STAT328

الماده سهله ومع سلايدات العوده بتسهل اكثر
المنهج كله يعتمد على موضوعين رئيسيين ولكن مع كل تشابتر تاخذون حاله مختلفه
ولا تخافون مافيه لخبطه بينهم لان الفرق بتشوفونه واضح جدا جدا
الماده سهله جدا ومترابطه .. بيجي يوم الفاينل وتقول ماعندي شي اراجعه خلاص ، وهذا اللي صار لي

مصادر الشرح
بالنسبة لي اعتمدت على شرح الدكتور والسلايدات .. وتقدر تعتمد على السلايدات بس .. لانهن مرتبات ترتيب ممتاز يساعدك على عدم التشتت والتفريق بين الحالات
وبهن شروحات حلوه تكفيك عن اي مصدر وامثله تغطي كل الافكار .. عن نفسي ماتعديت السلايدات ابد والواجبات .. لا كتاب ولا تجميعات ولاغيره

ممكن يختلف الوضع فاللي يبي يحتاط ويتدرب اكثر ، الكتاب والتجميعات موجودة بالمساحه

وهذا مصدر شرح .. البلاي ليست هذي شامله مواضيع الاحصاء من البيسك الى مواضيع منهجنا .. اذا نزلتوا شوي بتشوفون مواضيعنا

دكتور
الدكتور علي مرتضى اول مره يمسك الماده لكنه دكتور حبيب جدا جدا ومتعاون جدا من كل النواحي حتى بالاختبار لو تسأله يساعد ولو تعيد يمكن يمسك القلم عنك
شرحه متوسط ويحرص انك تفهم ويكرر كثير عشان يتأكد ان الجميع فاهم .. تصحيحه حلو ..كويزاته سهله
ويرحب بالجميع بالمكتب
مشكلته الوحيده بس انه ياخذ المحاضره كامله بالدقيقه ولا الباقي قوت

EE301

ااولاً انسى كل ماسمعته عن هالماده ،، تراه اسهل بكثير من السمعه ، وأسهل بكثيييير من الكهرو
مشكلتها افكارها كثيره والدكتور العرف مايتساعد من هالناحيه لانه يعطيك الفكره العامه ويقولك رح تعمق انت
وعشان كذا لازم تدخله بعقلية انك تدرس مادة ماث
تتدرب كثير جدا وتدرس أول بأول ،، وترا كل شي مهم ويجي عليه مسائل .. حتى الاشياء اللي ماتتخيل انهن مهمه فحلك الوحيد هو الكتاب والمصايب اللي به 🔥


سواءً كنت مع الفهيد او العرف .. خل اعتمادك بشكل أساسي على دفتر أحد طلاب الفهيد .. وهذا دفتر بالمساحه لترم 461 ( الفهيد ماعنده سلايدات فالطلاب يفرغون شرحه على دفتر )
ليش طيب ؟
سلايدات العرف متعبه .. كله تفصيل وشروحات ماله داعي ، وحتى لو قلنا له داعي فمنتب فاهمه وبتحوسك ..
وبتمر عليك المحاضره والثنتين بدون امثله
بالمقابل الفهيد يشرح الفكره بشكل مختصر ثم أمثله على طول .. فتعرف وش عندك ووش بتسوي

• مايمنع طبعا انك تستفيد احيانا من سلايدات العرف

باختصار بالنسبه للميدات والفاينل
١- ركز على الدفتر اللي بالمساحة
٢- على واجبات الفهيد وأسئلته الاضافية
٣- واجبات العرف
٤- كتاب اوبنهايم او كتاب الفهيد
وهذي كلهاااا مهمه وأوعدك اذا سويت كذا بتجيب قريد عالي وانت تضحك
وعندك بعد التجميعات بالمساحه ( ركز على 461 لان قبل كان ماسكه د.العرف فقط فالمستوى أصعب)

