Education Channel 🇲🇲🇲🇲🇲🇲🇲🇲🇲🇲

ကလေးများအတွက် အကောင်းဆုံး Website များ
--------------------------------------------------------
--------------------------------------------------------
ကလေးတွေကို ပညာပေးဖို့ ကလေးတွေ ကြည့်သင့်တဲ့ Website တွေကို လူကြီးတွေလည်း သိထားဖို့ လိုအပ်ပါတယ်။ ဒါကြောင့် ကလေးတွေ ပညာရေးနှင့် အသိဉာဏ် ဖွံ့ဖြိုးစေချင်ရင် သူတို့လေးတွေကို ဒီ Website တွေကို ရင်းနှီးစေသင့်ပါတယ်။

1. Curious World (https://www.curiousworld.com/#!/)

Curious World ဆိုတာ KG အဆင့်လောက် ကလေးတွေအတွက် အထူး အစီအစဉ်တွေ လုပ်ပေးထားတဲ့ Website ဖြစ်ပါတယ်။ ကလေးငယ်တွေကို သင်္ချာနဲ့ စာဖတ်စွမ်းရည် တိုးတက်အောင် ပျိုးထောင်နိုင်ပါတယ်။ ကလေးတွေကို လူမှုပေါင်းသင်းဆက်ဆံရေး တိုးတက်အောင်လည်း လုပ်ပေးလိမ့်မယ်။ ကလေးတွေရဲ့ အသက်အရွယ် အပိုင်းအခြားအလိုက် လေ့လာနိုင်တဲ့ အဆင့်တွေ ခွဲခြားပေးထားတယ်။

2. PBS Kids (http://pbskids.org/)

ကလေးတွေကို အွန်လိုင်းနဲ့ ရင်းနှီးအောင် အကောင်းဆုံး လုပ်ဆောင်ပေးနိုင်တဲ့ Website ဖြစ်ပါတယ်။ Peg+Cat ဆိုတဲ့ အစီအစဉ်လေးနဲ့ မိတ်ဆွေ သူငယ်ချင်းတွေ ရနိုင်တယ်။ ဂိမ်းတွေကိုလည်း အသက်အရွယ်အလိုက် ရွေးချယ် ကစားခိုင်းလို့ ရတယ်။ ဖတ်စရာ မှတ်စရာတွေကိုလည်း စာကြည့်တိုက် တစ်ခုအသွင် အသုံးပြုနိုင်အောင် ထည့်ပေးထားတယ်။

3. National Geography Kids(http://kids.nationalgeographic.com/)

ကိုယ့်ကလေးက ပင်ဂွင်း ငှက်ပေါက်လေးတွေကို ဘယ်လိုခေါ်သလဲလို့ မေးလာခဲ့ရင် အဖြေ ခက်နေပါသလား။ ဒီ Website မှာ ကလေးတွေ စောင့်ကြည့်ပြီး သဘောကျစေနိုင်မယ့် ဗီဒီယို အစီအစဉ်တွေ အများကြီး ရှိတယ်။ အဲဒီ ကလေး အစီအစဉ်တွေကနေ သိချင်တာတွေကို ဖြေပေးနိုင်ပါလိမ့်မယ်။ ဂိမ်းတွေ၊ တိရစ္ဆာန်တွေအကြောင်း၊ သဘာဝအကြောင်း၊ ကမ္ဘာအကြောင်း ကလေးတွေကို အများကြီး ပြောခိုင်းလို့ ရတယ်။ မသိသေးတာ အတော်များများကို အဲဒီအထဲ ရောက်ရင် ရှင်းပြနိုင်လိမ့်မယ်။

4. ABCmouse.com (https://www.abcmouse.com/)

အသက် ၂ နှစ်ကနေ ၇ နှစ်အထိ ကလေးတွေ လေ့လာဖို့ အကောင်းဆုံး Website တစ်ခုဖြစ်ပါတယ်။ စာအုပ်တွေကို လေ့လာချင်သလား၊ ဖတ်ပြစေချင်သလား၊ နားထောင်စေချင်သလား၊ သီချင်းတွေ နားထောင်ဖို့နဲ့ ဂိမ်းတွေ ကစားဖို့ ပညာရှင်ကြီးတွေ ပြုစုပေးထားတဲ့ အကောင်းဆုံး Website တစ်ခု ဖြစ်ပါတယ်။ ကလေးတစ်ယောက် သင်ယူလေ့လာမှု ဘယ်လောက်အဆင့်ကို ရောက်နေပြီလဲ ဆိုတာကို မိဘတွေက ပြန်ပြီးတော့ စစ်ဆေးနိုင်တယ်။ တစ်လ အလကား သုံးပြီးရင် တစ်လကို ၇ ဒသမ ၉၅ ဒေါ်လာပေးမှ ဆက်သုံးလို့ရတယ်။

5. Funbrain (http://www.funbrain.com/)

မူကြိုအရွယ် ကလေးတွေအတွက် လေ့လာဖို့ အကောင်းဆုံး Website ဖြစ်ပါတယ်။ Grade 8 အဆင့် အထိကို လေ့လာစရာတွေ စီစဉ်ပေးထားတယ်။ သင်္ချာ၊ စာဖတ်၊ စာရေး စတဲ့ အရေး အဖတ်အတွက် သုံးမျိုးကို အကောင်းဆုံး လေ့ကျင့်ပေးတဲ့ Website တစ်ခုဖြစ်တယ်။ Math Baseball နဲ့ Grammer Gorillas ဆိုတဲ့ ဂိမ်းတွေကတော့ ကလေးတွေ သဘောကျမှာ ကျိန်းသေတယ်။

6. Babytv.com (https://www.babytv.com/)

၂၄ နာရီစလုံး တီဗီ ပရိုဂရမ်တွေကို လွှင့်တင်ပေးထားတယ်။ ပညာရေး အစီအစဉ်တွေပါသလို ကလေးတွေကို ဂိမ်းတွေ ကစားခိုင်းထားတဲ့ အစီအစဉ်တွေလည်း ရှိတယ်။ သီချင်းတွေ နားထောင်ချင်တဲ့ ကလေးတွေလည်း သဘောကျလိမ့်မယ်။

