ማንኛውም ሰው የኢንሹራንስ ኩባንያ ባለቤት ወይም መሪ መሆን አይችልም— አዲሱ የብሔራዊ ባንክ መስፈርት

​የኢትዮጵያ ብሔራዊ ባንክ በኢንሹራንስ ዘርፍ ላይ ከፍተኛ ተጽዕኖ ያላቸውን ግለሰቦች (ባለአክሲዮኖችና አመራሮች) ብቃት ለመመዘን አዲስ መመሪያ (SIB/63/2026) አውጥቷል።

መመሪያው በዘርፉ "ተጽዕኖ ፈጣሪ" ለመባል የሚከተሉትን መስፈርቶች በዋናነት ያስቀምጣል፦

👉​የገንዘብ አቅም እና ታማኝነት፦ ግለሰቦች በገንዘብ ራሳቸውን የቻሉና በሕግ ፊት ንጹህ መሆን ይኖርባቸዋል።

👉​የሙያ ብቃት ፦ ተቋማቱን የመምራትና የማስተዳደር ክህሎት መኖር።

👉​የመልካም ስነ-ምግባር መለኪያ ፦ ለቦርድ አባላትና ለሥራ አስፈጻሚዎች ጥብቅ የምዘና መለኪያዎችን ይደነግጋል።

መመሪያው የኢንሹራንስ ዘርፉ በባለሙያዎች ብቻ እንዲመራና የደንበኞች እምነት እንዲጠበቅ ለማድረግ ያለመ ነው ተብሏል።

[ @MadoNews ]

🚨 ትራምፕ በኢራን የኃይል መሠረተ ልማቶች ላይ የሚፈጸሙ ጥቃቶችን ለ10 ቀናት እንዳቆሙ አስታወቁ

የአሜሪካው ፕሬዝዳንት ዶናልድ ትራምፕ እንዳሉት፣ ከኢራን መንግሥት የቀረበላቸውን "ጥያቄ" መነሻ በማድረግ፣ በሀገሪቱ የኃይል መሠረተ ልማቶች ላይ የሚሰነዘረው ጥቃት እስከ መጋቢት 28 ድረስ ለተከታታይ 10 ቀናት እንዲቆም ወስነዋል።

💬 "የኢነርጂ ተቋማት የማውደም እርምጃን ለ10 ቀናት አግጃለሁ… ውይይቶች እየተካሄዱ ነው… ሂደቱም በጥሩ ሁኔታ ላይ ይገኛል፡፡" ሲሉ በትሩዝ የማኅበራዊ ሚዲያ ገጻቸው ላይ ጽፈዋል፡፡

❌ ከዚህ ቀደም፣ የኢራን ባለሥልጣናት ከአሜሪካ ጋር ድርድር እያደረገ አለመሆኑን ተናግረዋል፡፡

[ @MadoNews ]

📰አጫጭር መረጃዎች

🇮🇷🇦🇪🇰🇼🇸🇦 በአቡ ዳቢ በተጠለፈ የኢራን ሚሳኤል ቢያንስ ሁለት ሰዎች ሲገደሉ ሶስት ሰዎች ቆስለዋል፡፡ በርካታ ተሸከርካሪዎች ጉዳት ደርሶባቸዋል፡፡የተባበሩት አረብ ኤምሬትስ፣ ሳዑዲ አረቢያ እና ኩዌት የአየር መከላከያ ስርአታቸው ሰው አልባ አውሮፕላኖችን መጥለፍ መቀጠሉን ገልጸዋል፡፡

🇺🇸🇮🇷  የዩናይትድ ስቴትስ ፕሬዝዳንት ዶናልድ ትራምፕ የኢራን መሪዎች ከአሜሪካ ጋር እየተደራደርን ነው ለማለት ፈርተዋል ሲሉ ተናገሩ፡፡

