေ
ဖြစ်နေတော့ စိတ်ဓာတ်နဲ့ စည်းကမ်းပိုင်းကို
တော်တော်လေး မလေးမထား ပေါ့လျော့မိခဲ့ပါတယ်။

စာရိတ္တအချိန်တိုင်း Physics စာအုပ်ယူခိုင်းတုန်းက
ယူခိုင်းပြီးမှ ကျွန်တော် တပည့်တွေထဲက
တချို့က ဆရာတွေကို နှုတ်ဆက်ဖော်တောင်
မရဘူးလို့ ပြောရင် ကျွန်တော်ပဲ လွန်မှာပေါ့။

ကာယအချိန်အတိုင်း အင်္ဂလိပ်စာတွေ
သင်ပေးခဲ့ပြီးမှ နောက်လာတဲ့ကလေးတွေ အားကစားမှာ
ညံ့လာတယ်လို့ ကျွန်တော် မဝေဖန်ရဲတော့ဘူး။

ပန်ချီ,ရသ,သက်မွေးချိန်မှာ
သင်ရိုးနောက်မမှီတဲ့ဘာသာကို အစားထိုး
တွန်းတိုက်သင်တုန်းကသင်ပြီးမှ ခေတ်ကလေးတွေ
တိုင်းတစ်ပါးယဉ်ကျေးမှုကို အထင်ကြီးလာတဲ့
အကြောင်း အာမချောင်ချင်တော့ဘူး။

ဘဝချိန်မှာ ဘာသင်ရတာလဲတောင် မသိတဲ့
ကလေးတွေ အများဆိုတော့ လူမှုနေထိုင်ရေးနဲ့
ဆက်ဆံရေးမှာ ဘယ်လိုယဉ်ကျေးလာတော့မလဲ။

အောင်ချက်နဲ့ ဂုဏ်ထူး အရေးကြီးတဲ့စနစ်မှာ
ဒါတွေကို တကူးတက လာသင်ပေးနေရင်ရော
ဘယ်သူက အလေးထားပါ့မလဲ။

ပြောရင် မုန့်လုံးစက္ကူကပ်လာနိုင်တယ်။

အစွယ်လိုသူရယ်, အသွားစေခိုင်းသူရယ်
လေးပစ်သူ ကျွန်တော်တို့ရယ် အားလုံးက
တစ်လမ်းတည်း လျှောက်လာတာပဲလေ။

ပညာတော်ပေမယ့် စိတ်ဓာတ်ပျက်လာတဲ့
တပည့်တွေနဲ့ စည်းကမ်းလိုက်နာနိုင်စွမ်းနည်းတဲ့
တပည့်တွေကို မြင်မိတိုင်း ကိုယ်လည်း
ကြံရာပါတစ်ယောက်ဖြစ်ခဲ့သလို ခံစားမိရင်း.....။

Credit : ဆရာငယ်

ဆိုင်ကလုန်းမုန်တိုင်းသတိပေးချက် အမှတ်စဉ်(ဝ၆/၂၀၂၃)
====================================
(၂၀၂၃ ခုနှစ်၊ မေလ ၁၁ ရက်နေ့ မြန်မာစံတော်ချိန်(၀၇:၀၀)နာရီအချိန်ထုတ်ပြန်ချက်)
=============================================

(က) ဆိုင်ကလုန်းမုန်တိုင်း(Cyclonic Storm)အခြေအနေ
-------------------------------------------------------
(၁) ယနေ့မြန်မာစံတော်ချိန် (၀၆:၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော်အရှေ့တောင်ပိုင်းတွင် ဖြစ်ပေါ်နေသော အားကောင်းသော မုန်တိုင်းငယ်(Deep Depression)သည် မြောက်-အနောက်မြောက်ဘက်သို့ ရွေ့လျားခဲ့ပြီး၊ ပိုမိုအားကောင်းလာကာ ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”အဖြစ်သို့ ရောက်ရှိခဲ့ပြီး၊ မြန်မာနိုင်ငံ၊ ကိုကိုးကျွန်းမြို့(Coco Island)၏ အနောက်-အနောက်တောင်ဘက် ရေမိုင်(၃၆၅)မိုင်ခန့်၊ ဟိုင်းကြီး ကျွန်းမြို့(Hainggyigyun)၏ အနောက်-အနောက်တောင်ဘက် ရေမိုင်(၄၇၅) မိုင်ခန့်၊ စစ်တွေမြို့ (Sittwe)၏ တောင်-အနောက်တောင်ဘက် ရေမိုင်(၆၁၅) မိုင်ခန့်၊ အိန္ဒိယနိုင်ငံ၊ နီကိုးဘားကျွန်း(Nicobar Islands)၏ အနောက်-အနောက်မြောက်ဘက် ရေမိုင်(၄၁၅)မိုင်ခန့်၊ ပို့ပလဲယား(Port Blair)၏ အနောက်-အနောက်တောင်ဘက် ရေမိုင်(၂၈၀)မိုင်ခန့်နှင့် ဘင်္ဂလားဒေ့ရှ် နိုင်ငံ၊ ကော့ဘဇားမြို့(Cox’s Bazar)၏ တောင်-အနောက်တောင်ဘက် ရေမိုင် (၆၆၅)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။
(၂) ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”၏ လက်ရှိအခြေ အနေမှာ ဘင်္ဂလားဒေ့ရှ်-မြန်မာကမ်းရိုးတန်းသို့ ဦးတည်ရွေ့လျားနိုင်သည့် အခြေအနေရှိပါသဖြင့် လိမ္မော်ရောင်အဆင့်ဟု သတ်မှတ်ပါသည်။