7. Agnitus.com (http://www.agnitus.com/)

ကလေးတွေကို သူတို့နဲ့ မရင်းနှီး အကျွမ်းမဝင်သေးတဲ့ ပစ္စည်းလေးတွေအကြောင်း ရှင်းပြပေးတယ်။ ကလေးတွေဟာ ပစ္စည်းတစ်ခုရဲ့ အရွယ်အစား၊ အရောင်၊ အခေါ်အဝေါ်၊ အသံထွက်တွေကို လက်လေးနဲ့ ထိလိုက်တာနဲ့ ဖော်ပြပေးတယ်။ သင်ယူဖို့ အကောင်းဆုံး Website ဖြစ်ပါတယ်။

8. FarFaria (https://www.farfaria.com/)

ကလေးတွေကို ပုံပြင်ပြောပြဖို့ ပျင်းနေတဲ့ မိဘတွေအတွက် တက်ဘလက်လေး တစ်လုံးလောက်ရှိရင် အလုပ် ဖြစ်ပါတယ်။ အိပ်ရာဝင်ချိန်မှာ ကလေးတွေ အနား ချထားပေးလိုက်ရုံနဲ့ သူတို့ နားထောင်ချင်တဲ့ ပုံပြင်လေးတွေ ပြောပြပါလိမ့်မယ်။ အင်္ဂလိပ်လိုပဲ ဖြစ်ပါတယ်။

9. BrainPOP (https://www.brainpop.com/)

အရုပ်ကလေးတွေကို အထူး ပြုလုပ်ထားတဲ့ Animation တွေက အိမ်မှာသာမက ကျောင်းတွေမှာပါ အသုံးဝင် ထိရောက်စေနိုင်ပါတယ်။ သမိုင်းဆိုင်ရာ အချက်အလက်တွေ၊ စတော့ဈေးကွက်အကြောင်း အခြေခံတွေကို ပုံလေးတွေ Animation တွေနဲ့ စိတ်ဝင်စားဖွယ် ရှင်းပြလိမ့်မယ်။

10. Spatulatta (http://www.spatulatta. com/)

မီးဖိုချောင်ထဲက ပစ္စည်းလေးတွေရဲ့ အခေါ်အဝေါ် အသုံးအစွဲတွေကို ဖော်ပြထားပါတယ်။ ကလေးတွေကို မီးဖိုချောင် အကြောင်းအပြင် ချက်ပြုတ်ဖို့ ပြင်ဆင်နည်း တွေကိုပါ စနစ်တကျ သင်ကြားပေးပါလိမ့်မယ်။ အိမ်တွင်းမှု အကြောင်း သိစေချင်ရင် ကလေးတွေကို အခြေခံကစပြီး သင်ပေးနိုင်ပါတယ်။

11. http://www.kidsreads.com/reviews/genres
ကလေးစာအုပ်တွေအတွက် အုပ်စုခွဲထားပုံပါ။

12. English Intermediate / advance level အတွက်
http://www.bbc.co.uk/learningenglish/

13. Futurelearn
https://www.futurelearn.com

14. English listening
http://www.esl-lab.com

PBS KIDS

Educational games and videos from Daniel Tiger’s Neighborhood, Wild Kratts and other PBS KIDS shows!

👍1

814 viewsMr. Myanmar, 16:15

Education Channel 🇲🇲🇲🇲🇲🇲🇲🇲🇲🇲

မူဆင့် စစ်ဆေးအကဲဖြတ်ခြင်းများအတွက် အခြေခံပညာဦးစီးဌာနမှ ညွှန်ကြားချက်များနှင့်အညီ ကျွန်တော်သိသမျှလေး ထပ်မံဖြည့်သွင်းထားပါသည်။

အခြေခံပညာဆရာ/ဆရာမများအတွက် သင်ရိုးသစ် မူလတန်းအဆင့် စစ်ဆေးအကဲဖြတ်ခြင်းဆိုင်ရာများ
--------------------------------------
စာသင်ခန်းအတွင်း စစ်ဆေးအကဲဖြတ်ရာတွင် ကလေးများအား
(၁) မသင်ယူမီစစ်ဆေးခြင်း။
(၂)သင်ယူနေဆဲစစ်ဆေးခြင်း။
(၃)သင်ယူပြီးချိန်စစ်ဆေးခြင်းတို့သည် နေ့စဥ်နှင့်အမျှ မဖြစ်မနေ စစ်ဆေးပြုလုပ်ရမည်ဖြစ်သည်။၄င်းတို့ထဲမှ သင်ယူနေဆဲ စစ်ဆေးခြင်းသည် ပို၍ အရေးပါဆုံးဖြစ်သည်။စာသင်နေချိန်အတွင်း ကလေးများ၏ သင်ကြား၊သင်ယူမှု တတ်မြောက်မှု ပိုင်းကို သိရှိစေရန် အမြဲစစ်ဆေးရမည် ဖြစ်သည်။

စစ်ဆေးအကဲဖြတ်ရာတွင် ဘယ်သူတွေကို စစ်ဆေးမလဲ
(၁)ကျောင်းသား/သူတွေကိုစစ်ဆေးမည်
(၂) ဆရာ/ဆရာမတွေကို စစ်ဆေးမည်။
(၃)ကလေးများ သင်ယူပေါက်မြောက်ရရှိမှုအပေါ်မူတည်၍ မိမိသင်ကြားနေသော သင်နည်း Method တွေကို စစ်ဆေးမည်။