🇴🇲  የኦማን ብሔራዊ አየር መንገድ በአየር ክልል መዘጋት ምክንያት ወደ ዱባይ፣ ዶሃ፣ ባህሬን እና ኩዌት የሚደረገው በረራ እስከ ሚያዚያ 15 ድረስ እንደሚቋረጥ አስታዉቋል፡፡ ነገር ግን ወደ ዮርዳኖስ አማን እና ወደ ሳዑዲ አረቢያ ደማም የሚደረጉ በረራዎች በሚያዝያ 1 ይቀጥላሉ ብሏል።

🇮🇷🇮🇱  በኢራን የሚሳኤል ጥቃት በማዕከላዊ እስራኤል ክፋር ቃሲም አምስት ሰዎች ላይ ጉዳት ደረሰ፡፡የእስራኤል መገናኛ ብዙሃን ከሊባኖስ የተተኮሰ የሮኬቶች ማዕበል ምስል በክትትል ካሜራዎች የተቀረፀ በማዕከላዊ እስራኤል ሰማይ ላይ የሮኬት መጥለፍ ትዕይንቶችን አጋርተዋል፡፡

🇱🇧🇮🇱  ሄዝቦላህ በደቡብ ሊባኖስ 7 የእስራኤል ታንኮች ላይ ኢላማ አድርጌያለሁ ሲል ያስታወቀ ሲሆን የእስራኤል ጦር በበኩሉ በሊባኖስ ውስጥ የተጠናከረ የምድር ላይ ዘመቻን እያደረገ መሆኑን ገልጿል፡፡ሰራዊቱ ሂዝቦላህን ትጥቅ ለማስፈታት እና ከደቡብ ሊባኖስ የተወሰኑ ክፍሎች ለማስወጣት የገባውን ቃል ባለማሟላቱ ትችት ተሰንዝሮበታል፡፡የእስራኤል ጦር እስካሁን ከ2ሺ የሚበልጡ የሂዝቦላህ ኢላማዎችን በመምታት 700 ያህል ተዋጊዎችን ገድሏል፡፡

🇷🇺🇮🇷 ሩሲያ ከጦርነት በፊት ለኢራን መረጃ ትሰጥ ነበር ሲሉ የዩናይትድ ኪንግደም የመከላከያ ዋና ጸሀፊ ጆን ሄሊ ተናግረዋል፡፡ሩሲያ የስለላ መረጃን እየተጋራች እና ለኢራን ስልጠና ትሰጥ ነበር።አክለውም “የፑቲን ስውር እጅ” በኢራን ውስጥ አለ ሲሉ ተደምጠዋል፡፡

🛢 የነዳጅ ዋጋ ማሻቀቡን የቀጠለ ሲሆን በአለም አቀፍ ደረጃ በበርሚል እስከ 104 ዶላር እየተሸጠ ይገኘኛል፡፡ጦርነቱ ከተጀመረበት ጊዜ አንስቶ የነዳጅ ዋጋ ከ40 በመቶ በላይ ጨምሯል፣ይህም በዋናነት በሆርሙዝ ባህር ዳርቻ መዘጋት የተነሳ የመርከብ እንቅስቃሴ በመታገዱ ነዉ፡፡

🇱🇧🇮🇱  በደቡባዊ ሊባኖስ በተደረገ ውጊያ አንድ የእስራኤል ወታደር መገደሉን የእስራኤል ጦር አስታወቀ።ጦር ሰራዊቱ በቴሌግራም በሰጠው መግለጫ የጎላኒ ብርጌድ ወታደር የሆነ የ21 አመቱ ኦሪ ግሪንበርግ ተገድሏል ሲል ይፋ አድርጓል።

🇷🇺🇺🇸🇮🇱🇮🇷የሩሲያ የውጭ ጉዳይ ሚኒስቴር አሜሪካ እና እስራኤል በኢራን ቡሽህር የኒውክሌር ኃይል ማመንጫ አቅራቢያ ለሁለተኛ ጊዜ ጥቃት መፈጸማቸዉን ተከትሎ ሆን ብለው የኒውክሌር አደጋ ለመቀስቀስ እየሞከሩ ነው ሲል ከሷል።ሞስኮ ጥቃቱን ተከትሎ በኢራን-ሩሲያ ከተገነባው ቦታ ተጨማሪ ሰራተኞችን ለማስወጣት ተገዳለች፡፡