(ခ) ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”၏ တည်နေရာ၊ ဗဟိုချက် လေဖိအားနှင့် လေတိုက်နှုန်း
---------------------------------------------------------------------------
အဆိုပါ ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”သည် မြန်မာစံ တော်ချိန် (၀၆:၃၀)နာရီအချိန်တွင် မြောက်လတ္တီကျု(၁၁.၀)ဒီဂရီနှင့် အရှေ့လောင် ဂျီကျု (၈၈.၀)ဒီဂရီတွင်ရှိပြီး၊ ဗဟိုချက်လေဖိအား (၉၉၈)ဟက်တိုပါစကယ်နှင့် အမြင့် ဆုံးလေတိုက်နှုန်းမှာ တစ်နာရီလျှင် (၄၅)မိုင်နှုန်းခန့် ဖြစ်ပါသည်။

(ဂ) နောက်(၄)ရက်အတွင်း ခန့်မှန်းချက်
-----------------------------------------
အဆိုပါ ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”သည် မြောက်-အနောက်မြောက်ဘက်သို့ ရွေ့လျားပြီး၊ ယနေ့ညပိုင်းတွင် အားကောင်းသောဆိုင်ကလုန်း မုန်တိုင်း(Severe Cyclonic Storm) “မိုခါ(MOCHA)”အဖြစ်သို့လည်းကောင်း၊ (၁၂.၅.၂၀၂၃)ရက်နေ့တွင် မြောက်-အရှေ့မြောက်ဘက်သို့ တဖြည်းဖြည်းကွေ့ကာ ဘင်္ဂလားပင်လယ်အော်အလယ်ပိုင်း၌ အားအလွန်ကောင်းသောဆိုင်ကလုန်းမုန်တိုင်း (Very Severe Cyclonic Storm) “မိုခါ(MOCHA)” အဖြစ်သို့လည်းကောင်း ရောက်ရှိ နိုင်ပါသည်။ အားအလွန်ကောင်းသောဆိုင်ကလုန်းမုန်တိုင်း (Very Severe Cyclonic Storm) “မိုခါ(MOCHA)”သည် (၁၄.၅.၂၀၂၃)ရက်နေ့တွင် ဘင်္ဂလားဒေ့ရှ်နိုင်ငံ အရှေ့ တောင်ပိုင်းနှင့် မြန်မာနိုင်ငံ၊ ရခိုင်ကမ်းရိုးတန်းမြောက်ပိုင်းကမ်းခြေကို ဘင်္ဂလားဒေ့ရှ် နိုင်ငံ၊ ကော့ဘဇားမြို့(Cox’s Bazar)နှင့် မြန်မာနိုင်ငံ၊ ကျောက်ဖြူမြို့(Kyaukpyu) တို့ကြားမှ ဖြတ်ကျော်ဝင်ရောက်နိုင်သည်ဟု ခန့်မှန်းရပါသည်။

(ဃ) သတိပေးနှိုးဆော်ချက်
------------------------------
(၁) ဆိုင်ကလုန်းမုန်တိုင်း(Cyclonic Storm)“မိုခါ(MOCHA)”၏အရှိန်ကြောင့် ယနေ့ နံနက်မှ (၁၅.၅.၂၀၂၃)ရက်နေ့အတွင်း နေပြည်တော်၊ စစ်ကိုင်းတိုင်းဒေသ ကြီး၊ မန္တလေးတိုင်းဒေသကြီး၊‌ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည် နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့ အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသ ကြီး၊ ချင်းပြည်နယ်နှင့် ရခိုင်ပြည်နယ်တို့တွင် ဒေသအလိုက်နှင့် နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ကချင်ပြည်နယ်၊ ရှမ်း ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင် ပါသည်။
(၂) သို့ဖြစ်ပါ၍ နောက်(၂၄)နာရီအတွင်း မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်း ကျစဉ် ရေပြင်/ မြေပြင်လေသည် တစ်နာရီလျှင် (၃၅)မိုင်မှ မိုင်(၄၀)ခန့်အထိ တိုက်ခတ်နိုင်ပြီး၊ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၈)ပေမှ (၁၁) ပေခန့် ရှိနိုင်ပါသည်။ (၁၂.၅.၂၀၂၃)ရက်နေ့မှ (၁၄.၅.

၂၀၂၃)ရက်နေ့အတွင်း မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် မကြာခဏ မိုးသက်လေပြင်းများ ကျရောက်ပြီး လှိုင်းကြီးရာမှ လှိုင်း အလွန်ကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင်(၈၀)မှ မိုင်(၁၀၀)ခန့်အထိ တိုက်ခတ်နိုင်ပါသည်။ လှိုင်း အမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ် ပြင်တို့တွင် (၁၃)ပေမှ (၁၆)ပေခန့် ရှိနိုင်ပါသည်။ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက် လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင်(၄၀)မှ (၄၅)မိုင်ခန့်အထိ တိုက်ခတ် နိုင်ပါသည်။ လှိုင်းအမြင့်မှာ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် (၉)ပေမှ (၁၂)ပေခန့် ရှိနိုင်ပါသည်။
(၃) ဆိုင်ကလုန်းမုန်တိုင်း(Cyclonic Storm)“မိုခါ(MOCHA)”သည် ဘင်္ဂလားဒေ့ရှ် နိုင်ငံ အရှေ့တောင်ပိုင်းနှင့် မြန်မာနိုင်ငံ၊ ရခိုင်ကမ်းရိုးတန်းမြောက်ပိုင်းကမ်း ခြေကို ဘင်္ဂလားဒေ့ရှ်နိုင်ငံ၊ ကော့ဘဇားမြို့(Cox’s Bazar)နှင့် မြန်မာနိုင်ငံ၊ ကျောက်ဖြူမြို့(Kyaukpyu)တို့ကြားမှ ဖြတ်ကျော်စဉ် အမြင့်ဆုံးလေတိုက် နှုန်းမှာ တစ်နာရီလျှင် မိုင်(၉၀)မှ (၁၀၀)ခန့်အထိ တိုက်ခတ်နိုင်သည်ဟု ခန့်မှန်းရပါသည်။
(၄) မုန်တိုင်းဖြတ်ကျော်စဉ် မုန်တိုင်းဒီရေမှာ ရခိုင်ပြည်နယ်၊ စစ်တွေခရိုင်၊ မောင်တော ခရိုင်တို့ရှိ မြစ်ဝ၊ မြစ်လက်တက်များအတွင်း (၁၀)ပေမှ (၁၄) ပေခန့်အထိနှင့် ကျောက်ဖြူခရိုင်ရှိ မြစ်ဝ၊ မြစ်လက်တက်များအတွင်း (၇)ပေမှ (၁၀)ပေခန့် အထိ မြင့်တက်လာနိုင်ကြောင်းခန့်မှန်းရပါသည်။

