እስካሁን ከ36 ሚሊዮን በላይ ዜጎች የምርጫ ካርድ ወስደዋል - ብሔራዊ ምርጫ ቦርድ
****************

ለ7ኛው ጠቅላላ ምርጫ እስካሁን ከ36 ሚሊዮን በላይ መራጮች መመዝገባቸውን የኢትዮጵያ ብሔራዊ ምርጫ ቦርድ አስታወቀ፡፡

የኢትዮጵያ ብሔራዊ ምርጫ ቦርድ ለ7ኛው ጠቅላላ ምርጫ እየተከናወኑ ያሉ ተግባራትን በተመለከተ ወቅታዊ መረጃዎችን ይፋ አድርጓል።

ቦርዱ ባወጣው መረጃ መሠረት፣ እስከ መጋቢት 24 ቀን 2018 ዓ.ም ድረስ ባለው ጊዜ ውስጥ በድምሩ 36,971,981 መራጮች መመዝገባቸውን ገልጿል።

ከተመዝጋቢዎቹ ውስጥ 20,122,327 የሚሆኑት ወንዶች ሲሆኑ፣ ቀሪዎቹ 16,849,654 ደግሞ ሴት መራጮች መሆናቸው ተመልክቷል።

ቦርዱ ይፋ ባደረገው መረጃ መሠረት የአካል ጉዳተኞችን ተሳትፎ በተመለከተም 76,609 ወንድ እና 72,451 ሴት የአካል ጉዳተኛ መራጮች ለምርጫው መመዝገባቸው ታውቋል።

#EthiopianBroadcastingCorporation #EBCDOTSTREAM #Ethiopia #GeneralElection

የጠቅላይ ሚኒስትር ጽ/ቤት ኅብረተሰቡ ከሐሰተኛ መረጃዎች ራሱን እንዲጠብቅ አሳሰበ
********************

ኅብረተሰቡ ከሐሰተኛ ዜናዎች እና የተሳሳቱ መረጃዎች ስርጭት ራሱን እንዲጠብቅ የጠቅላይ ሚኒስትር ጽ/ቤት አሳስቧል።

‎ጽ/ቤቱ ቤቱ ባስተላለፈው የጥንቃቄ መልዕክት፣ “ከጠቅላይ ሚኒስትር ጽሕፈት ቤት ተብሎ የሚደርስዎትን ማንኛውም ‎ይፋዊ መልዕክት ከማጋራትዎ በፊት ሁልጊዜም በጽሕፈት ቤቱ ይፋዊ የማኅበራዊ ትሥሥር ገጾች እና ድረ-ገጽ በመግባት፣ ትክክለኛነቱን እንዲያረጋግጡ እናሳስባለን” ብሏል።

https://www.facebook.com/share/1DbRTPiYUF/?mibextid=wwXIfr
X: https://x.com/pmethiopia?s=21
Website: https://pmo.gov.et

#Ethiopia #PMOEthiopia

ምዝገባው ሊጠናቀቅ 2 ቀናት ብቻ ቀርተውታል!!!!
*****************

ለ7ኛው ጠቅላላ ምርጫ የመራጮች ምዝገባ ሊጠናቀቅ ሁለት ቀናት ብቻ ቀርተዋል። እርስዎም ጊዜው ሳይረፍድ ዛሬውኑ ካርድዎን ይውሰዱ፤ በምርጫ ብቻ ለውጥ ያምጡ።

ምርጫ ካርድ አለመውሰድ የራስዎን እና የቤተሰብዎን የወደፊት ዕጣ ፈንታ ሌላ አካል እንዲወስን በራስዎ ፈቃድ ዕድሉን አሳልፎ መስጠት ነው።

በኢትዮጵያ ብሔራዊ ምርጫ ቦርድ የጊዜ ሰሌዳ መሠረት፣ የመራጮች ምዝገባ ሰኞ መጋቢት 28 ቀን 2018 ዓ.ም ይጠናቀቃል።

የምዝገባው ሂደት ሊጠናቀቅ 2 ቀናት ብቻ ስለቀሩት፣ እስካሁን የምርጫ ካርድ ያልወሰዳችሁ ዜጎች ቀሪዎቹን ቀናት እንድትጠቀሙ እናስታውሳለን።

