ما حد جاته حياته على ما تمنى

انتهت ايام المحبه كنها حلم قصير
ولا بقى غير صورتك و حلو الذكريات .

١٣/٤/١٤٤٦ انتهت الحكاية .

المطر و صوت قطراته
مُفرحه و مبكيه عندما نذكر احبابنا الذين تركونا و هذا يذكرني بـ :

‏ذكرتك و المطر ينزل من اللهفه و بعدك طال
‏تجي ذكراك . . لا طاح المطر كنك حليٍّ له

علموها بإني ارجع للرسايل و احتفيها
و احتضنها لين يطبع خطها في صدري

آه يا طعنة حبيب و دمعتينٍ تقتفيها
و آه يا شكوى تنزل عند ربعي كبر قدري

و آه يا ليلة فراقٍ م احسب اني بلتقيها
و التقينا في قصيدٍ يشرح جروحي و كسري

يوم راحت قمت اكرر بالمنادى و انتخيها
ارقبيني م انتهى حكيي تروّي بي و احتري

اثرها نيّه غيابٍ كل ابونا ما نبيها
ما فطنت الا بعد م بيّحت الايام سدّي

مثل هذا اليوم من قبل خمس شهور و عليها
عشت ذيك اللحظه اللي شيّبت بي قبل كبري

افترقنا و انتهت دنياي باللي كان فيها
ما بقى لي في حياتي غير هاجوسي و شعري

ليتني ما شفتها تبتليني و انا ابتليها
كان زان الحال و الا عشت انا ايامي و عمري

تنفعك يوم لا ينفع لا مال ولا بنون .

ما عاد يربطني بها شي الا صوره و خاتم .

‏تطري علي واشتاقلك واتمناك
‏والقاك حلمٍ من بعض ذكرياتي

‏انا ادري اني صرت ماني وياك
‏لكنك احلى حلم مر بحياتي

‏من عاشرك ماظنتي بيوم ينساك
‏مهما تغيب تكون لي مثل ذاتي

‏واصعب مواقف دنيتي يوم فرقاك
‏فيها عرفت انك تساوي حياتي .

يامسهر العين مشقي الروح
‏راع الغلا الي ربطني بك

‏اصدق من الدمع عقب البوح
‏قلبٍ جريح يهذري بك

‏واصدق من الحزن عقب النوح
‏عقلٍ يضمك ويسري بك

‏خطاك ياصاحبي مدموح
‏وشوفي قصر من عذاري بك

‏مامن ورا صدتك مصلوح
‏طعني ترا الروح تدري بك .
.

تصدقوا بما تجود بِه أنفسكم
وانشروا الرابط نتشارك الأجر 🤍