(င) အကြံပြုချက်
အဆိုပါ ဆိုင်ကလုန်းမုန်တိုင်း(Cyclonic Storm) “မိုခါ(MOCHA)”၏ အရှိန်ကြောင့် လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက်ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှု အန္တရာယ်ကိုလည်းကောင်း၊ မြန်မာ့ကမ်းရိုးတန်းတစ်လျှောက်နှင့် မြစ်ငယ်၊ ချောင်း ငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများ ဖြစ်ပေါ်နိုင်သော ကြောင့် ကြိုတင်သတိပြုနေထိုင်ကြပါရန်နှင့် ပြည်တွင်းလေကြောင်းပျံသန်းရေးနှင့် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများအနေဖြင့်လည်း ကြိုတင်သတိပြုရှောင်ရှား နိုင်ပါရန်နှင့် ပြည်သူလူထုအနေဖြင့် မိုးလေဝသနှင့် ဇလဗေဒညွှန်ကြားမှုဦးစီးဌာန၏ အချိန်နှင့် တပြေးညီထုတ်ပြန်ချက်များကို စောင့်ကြည့်၍ လိုအပ်သည့် ကြိုတင်ပြင်ဆင် မှုများကို ဆောင်ရွက်သွားနိုင်ပါရန် အကြံပြုအပ်ပါသည်။


(မှတ်ချက် ။ ။မိုးဇလ၏ ထုတ်ပြန်ချက် ဖြစ်သည်)

May 11

မုန်တိုင်း၏လားရာအားကြိုတင်သိနိုင်သည့် ဤlink တွင်ကြည့်ရူ့၍ အားလုံးပြင်ဆင်နိုင်ကြရန်ဖြစ်ပါသည်

https://zoom.earth/storms/91b-2023/


လတ်တလော ဦးတည်နေသည်မှာ စစ်တွေဖက်ဖြစ်နေပြီဖြစ်သည်။ကုန်းတွင်းပိုင်းရောက်၍ အားပျော့လျှင်တောင် တနာရီလျှင် မိုင်၁၀၀နူန်းမှစ၍ အားပျော့မည့်ပုံပြနေသည်။

ပညာရေးဝန်ကြီးဌာန၊အခြေခံပညာဦးစီးဌာန၏
“၂၀၂၃-၂၀၂၄ ပညာသင်နှစ်”အတွက်
ကျောင်းအုပ်၊ ဆရာ၊ ဆရာမများအားလုံးနှင့် အရာထမ်း၊ အမှုထမ်းများအားလုံး
သိရှိလိုက်နာရမည့်အချက်များ


* မည်သည့်အခကြေးငွေမျှ ကောက်ခံခြင်း/လက်ခံခြင်းမပြုရ။

* ငွေကြေး/လက်ဆောင်ပစ္စည်း တစ်စုံတစ်ရာ လက်ခံခြင်းမပြုရ။

* အတန်းတံဆိပ်၊ ကျောင်းတံဆိပ်နှင့် အခြားမည်သည့်ပစ္စည်းကိုမျှ ရောင်းချခြင်းမပြုရ။

* ကျောင်းသား၊ ကျောင်းသူများ ပူးပေါင်းဆောင်ရွက်တတ်ရေး၊ ကျောင်းတက်မှန်ရေး၊ အိမ်စာများကိုနေ့စဉ်လုပ်ဆောင်ရေး၊ မိဘများနှင့် ပူးပေါင်းဆွေးနွေး ဆောင်ရွက်ပေးပါရန်။

* ပညာသင်ကာလအတွင်း စစ်ဆေးအကဲဖြတ်ခြင်းအား ညွှန်ကြားချက်များအတိုင်း စစ်ဆေးရန်။

* ကျောင်းထွက်သူလုံးဝမရှိစေရေးနှင့် အလယ်တန်း၊ အထက်တန်းအဆင့်များသို့ အဆင့်ဆင့်ဆက်လက်ပညာသင်ယူနိုင်ရေးအတွက် မိဘများနှင့် ပူးပေါင်းပါဝင် ဆောင်ရွက်ရန်။

* မူးယစ်ဆေးဝါး တားဆီးကာကွယ်ရေး၊ အရက်၊ ဘီယာ၊ စီးကရက်၊ ကွမ်းယာ မသုံးစွဲရေး မိဘပြည်သူ အားလုံးနှင့် ပူးပေါင်းဆောင်ရွက်ရန်။

* ယာဉ်အန္တရာယ်ကင်းရှင်းရေးနှင့် ယာဉ်စည်းကမ်း၊ လမ်းစည်းကမ်းလိုက်နာရေး .. မိဘပြည်သူ အားလုံးနှင့် ပူးပေါင်းဆောင်ရွက်ရန်။

** ကျန်းမာရေးနှင့် ညီညွတ်သော လူနေမှုပုံစံများ စွဲမြဲဆောင်ရွက်တတ်ရန် အသိပညာပေးရေး မိဘ ပြည်သူအားလုံးနှင့် ပူးပေါင်းဆောင်ရွက်ရန်။

* ကျောင်းသား၊ ကျောင်းသူများ ဂိမ်းစွဲလမ်းမှုပပျောက်စေရေး မိဘပြည်သူအားလုံးနှင့်ပူးပေါင်းဆောင်ရွက်ရန်