စာသစ်နှစ်၁နှစ်တာတွင် မဖြစ်မနေ စစ်ဆေးအကဲဖြတ်ရမည့် စစ်ဆေးအကဲဖြတ်ခြင်း (၂)မျိုးရှိသည်။
(၁)မေးခွန်းပုံစံဖြင့်စစ်ဆေးအကဲဖြတ်
ခြင်း (Item Type)
(၂)အမှတ်ပေးစံဇယားဖြင့်စစ်ဆေးအကဲ
ဖြတ်ခြင်း (Rubric Type)
-မေးခွန်းပုံစံဖြင့် စစ်ဆေးအကဲဖြတ်ရာတွင် (မှတ်မိခြင်း/နားလည်ခြင်း/အသံုးချခြင်း)တို့ကို မူဆင့်မေးခွန်းထုတ်ရာတွင် အသုံးပြုစစ်ဆေးရမည်။မှတ်မိ၊နားလည်၊အသုံးခြင်းအဆင့်၃ဆင့်ကို အခြေခံ၍ (မှား/မှန်၊ကွက်လပ်ဖြည့်၊ယှဥ်တွဲ၊မေးခွန်းတို၊နှုတ်မေးနှုတ်ဖြေ၊မူအောင်ဆင့်အတွက်
အဖွင့်မေးခွန်းများ အစရှိသည်တို့ဖြင့် စစ်ဆေးမေးမြန်းမည်။
မေးခွန်းပုံစံဖြင့်စစ်ဆေးရာ၌-အတန်း၊ဘာသာ၊သင်ခန်းစာခေါင်းစဥ်၊စာသင်ချိန်၊သင်ယူမှုဦးတည်ချက်၊သိမှုအဆင့်၊စစ်ဆေးမည့်မေးခွန်းပုံစံ တို့ဖြစ်သည်။

-အမှတ်ပေးစံဇယားဖြင့် စစ်ဆေးအကဲဖြတ်ရာတွင် (အလွန်ကောင်း၊ကောင်း၊ထပ်မံကြိုးစားရန်လို)ဇယားကွက်ပုံစံဖြင့်စစ်ဆေးရမည်။ ကောင်းအဆင့်အား စံအဖြစ်သတ်မှတ်စစ်ဆေးရမည်။
မူဆင့်တွင်.............
အလွန်ကောင်း=A ( Advanced Level)
ကောင်း =S (Satisfied Level)
ထပ်မံကြိုးစား
ရန်လို =E (Emerging Level)
အမှတ်ပေးစံဇယားဖြင့်စစ်ဆေးရာ၌- အတန်း၊ဘာသာ၊သင်ခန်းစာခေါင်းစဥ်၊
သင်ယူမှုဦးတည်ချက်၊စာသင်ချိန်၊လုပ်ငန်း
စစ်ဆေးမည်အချက်ဇယားကွက်
အသိပညာပိုင်း/စိတ်နေသဘောထား/
ကျွမ်းကျင်မှုပိုင်းတို့ကို စစ်ဆေးအကဲဖြတ်ရမည်ဖြစ်ပါသည်။
ပညာသင်နှစ်၁နှစ်တာ တတ်မြောက်မှု စစ်ဆေးအကဲဖြတ်ရာတွင်
ဇူလိုင်/ဩဂုတ်လ= ၁ကြိမ်
အောက်တိုဘာလ= ၁ကြိမ်
ဒီဇင်ဘာလ = ၁ကြိမ်
မတ်လ = ၁ကြိမ်
စုစုပေါင်း ၄ကြိမ် စစ်ဆေးအကဲဖြတ်ရမည်ဖြစ်ပါသည်။

မူလတန်းအောက်ဆင့်
(Grade-1/2/3) အတွက်
ပုံစံကျ စာမေးပွဲစစ်ဆေးခြင်း (Formal Test) မပြုလုပ်ပါ။ စာသင်ခန်းအတွင်း ပုံမှန်ပြုလုပ်သည့် စစ်ဆေးအကဲဖြတ်ခြင်းဖြင့် ဆောင်ရွက်သွားရမည်ဖြစ်ပြီး၊မြန်မာစာ အရေးအဖတ်နှင့် သင်္ချာတတ်မြောက်မှုကို အလေးထားပြီး စစ်ဆေးအကဲဖြတ်ရမည် ဖြစ်သည်ဟု သိရှိရပါသည်။ စစ်ဆေးအကဲဖြတ်ရလဒ်များကို စနစ်တကျ မှတ်တမ်းထားရှိရမည်ဖြစ်ပြီး တတ်မြောက်မှုအခြေအနေကို တစ်နှစ်လျှင် မိဘများထံ အစီရင်ခံစာ ၂ကြိမ် ပေးပို့ရမည်ဖြစ်သည်။ကျောင်းသူ/သားများ၏ သင်ကြား၊သင်ယူမှု အားနည်းချက်၊အားသာချက် အခြေအနေအား မိဘများနှင့် ဆွေးနွေးတိုင်ပင်ခြင်း (Parents Consultation) ကို တစ်နှစ်လျှင် အနည်းဆုံး တစ်ကြိမ် ပြုလုပ်ပေးရမည် ဖြစ်သည်ဟု သိရှိရပါသည်။

Edit.....10-2-2023 (သောကြာနေ့)

အခြေခံပညာ မူလတန်းအဆင့် စာသင်ခန်းအတွင်း ပုံမှန်စစ်ဆေးအကဲဖြတ်ခြင်းအား (A/S/E) ဖြင့် အကဲဖြတ်ရပါမည်ဟု သိရှိရပါသည်။

မူထက်ဆင့် ဖြစ်သော Grade 4 နှင့် Grade 5 အတန်းများအား စာသင်ခန်းအတွင်း စစ်ဆေးအကဲဖြတ်ခြင်း(A,S,E) သာမက ပညာသင်နှစ် တစ်နှစ်လျှင် ရမှတ်အခြေပြု တတ်မြောက်မှု စစ်ဆေးခြင်း ၄ကြိမ် ပြုလုပ်၍ စစ်ဆေးရပါမည်ဟု သိရှိရပါသည်။

Grade 4 နှင့် Grade 5 တတ်မြောက်မှု ၄ကြိမ် စစ်ဆေးရာတွင် အခန်းဆုံး စစ်ဆေးခြင်း ၂ကြိမ် (ဇူလိုင်/ဒီဇင်ဘာ) ၊ ပ-နှစ်ဝက် (အောက်တိုဘာ) တစ်ကြိမ်၊ နှစ်ဆုံးစစ်ဆေးခြင်း (ဖေဖော်ဝါရီ) တစ်ကြိမ် စုစုပေါင်း ၄ကြိမ် စစ်ဆေးသွားရမည်ဖြစ်ပြီး ရမှတ်များအရ သင်ယူမှု ရလဒ်အဆင့်များအား အောက်ပါအတိုင်း (A/B/C/D)ဖြင့် သတ်မှတ်ရပါမည်ဟု သိရှိရပါသည်။

