ولما عميل بقولك عبوه واحده مش هتكفي قوله

هتقوله أكثر عملائنا تكفيهم من عبوه ل ٣ عبوات للعلاج ويستمروا بالشراء كل شهرين عبوه للوقايه بفضل الله

لكن هناك عملاء يحتاجون أكثر من عبوه بسبب مدي ضرر القولون عندهم كبير

وتبعتله الفيديو ده

هاد شكل القولون من الداخل
ف البدايه يكون نظيف وصحي
مع تناول الاكل الغير صحي والحار ..الخ يتضرر
والسجائر أيضا تسبب ضرر كبير به
مع الاستمرار علي هذه العادات الغير صحيه يزيد الضرر
بالتالي تشعر ب انتفاخ مع اي اكل وغازات وإمساك وقله اخراج وتصلب بالبطن ولو كنت متزوج يسبب سرعه القذف وقله الأداء الجنسي لديك
ويسبب رائحه كريه بالفم مع الوقت

لذلك كل ما كان القولون متضرر تحتاج أكثر من عبوه ولذلك تنظيف القولون بشكل دوري مهم جدا جدا للجسم

لذلك كل ما كان مدي ضرر القولون عندك كبير تحتاج لتكرار الكورس ممكن عبوه أو اثنين أو ثلاث

دي خلاصه البيع

ودول فيديوهين بردو للبيع

طبعا لازم تقوله أنه منتج مصرح به من وزاره الغذاء والدواء

وانه طبيعي 100%

وانه ملوش اي آثار جانبيه

لكن لا ينصح فقط به للحامل والمرضعه

طريقه إقناع عميل شيك اوف ❤️

إزاي أأثر في نفسية العميل و أخليه يشتري المنتج بسرعة؟
🤔

لو بتقدم أو بتبيع منتج/ خدمة.. الكلام دي هيزود مبيعاتك جداً لما تقراه و تنفذه إن شاء الله: 👇

هتلاقي هنا ١٧ قاعدة و نصيحة و خطوة عملية ممكن تنفذهم و يفرقوا معاك في كم و سرعة مبيعاتك بإذن الله:

الشركات اللي حققت مبيعات كبيرة عملت دراسات مكثفة لتفكير و سلوك العميل بحيث تعرف: ليه في عميل بيشتري بسرعة؟ و ليه في عميل بيشتري ببطء؟ و عميل آخر مابيشترش؟

١- إمتي العميل بيشتري مني؟

عندنا قاعدة بتقول:
"A transaction takes place when value exceeds price.''
تتم عملية البيع عندما يشعر العميل أن القيمة التي يحصل عليها أعلي من الثمن الذي دفعه.

ولو حضرتك شاطر في الإنجليزي هتلاحظ إني ترجمت المقولة اللي فوق دي ترجمة غير حرفية، و أضفت عبارة "عندما يشعر العميل".
ليه؟
لأن لو فعلاً القيمة اللي حضرتك بتقدمها و هيستفاد منها العميل أعلي من السعر، لكن العميل مش حاسس بكدة و مش واصلاله فكرة إنه بيستفاد أكتر ما بيضحي.. للأسف البيعة غالباً مش هتتم.

يبقي دايماً نحط في بالنا:

هل فعلاً العميل حاسس بإنه بيحصل علي قيمة أكتر ما بيدفع؟

و عشان كلامي مايتفهمش غلط، مش مقصود إني أوهم العميل إنه بياخد قيمة أكتر من المبلغ المدفوع، لكن دوري إني أصمم/ أقدم منتج/ خدمة ممتازة فعلاً تكون استفادة العميل منها أكتر من تضحيته.

طب و أنا أعرف إزاي إذا كان العميل هيستفاد من المنتج/ الخدمة دي؟ هنشوف ده في النقاط الجاية بإذن الله.

🍂 🍂 🍂

٢ - العميل بشر، فلما بيتصل يسأل علي منتج أو يشرفني في المحل أو المطعم أو الشركة أو المكتب أو يدخل يسأل علي صفحتنا.. هو ساعتها عنده Need (احتياج).. الاحتياج ده بنقسمه لنوعين بحرف الـ(P).

الأول: الـ Pain (الألم).
التاني: الـ Pleasure (السعادة/ الاستمتاع/ البهجة/ اللذة)

حقيقة:

رغبة الناس في الخروج من الألم بتحركهم للشراء أكتر من رغبتهم في الحصول علي اللذة.

