የሁርሶ ኮንቲጀንት ማሰልጠኛ ትምህርት ቤት የ8ኛ ዙር ምልምል ሰልጣኞችን አስመረቀ
******************

በምረቃ ስነ-ሥርዓቱ ላይ በክብር እንግድነት የተገኙት የመከላከያ ሰው ሀብት አመራር ዋና መምሪያ ሀላፊ ሌተናል ጀኔራል ሀጫሉ ሸለመ፤ ውትድርና ራስን ለሀገር አሳልፎ የመስጠት የተከበረ ሙያ መሆኑን አውስተው የዕለቱ ተመራቂዎችም ለዚህ ክቡር ሙያ በመብቃታችሁ እንኳን ደስ አላችሁ ብለዋል።

የውትድርና ስልጠና ይጀመራል እንጂ የማያልቅ መሆኑን ተረድታችሁ በቀጣይ ራሳችሁን በእውቀት እና በክህሎት አሳድጋችሁ የውጪና የውስጥ ፀረ ሰላም ሀይሎችን ጥቃት መመከት የሚያስችል አቅም በየጊዜው መገንባት የሁልግዜ ተግባራችሁ ሊሆን ይገባል ሲሉም ተናግረዋል።

የሁርሶ ኮንቲጀንት ማሰልጠኛ ትምህርት ቤት አዛዥ ኮሎኔል አዲሱ ተርፋሳ በበኩላቸው፤ ሰራዊቱ የሀገርን ክብር ለማስጠበቅ የተቋቋመ መሆኑን ጠቅሰው፤ የዛሬ ተመራቂዎች የውትድርና ሙያን የተቀላቀሉት የሀገራቸውን ክብር አስበው የህዝባቸውን ነፃነት አልመው እና የብዙሀንን ህይወት ለመጠበቅና ለማረጋገጥ መሆኑን ገልፀዋል።

የዕለቱ ተመራቂዎች በተሰጠው የመደበኛ ምልምል ስልጠና ካሪኩለም ውስጥ የተካተቱትን የስልጠና አይነቶች በሙሉ ለተከታታይ 6 ወራት መውሰዳቸውን የገለፁት ኮሎኔል አዲሱ ተርፋሳ በቀጣይም ወደ ሚመደቡበት አሀድ ከነባሩ ሰራዊት ጋር ተቀላቅለው ለሰራዊቱ ትልቅ አቅም መሆን እንደሚችሉ የታመነባቸው ናቸው ብለዋል።

በዚሁ የምረቃ ሥነ ሥርዓት የሠራዊቱ ከፍተኛ አመራሮች እና ጥሪ የተደረገላቸው እንግዶች የተገኙ ሲሆን በእለቱ ተመራቂዎች የተለያዩ ወታደራዊ ትርዒቶችንም ማቅረባቸውን ከሃገር መከላከያ ሠራዊት ይፋዊ የማህበራዊ ትስስር ገፅ የተገኘው መረጃ ያመለክታል።

በአሜሪካ የተገኘው ግዑዝ አካል የሰው ፈጠራ ወይስ የሌላ ዓለም ፍጡራን ሥራ?
********************

ምድር ላይ በሚሆኑ፣ በሚደረጉ አጀብ በሚያሰኙ የፈጠራ ስራዎች እንደነቃለን:: በተራቀቁ የጦር ጀቶች፣በተምዘግዛጊ ሚሳኤሎች፣ ተራራ በሚንጡ ታንኮች የታገዘውን የሀገራትን የጦር ሜዳ ላይ የበላይነት እሽቅድምድም አይቶ መገረምንም እንዲሁ የተላመድነው ይመስላል።

የሆነው ሆኖ ግን የሌላ ዓለም ፍጡራን በምድር ላይ አደረጓቸው እየተባሉ የሚነገሩ በጥናት የሚወጡ ጽሑፎች ግን የዓለምን ቀልብ ከየትኛውም ምድራዊ ግኝት በላይ ለረጅም ጊዜ ተቆጣጥረውት ቀጥለዋል።

ከሰሞኑ የወጣው አዲስ መረጃ የጫረው ግርምት ዓለምን እያነጋገረ ይገኛል፡፡ የላስ ቬጋሱ ሜትሮፖሊታን ፖሊስ ዲፓርትመንት በሰሜኑ የላስቬጋስ ክፍል ጋዝ ፒክ በሚባለው በረሀማ ስፍራ አንድ ሚስጥራዊ ግዑዝ አካል ማግኘታቸው ይፋ አድርገዋል።

መጀመሪያ ክስተቱ እንደተፈጠረ 10 ጫማ ርዝመት ያለውን አንፀባራቂ አካል በማህበራዊ ድረ-ገጽ ሲዘዋወርና ብዙዎችን ሲያነጋግር የነበረ ሲሆን ይህ ግዑዝ አካል በአይነቱ ለየት ያለ አንፀባራቂ የሆነ ገፅታ እንዳለውም ተገልጿል።
https://ebc.et/newsdetails.aspx?newsid=7004

በአውሮፓ ዋንጫ ምሽት 4 ሰዓት ስፔን እና ጣልያን የሚያደርጉት ጨዋታ ተጠባቂ ነው
***************

የ17ኛው የአውሮፓ ዋንጫ የሁለተኛ ዙር የምድብ ማጣሪያ ጨዋታዎች ዛሬ ሲቀጥሉ ከቀኑ አስር ሰዓት ላይ ስሎቫኒያ ከሰርቢያ ጋር የጫወታሉ፡፡

ስሎቬኒያ በ4-4-2 ሰርቢያ በ3-5-2 አሰላለፍ ወደ ሚዳ ይገባሉ ተብሏል፡፡ ስሎቬኒያ በምድብ 3 ላይ 1 ነጥብ ሲኖራት ሰርቢያ ምንም ነጥብ የላትም፡፡

በምድብ 3 ምሽት አንድ ሰዓት ላይ ዴንማርክ ከእንግሊዝ ጋር የሚያደርጉት ጨዋታም ይጠበቃል፡፡

ዴንማርክ ከእንግሊዝ በዶቼ ባንክ ፓርክ የሚያደርጉት ጨዋታ ዴንማርክ በ3-5-2 እንዲሁም እንግሊዝ 4-2-3 አሰላለፍ ይኖራቸዋል ተብሏል፡፡ እንግሊዝ በ3 ነጥብ በምድቡ አናት ላይ ስትቀመጥ ዴንማርክ 1 ነጥብ አላት፡፡

በምድብ 2 ምሽት 4:00 ሰዓት ስፔን ከጣልያን በቬልቲንስ አሬና ስታዲየም የሚያደርጉት ጨዋታም በእጅጉ ተጠባቂ ነው፡፡

ሁለቱም ሀገራት በምድቡ 3 እኩል ነጥብ ያላቸው በመሆኑ ዛሬ የሚያደርጉት ጨዋታ ተጠባቂ እንዲሆን ያደርገዋል፡፡ ስፔን እና ጣልያን በተመሳሳይ በ4-3-3 አሰላለፍ ወደ ሜዳ ይገባሉ ተብሏል፡፡