ပေးမှတ်၏ ၈၀% နှင့် အထက်
A ၊အလွန်ကောင်း( Excellent)

ပေးမှတ်၏ ၆၀ % မှ ၇၉ % အထိ
B၊ ကောင်း (Good)

ပေးမှတ်၏ ၄၀ % မှ ၅၉ % အထိ
C၊ သာမန် ( Satisfactory)

ပေးမှတ်၏ ၄၀ % အောက်
D၊ ထပ်အံကြိုးစားရန်လို (Need to be Improved)

မူထက်ဆင့် G4/5 တတ်မြောက်မှု စစ်ဆေးခြင်း ၄ကြိမ်အား အထက်ပါအတိုင်း ရမှတ်အလိုက် A,B,C,D ဖြင့် ပေးသွားရမည်ဟု သိရှိရပါသည်။

မူထက်ဆင့် ဖြစ်သော ပဥွမတန်း Grade-5 နှစ်ဆုံးစာမေးပွဲစစ်ဆေးခြင်းကို ခရိုင်အဆင့်မှ စစ်ဆေးသွားမည်ဟု သိရှိရပါသည်။

ကျွန်တော်သိသမျှလေး ပြန်လည်မျှဝေပေးခြင်းပါ။🙏🙏🙏
လေးစားစွာဖြင့်.......

👍4

448 viewsMr. Myanmar, 15:26

Education Channel 🇲🇲🇲🇲🇲🇲🇲🇲🇲🇲

တကယ်တော့ ပညာရေးဆိုတာ
ကလေးတွေကို
မကြောက်တတ်အောင် သင်ရမှာ
ကျယ်ပြန့်အောင် သင်ရမှာ
လွတ်လပ်အောင် သင်ရမှာ

ဒါက အခြေခံသဘောပဲ

ကျနော်တို့ တိုင်းပြည်မှာက
တကယ့် ပြောင်းပြန်ဖြစ်နေတယ် ကျောင်းပညာရေးကို ကြည့်ရင် ကလေးတွေကို ကြောက်တတ်အောင် သင်နေတယ်

ကျယ်ပြန့်အောင် သင်တာ မဟုတ်ဘဲ၊ တဖြည်းဖြည်း ကျုံ့ဝင်သွားအောင် သင်ပေးတာတွေ တွေ့နေရတယ် အတွေးအခေါ်မှာလည်း တဖြည်းဖြည်း ပိုကျယ်သထက် ကျယ်အောင် သင်ရမှာ ကိုယ့်ဝန်းကျင်ကိုလည်း ပိုကျယ်သထက် ကျယ်ပြန့်အောင် – သဘောထားအမြင်မှာလည်း ကျယ်သထက် ကျယ်ပြန့်အောင် သင်ရမှာ

ဒါ့အပြင်
ကလေးတွေကို ပညာရေးက

သဘာဝကို ချစ်မြတ်နိုးတတ်အောင် သင်ရမှာ
စိတ်နှလုံးသိမ်မွေ့အောင် သင်ရမှာ
လူအချင်းချင်း ပူးပေါင်းဆောင်ရွက်တတ်အောင် သင်ရမှာ

အနာဂတ်လူ့အဖွဲ့အစည်းကို တည်ဆောက်ရာမှာ – ပညာရေးဟာ အခြေခံပဲ
ကလေးတွေရဲ့ ပညာရေးကို တည်ဆောက်ရာမှာ အခြေခံအယူအဆမှာတင် လွဲနေရင်၊ တောက်လျှောက် လွဲတာတွေ တွေ့နေမှာပဲ

ပညာရေးက သဘာဝထက် ရုပ်ဝတ္ထုပစ္စည်းကို
ပိုတန်ဖိုးထားအောင် သင်နေတာတွေ ရှိတယ်

ကလေးတွေရဲ့ စိတ်နှလုံးကို
သိမ်မွေ့အောင် ဆိုတာထက် — မယုံအောင်၊
သံသ-ယရှိအောင်၊ ရ-န်လိုအောင်၊ ပြိုင်တတ်ဆိုင်တတ်အောင် လမ်းကြောင်းနေတာတွေ
ခပ်များများ တွေ့နေရတယ်

မြန်မာပြည်က ရ-န်/ငါ စည်း အပြတ်ဆုံး နိုင်ငံရေးရာသီဥတုကို ကြုံနေတာကြောင့် — မြန်မာပြည် ပညာရေးတစ်ခုလုံးဟာ မြေစာပင် အဖြစ်ခံနေရတယ်

အထူးသဖြင့် ကလေးတွေရဲ့ ပညာရေးဟာ
စ-တေးခံ ဖြစ်နေတယ် မြန်မာ့နိုင်-ငံရေးသမိုင်းဇာတ် တစ်လျှောက်လုံးမှာ — ပညာရေးဟာ နိုင်ငံ-ရေးဇာတ်သွင်းခံနေရသလို၊ စ-စ်ဘောင်လည်း အသွင်းခံရတာပဲ နှစ်ခုစလုံးက သူ့အထိုင် ကိုယ့်အထိုင် ကိုယ်စီ ပြောနေကြပေမယ့် — တကယ် ပြောနိုင်တာက မြန်မာပြည်ဟာ တကယ့်ပညာရေးစစ်စစ်မှန်မှန် ဖြစ်ဖို့ မျှော်လင့်ချက် မဲ့နေတယ်

ပညာရေးမှာ —

မကြော-က်တတ်အောင်
ကျယ်ပြန့်အောင်
လွတ်လပ်အောင်
သဘာဝကို ချစ်တတ်အောင်
စိတ်နှလုံးသိမ်မွေ့အောင်
အချင်းချင်း ပူးပေါင်းဆောင်ရွက်တတ်အောင်
သင်ကြရမှာ

နိုင်-ငံ-ရေးဇာတ်အသွင်းခံရတဲ့ ပညာရေးနဲ့ စ-စ်ဘော-င်အသွင်းခံရတဲ့ ပညာရေးမှာ ဒါတွေကို ဘယ်တော့မှ မမျှော်လင့်နိုင်ဘူး

