የአብሮነት በዓል የሆነው ዓረፋ -በጉራጌ
*************

በእስልምና እምነት ተከታዮች ዘንድ ከሚከበሩ በዓላት መካከል አንዱ የሆነው የዒድ አል አድሃ (ዓረፋ) በዓል በጉራጌ ሕዝብ ዘንድ በድምቀት ይከበራል።

በጉራጌ ሕዝብ ዘንድ ቀደም ብሎ የሚጀምረው የዓረፋ በዓል ዝግጅት ቤት ውስጥ እንዳለው የቤተሰብ ብዛት ከአንድ ወር እስከ ሦስት ወር ሊወስድ ይችላል ይችላል።

የጉራጌ እናቶች ለበዓሉ የሚሆን ቆጮ ቀድመው በልዩ ሁኔታ ያዘጋጃሉ፤ ቅቤ እና ሚጥሚጣ በልዩ ቅመማ ቅመሞች አጣፍጠው በማዘጋጀት የበዓሉን መምጣት በጉጉት ይጠባበቃሉ።

ወጣት ሴቶች ደግሞ ለዓረፋ በዓል ቤቶችን በማስዋብ ሥራ ይጠመዳሉ፤ የመመገቢያ ዕቃዎችን እና የቤት ውስጥ ጌጣጌጦችንም በማፅዳት ቤታቸውን ያደምቃሉ።

የጉራጌ አባቶች እና ወጣት ወንዶች በበኩላቸው ለበዓሉ የሚያስፈልገውን የማገዶ እንጨት ፈልጎ በማምጣት ፈልጠው ያዘጋጃሉ።

ለበዓሉ የሚሆን የእርድ ከብት የማዘጋጀት ኃላፊነቱም የእነርሱ ነው።

የበዓሉ መዳረሻ ሰሞን የጉራጌ መንደሮች በገበያተኞቸ እና በዓሉን ለማክበር ከተለያዩ ቦታዎች በሚሰበሰቡ የጉራጌ ተወላጆች ይደምቃሉ።

በሃይማኖታዊ ትርጓሜው የመሥዋዕት በዓል በሆነው በዚህ የዓረፋ በዓል፣ በብዛት እርድ የሚከናወን ሲሆን የቻለ ከቤተሰቡ ጋር ያልቻለ ደግሞ በማኅበር በመሆን ቅርጫ ይገባል።

ያለው ለሌለው ማካፈል ሃይማኖቱ የሚያዝዘው ተግባር ከመሆኑም ባሻገር በጉራጌ ማኅበረሰብ ዘንድ ይህ በእጅጉ የተለመደ ባህል ነው።

የእርድ ዕለት ሁሉም የእምነቱ ተከታዮች በአካባቢው ያሉትን አቅመ ደካሞች እና የተቸገሩትን በመጎብኘት የተለያዩ ለበዓሉ ማክበሪያ የሚሆኑ ነገሮችን ይለግሳሉ።

በዚህም ወንዶቹ ሥጋ፤ ሴቶቹ ደግሞ ቅቤ፣ ወተት እና ቡና ለተቸገሩት የማካፈል ልማድ አላቸው።

በጉራጌ ተወላጆች ዘንድ ዓረፋ በዓል ብቻ አይደለም፤ በሥራ፣ በትምህርት እንዲሁም በተለያየ ምክንያት ከቤተሰብ የራቁ ልጆች ወደ ወላጆቻቸው የሚመለሱበት ቀን ነው፡፡

ቤተሰብ በጋራ የሚሰባሰብበት የአብሮነት ቀን በመሆኑም ዓረፋ በልዩ ጉጉት የሚጠበቅ በዓል ነው።

ሌላኛው የዓረፋ ልዩ ገፅታ ዕርቅ የሚወርድበት ቀን መሆኑ ነው። ዓመቱን ሙሉ የተቀያየሙ ሰዎች በዓረፋ በዓል ጠባቸውን ሽረው ሰላም እንዲያወርዱ ይደረጋል።

የበዓሉ ቀን እናቶች የስጋ እና የጎመን ክትፎ እንዲሁም ቡና በቅቤ በማቅረብ የበዓሉን ታዳሚዎች ይጋብዛሉ።

የሃይማኖት አባቶችም ለበዓሉ ያደረሳቸውን ፈጣሪያቸውን አመስግነው ለቀጣይ ዓመትም በሰላም እንዲያደርሳቸውም ዱአ ያደርጋሉ፤ ቤተሰቡንም ይመርቃሉ።

አዝመራው ፍሬ እንዲያፈራ፣ ሀገር ሰላም እንድትሆን ይመርቃሉ፤ ልጆች ላበረከቱት ለእያንዳንዱ ስጦታ ይመሰገናሉ፤ ለዓረፋ በዓል ወደ ቤተሰቡ ያልመጣ ጓደኛ ካላቸውም፣ ለቀጣይ ዓመት ይዘው እንዲመጡ ጭምር ኃላፊነት ይሰጣቸዋል።

