يخوض الإنسان محاولات لا تحصى
ليصلح ذاته كل يوم، ويمضي عمره
ساعيًا أن يبقى وفيًا لجوهره كي
لا تصنع منه الدنيا نسخة لا تشبهه .

عود صدك بس اليوم وباجر واكبر سنة 🗿

عامٌ جديدٌ قد مضى ، عامٌ من الصعاب ،

عامٌ مليءٌ بالدروس والعِبر  ، ايامٌ مضت فيه
كالجحيم وأيامٌ مُلئت بالرحمةِ  واللُطف،
واحدٌ وعشرونَ عاماً مرت كَالكرام
فأدركتُ قول الله " يومًا أو بعضَ يومٍ مما تعدون "،
واحدٌ وعشرونَ عاماً من التمسُكِ بخيرِ خلق الله، بمحمدٍ وآله الأطهار،

اللهم فأسألُك في عامي هذا خير الأمور
وطهارةَ القلب ، ونقاء الروح، وحُسن الخاتمة،
اللهم فثبت لي قدمَ صدقٍ مع الحُسين وأولاد الحُسين واجعلني ممن ينالُ رضاهم ورضاكَ،
اللهم وفي عامي هذا أسألك أن تَهبني الهداية والصلاح والتوفيق ،برحمتك ولُطفكَ ومغفرتكَ ...

علي راح ومكانه الخالي موجود..💔

دَعِ الأَيَّامَ تَفْعَلُ مَا تَشَاءُ
وَطِبْ نَفْسًا إِذَا حَكَمَ الْقَضَاءُ
وَلَا تَجْزَعْ لِحَادِثَةِ اللَّيَالِي
فَمَا لِحَوَادِثِ الدُّنْيَا بَقَاءُ

عائدٌ إلى بلدتي الأُم، إلى ارضِ الأميرِ علي ✨🤍

حرامااات ما لحكت اصور المسيرة فوك بيتنا 🗿

احيانًا تجي ببالك فكرة تختفي
بس...
وين؟ وليش؟ ولمن؟ ما تعرف.
بس اللي تريده إنك تختفي من كل اللي يمك،
تحس بيك شي بس مو كادر تعبر عنه،
تحس الدنيا سودة بوجهك ومقفلة يمك،
يكون صعب عليك تحاول تتهرب من اللي يسالك: شبيك؟
تخاف لا وتحس بشفقة
حزنك معمي عليك،
تحس أقرب الناس إلك همه بعيدين عليك،
تشوف كلشي موٍ مضبوط ولا بمكانه،
هاي الفترة متعبة عقليًا ونفسيًا وسلبياتها صعبة،
راح تكون ممل، واللي يجي يكعد يمك يصيبه تشاؤم ويجزع منك،
علاج هالحالة مو الهروب
إذا كنت تتخيله حل، لا...غلطان،
اللي بيك بيك، ما يتغير بالمكان.،
فقط انت محتاج تبقى ثابت وتواجه مصيرك، مشاكلك، ضغوطاتك، وصعوبة عملك،
وبنفس الوقت إذا تكدر تبجي، ابجي بس لوحدك بينك وبين اللّٰه فقط.
ابتعد عن البشرية شوي، وعالج نفسك مع الله.
رتب وضعك وردد الآية:
{ إنما أشكو بثي وحزني إلى اللّٰه }

اعيش ذات الشعور من فترة، والله المستعان ✨

كل عام وانتم بخير، ينعاد عليكم بالصحة والعافية 🫶

من الغرائب الي صارت وياي،
وإلي اصنفها مُعجزة ربانية،

من الولادة للـ6 ابتدائي اني ما اكدر انطق الحروف الـ " غ ، خ ، ق " حاولت بكل الطرق والكل ساعدني بدون أي نتيجة تذكر،

بيوم من الأيام وكان احد ايام محرم الحرام
كاعدين اني والوالدة نجهز تمر للموكب
فكالت امي اتوجه للامام "الحسين " وإنخاه ومن تخلص اكل تمرة وهو راح يخليك تنطقهن وفعلاً غمضت وتوجهت للامام ونخيته وفتحت
" واكلت تمرة "
وبنفس اللحظة نطقت الحروف الي على مر 12 سنة ما كدرت انطقهن،

فالحمدلله على نعمة محمد وآل بيته صلوات الله عليهم اجمعين ✨

عمي لو هيج الفرحة من الصبح لو ماتراد 🔥🥹

{وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ}.

مِن أجمل الأيام في عالمِ الغُربة،،،
يومٌ مُمطر مليءٌ بالرحمة الإلهية
إصطحب هذا المطر وتلك الرحمة وجود مَن أُحب، فكانت الرحمةُ برحمتين، مَطرٌ نازلٌ تُرافقهُ نُزولُ الرحمة الربانية فتغفر الذنوب وتُسقطُ الخطايا فهذه هي الرحمة الأُولى، أما الثانية فهي وجود مَن يَسكُنونَ الفؤاد بجواري، مُحيطين بي وأُحيطُ بهم نتبادل الأحاديثَ والضحكات، فكانت هي الرحمة الثانية،،،،

فهذه أيامٌ تُخلدُ ما عشنا، أيامٌ لا تُنسى ولا يُمكنُ طَيُها،،،

فالحمدلله على جميل لُطفه وواسعِ رحمته..