အနာဂတ်လူ့အဖွဲ့အစည်းမှာ
မျှော်လင့်ချက်မဲ့နေတာ — ပညာရေးကို စစ်စစ်မှန်မှန် မလုပ်နိုင်ကြလို့ပဲလို့ ပြောမယ်။

Credit
စာရေး‌ဆရာမင်းသေ့
၁- ဧပြီ - ၂၀၂၃

👍1

279 viewsMr. Myanmar, 19:30

Education Channel 🇲🇲🇲🇲🇲🇲🇲🇲🇲🇲

နိုင်ငံ့ဝန်ထမ်းများအားလုံး မဖြစ်မနေသိထားသင့်ပါတယ်
လုပ်သက် ၁၅နှစ်ကျော်ပြီး
တံဆိပ်တခုမှ မရသေးဘူးလို့ ညီငယ်တွေက
ပြောပြောနေကြလို့ပါ..... တင်ပေးလိုက်ပါတယ်

နိုင်ငံ့ဝန်ထမ်းများအား
စွမ်းဆောင်မှုအတွက်ချီးမြှင့်ရန်
သတ်မှတ်ပြဌာန်းထားသော
ဂုဏ်ထူးဆောင်တံဆိပ် (၁၆)မျို း ရှိပါသည်။
ယင်းတံဆိပ်(၁၆)မျိုး းတွင် နယ်ဘက်ဝန်ထမ်းများရရှိနိုင်
သည့် ဂုဏ်ထူးဆောင်တံဆိပ်မှာ(၄)မျို းသာရှိပါသည်။
၄င်းတို့မှာ--
(၁) နိုင်ငံတော်အေးချမ်းသာယာရေးတံဆိပ်
(၂) ငြိမ်ဝပ်ပိပြားရေးနှင့်တရားဥပဒေစိုးရေးတံဆိပ်
(၃) ပြည်သူ့ဝန်ထမ်းတံဆိပ်
(၄) ပြည်သူ့ဝန်ထမ်းကောင်းတံဆိပ်

တံဆိပ်ချီးမြှင့်ရန်
သတ်မှတ်အရည်အချင်းနှင့်ခံစားခွင့်များ--

(၁)နိုင်ငံတော်အေးချမ်းသာယာရေး
တံဆိပ်

၁၉၈၆ -ခုနှစ် နိုဝင်ဘာလ(၁၆)ရက်နေ့မှ ၁၉၈၇-ခုနှစ်
ဇန်နဝါရီလ(၆)ရက်အထိ(၅၂)ရက်တာကာလတွင် နိုင်ငံ့ဝန်ထမ်းအဖြစ်တာဝန် တာဝန်ထမ်းဆောင်ခဲ့ပြီး၊ ဌာနဆိုင်ရာအရေးယူခံရဖူးခြင်း မရှိသူဖြစ်ရပါမည်။
ယင်းတံဆိပ်ရရှိပြီးသူအား ပြည်သူ့ဝန်ထမ်းကောင်းတံဆိပ်အတွက်
အမှတ် ၂ မှတ် ရေတွက်ခွင့်ပြုပါသည်။

(၂)ငြိမ်ဝပ်ပိပြားရေးနှင့်တရားဥပဒေစိုးမိုးရေးတံဆိပ်

နိုင်ငံ့ဝန်ထမ်းလုပ်သက်တစ်ဆက်တည်(၂)နှစ်ထမ်းဆောင်ခဲ့သော ဌာနဆိုင်ရာအရေးယူခံရဘူးခြင်းမရှိသူဖြစ်ရပါမည်။
ယင်းတံဆိပ်ရရှိပြီးသူအား ပြည်သူ့ဝန်ထမ်းကောင်းတံဆိပ်အတွက်အမှတ် ၂ မှတ် ရေတွက်ခွင့်ပြုပါသည်။

(၃)ပြည်သူ့ဝန်ထမ်းတံဆိပ်

နိုင်ငံ့ဝန်ထမ်းလုပ်သက်တစ်ဆက်တည်း(၁၅)နှစ်ထမ်းဆောင်ပြီး
ဌာနဆိုင်အရေးယူခံရဖူးခြင်းမရှိသူဖြစ်ရပါ
မည်။ယင်းတံဆိပ်ရရှိပြီးသူအား ပြည်သူ့ဝန်ထမ်းကောင်း
တံဆိပ်အတွက် အမှတ် ၂ မှတ် ရေတွက်ခွင့်ပြုပါသည်။

(၄)ပြည်သူ့ဝန်ထမ်းကောင်းတံဆိပ်

နိုင်ငံ့ဝန်ထမ်းလုပ်သက်တစ်ဆက်တည်း(၂၆)နှစ်ထမ်း
ဆောင်ခဲ့သော ဌာနဆိုင်ရာအရေးယူခံရဖူးခြင်းမရှိသူဖြစ်
ကာ ၊ ယင်းတံဆိပ်အတွက်ပေးမှတ် အမှတ် ၃၀ ပြည့်သူ
ဖြစ်ရပါမည်။ပေးမှတ်ကို အောက်ပါနည်းလမ်းအတိုင်း ရေ
တွက်ခွင့်ပြုပါသည်။
လုပ်သက် ၁ နှစ် ၁မှတ်နှုန်းဖြင့် လုပ်သက် ၂၆ နှစ်အတွက်
ရေတွက်ခွင့်ပြုပါသည်။(ထို့ကြောင့် လုပ်သက် ၂၆ နှစ်ကျော်
သော်လည်း လုပ်သက်အတွက်ရမှတ် ၂၆ မှတ်သာရရှိနိုင်
ပါသည်)

