في عجب خاطرك صامل وانتحاري
آخذ الصيدة من افواه الذيابه

رافعك بين المطلات السواري
ملحفك بالنجم وفراشك سحابه

مستواي الاجتماعي والتجاري
عند غيرك عامر وعندك خرابه

- سفر الدغيلبي

انا طالبك لا تاقف على بابي
وتحجبني عن الدنيا ومن فيها

بعد هاذي تحمل قسوة عتابي
الألوان الضبابيه ما دانيها

- سفر الدغيلبي

إنتهى شفي و شفت وعفت من الدنيا العزاير
تايبٍ عن غيّها ومقدم خطاب إستقاله

في مقاييس العقل صارت كبايرها صغاير
إستوت عندي غنايمها الدقاقه والجلاله

ما معي تبرير عن يأسي ، ولا ادري ويش صاير
يا معافي حالةٍ ما مثلها فالكون حاله

- سفر الدغيلبي

‏يامال فرقا العين بعض الاصاحيب
‏وفيت معهم باالجميل ونسوني

‏عزالله اني معهم امقدم الطيب
‏لكنهم شبعو ضحا وجحدوني

- ‏عبدالعزيز الوذيناني

للرفيق اللي ليا وكّد مجيي فز قايم
لو اجيه مراكي الحاكم حلف لي عن محله

لايبي مني جميل ولاحصيل ولاغنايم
مير متربي على زين الطبيعة والجبله

بالميانه قد تعدينا الضيافة والولايم
كنه امبرك جمل لاساق لي فنجال دله

- سفر الدغيلبي

‏مرهيٍ بالفوايد وأحسب إني عنيد
‏من كبر طمعتي بسلبك وتصير لي

‏لين حطيت لي فخٍ حباله حديد
‏ثم لبسّتها بالملبس المخملي

- سفر الدغيلبي

‏يارهيف الحلايا من رهافة حلاك
‏كل من كنت احبه صار عقبك بغيض

‏اتهرب عن العالم ما ابا الاحتكاك
‏راحن البيض بعدك سود ماهن بيض

‏اتعجل ما ابيك تملني ياملاك
‏ولا انا ودي اقعد عندكم واستريض

‏كيف بسولف هنيا وفكري هناك
‏الحكيم انهبل مير العوض يامعيض

- سفر الدغيلبي

‏ليت كسر الذات يبرى بالجباره والكتايف
‏كان بحاول اضبه بالكتايف والجباره

‏فرصةٍ تاحت وراحت مير يالله بالخلايف
‏ياوجود اللي قعد يصفق يمينه في يساره

- سفر الدغيلبي

‏الغلا اللي من الزين واصل حده
‏ ما اقدر اوصفه للعرب وشلونه

‏حشمة الغالي اللي مقيمن وده
‏مغلي لي قبيله من اجل عيونه

‏صاروا اقرب لي من الربع والبده
‏ إدفعتني لهم نفسي المفتونه
‏
- سفر الدغيلبي