ለዚህም ነው ዓረፋ ከበዓልነቱም ባሻገር የቤተሰብ እና የወዳጅ ዘመድ መሰባሰቢያ ነው የሚባለው።

በሀብተሚካኤል ክፍሉ

#EBC #ebcdotstream #Eid #eiduladha #eidmubarak

ጠቅላይ ሚኒስትር ዐቢይ አሕመድ (ዶ/ር) ከኢቲቪ ጋር በነበራቸው ልዩ ቆይታ ስለመንግስት ሰራተኞች ከተናገሩት

የቅዳሜ መልክ

ቅዳሜ መልኩ ብዙ ነው፡፡ ቅዳሜ የቤተሰብ ቀን፤ የገበያ ቀን፤ የመዝናኛ ቀን፤ የጉብኝት ቀን ፤ የጥበብ ቀን፤ የስፖርት ቀን ነው፡፡

የቅዳሜ መልክ የዜና ሾው ነገ ይጀምራል፡፡

ኢቢሲ ይህን የዘርፈ ብዙ መገለጫ ቀን የሆነውን ቅዳሜን “የቅዳሜ መልክ “ ብሎ አዲስ የዜና ሾው ይዞ ቀርቧል፡፡

በቅዳሜ መልክ ለቤተሰብ የሚመጥኑ ዝግጅቶች ፤ አስገራሚና አስደናቂ የገበያ ገጠመኞች ፤ አስደናቂ እና አነጋጋሪ የሆኑ ጥበባዊ ስራዎች ፤ ሊታዩ ሊጎበኙ የሚገባቸው ስፍራዎች የሚዳሰሱበት ፤ ሰፊ ስፖርታዊ እንቅስቃሴዎች በርካታ የሀገር ውስጥና አለምአቀፍ ስፖርታዊ ውድድሮች ከታዋቂ ባለሙያዎችና ተንታኞች ጋር መረጃ እየሰጠ ፤ እያዝናና እውቀትን እያስጨበጠ ወደ ርስዎ ለማድረስ ዝግጅቱን አጠናቋል፡፡

ግንቦት 30 / 2017 የሚጀምረው የቅዳሜ መልክ የዜና ሾው ዘወትር ቅዳሜ ከጠዋቱ 2 ሰዓት እስከ 5 ሰዓት ወደ ተመልካቾች ይቀርባል፡፡

በቅዳሜ መልክ የዜና ሾው ተመልካቾች እየተሳተፉ ይሸለማሉ፤ ባህላዊ ክዋኔዎች፤ ወጎች፣ ትውፊቶች፤ የተፈጥሮ ገጽታዎች ይጎበኛሉ፤ አዝናኝና አስተማሪ የጥበብ ስራዎች ይቀርባሉ፤ አሁናዊ ትኩስና አነጋጋሪ ስፖርታዊ ክስቶች ከታዋቂ የስፖርት ተንታኞች ጋር ይቀርባል ይተነተንማል፡፡

ሁሌም ለኢትዮጵያ ልዕልና የሚተጋው የኢትዮጵያ ብሮድካስቲንግ ኮርፖሬሽን “ወደ ይዘት” በሚል እያካሄደ ያለውን የይዘትና የአቀራረብ ሪፎርም በቅርቡም ሌሎች አዳዲስ የዜና ሾዎችና ወቅታዊ ፕሮግራሞች፤ የመዝናኛና የስፖርት ጉዳዮችን በተለያዩ ሚዲየሞቹ በአዳዲስ ይዘትና አቀራረብ ወደ ተመልካቾች ለማድረስ ዝግጅቱን በማጠናቀቅ ላይ እንደሚገኝ ከወዲሁ መግለጽ እንወዳለን፡፡

የቅዳሜ መልክ
ነገ ቅዳሜ ግንቦት 30 ከጠዋቱ 2 ሰዓት እስከ 5 ሰዓት በኢቲቪ ዜና ይጠብቁን!!
ኢቢሲ
ለኢትዮጵያ ልዕልና
#ebcdotstream #EBC #etvzena #ለኢትዮጵያልዕልና

“ተረጂነት እጅግ አሳፋሪው ነገር ነው፤ ኢትዮጵያን የሚያክል ሀገር ለራሷ አምርታ እራሷን መመገብ አቅቷት አንዳንዴ ከእሷም ካነሱ ሀገራት መለመኗ በጣም አሳፋሪ ነገር ነው። ከዚህ አሳፋሪ ነገር ይሄ ትውልድ ጨክኖ መገላገል አለበት” - ጠቅላይ ሚኒስትር ዐቢይ አሕመድ (ዶ/ር)
#ebcdotstream #EBC #PM #AbiyAhmed