و ده هيفيدني في إيه؟

هيفيدني في حاجتين:

- طريقة كتابة الإعلان و صياغة النص بتاعه
- طريقة عرض المنتج و التركيز علي نقاط قوته.

يبقي بالتالي.. هنركز علي الـ 2Ps ..الـ Pain و الـ Pleasure، ولو لازم نركز مع واحدة منهم أكتر فهي هتكون الخروج من الـ Pain.

🍂 🍂 🍂

٣- العميل بيشتري أسرع لما إعلانك يخاطب الاحتياجات اللاشعورية اللي عنده (Subconscious Needs) بشكل قوي، علي سبيل المثال:

حضرتك بتتفسح في معرض الكتاب، لقيت قدامك كتاب عليه صورة أو رسمة ذكرتك بحاجة جميلة و مهمة من ذكريات الطفولة.. وقفت قدام الكتاب دقيقة، و خيالك سرح مع الموقف الفلاني و الفلاني.. سألت البائع عن سعر الكتاب، فقالك إنه بـ ١٠ج، يعني سعر بسيط. فاشتريته.

مثال: آخر:

حضرتك سابق عربيتك الساعة 3 العصر في طريق صحراوي طويل و جعان جداً، مفيش ولا مطعم في الطريق، في كذا كافتيريا و استراحة بس شكلهم مش نضيف و مريب، فكملت طريقك و سايق و جعان جداً ..

لقيت قدامك لافتة ملونة مكتوب فيها كلمة واحدة:

"جعان؟"

بصيت يمين و شمال.. مفيش ولا مطعم ولا كافتيريا ولا أي حاجة.. كملت سواقة..

بعد ٢٠٠ متر.. لقيت لافتة الكترونية ملونة و شيك مرسوم عليها أكل شكله شهي جداً و غالي.. و مكتوب "إركن هنا .. أي ساندويتش بـ ١٠ج لغاية الساعة ٤"

دخلت المطعم ..مظهره حلو من برة، و من جوة لقيته نضيف .. و لقيت فيه عربيات راكنة برة.. و ناس قاعدين بياكلوا جوة.. و ريحة الأكل تحفة.. طلبت سندويتشات ليك بزيادة.. و أكلت و مشيت مبسوط.

قرينا الموقفين دول .. معرض الكتاب .. و المطعم اللي علي الطريق.

يللا بينا نطلع منهم خطوات عملية:⬇

في معرض الكتاب..

عملية الـ Selling (البيع) أخدت أقل من دقيقة، لأن الرسالة الدعائية كانت قوية، من خلال الصورة المعروضة للكتاب و التصميم و الإسم اللي رجّلك ذكريات معينة ممكن ماتكونش مهمة لحد تاني.. لكنها بالنسبة مهمة جداً.

طيب تخيل/ـلي لو سألت عن سعر الكتاب و لقيته بـ ٣٠٠ج، و كل اللي معاك/ـي ٣٥٠ج. هل هتشتري؟

أعتقد بنسبة كبيرة لأ، أو علي الأقل هتتردد كتير، أو تأجل قرار الشراء.

- يبقي الـ Action Points هنا:

⬅ لازم المنتج يداعب خيال العميل بشكل قوي من خلال تصميمه، أو شكله، أو حجمه، أو صوته، أو ريحته، أو طريقة عرضه في المتجر.

⬅ السعر أمر مهم. لكن مش هقولك هنا تخفض أسعارك، دي فيها تفصيل شوية هنقوله بعد قليل.. لكن هقولك الآتي:

⬅ إحرص علي إن منتجك يخاطب الـ Need عند العميل (عايز يخف، عايز ينجح، عايز يصلح الموبايل، عايز يخس) .. أو الـ Want .. اللي هي الحاجة العاطفية.. اللي مش ضروري تكون أمر مُلح، لكنها حاجة العميل بيحبها.. زي الكتاب اللي فيه ذكرياته ده .. شراء الكتاب مش أمر ضروري، Need، لكنه أمر محبوب، يعني Want.
المنتج لازم يخاطب الـ Need أو الـ Want، أو الإتنين سوا.

بس؟

🍂 🍂 🍂

٤- لأ. لو المنتج بتاعك بيخاطب الـ Need و الـ Want لكنه مش بيخاطب الفئة القادرة علي الدفع.. صعب جداً جداً إن البيعة تتم.