* နှာစေး၊ ချောင်းဆိုး၊ ကိုယ်အပူချိန်မြင့်မားလျှင် ကျောင်းသို့မလာဘဲ နီးစပ်ရာကျန်းမာရေးဆေးခန်း၊ ဆေးရုံသို့ သတင်းပို့ရန်နှင့်
ဆေးကုသမှုခံယူရန်။

* အသက်(၁၂)နှစ်ပြည့်ပြီး ကျောင်းသား၊ ကျောင်းသူများ ကိုဗစ်-၁၉ ရောဂါကာကွယ်ဆေး ရာနှုန်းပြည့် ထိုးနှံပြီးစီးနိုင်ရေး သက်ဆိုင်ရာကျန်းမာရေးဦးစီးဌာနနှင့်ပူးပေါင်းဆောင်ရွက်ရန်။

ပညာရေးဝန်ကြီးဌာန

ဆိုင်ကလုန်းမုန်တိုင်း”မိုခါ” ဝင်ရောက်တိုက်ခတ်မှုကြောင့် တိုင်းဒေသကြီး ၊ ပြည်နယ်များရှိ ရပ်ကွက်ကျေးရွာများ၌ လူနေအိမ်(၈၆၄) လုံး ၊ သာသနိကအဆောက်အဦ(၁၁) လုံး ၊ ဘုန်းတော်ကြီးကျောင်း (၁၆) ကျောင်း ၊ စာသင်ကျောင်း(၆၄) ကျောင်း ၊ ဆေးရုံ/ဆေးခန်း(၁၄) ခု ၊ ဆက်သွယ်ရေးတာဝါတိုင်(၇) ခု ၊ လမ်းမီးတိုင်(၇၁) တိုင် ၊ ဌာနဆိုင်ရာ အဆောက်အဦ (၃၈) လုံးပျက်စီးခဲ့ပြီး ဒေသခံပြည်သူ (၃) ဦး သေဆုံးကာ(၁၃) ဦး ထိခိုက်ဒဏ်ရာများ ရရှိခဲ့...

မိုခါ ပျက်စီးမှုများစာရင်း
==========
(နေပြည်တော်ကောင်စီနယ်မြေ)
ရပ်ကွက်/ကျေးရွာ ၄၄ ခုမှ -
(၁) လူနေအိမ် - ၁၂ လုံး
(၂) သာသနိကအဆောက်အအုံ - ၃ လုံး
(၃) ဘုန်းတော်ကြီးကျောင်း - ၁ ကျောင်း
(၄) စာသင်ကျောင်း - ၃ ကျောင်း
(၅) လေဆိပ်နားနေဆောင် - ၁ ခု
(၆) လမ်းမီးတိုင် - ၈ တိုင်
(၇) ထရန်စဖော်မာ - ၁ လုံး
(၈) အုတ်တံတိုင်း - ၁ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
+++++++++++
(ချင်းပြည်နယ်)
ရပ်ကွက်/ကျေးရွာ ၅ ခုမှ -
(၁) လူနေအိမ် - ၂ လုံး
(၂) ဘုန်းတော်ကြီးကျောင်း - ၁ ကျောင်း
(၃) ဌာနဆိုင်ရာအဆောင်အအုံ - ၂ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
+++++++++++
(စစ်ကိုင်းတိုင်း)
ရပ်ကွက်/ကျေးရွာ ၇ ခုမှ -
(၁) လူနေအိမ် - ၁ လုံး
(၂) ဆသရတာဝါတိုင် - ၃ ခု
(၃) လမ်းမီးတိုင် - ၁ ခု
(၄) အုတ်တံတိုင်း - ၃ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
++++++++++++
(ပဲခူးတိုင်း)
ရပ်ကွက်/ကျေးရွာ ၇၂ ခုမှ -
(၁) လူနေအိမ် - ၁၁၃ လုံး
(၂) ဆသရတာဝါတိုင် - ၂ ခု
(၃) လမ်းမီးတိုင် - ၁ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
++++++++++++++
(မကွေးတိုင်း)
ရပ်ကွက်/ကျေးရွာ ၁၃ ခုမှ -
(၁) လူနေအိမ် - ၂ လုံး
(၂) လမ်းမီးတိုင် - ၉ ခု
(၃) အုတ်တံတိုင်း - ၃ ခု
(၄) ဒေသစိုက်ခင်း - ၇၈ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
++++++++++++++++
(မန္တလေးတိုင်း)
- သာသနိကအဆောက်အအုံ - ၄ ခု
ထိုခိုက်ပျက်စီးခဲ့၊ လူထိခိုက်မှုမရှိ။။။
+++++++++++++++++++
(ရခိုင်ပြည်နယ်)
ရပ်ကွက်/ကျေးရွာ ၁၈၅ ခုမှ -
(၁) လူနေအိမ် - ၅၈၈ လုံး
(၂) သာသနိကအဆောက်အအုံ - ၃ ခု
(၃) ဘုန်းတော်ကြီးကျောင်း - ၈ ကျောင်း
(၄) စာသင်ကျောင်း - ၂၅ ကျောင်း
(၅) ဆေးရုံ/ဆေးခန်း - ၉ ခု
(၆) ဈေး - ၁ ခု
(၇) ဆသရတာဝါတိုင် - ၁ ခု
(၈) လမ်းမီးတိုင် - ၇ ခု
(၉) ထရန်စဖော်မာ - ၁ လုံး
(၁၀) ဌာနဆိုင်ရာအဆောက်အအုံ - ၂၆ လုံး
(၁၁) အခြားပျက်စီးမှု - ၁၈၁ ခု
ထိခိုက်ပျက်စီးခဲ့ပြီး (၂)ဦးသေဆုံး၊ (၁၃)ဦးဒဏ်ရာရရှိ။။။
++++++++++++++++
(ရန်ကုန်တိုင်းဒေသကြီး)
ရပ်ကွက်/ကျေးရွာ ၃၅ ခုမှ -
(၁) လူနေအိမ် - ၁၅ လုံး
(၂) ဘုန်းတော်ကြီးကျောင်း - ၁ ကျောင်း
(၃) စာသင်ကျောင်း - ၄ ကျောင်း
(၄) ဆသရတာဝါတိုင် - ၁ ခု
(၅) ထရန်စဖော်မာ - ၁ ခု
(၆) လမ်းမီးတိုင် - ၃၆ ခု
(၇) ဌာနဆိုင်ရာအဆောက်အအုံ - ၆ ခု
(၈) ဘောလုံးကွင်း - ၁ ခု
ထိခိုက်ပျက်စီးခဲ့၊ လူထိခိုက်မှုမရှိ။။။
++++++++++++++++++
(ဧရာဝတီတိုင်း)
ရပ်ကွက်/ကျေးရွာ ၁၁၄ ခုမှ -
(၁) လူနေအိမ် - ၁၃၁ လုံး
(၂) သာသနိကအဆောက်အအုံ - ၁ ခု
(၃) ဘုန်းတော်ကြီးကျောင်း - ၅ ကျောင်း
(၄) စာသင်ကျောင်း - ၃၂ ကျောင်း
(၅) ဆေးရုံ/ဆေးခန်း - ၅ ခု
(၆) လမ်းမီးတိုင် - ၉ ခု
(၇) ဌာနဆိုင်ရာအဆောက်အအုံ - ၃ ခု
ထိခိုက်ပျက်စီးခဲ့ပြီး ဒေသခံပြည်သူ (၁)ဦးသေဆုံးခဲ့။။။
.
ကိန်းဂဏန်း အပြောင်းအလဲရှိနိုင်ပါသည်
၁၅.၅.၂၃ နေ့လည် ၁ နာရီရရှိသတင်းပါ။