[ @MadoNews ]

ራፐሩ የኔፓል ጠቅላይ ሚኒስትር ሆኑ

​በኔፓል የቀድሞው ታዋቂ ራፐር እና የካትማንዱ ከንቲባ የነበሩት ባሌንድራ ሻህ የሀገሪቱ ጠቅላይ ሚኒስትር በመሆን ቃለ መሃላ ፈጸሙ።

የ35 ዓመቱ ወጣት ኢንጂነርና ድምፃዊ፣ በሹመት ሥነ-ሥርዓቱ ላይ ጥቁር ልብስና ጥቁር መነጽር አድርጎ በመቅረብ የብዙዎችን ቀልብ ስቧል።

​የእሱ "ብሔራዊ ነፃነት ፓርቲ" ባለፈው መጋቢት ወር በተካሄደው ምርጫ አሸናፊ መሆኑ ይታወሳል።

ይህ ድል የመጣው እ.ኤ.አ. በ2025 በወጣቶች በተመራውና "የጄነሬሽን ዜድ አብዮት" በተባለው ተቃውሞ የቀድሞው መንግሥት ከወደቀ በኋላ ነው።

ባሌንድራ ሻህ በበዓሉ ላይ ሕገ-መንግሥቱን ለማክበርና ግዴታውን በታማኝነት ለመወጣት ቃል ገብቷል።

ይህ ክስተት በኔፓል ፖለቲካ ውስጥ የወጣቶች የበላይነት የመጣበት አዲስ ምዕራፍ ተደርጎ ተወስዷል።

[ @MadoNews ]

ሆርሙዝ ሙሉ በሙሉ ተዘጋ‼️

የአሜሪካው ፕሬዚዳንት ዶናልድ ትራምፕ የሆርሙዝ ሰርጥ ክፍት ነው የሚል የተሳሳተ መረጃ መስጠቱን ተከትሎ 3 የኮንቴይነር መርከቦች በሆርሙዝ ለማለፍ ሲሞክሩ እንዲመለሱ መደረጋቸውን የኢራን ሪፐብሊክ መከላከያ አስታወቀ።  የሆርሙዝ ባህር ዳርቻ ሙሉ ለሙሉ ተዘግቷል፣ በሆርሙዝ ለማለፍ የሚሞክር ማንኛውም መርከብ ከባድ አደጋ ይገጥመዋል"ስትል ኢራን አስጠንቅቃለች።

[ @MadoNews ]

የፊንቴክ ኢንቨስትመንት ሥራ አስኪያጅ በከባድ የማታለል ወንጀል ተከሰሰ

​በአዲስ አበባ የፊንቴክ ኢንቨስትመንት ሥራ አስኪያጅ የሆኑት ዳንኤል ዮሐንስ፣ ከ600 ሚሊዮን ብር በላይ በማጭበርበር ወንጀል ክስ ተመሰረተባቸው።

ዐቃቤ ሕግ እንደገለጸው፣ ተከሳሹ "ሄሎ ታክሲ" እና "ፊንቴክ ኢንቨስትመንት" የተባሉ ድርጅቶችን በመጠቀም፣ የኤሌክትሪክ ተሽከርካሪዎችን በዱቤ እናስረክባለን የሚል አሳሳች ማስታወቂያ በታዋቂ ግለሰቦች እና ማህበራዊ ሚዲያዎች አስነግረዋል።

​ተከሳሹ ከ5 ሺህ በላይ ተመዝጋቢዎችን ለቅድመ ክፍያ እና ለምዝገባ በሚል ከፍተኛ ገንዘብ እንዲከፍሉ ካደረጉ በኋላ፣ መኪኖቹን ሳያስረክቡ ድርጅቱን ዘግተው መሰወራቸው በክሱ ተመልክቷል።