يبقي عندنا ٣ حاجات بإذن الله لو راعيناهم أوي في منتجاتنا هتخليهم يتباعوا هوا:

⬅ الـ Need.. الاحتياج المنطقي، زي الدوا، زي التفاحة اللي فيها فيتمانيات، زي الكرنب، زي الجيم.

⬅ الـ Want.. الحاجات اللي بالعاطفة و الشهية.. زي قطعة الجاتوه.. زي الكتاب أو فيلم الكرتون.. زي الميك أب.

⬅ الـ Ability to Pay.. القدرة علي الدفع. أنا راجل عندي أحلي Want في الدنيا و عاطفياً نفسي أشتري مرسيدس مايباخ.. هنبسط أوي لما أشتريها. هل ده سبب كافي لأن الشركة تحاول إقناعي بشرائها و يبعتولي مندوب يسوّقهالي؟ لأ.
كدة كدة أنا مش هقدر اشتريها حالياً.. يبقي ليه الشركة تهدر إعلاناتها و مندوبيها علي واحد مش هيقدر يشتري (مهما كانت درجة احتياجه)؟

🍂 🍂 🍂

٥- طيب.. أنا إزاي أقدر أعرف إذا كان العميل هيقدر يشتري ولا لأ؟

في أساليب فعالة جداً لاستهداف الفئة القادرة علي شراء المنتج بتاعي.. منها إعلانات السوشال ميديا و علي رأسها الفيسبوك، بشوية Setting معين.. لو أنا ببيع منتج غالي شوية أقدر أستهدف الفئة القادرة مادياً علي شرائه، ولو منتج متوسط كذلك، ولو منتج عادي في متناول الجميع كذلك.

🍂 🍂 🍂

٦- أيضا في Business Skill مهمة جداً اتكلمنا عنها كتير ممكن جداً تخليني أقدر أستهدف العميل القادر علي الشراء، و المتهم بالشراء. و هي مهارة الـ Business Networking.

ملخص النقطة اللي فوق، حط في بالك إنك مش هتبيع لكل الناس، إنت هتبيع للعميل اللي عنده الاحتياج، أو الرغبة، أو الاتنين معاً .. و الأهم من ده: عنده القدرة علي الدفع.

🍂 🍂 🍂

٧- استخدم عنصر الـ (Reciprocity) .. يعني المبادلة، أو المعاملة بالمثل.. يعني أدي خدمة للعميل، حسسه بحرصك علي حل مشكلته، ولو جالك المتجر أو المعرض بتاعك و خدت منه البيزنس كارد بتاعه بعد ما يمشي (حتي لو ماشتراش) ابعتله رسالة شكر إنه زارك و اتكلم معاك.

الطريقة دي بتدي إحساس بالإلزام المعنوي للعميل إنه حس براحة أو سعادة لما تعامل معاك و عايز يردلك الجميل عن طريق إنه يشتري منك أو يرشحك لحد إنه يشتري منك.

🍂 🍂 🍂

٨- إحرص أوي أوي علي إن مجالك اللي انت بتقدم خدمات فيه تكون ظاهر للعميل علي إنك خبير فيه و عندك أدق تفاصيله. العميل بيحب الشركة أو المتجر اللي فاهم هو بيعمل إيه و بيبيع إيه.. بيديله إحساس بالأمان و الثقة.

🍂 🍂 🍂

٩- استخدم عنصر الـمقارنة.. يعني و انت بتتكلم عن تفاصيل منتجك.. اتكلم عن منافسينك (بكل احترام طبعاً) و بدون ذكر أسامي.. لكن مثلا ممكن تقولها زي "المنتج ده بيتميز بكذا و كذا و بيحل مشكلة كذا، و ده مش موجود عند كتير من زمايلنا اللي بيبيعوا كذا"

🍂 🍂 🍂

١٠- إظهر حماستك للمنتج.. لأن الـ Motivation ده مُعدي.. لو العميل اتعدي من حماستك للمنتج.. بنسبة كبيرة هيشتري.

🍂 🍂 🍂

١١- استخدم أسلوب البيع الاستشاري.. Consultative Selling.. صحيح إن ده مجال ضخم و مش هعرف أختصره هنا.. لكن الخلاصة: حسس العميل إنك حريص علي حل مشكلته أكتر من حرصك علي تحقيق التارجت و البيع و هكذا. هي الناس بتحب كدة. بيحبوا اللي يحس بيهم.