နိုင်ငံတော်အေးချမ်းသာယာရေးတံဆိပ်ရရှိပါက ၂ မှတ်

ငြိမ်ဝပ်ပိပြားရေးနှင့်တရားဥပဒေစိုးမိုးရေးတံဆိပ်ရရှိပါက
၂ မှတ်

ပြည်သူ့ဝန်ထမ်းတံဆိပ် ရရှိပါက ၂ မှတ်
စုစုပေါင်း ၃၁ မှတ်ရရှိပါသည်။

ထို့ကြောင့် အမှတ်ရေတွက်ခွင့်ရှိ ဂုဏ်ထူးဆောင်တံဆိပ်
၂ မျို းရရှိထားပြီး နိုင်ငံ့ဝန်ထမ်းလုပ်သက် ၂၆ နှစ်ပြည့်သူ
တာဝန်ထမ်းဆဲဝန်ထမ်းနှင့် အငြိမ်းစားဝန်ထမ်းများသည်
ပြည်သူ့ဝန်ထမ်းကောင်းတံဆိပ် ချီးမြှင့်ရန် သတ်မှတ်ချက်
နှင့်ကိုက်ညီသူများဖြစ်ပါသည်။
ပြည်သူ့ဝန်ထမ်းကောင်းတံဆိပ်ရရှိသူသည်နိုင်ငံတော်အစိုး
ရ၏တစ်လုံးတစ်ခဲတည်းချီးမြှင့်ငွေကျပ်တစ်သိန်းခွဲကို ရရှိခံ
စားခွင့်ရမည်ဖြစ်ပါသည်။
(အမှတ်ရေတွက်ခွင့်ရှိ ဂုဏ်ထူးဆောင်တံဆိပ်များရရှိခဲ့
သည့် ခုနှစ်၊ ချီးမြှင့်သည့်ပြန်တမ်းအမှတ်နှင့်နေ့စွဲ၊ မိမိအ
မည်ပါ ပြန်တမ်းစာမျက်နှာမိတ္တူ စသည်တို့တင်ပြနိုင်ရန်
လိုပါသည်)
မူရင်းရေးသားသူ.....
Crd.HK