اما كويزات العرف توقع اي شي ،، وشف النماذج

مصادر الشروحات :
1- نيسو
المنهج كامل بقائمة التشغيل هذي وهو المصدر المعتمد لكثير من الطلاب،، ممكن تلقى بعض المواضيع مهب معنا .. خل اعتمادك الرئيسي الدكتور الفهيد .. الا بالكويزات اذا كنت عند العرف ماتدري وش يجيب لك
وللتنويه د.الفهيد ماشرح ROC وهذي مهمه وتجي بالفاينل (متعلقه بتحويل لابلاس وZ )

2- محمد ماهر " شروحاته عظيمه ومتوصي وحتى يسوي بروفات لكل شي "
مقدمة و FS وFT
لابلاس

3- د. هشام
مقدمة
امثلة اضافية
FS
FT
LT
ZT

وابو محمود ممتاز بعد ويعطيك شروحات للدكتورين فتلقى امثله اكثر 👍

EE300

الماده تافهه وبسيطه جدا جدا .. الموضوع الرئيسي تقريباً هو قياس الخطأ بالاجهزه
والدكتور الهادي مسهلها بعد وماتعمق .. الاختبارات كلهن من كويز الى فاينل موجودات بالمساحه واتوقع يكررهن
المعمل ايضا سهل والدكتور مسهّل موضوع التقارير ويقول اكتبوا الارقام بس على الورقه بخط اليد ثم. كنكلوجن

مصادر الشرح
اللي يفكر يدور مصادر شرح لهالماده بضربه .. مافيه شي ينشرح !
كله مسألتين يمكن ماتفهمونهن وعندي مقطع لهن عند الحاجه

الدكتور
الدكتور الهادي وسيع صدر بس عطوه على جوه انتم بعد .. لا تغيبون واجد .. خلوه يستانس وهو يشرح وحسسوه ان الموضوع صعب وغريب وجديد .. بهالحركه ركز على موضوع واحد جابه لنا بأغلب الاختبارات
قبل الميدات والفاينل لو تسألونه يعلمكم وش تركزون عليه

EE312

الالكترونيات .. ماده حلوه وممتعه ومتوسطه الصعوبه .. بتبدون بدراسه المواد وانواعها من موصل وعازل وأشباه الموصلات .. ثم كيف نسوي الdiode من اشباه الموصلات .. ووشو الdiode اصلا
ثم تطبيقات على الdiode
أبرز التطبيقات هو الترازنستور وهو بيكون الموضوع الرئيسي للماده
ينقسم لقسمين وكل قسم بتدرسونه DC ثم AC
زينة الماده ان دوائر الترانزستور اشكالها ثابته .. فاللي يراجع زين بيجيب فل مارك وهو مرتاح .. يمكن الغدره شوي ببعض الأسئله النظريه وهذي وغيره موجودات بالتجميعات بالمساحة
ايضا الدكتور بيطلب منكم على نهاية الترم مشروع بسيط عليه 10 درجات
تطبقون اللي تعلمتوه خلال الترم وتشرحون بفكره بسيطه ،، اذا كتبت باليوتيوب مشروع الكترونيك بتجيك افكار كثيره

مصادر الشروحات

1- محمد عايد هو المصدر المعتمد لأغلب الطلاب .. شرحه بسيط وممتاز ونفس السلايدات ( منهجنا شامل قائمه التشغيل الكترونيات 1 وبعض 2 )

2- بروفيسور رازافي
للي يبي يستفيد وياخذ فهم اعمق هذا بروفيسور ومؤلف كتب بالالكترونيات وشارح منهجنا والكترونيات 2 بالكامل .. تقدر تبحث باسم الموضوع

الدكتور
د.عبدالله المحيميد
الدكتور حليل ويقدّر اللي يجتهد وسمح بالواجبات يقول اختاروا التاريخ اللي تبون وشرحه وتصحيحه وسط
يجيب من التجميعات والواجبات والسلايدات كثيييير
اللي يضبط ذولي اموره بالتمام ..