🍂 🍂 🍂

١٢- استخدم عنصر الندرة (Scarcity) زي ما المطعم بتاع الطريق استخدمه معاك. إن السندويتش بـ ١٠ج لمدة ساعة واحدة بس. لأن غالبيتنا مش بنتحرك و ناخد أكشن إلا لما نحس بالـ Urgency (الضرورة)، و ده اللي بيخلي السيدات و البنات يشتروا حاجات كتير أحياناً بدون ما يحتاجوا لمجرد إن عليها خصم. لأن السيدات عاطفيات جداً و عنصر الإحساس بالضرورة عندهم حساس بزيادة.

🍂 🍂 🍂

١٣- خاطب العميل باللي يفهمه.

🍂 🍂 🍂

١٤- خاطب العميل باللي يهمه. و ده مش هيحصل إلا لما تسأله و تسمع الرد فتعرف الـ Deep need بتاعته.

🍂 🍂 🍂

١٥- خاطب العميل باللي يحبه. و ده كذلك مش هيحصل إلا لما تسأله و تسمع منه. فلو هو مهندس و انت وسط الكلام عرفت إنه مهندس و قلتله يا بشمهندس هيحس براحة نفسية أكتر. و كذلك أي مجال آخر.

🍂 🍂 🍂

١٦- خلي بالك.. عملية البيع The Buying Process و عملية الشراء The Selling Process عمليتين منفصلتين، كل واحدة فيهم ليها دوافعها، و بتحصل لسبب غير التانية خالص.
العميل بيشتري لأسبابه اللي لازم تتكلم معاه و تفهم منه عشان تعرفها.
و انت بتبيع لأسبابك اللي هي ممكن تكون تحقيق التارجت، أو زيادة مبيعاتك و تكبير البيزنس بتاعك.

عشان أخلي العميل يشتري بإذن الله لازم أتكلم من خلال أسبابه هو، و أفهمها كويس، و أتفهمها، و يوصله الإحساس إني مهتم بحل المشكلة دي و بحاول أشوفله أنسب الحلول عن طريق تقديم أنسب منتج له.

🍂 🍂 🍂

١٧- خلي بالك .. ممكن بعد ما تقطع ٩٥% من المسافة في البيعة و تبقي علي وشك خلاص إنه يشتري منك.. تلاقيه شكرك و مشي بدون شراء .. و ده لسببين:

السبب الأول: إن العميل بيبقي عنده حاجات مهمة بالنسباله بيقولهالك لازم ترد عليها. و عنده حاجات مهمة بالنسباله مش هيقولهالك.. لازم انت تسأله عنها، عشان كدة بنقول إن رجاء قلل كلام عن المنتج .. كتر أسئلة. إسأل عشان تعرف تنشن علي النقاط اللي تساعدك علي تلبية الاحتياج.

السبب التاني: إن أحياناً العميل ييجي، و يتكلم، و يحكي، و يفضفض، و انت تسمع باهتمام.. و تبدي تعاطفك و اهتمامك.. و يقولك "شكراً .. آسف عطلتك.." و مايشتريش منك.
الموضوع ده مستفز لدي أغلب أصحاب البيزنس و السيلزجية، و بيشتكولي منه "هو الباشا جاي يفضفض هنا و يمشي؟!"
فأقوله: انت قلتله يشتري؟

يقوللي: لأ. ماهو عارف إنه واقف في معرض موبيليا. و اتكلمت معاه و قلتله علي الأسعار و نظام الدفع و كل حاجة و لقيته مرحب بالموضوع و حاببني جداً. طب ليه ماشتراش.

و الحقيقة السبب في كده إن كتير من العملاء بيجيلهم إحساس زائف بإشباع الاحتياج بمجرد ما يروح و يبص علي المنتج و يتكلم و يفضفض.. لدرجة إنه ممكن ينسي أو يأجل الشراء أصلاً.
طب إيه علاجها؟

"Ask the customer to take action''
ماتتكسفش إنك تقوله:

"حضرتك هتاخد دي ولا دي؟"
"حضرتك هتدفعي كاش ولا بفيزا؟"
"ألف لحضرتك الاتنين دول؟ ولا عايزة تلاتة؟"
"أنا شايف إن حضرتك تجربي ده.. و أنا متأكد إن هيعجبك بإذن الله؟
"أنا لو مكان حضرتك.. منامش النهاردة إلا و الفون ده معايا"

و هكذا. ماتتكسفش إنك تطلب من العميل ياخد أكشن الشراء. لأن دي شركة/ صيدلية/ محل/ متجر/ مكتب لأكل العيش و البيع. فانت مش بتطلب منه سلفة.