ድርጊቱ የ1996 ዓ.ም የወንጀል ሕግን እና የኮምፒውተር ወንጀል አዋጅን የጣሰ መሆኑ ተገልጿል።

​በተጨማሪም፣ ተከሳሹ ቀደም ሲል በኢንተርፖል ከተያዘ ግብረ-አበር ጋር በመሆን፣ የውሸት ርክክብ ቪዲዮዎችን በማሳየት እና "መኪናዎች በመጓጓዝ ላይ ናቸው" የሚል ሀሰተኛ መረጃ በማሰራጨት 19 ተደራራቢ ወንጀሎችን መፈጸማቸው ተጠቅሷል።

ጉዳዩን የፌዴራል ከፍተኛ ፍርድ ቤት ልደታ ምድብ 2ኛ ልዩ ልዩ ወንጀል ችሎት እየተመለከተው ይገኛል።FMC

[ @MadoNews ]

በዚህ በኩልም ከባድ ሰላማዊ ሰልፍ

በእስራኤል ከኢራን ጋር ያለውን ጦርነት የሚቃወም ሰላማዊ ሰልፍ ተካሄደ

​በእስራኤል እና በኢራን መካከል ያለው ግጭት እየተባባሰ ባለበት ወቅት፣ በእስራኤል ዋና ዋና ከተሞች ጦርነቱ እንዲቆም የሚጠይቁ መጠነ-ሰፊ ተቃውሞዎች ትናንት ተካሄዱ።

በቴል አቪቭ፣ በሃይፋ እና በኢየሩሳሌም በተደረጉ ሰልፎች ላይ ፖሊስ በወሰደው የኃይል እርምጃ ቢያንስ 18 ሰዎች በቁጥጥር ስር ውለዋል።

​ሰልፈኞቹ “ሚሊዮን ህፃናት በቦምብ መጠለያ ውስጥ እያደጉ ነው” የሚሉ መፈክሮችን ያነገቡ ሲሆን፣ ፖሊስ ግን ስብሰባዎቹ ከ50 ሰው በላይ በመሆናቸው “ህገ-ወጥ ናቸው” በሚል በትኗቸዋል።

በሃይፋ የፓርላማ አባል አይማን ኦዴህ ላይ የሃይል እርምጃ ተወስዷል። ቀደም ሲል በግራ ዘመም አክቲቪስቶች ብቻ ይደረግ የነበረው ተቃውሞ አሁን ላይ ሰፊው የህብረተሰብ ክፍል እየተቀላቀለው መሆኑ ተገልጿል።

​ [ @MadoNews ]

10 ቀን ብቻ ቀረው‼️

የባንክ ሒሳብዎን ከፋይዳ ዲጂታል መታወቂያ የማጣመሪያ ጊዜ መጋቢት 30 ፣ 2018 ይጠናቀቃል። ባሉበት ሆነው ከስር የተቀመጠውን ሊንክ ብቻ በመጠቀም አካውንታችሁን ማጣመር ትችላላችሁ።
የሁሉንም ባንኮች ማጣመሪያ ሊንክ ከስር አስቀምጠናል።

👉https://id.et/connect

[ @MadoNews ]

ግብፅ በኢራን ጦርነት ሳቢያ ከፍተኛ የነዳጅ ፍጆታ የሚፈልጉ ፕሮጀክቶችን ለሁለት ወራት ያህል ልታቆም ነው

🇮🇷🛢 መንግሥስት በኢራን ጦርነት ምክንያት እየጨመረ የመጣውን የኃይል ወጪ ተከትሎ ፍጆታን ለማመጣጠን ከፍተኛ ነዳጅ የሚጠይቁ ፕሮጀክቶችን ለሁለት ወራት ለማቆም አቅዷል ሲሉ ጠቅላይ ሚኒስትር ሞስጣፋ ማድቦው አስታውቀዋል።

👉 እንደ የፋይናንስ ሚኒስትሩ አህመድ ኩቾክ ገለጻ፤ የዕዳ ክፍያ ወጪ በሚቀጥለው የበጀት ዓመት በ5% እንደሚጨምር ተገምቷል።

[ @MadoNews ]