EE313
معمل سهل وبتاخذون ٦ تجارب فقط .. ممكن تسوون التقارير لخمس فقط
الدكتور احمد الزغيبي فاهم وممكن يساعدك حتى بفهم الماده النظريه
ومتساعد جدا بأوقات المعمل .. بيحاول يضبط وقت مناسب للجميع .. حتى اللي عنده اوف مخربه المعمل بيحاول يضبطه

طريقة الدكتور تحضرون اسبوع تسوون التجربه ثم الاسبوع الجاي ماتحضرون لكن تسوون نفس التجربة بLTSPICE
يعني يصير عندكم اسبوعين لكل تقرير
ويصير حضوركم للمعمل اسبوع ايه واسبوع لا

القسم النظري باختباراته يحتاج فهم زين .. فلا تعتمد على فهمك للتجربة فقط .. لازم تفهم الفكره والكونسبت

GE213

مشابهه ل211 لكن الفرق ان مافيه كويزات ،، التيم من ثلاثه ،، بيكون شغلكم الرئيسي حل بروبلمز على الاكسل
الماده كضغط أخف من 211 لكن طبعاً اخر الترم يزيد الضغط
بالمساحه فيه عدة ملفات سابقة

🔗 قائمة الانتقالات

- STAT328 (أضغط هنا)

- EE301 (أضغط هنا)

- EE300 (أضغط هنا)

- EE312 (أضغط هنا)

- EE313 (أضغط هنا)

- GE213 (أضغط هنا)

بالنسبة للسقنال ..
انصحكم مع نيسو تجربون محمد ماهر خاصة مواضيع FS , FT , LT ،، لانه مميز بالحيل صراحه .. شرح عربي ومفصل وواضح ويشرح عشان تفهم مب بس عشان تحل

صح ان مقاطعه طويله لكن مقسمه على اقسام واضحه

ويسوي بروفات لكل شي " بتشوفون بميدات الترم الماضي جت بروفات"

سؤالين من الفاينل من نفس تحديدكم

دائره Voltage doubler او Tripler

ويقولك كم Vout
الجواب : Vo = 2Vm
او ضرب 3 اذا Tripler

هالسؤال دايم يجيبه بالفاينل وموجود بالواجب


سؤال الripple factor يجيبه احيانا بالفاينل ونسخ لصق بالضبط
يعني اذا صار عندك وقت مر عليه عالسريع

السلام عليكم ..

يااخوان هذا دكتور بجامعة البترول وشرحه ممتاز جدا جدا ..
شارح السقنال والالكترونيات

https://youtube.com/playlist?list=PLT3415wmX63PAMhk8OzXB5XJYizApcGUJ&si=qzMX8L7dYJn8Idad

هذا سؤال Discrete convolution من فاينل الترم الماضي

كتاب اوبنهايم

شرح 👆
ليتكم تسرّعون

للتوضيح :

لأن الثلاث h موصولين سيريس
فال eq يساوي الكونفولجن لهم كلهم

لكن لو كانوا موصولين بارلل فيصير يساوي مجموعهم

وطبعاً لو صار مكس سيريس وبارلل لازم تحلل وتشوف وشو السيريس ووشو البارلل

فاينل EE300 461

1-
بيعطيك صورة جهاز قياس ومطلوب تجيب دلتا أر لكل فتحه بالجهاز
ثم تجمعهم
ثم تجيب
Rmax = R + delta R
Rmin = R - delta R

2- نفس السؤال الثاني بالميد الثاني حق تجيب المقاومه المكافأة ودلتا أر .. الخ ،، دائره مختلفه بس سهله

3- Voltmeter multirange ( 8range نفس الميد بس تكرار للخطوات زياده )

4- Ammeter multirange (3range نفس الميد )

5- Bridge
نفس السالفة جتكم قبل
Ig=0
و
R1R3=R2R4
وتكمل الحل

السؤال الاول هو اللي بس تحسونه غريب بس تراه نفس الافكار
واسألوه بيجاوب ويوضح