"အောက်ဆီဂျင်"
=========
CYCLONE MOCHA ဖြစ်လိုက်တဲ့ဖြစ်စဉ်တစ်ခုလုံးကိုပြန်ကြည့်တဲ့အခါ -
မုန်တိုင်းတစ်လုံးဖြစ်လာမယ်လို့ ယူဆရတဲ့အချိန်က စ ပြီး - ဖြစ်လာနိုင်မှာတော့ သေချာကြောင်း သုံးသပ်/အတည်ပြုနိုင်ပြီ ဆိုတဲ့အချိန်မှာ
လုပ်ရတဲ့အလုပ်တွေက အဆင့် ၄ ဆင့်ပဲရှိပါတယ်-

EARLY WARNING - ကြိုတင်သတိပေးခြင်း
EVACUATION - ကယ်ဆယ်ရွှေ့ပြောင်းပေးခြင်း
SEARCH AND RESCUE - ရှာဖွေကယ်ဆယ်ခြင်း
RESETTLEMENT - ပြန်လည်ထူထောင်ရေး၊ ပြန်လည်နေရာချထားလုပ်ငန်းများ ဆောင်ရွက်ခြင်း

ဒီအဆင့် ၄ ဆင့်ကို တစ်ခုချင်း လုပ်ကြရာမှာ ငါတို့တော့ ဘယ်အဆင့်မှာ ဘယ်လောက် ပါဝင်လုပ်ကိုင်နိုင်မလဲ၊ မုန်တိုင်းဒဏ်သင့်ပြည်သူတွေကို ဘယ်လိုကူညီရမလဲ၊ အဆင့် ၄ ဆင့်လုပ်ကိုင်နေကြရတဲ့လူပုဂ္ဂိုလ်အဖွဲ့အစည်းတွေကို ဘယ်လို ကူညီကြမလဲ ... စသည်စသည်ဖြင့် ... ဒါတွေကို လက်တွေ့ကျကျ အကျိုးရှိရှိလုပ်ရမဲ့အစား -
ဝေဘန်၊ ပုတ်ခတ်၊ အပြစ်ပြော ဆိုတာတွေလုပ်ကြတဲ့သူတွေ၊
မင်းမသိပါဘူး ငါမှသိတာဆိုပြီး အပြိုင်အဆိုင်လုပ်ချင်တဲ့သူတွေကလဲများလာတယ် - ဒါ့အပြင် အဆိုးဆုံးက ..
ကိုယ်အားပေးနေတဲ့ အဖွဲ့အစည်း/လူပုဂ္ဂိုလ်ဘက်ကရပ်တည်ပြီး အပြိုင်အဆိုင်ငြင်းကြခုံကြတာတွေလဲ ရှိလာ/များလာတယ်။

အဲ့ဒီမှာ တကယ်လုပ်ရမဲ့ အဆင့်တွေ ရည်ရွယ်ချက်တွေ ပျောက်သွားပြီး စဉ်းစားတွေးခေါ်ဆုံးဖြတ်ရမဲ့ ဦးတည်ချက်တွေက"ရွဲ့စောင်းကုန်"တယ်။ လိုရာမရောက်တော့တဲ့အပြင် အမှန်တကယ်ခန့်မှန်းတင်ပြပေးနေတာတွေကိုလဲအနှောင့်အယှက်အများကြီးဖြစ်လာစေတယ်။ သတင်းတွေ ဝေဝါးကုန်တယ်၊ မုန်တိုင်းဒဏ်ခံရမဲ့ ပြည်သူတွေမှာ သို့လောသို့လောတွေများလာတယ်။

"သတင်းသစ်တွေက တစ်ရက်ကို ၄ ကြိမ်ထွက်နေတယ်၊ ထွက်လာတိုင်းပြောင်းလဲတာတွေရှိတယ်၊ အသစ်ထွက်တဲ့သတင်တင်ပြချက်တွေက နောက်ဆုံးအတည်ပြုနိုင်တဲ့သတင်းသစ်တွေဖြစ်တယ်" ဆိုတာကို ဘယ်လောက်ပဲ အာပေါက်အောင်ပြောပြော ..
မှတ်သားလေ့လာမှုအားနည်းတဲ့ မကောင်းတဲ့အကျင့်တွေက မပျောက်နိုင်ကြသေးဘူး။ ဒီနေရာမှာ ...