በሀገርዎ የዴሞክራሲ ልምምድ ውስጥ ለመወሰን እና የዜግነት ግዴታዎን ለመወጣት የድምፅ መስጫ ካርድዎን ይያዙ።

ድምፅ መስጠት መብትዎ ብቻ ሳይሆን የዴሞክራሲ ተሳትፎዎ መገለጫ ነው።

በሚቀርብዎ የምርጫ ጣቢያ በአካል በመገኘት ወይም በምርጫዬ መተግበሪያ በዲጂታል አማራጭ መመዝገብ ይችላሉ።

ምርጫዬ መተግበሪያን፦
ለአንድሮይድ (Play Store): https://play.google.com/store/apps/details..
ለአይፎን /iOS/ (App Store):
https://apps.apple.com/us/app/mirchaye/id6756587049
በድረ-ገጽ https://mirchaye.portal.nebe.org.et/
Ethiopian Broadcasting Corporation #Ethiopia #Election2026 #VoterRegistration #Registration #VoteEthiopia

ኢራን ከአሜሪካ ጋር ያላትን ቅራኔ በዘላቂነት የምትፈታበት አዲስ የዲፕሎማሲ መፍትሄ ተመላከተ
****************

የ2015ቱን የኑክሌር ስምምነት በማርቀቅ ረገድ ቀዳሚውን ስፍራ የሚይዙት የቀድሞው የኢራን የውጭ ጉዳይ ሚኒስትር ጃቫድ ዘሪፍ፣ ኢራን ከአሜሪካ ጋር ያላትን ቅራኔ በዘላቂነት የምትፈታበትን አዲስ የዲፕሎማሲ መንገድ አመላክተዋል።

ቴህራን ያላትን ጂኦ-ስትራቴጂያዊ አቀማመጥ ለጦርነት ሳይሆን ለድርድር ልትጠቀምበት ይገባል ብለዋል።

ኢራን የዓለምን የነዳጅ መስመር የምትቆጣጠርበትን የሆርሙዝ የባህር ወሽመጥ የመዝጋት አቅምና የኑክሌር መርሐ ግብሯን እንደ ትልቅ የድርድር ካርድ ልትጠቀምባቸው ይገባል ይላሉ።

ዘሪፍ እንደሚሉት፣ ኢራን እነዚህን ወሳኝ ተፅዕኖዎች ለዋሽንግተን እንደ ማባበያ በማቅረብ፣ በምላሹ በሀገሪቱ ላይ የተጣሉ ከባድ የኢኮኖሚ ማዕቀቦች እንዲነሱ ማድረግ ትችላለች።

ይህ "በበላይነት የመደራደር ስልት" ቀደም ሲል አሜሪካ ያልተቀበለቻቸውን ጥቅሞች አሁን እንድትቀበል የሚያስገድድና ለሁለቱም ሀገራት የሚበጅ አዲስ ስምምነት ለመፍጠር የሚያስችል ነው ብለዋል።

በኢራን እና በአሜሪካ መካከል ያለው ፍጥጫ የንጹሃን ዜጎችን ሕይወት ከመቅጠፍና መሠረተ ልማትን ከማውደም ባለፈ ፋይዳ እንደሌለው የገለጹት ዘሪፍ፣ የኢራን መሪዎች ከስሜታዊነት በፀዳ መልኩ ብሔራዊ ጥቅማቸውን ሊያስከብሩ እንደሚገባ አሳስበዋል።

ጦርነቱን መቀጠል ዘላቂ ሰላምን አያመጣም፤ ስለሆነም ሁለቱ ሀገራት የማይጠቃቁበት እና ጠንካራ ኢኮኖሚያዊ ትስስር የሚፈጥሩበት ስምምነት ላይ መድረስ፣ ኢራንን ከጥፋት ከመታደግ ባለፈ በቀጣናው አስተማማኝ ሰላም እንዲሰፍን ያደርጋል ነው ያሉት።

የዘሪፍ ጥሪ የአሜሪካ ፕሬዚዳንት ዶናልድ ትራምፕ ኢራን ስምምነት ላይ ካልደረሰች "ወደ ድንጋይ ዘመን ትመለሳለች" የሚል ማስፈራሪያ በሰነዘሩበትና በቴህራን በኩል የጦርነት ነጋሪት በሚጎሰምበት ወቅት መቅረቡ፣ ለዲፕሎማሲው መስክ አዲስ ተስፋን የፈነጠቀ ሆኗል።

በኢንቲሀድ አብራር

#middleeast #peace #Iran #USA #EBC