👍1

287 viewsMr. Myanmar, 19:32

Education Channel 🇲🇲🇲🇲🇲🇲🇲🇲🇲🇲

256 viewsMr. Myanmar, 19:32

Education Channel 🇲🇲🇲🇲🇲🇲🇲🇲🇲🇲

SIF (ကျောင်းဖွံ့ဖြိုးတိုးတက် မှု ရန်ပုံငွေ) အကြောင်း တစေ့တစောင်း
~~~~~~~~~
ပညာရေးဝန်ကြီးဌာန၏ အခြေခံပညာကဏ္ဍတွင် ကျောင်းဖွံ့ဖြိုးတိုးတက ်မှု အထောက်အကူပြု ရန်ပုံငွေများ ထောက်ပံ့ပေးသည့်အစီအစဥ်ကို ၂၀၁၂-၂၀၁၃ ပညာသင်နှစ်၌ စတင်ကာ အကောင်အထည်ဖော် ဆောင်ရွက်ခဲ့ကြခြင်း ဖြစ်သည်။

နိုင်ငံတော်၏ Frame-work of Social and Economic Reform - FESR အစီအစဥ်အရ ဆောင်ရွက်သည့် အစီအစဥ်တစ်ရပ်လည်း ဖြစ်သည်။ FESR ဆိုသည်မှာ လူမှု-စီးပွားရေး ပြုပြင်ပြောင်းလဲမှု အညွှန်းဘောင်ဟု အဓိပ္ပာယ်ရသည်။ အခြေခံပညာကျောင်းများ၏ လုပ်ငန်းများကို ဆောင်ရွက်ရာတွင် အဆင်ပြေချောမွေ့စေရန် ဘဏ္ဍာရေးအရင်းအမြစ်များ ရန်ပုံငွေပေးသည့် အစီအစဥ် ဖြစ်သည်။

‎ကျောင်းဖွံ့ဖြိုးတိုးတက ်မှု ရန်ပုံငွေများအား
(၁) အခြေခံပညာအရည်အသွေးနှင့် သင်ယူမှုအခွင့်အလမ်းကို ပိုမိုမြင့်မားလာစေရန်၊
(၂) ပြည်သူလူထုထံမှ ထည့်ဝင်နေရသည့် ထောက်ပံ့ငွေပမာဏကို လျှော့ချနိုင်စေရန်၊
(၃) အခြေခံပညာကျောင်းများ၏ အရည်အသွေးမီ သင်ကြားသင်ယူမှု ပတ်ဝန်းကျင် ဖြစ်ထွန်းပေါ်ပေါက်စေရန် စသည့် ရည်ရွယ်ချက်များဖြင့် ဆောင်ရွက်နေကြခြင်း ဖြစ်သည်။

‎ကျောင်းဖွံ့ဖြိုးတိုးတက ်မှု ရန်ပုံငွေများကို ပညာရေးဝန်ကြီးဌာနအောက်ရှိ ထက်၊ လယ်၊ မူဆင့်ရှိသော အခြေခံပညာကျောင်းများ၊ ပညာရေးတက္ကသိုလ် လေ့ကျင့်ရေးကျောင်းများ၊ ဘုန်းတော်ကြီးသင် ပညာရေးကျောင်းများအားလုံး ရရှိပါသည်။
‎ကျောင်းဖွံ့ဖြိုးတိုးတက ်မှု ရန်ပုံငွေများအား ပထမအရစ်၊ ဒုတိယအရစ်ဟူ၍ ကျောင်းသားလချုပ်စာရင်းအရ ခွဲဝေသတ်မှတ် ထုတ်ပေးလျက်ရှိပါသည်။

မူလတန်းကျောင်းများ၊ မူလတန်းကျောင်းခွဲများနှင့် အလယ်တန်းကျောင်းများ၊ အလယ်တန်းကျောင်းခွဲများအတွက် ခွဲဝေရန် ပမာဏသတ်မှတ်ချက ်မှာ

ကျောင်းသား တစ်ဦးမှ (၅၀) ဦးအထိ လေးသိန်းကျပ် (၂၀၀၀၀၀ + ၂၀၀၀၀၀)၊

ကျောင်းသား (၅၁) ဦးမှ (၁၀၀) ဦးအထိ ရှစ်သိန်းကျပ် (၄၀၀၀၀၀ + ၄၀၀၀၀၀)၊

ကျောင်းသား (၁၀၁) ဦးမှ (၂၀၀) ဦးအထိ ဆယ်သိန်းကျပ် (၅၀၀၀၀၀ + ၅၀၀၀၀၀)၊

ကျောင်းသား (၂၀၁) ဦးမှ (၃၀၀) ဦးအထိ တစ်ဆယ့်နှစ်သိန်းကျပ် (၆၀၀၀၀၀ + ၆၀၀၀၀၀)၊

ကျောင်းသား (၃၀၁) ဦးမှ (၄၀၀) ဦးအထိ တစ်ဆယ့်လေးသိန်းကျပ် (၇၀၀၀၀၀ + ၇၀၀၀၀၀)၊ ကျောင်းသား (၄၀၁) ဦးမှ (၅၀၀) ဦးအထိ တစ်ဆယ့်ခြောက်သိန်းကျပ် (၈၀၀၀၀၀ + ၈၀၀၀၀၀) ဖြစ်သည်။

‎ကျောင်းသား (၅၀၁) ဦးမှ (၇၀၀) ဦးအထိ တစ်ဆယ့်ရှစ်သိန်းကျပ် (၉၀၀၀၀၀ + ၉၀၀၀၀၀)၊

ကျောင်းသား (၇၀၁) ဦးမှ (၉၀၀) ဦးအထိ နှစ်ဆယ့်နှစ်သိန်းကျပ် (၁၁၀၀၀၀၀ + ၁၁၀၀၀၀၀)၊

ကျောင်းသား (၉၀၁) ဦးမှ (၁၁၀၀) ဦးအထိ နှစ်ဆယ့်ခြောက်သိန်းကျပ် (၁၃၀၀၀၀၀ + ၁၃၀၀၀၀၀)၊

ကျောင်းသား (၁၁၀၁) ဦးမှ (၁၅၀၀) ဦးအထိ သိန်းသုံးဆယ်ကျပ် (၁၅၀၀၀၀၀ + ၁၅၀၀၀၀၀)၊

ကျောင်းသား (၁၅၀၁) ဦးမှ (၂၀၀၀) ဦးအထိ သုံးဆယ့်လေးသိန်းကျပ် (၁၇၀၀၀၀၀ + ၁၇၀၀၀၀၀)၊

ကျောင်းသား (၂၀၀၁) ဦးမှ (၂၅၀၀) ဦးအထိ သုံးဆယ့်ရှစ်သိန်းကျပ် (၁၉၀၀၀၀၀ + ၁၉၀၀၀၀၀)၊

ကျောင်းသား (၂၅၀၁) ဦးနှင့်အထက်ကို လေးဆယ့်နှစ်သိန်းကျပ် (၂၁၀၀၀၀၀ + ၂၁၀၀၀၀၀) ဟု ခွဲဝေသတ်မှတ်ပေးလျက် ရှိသည်။

‎အထက်တန်းကျောင်းများ၊ အထက်တန်းကျောင်းခွဲများအတွက် တစ်နှစ်စာ ခွဲဝေပေးရန် ပမာဏ သတ်မှတ်ချက ်မှာ
ရန်ပုံငွေ = ၅၀၀၀၀၀ + (၅၀၀၀ × ကျောင်းသားဦးရေ) ဖြစ်သည်။

ဥပမာအားဖြင့် ကျောင်းသား (၃၀၀) ဦး ရှိသော အထက်တန်းကျောင်း တစ်ကျောင်း၏ တစ်နှစ်အတွက် ရရှိမည့် ရန်ပုံငွေတွက်ချက်မှု ပုံစံမှာ အောက်ပါအတိုင်းဖြစ်သည်။

ရန်ပုံငွေ = ၅၀၀၀၀၀ + (၅၀၀၀ × ၃၀၀၀)
ရန်ပုံငွေ = ၂၀၀၀၀၀၀ ကျပ်

‎ထိုကျောင်းဖွံ့ဖြိုးတိုးတက ်မှု ရန်ပုံငွေများကို ကျောင်းများအနေဖြင့် သုံးစွဲခွင့်ရှိသော ဘတ်ဂျက်ခေါင်းစဥ် (၁၃) ခု ရှိသည်။

(၀၂၀၁)
ပြည်တွင်းခရီးစရိတ်
‎ကျောင်းအုပ်ကြီးများ၊ ဆရာ၊ဆရာမများအနေဖြင့် ပညာရေးဆိုင်ရာလုပ်ငန်းများအတွက် ဆောင်ရွက်ရသည့် သွားလာမှုများတွင် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၁)
လုပ်အားစရိတ်
‎ကာယလုပ်အားနှင့် ဉာဏလုပ်အားတို့အတွက် ရှောင်တခွင် ခေါ်ယူဆောင်ရွက်စေခြင်းများအတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၃)
ငှားရမ်းခ