ငယ်ငယ်က "ကျောင်းအိမ်သာ"ကို သွားသတိရမိသေးတယ်။ ကျောင်းသားဘဝက အိမ်သာတက်ပြီး ထုံးဖြူသုတ်ထားတဲ့ အိမ်သာနံရံမှာ ပါလာတဲ့ မြေဖြူ၊ ခဲတံ၊ မီးသွေးခဲတွေနဲ့ ရေးချင်ရာရေးခဲ့ကြတာ။ အိမ်သာထဲက ကြည့်ရမြင်ရကောင်းအောင်လုပ်ထားတဲ့ နံရံလေးမှာ အဓိပ္ပါယ်မျိုးစုံပါတဲ့ စာကြောင်းတွေကို ပြည့်လို့ .. အခု ဆိုရှယ်မီဒီယာတွေ အထူးသဖြင့် အသုံးများနေတဲ့ ဖေ့ စ ဘုတ် ဆိုတာကြီးက အဲ့သလိုဖြစ်နေတယ်။ "ကျောင်းအိမ်သာနံရံ" လိုဘဲ။ ရေးချင်ရာရေးတယ်၊ ဘယ်သူရေးမှန်းသိရင်လဲသိမယ် သိချင်မှလဲ သိမယ်။

"ကျောင်းအိမ်သာနံရံက အကျိုးရှိတဲ့ သတင်း/စာ/စီးပွားရေး/နိုင်ငံရေး/ကျန်းမာရေး/လူမှုရေး ဘာတွေကိုမှ အကျိုးရှိလာအောင်လုပ်မပေးနိုင်ပေမဲ့ ဆိုရှယ်မီဒီယာ ဖေ့ စ ဘုတ် ကြီး ကတော့ လုပ်ပေးနိုင်တယ်၊ ဆိုရှယ်မီဒီယာတွေပေါ်မှာ ကိုယ်ပြောတာ၊ ကိုယ်ရေးတာ၊ ကိုယ်တင်တာတွေက ကိုယ့်ရဲ့အဆင့်အတန်း ဓလေ့စရိုက်တွေကို ဖေါ်ပြနေသလိုဘဲဆိုတာ" မသိကြဘူး။
ကျောင်းအိမ်သာကတော့ ဘာအရေးလဲ။ ဘယ်သူကမှ မသိတာ။ ရေးချင်ရာရေးတာပေါ့ ဘာဖြစ်လဲ။ ကျနော်လဲကျောင်းသားဘဝတုန်းက လူငယ်ဆိုတော့ တောက်တိုမယ်ရ ထွေလီကာလီ ဗြုတ်စဗျင်းတောင်း စိတ်ထဲပေါ်တာ ရေးခဲ့ဘူးသေးတာဘဲ။ မှားတာမှန်တာမသိဘူး ကိုယ်ရေးချင်တာကိုယ်ရေးတယ်၊ လာမပြောနဲ့ "ခေါက်ထားလိုက်" ဆိုပြီး အဲ့ဒီခေတ်က စကားအသုံးအနှုန်းနဲ့ ပြောလိုက်တာဘဲ။

အခုခေတ် ဆိုရှယ်မီဒီယာပေါ်က လူငယ်တွေတော့ ထားပါတော့ ကျောင်းသားအရွယ်မို့ အသိဉာဏ်ပညာမကြွယ်ဝသေးလို့ "ကျောင်းအိမ်သာထဲ မီးသွေးခဲနဲ့စာရေးသလို" ဆိုရှယ်မီဒီယာပေါ်မှာရေးကြတာ၊ ကျနော်တို့ခေတ်တုန်းက ဆိုရှယ်မီဒီယာဆိုတာကြီးတွေ ပေါ်နေရင်လဲ ရေးကြမှာဘဲလေ။ လူလတ်ပိုင်း၊ လူကြီးပိုင်းအရွယ်တွေ ရောက်လာရင်တော့ သိသင့်ပြီ။ ကျောင်းအိမ်သာနံရံပေါ်စာရေးသလိုအပြုအမူတွေ မလုပ်သင့်တော့ဘူး။ လူမှုကွန်ယက်ကြီးကို အကူအညီဖြစ်စေမဲ့၊ အကျိုးဖြစ်စေမဲ့၊ လူသားဆန်တဲ့အရေးအသားအပြောအဆိုတွေကိုသာ ရေးသင့် ပြောသင့်ပြီ။

ကျောင်းသားဘဝက သင်ခဲ့ဘူးတာတစ်ခုသွားသတိရမိတယ်၊ "OXYGEN" ဆိုတာ -
အောက်ဆီဂျင်ဓါတ်ငွေ့ဆိုရင် လူတိုင်းသိကြတယ်၊ ကိုဗစ်ဖြစ်လိုက်တော့ ပိုသိလာကြတယ်၊ အောက်ဆီဂျင်ဓါတ်ငွေ့ရဲ့ ဂုဏ်သတ္တိက "ကိုယ်တိုင်မီးမလောင် - မီးလောင်ခြင်းကို အားပေးတယ်" တဲ့ဗျ။ ဖြစ်နေတဲ့ ပြဿနာတွေ အေးချမ်းသွားပြီး အကျိုးရှိတဲ့အပြောအဆိုအရေးအသားတွေ မလုပ်တဲ့အပြင် ပြဿနာကို ပိုပြီးကြီးထွားလာစေတဲ့လူမျိုးကို ကျနော်တို့က "ဒီကောင်ကတော့ အောက်ဆီဂျင်ဘဲကွာ" လို့ ပြောလေ့ရှိကြတယ်။

ကိုယ်တိုင်မီးလောင်ပစ်လိုက်စမ်းပါ၊ ကိုယ့်အစွမ်းအစတွေကို ထုတ်ပြနိုင်အောင် ဘယ် ဘာသာရပ်ကိုမဆို လေ့လာသင်ယူပြီး ဆိုရှယ်မီဒီယာပေါ်က မိတ်ဆွေတွေအကျိုးရှိအောင် လုပ်ကြစမ်းပါ။ "အောက်ဆီဂျင်"အဆင့်လောက်နဲ့တော့ ကျန်‌နေသေးတဲ့ သက်တမ်းမှာ အသက်ဆက်ရှင်မနေချင်ကြပါနဲ့။ ကိုယ်တိုင်မီးလောင်နိုင်တဲ့သူတွေ ဖြစ်လိုက်ကြစမ်းပါ။

"ဆိုရှယ်မီဒီယာပေါ်က အောက်ဆီဂျင်များ"ကိုသာ ရည်ညွှန်းပါသည်။

သို့......

ကျောင်းသားမိဘများ ခင်များ.......
ခင်များတို့မိသားစုမှာ ကျောင်းနေရွယ်ကလေး ရှိပါသလား။
ဒါဆိုရင် ၂၃ - ၅ - ၂၀၂၃ ရက်နေ့မှ စပြီး ကျောင်းအပ်နှံကြပါ

ဒါဟာ မြူဆွယ်ခြင်း မဟုတ်ပါဘူး။
နိုးဆော်ခြင်း သက်သက်ပါ ခင်ဗျား။
ဒီအတွက် ကျွန်တော်တို့ အခြေခံကျောင်းတွေမှာ ဘာ Promotion မှ မရှိပါဘူး။ ကျောင်းသားတွေအတွက် ဘာ Discount မှလည်း ရှိမှာ မဟုတ်ပါဘူး။
အားလုံး Free ပါ။

ကျောင်းအပ်နှံသည့် ကာလအတွင်း စောစီးစွာ ကျောင်းအပ်နှံသည်ဖြစ်စေ။ နောက်ကျမှ ကျောင်းအပ်နှံသည်ဖြစ်စေ။ ကျောင်းသားအားလုံး တန်းတူ အခွင့်အရေး ရရှိမှာပဲ ဖြစ်ပါတယ်။

ကြေငြာပေးပါရစေ ခင်များ။
#ကျောင်းအပ်နှံခြင်း
ကျောင်းဝင်ကြေး (Free)
ပုံနှိပ်စာအုပ် ၁ စုံ (Free)
ဗလာစာအုပ် ၁ ဒါဇင် (Free)
ခဲတံ ၃ ချောင်း (Free)
ဘောပင် ၃ ချောင်း (Free)
ကျောင်းဝတ်စုံ ၁ စုံ (မူဆင့်) (Free)

#အာဟာရအစီအစဉ်
(WFP) စီမံချက်ကျောင်းများတွင် အာဟာရ (Free)အစီအစဉ် ရှိပါတယ်။ (စီမံချက်)ဘီစကွတ်မုန့် (သို့) ကျောင်းသား ၁ ဦးလျှင် ၇၅၀ နှုန်းဖြင့် တနင်္လာနေ့ မှ သောကြာ နေ့ထိ တစ်ပတ်မှာ (၅)ရက် ကျွေးပါမယ်။

#ပညာသင်ထောက်ပံ့ကြေး
ဆင်းရဲနွမ်းပါးသည့် ကလေးငယ်များအတွက် ဆင်းရဲနွမ်းပါး ပညာသင်ထောက်ပံ့ကြေး (မူဆင့် မှ ထက်ဆင့်ထိ) အထူး အခွင့်အရေးများ ရှိနိုင်ပါတယ်။

#အားကစား
ကျောင်းတွင်း ဘောလုံး၊ ခြင်းလုံး၊ ပြေးခုံပစ် အားကစားပွဲများကို အစိုးရရန်ပုံငွေများဖြင့်(Free) နှစ်စဉ်ကျင်းပပေးပါတယ်။ ထိုမှတစ်ဆင့် ကလေးများရဲ့ ထူးချွန်မှုပေါ်မူတည်ပြီး မြို့နယ်၊ ပြည်နယ်/တိုင်း၊ နိုင်ငံကိုယ်စားပြုအထိ ဝင်ရောက်ယှဉ်ပြိုင်ကစားခွင့်လည်း ရရှိမှာ ဖြစ်ပါတယ်။

#စာပေ၊ ပန်ချီ၊ ဂီတ၊ အနုပညာ
ကလေး၏ ဝါသနာအရ ဖြစ်စေ။ ထူးချွန်မှုအရ ဖြစ်စေ။ ဆို၊ က၊ ရေး၊ တီး ပြိုင်ပွဲများ၊ သင်္ချာစွမ်းရည်ပြိုင်ပွဲများ၊ အင်္ဂလိပ်စာစွမ်းရည်ပြိုင်ပွဲများ၊ ပန်းချီပြိုင်ပွဲ၊ စာစီစာကုံးပြိုင်ပွဲ စသော ပြိုင်ပွဲများကိုလည်း ပညာရေးပြက္ခဒိန်ပါအတိုင်း ပြုလုပ်ကျင်းပ ပေးသွားပါမယ်။ သိသင့် သိထိုက်တဲ့ အကြောင်းအရာများအတွက်လည်း နေ့ထူးနေ့မြတ်အလိုက် ဟောပြောပွဲများဖြင့် စီစဉ်ဆောင်ရွက်ပေးသွားပါမယ်။

ကျောင်းသားမိဘများ ခင်များ..
ပညာရေးဆိုတာ ကျောင်းသား၊ ဆရာ၊ မိဘ သုံးနားညီမှသာလျှင် အောင်မြင်နိုင်ပါတယ်။ အခြေခံပညာကျောင်းများမှ အခမဲ့ ပညာရေး ဆိုတဲ့အတိုင်း အတတ်နိုင်ဆုံး Free ထားပါပြီ။ ဒီအတွက် မိဘ နဲ့ ကျောင်းသားတွေဘက်က အခမဲ့ တန်ဖိုးမဲ့ မဖြစ်စေချင်ပါ။