‎ကျောင်းလုပ်ငန်းများ ဆောင်ရွက်ရာ၌ လိုအပ်သောပစ္စည်းများကို ငှားရမ်းရန် လိုအပ်ပါက ငှားရမ်းမှုပြုရသည့် စရိတ်များ၊ မော်တော်ယာဉ်များ စသည့် ငှားရမ်းသွားလာရခြင်းများအတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၄)
သယ်ယူပို့်ဆောင်ခ
‎ပြည်တွင်းခရီးစရိတ်အား ရပိုင်ခွင့်မရှိသူများနှင့် ကျောင်းလုပ်ငန်းဆိုင်ရာ ပစ္စည်းများအား သယ်ယူပို့ဆောင်မှုများအတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၅)
ရုံးအသုံးအဆောင်ပစ္စည်းများ
‎စာရေးကိရိယာများနှင့် ရုံးလုပ်ငန်းဆိုင်ရာ ပစ္စည်းများ၊ ကွန်ပျူတာ၊ ပရင့်တာတို့နှင့် ဆက်စပ်အသုံးပြုရသော ပစ္စည်းများ ဝယ်ယူအသုံးပြုမှုအတွက် အမှန်တကယ် ကုန်ကျသောစရိတ်များကို သုံးစွဲရန်ဖြစ်ပါသည်။

298 viewsMr. Myanmar, 19:33

Education Channel 🇲🇲🇲🇲🇲🇲🇲🇲🇲🇲

(၀၃၀၇)
တံဆိပ်ခေါင်း၊ ကြေးနန်း၊ တယ်လီဖုန်း
ရုံးကိစ္စအတွက် ဆက်သွယ်ဆောင်ရွက်ရာ၌ ကုန်ကျသော တံဆိပ်ခေါင်း၊ ကြေးနန်း၊ တယ်လီဖုန်း၊ အင်တာနက် အသုံးပြုမှုများအတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၈)
လျှပ်စစ်မီးနှင့် ဓာတ်အားခ
‎ကျောင်းများ၌ အသုံးပြုသော လျှပ်စစ်မီးနှင့် အခြားဓာတ်အားခများအတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၀၉)
စာအုပ်၊ စာနယ်ဇင်း၊ သတင်းစာ
‎ရုံး၊ ကျောင်းများရှိ စာကြည့်တိုက်များတွင် ထားရှိရန် မဂ္ဂဇင်း၊ ဂျာနယ်၊ သတင်းစာ၊ စာစောင်များ ဝယ်ယူရာ၌ အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၁၃)
လုပ်ငန်းသုံးပစ္စည်းများ
‎သင်ကြားသင်ယူမှု အထောက်အကူပြု ပစ္စည်းများ၊ ကျောင်း၌လိုအပ်သော အလွယ်တကူ ပျက်ဆီးလွယ်သည့် ပစ္စည်းများ၊ အားကစားဆိုင်ရာ ပစ္စည်းများနှင့် ဆေးဝါးများ ဝယ်ယူရာ၌ အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၁၄)
အစားအစာနှင့် ရိက္ခာ
‎အဆောင်နေ ကျောင်းသား၊ ကျောင်းသူများအပါအဝင် တစ်ဦးချင်း ရပိုင်ခွင့် အနေဖြင့် မဟုတ်ဘဲ အစိုးရအနေဖြင့် နေ့စဥ် ကျွေးမွေးထောက်ပံ့မှုများတွင် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၂၀)
ပုံနှိပ်နှင့် စာအုပ်စာတမ်းများ ထုတ်ဝေခ
‎ကွန်ပျူတာ၊ စာစီစာရိုက်ခ၊ မိတ္တူကူးခ စသည့်တို့နှင့် ပတ်သက်၍ စာရွက်ဖိုး၊ စာအုပ်ချုပ်ခတို့၌ အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၃၂၅)
ပြပွဲ၊ ပြိုင်ပွဲများ
‎ပြပွဲ၊ ပြိုင်ပွဲများအတွက် မဖြစ်မနေ အသုံးပြုမှုတို့တွင် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။

(၀၄၀၉)
အခြား
‎ကျောင်းအဆောက်အဦး၊ ပရိဘောဂများ၊ လမ်းများနှင့်ပတ်သက်၍ ပြုပြင်ထိန်းသိမ်းခြင်း၊ ခြံစည်းရိုး၊ အမိုး၊ အိမ်သာများ ပြုပြင်ထိန်းသိမ်းခြင်း၊ စာအုပ်စင်၊ စာရေးစားပွဲနှင့် ထိုင်ခုံများ ပြုပြင်ခြင်းတို့အတွက် အမှန်တကယ် ကုန်ကျသော စရိတ်များကို သုံးစွဲရန်ဖြစ်ပါသည်။
‎
‎ကျောင်းဖွံ့ဖြိုးတိုးတက်မှု ရန်ပုံငွေများအတွက် သက်ဆိုင်ရာ ကျောင်းအုပ်ကြီးများ အနေဖြင့် အထူးသတိပြုရမည့်အချက်မှာ ရန်ပုံငွေ အသုံးပြုမှုနှင့် ပတ်သက်၍ ပွင့်လင်းမြင်သာမှု၊ ညှိုနှိုင်းတိုင်ပင် ဆောင်ရွက်မှုများ ပြုလုပ်ကာ စနစ်တကျ အသုံးပြုကြရမည် ဖြစ်သည်။

‎ငွေကြေးအရှုပ်အရှင်း မဖြစ်ပေါ်စေရန် ကျောင်းဖွံ့ဖြိုးတိုးတက်မှု ရန်ပုံငွေ ကော်မတီ (ကျောင်းထောက်ပံ့ကြေး ကော်မတီ) ကို ဖွဲ့စည်းထားရှိရမည် ဖြစ်သည်။ ယင်းကော်မတီတွင် ကျောင်းအုပ်ကြီးသည် ဥက္ကဋ္ဌအဖြစ် ဆောင်ရွက်ရမည်ဖြစ်ပြီး ကော်မတီအဖွဲ့ဝင်များနှင့် ညှိနှိုင်းတိုင်ပင်ကာ အထက်ဖော်ပြပါ ဘတ်ဂျက်ခေါင်းစဥ် (၁၃) ခုထဲမှ ကျောင်းဖွံ့ဖြိုးတိုးတက ်မှုအတွက် ရွေးချယ် အသုံးပြုကြရမည် ဖြစ်သည်။

‎သို့ဖြစ်ပါ၍ နိုင်ငံတော်မှ ပညာရေးတိုးတက်မှုအတွက် နှစ်စဉ်သတ်မှတ် ခွဲဝေပေးနေသော ကျောင်းဖွံ့ဖြိုးတိုးတက်မှု ရန်ပုံငွေများကို အကျိုးရှိစွာ သုံးစွဲရင်း နိုင်ငံတော်အတွက် ပြည့်စုံတိုးတက်ကောင်းမွန်သော စာသင်ကျောင်းများ ထူထောင်ကြပါစို့ဟု တိုက်တွန်းရေးသား တင်ပြအပ်ပါသည်။ ။
‎
မှော်ဝန်းသီဟ

ကိုးကား-
ကျောင်းဖွံ့ဖြိုးတိုးတက ်မှု အထောက်အကူပြု အစီအစဥ်ဆိုင်ရာ လုပ်ငန်းများ အကောင်အထည်ဖော်ရေး လမ်းညွှန်စာအုပ်။

Academic Weekly Educational Journal (Senior)
Vol.9 , No.3
16.1.2020 (Thursday)

411 viewsMr. Myanmar, 19:33

Education Channel 🇲🇲🇲🇲🇲🇲🇲🇲🇲🇲

390 viewsMr. Myanmar, 19:34

Education Channel 🇲🇲🇲🇲🇲🇲🇲🇲🇲🇲

223 viewsMr. Myanmar, 19:34

About

Blog

Apps

Platform