မိဘဖြစ်သူက မိဘတာဝန်ကို ယူပါ။ ကျောင်းသားဖြစ်သူက ကျောင်းသားတာဝန်ကို ယူပါ။ ကျောင်းစည်းကမ်းကို လိုက်နာပါ။ ကျောင်းက ဆရာ/မတွေကို လေးစားပါ။ ကျောင်းဆိုတာ ဆရာ/မများနှင့်လည်း သက်ဆိုင်ပါတယ်။ မိဘများနဲ့လည်း သက်ဆိုင်ပါတယ်။ ကျောင်းသားများနဲ့လည်း သက်ဆိုင်ပါတယ်။ ကျောင်းတစ်ကျောင်းရဲ့ တိုးတက်မှု/ဆုတ်ယုတ်မှုဟာ အားလုံးနဲ့ ဆိုင်ပါတယ်။

ကျောင်းသားနဲ့မိဘများ ခင်များ....
မိဘများဘက်မှ မိမိကလေးကို ကျောင်းသားနဲ့တူအောင် ပံ့ပိုးကူညီပါ။ လိုအပ်ရင် ကလေးပညာရေးနဲ့ပတ်သက်ပြီး ဆွေးနွေးတိုင်ပင်ရပါမယ်။ ကျောင်းမှာမကြာခဏ ကျင်းပတဲ့ ကျောင်းစုံညီပွဲ၊ မိဘဆရာနှစ်ပတ်လည်အစည်းအဝေး စတဲ့ ကျောင်းအခမ်းအနားများကို မဖြစ်မနေ တက်ရောက်ပေးပါ။

မိမိကလေး ဆုရမှ မဟုတ်ပါဘူး။ ကိုယ့်ရပ်ကိုယ့်ရွာမှာ ရှိတဲ့ ကလေးတွေရဲ့ ထူးချွန်မှုကို ဝိုင်းဝန်းအသိမှတ်ပြု လက်ခုပ်တီး ချီးမြှင့်ပေးပါ။ အထူးသတိထားရမှာကတော့ ကျောင်းဝင်းထဲ ဝင်လာတဲ့ ကလေးတစ်ယောက်ရဲ့ ပြုမှုနေထိုင်ပြောဆိုမှုဟာ မိဘတွေရဲ့ အဆင့်အတန်းကို ဖော်ပြတဲ့ ပုံရိပ်တွေပဲဖြစ်ပါတယ်။

ကျောင်းသားမိဘများ ခင်များ.......
မိုးရွာတုန်း ရေခံတတ်တဲ့ကလေး။ ပညာကို တန်ဖိုးထားကြိုးစားတတ်တဲ့ ကလေး။ ဆရာ/မများရဲ့ သင်ကြားလမ်းညွှန်ပြသမှုကို စည်းကမ်းတကျလိုက်နာတတ်တဲ့ကလေး။ ဒီလိုကလေးတွေဟာ မထူးချွန်ဘူး ဆိုတာ မရှိစေရပါဘူး။

ပညာ ကို ရောင်းစားနေကြတဲ့ ခေတ်ကြီးမှာ။
ခင်များတို့ကလေးကသာ ကြိုးစားအားထုတ်မယ်ဆိုရင်..။
ကျွန်တော်တို့ အခြေခံပညာကျောင်းက ပညာရေး ဆိုတာ အခမဲ့ (Free) ပါ။ (၁)လကို ၇သောငြး/၈သောင်း/၁သိန်း ပေးနေရတဲ့ ပညာတွေကပဲ တန်ဖိုးရှိတာမဟုတ်ပါဘူး။

တစ်နှစ်ပတ်လုံး အခမဲ့သင်ရတဲ့ ပညာရေးတွေကလည်း မလျော့သောတန်ဖိုးတွေ ရှိပါတယ်။ ဆရာ/မတွေကလည်း ဆရာလမ်းညွှန်နည်းလမ်းကောင်းတွေနဲ့ သင်ကြားပေးမှာပါ။ မိဘတွေကလည်း တတ်နိုင်သလောက် ပံ့ပိုးကူညီပါ။ ကျောင်းသားတွေကလည်း ရိုးသားပြီး အားထုတ်ကြိုးစားပါ။ ခင်များတို့ကလေးရဲ့ ပညာရေး ထာဝရမွှေးနေစေရပါမယ်။

ကျောင်းသားမိဘများ ခင်များ!
"အခမဲ့ပညာရေး" ဆိုတာ ပညာကိုအလကားရမှာ မဟုတ်ပါဘူး ခင်များ။ သက်သာစေအောင်သာ ထောက်ပံ့ပေးခြင်း ဖြစ်ပါတယ်။

ဆရာ/မတွေကလည်း သင်ကြားရေးကောင်းအောင် ကြိုးစားရပါတယ်။ မိဘတွေကလည်း ကလေးအတွက်သာမက ကျောင်းအတွက်ပါ ပံ့ပိုးမှုအားကောင်းရပါမယ်။ ကလေးကလည်း ပေါ့ပေါ့နေပေါ့ပေါ့စား။ စည်းမဲ့ကမ်းမဲ့ ပေါက်လွတ်ပဲစားပုံစံနဲ့ စာသင်ခန်းထဲ လာထိုင်နေလို့မရပါဘူး။ ပညာကို လိုလိုလားလား ကြိုးစားရမှာပါခင်များ။ နေရာတိုင်းမှာ တန်ရာတန်ကြေးတော့ ရှိကြပါတယ်။

ပညာရေးဌာနဘက်ကတော့ အတတ်နိုင်ဆုံး Free ထားပြီးပါပြီ။ လမင်းကြီးကတော့ အားလုံးအတွက် ထိန်လင်းပေးထားပါပြီ။ ဗိုင်းငင်ကြသူတွေရဲ့ အပိုင်းကပဲ လိုပါတော့တယ်။
ဟုတ်ကဲ့!
၂၃- ၅- ၂၀၂၃ ရက်နေ့ ကျောင်းစတင်လက်ခံပါပြီ။

လေးစားစွာဖြင့်

ဦးရဲ
ပညာရေး