በዚህ ወር አዲስ አበባ የኮንፈረንስ ቱሪዝም ማዕከል ለመሆን ያላትን አቅም የምታሳይባቸው ጉባኤዎች ይካሄዳሉ - የመንግሥት ኮሙኒኬሽን አገልግሎት
********************

በጥቅምት ወር በአዲስ አበባ የሚካሄዱ ጉባኤዎች ከተማዋ የኮንፈረንስ ቱሪዝም ማዕከል ለመሆን ያላትን አቅም የምታሳይባቸው መሆኑን የመንግሥት ኮሙኒኬሽን አገልግሎት ገለፀ፡፡

የመንግሥት ኮሙኒኬሽን አገልግሎት ሚኒስትር ዴኤታ ሰላማዊት ካሳ በዛሬው ዕለት በሰጡት ጋዜጣዊ መግለጫ እንደጠቆሙት በጥቅምት ወር ኢትዮጵያ በርካታ ዓለም አቀፍ እና አህጉራዊ ጉበኤዎችን ታስተናግዳለች፡፡

ከነሀሴ አጋማሽ ጀምሮ የሚከበሩት ሀይማኖታዊና ባህላዊ በአላት በፌስቲቫል መልክ መከበር በመጀመራቸው ወደሀገሪቱ የሚገቡት ቱሪስቶች ቁጥር ከፍተኛ መሆኑን ገልጸዋል።

በጥቅምት ወራትም ሀገራዊ ኮንፍረንሶች የሚካሄዱ በመሆኑ ሀገራዊ ገጽታን ለመገንባትና የቱሪስቱን ፍሰት ለመጨመር እድል እንደሚፈጥርም ተናግረዋል።

ከጥቅምት 26 እስከ 28 "ከረሃብ ነጻ ዓለም" ኮንፈረንስ እንደሚካሄድ የጠቀሱት ሚኒስትር ዴኤታዋ፣ መድረኩ ትኩረት ያገኘ እና ሀገራት ልምዳቸውን የሚለዋወጡበት እንደሆነ ገልጸዋል፡፡
https://web.facebook.com/EBCzena/posts/pfbid02mWHx8AwRD1qsKvhRuDnjp16A5ne7d2RjDmEnJHsbosaDJYY4gtNR8gt3xyeVj1i7l

የፓስፖርት የእድሳት ጊዜ ከ5 ዓመት ወደ 10 ዓመት ሊራዘም ነው
***************************

እድሜያቸው ከ25 ዓመት በላይ ለሆናቸው ዜጎች የፓስፖርት አገልግሎትን ከ5 ዓመት ወደ 10 ዓመት ከፍ በማድረግ የእድሳት ጊዜውን ለማራዘም እየተሰራ መሆኑን የኢሚግሬሽን እና ዜግነት አገልግሎት አስታውቋል።

የተቋሙ ዋና ዳይሬክተር ሰላማዊት ዳዊት የተቋማቸውን የሩብ ዓመት አፈፃፀም በተመለከተ ለመገናኛ ብዙኀን ገለፃ አድርገዋል።

የአገልግሎት ሰጪ መስሪያ ቤቱ በተለይ ተቋማዊ ሪፎርም ማድረግ ከጀመረ በኋላ መጠነ ሰፊ ለውጦችን እያስመዘገበ ስለመሆኑ ተናግረዋል።https://web.facebook.com/EBCzena/posts/pfbid02vEhaBweN4DAe14GFvFNHycpLV2QcJfqtRePhoMZR1d6rTYD7h1M1dBqhuo8jUGWwl

ከ242 ሺህ በላይ ሰልጣኞች የኮደሮች ስልጠናን እየተከታተሉ ነው - የመንግስት ኮሙዩኒኬሽን አገልግሎት
****************

ጠቅላይ ሚኒስትር ዐቢይ አሕመድ (ዶ/ር) ባስጀመሩት 5 ሚሊዮን የኢትዮጵያ ኮደሮች ኢንሼቲቭ ከ242 ሺህ በላይ ሰልጣኞች ተመዝግበው ትምህርቱን እየተከታተሉ እንደሚገኙ የመንግስት ኮሙዩኒኬሽን አገልግሎት ገለፀ፡፡

የመንግስት ኮሙዩኒኬሽን አገልግሎት ሚኒስትር ዴኤታ ሰላማዊት ካሳ በወቅታዊ ጉዳዮች ላይ መግለጫ ሰጥተዋል፡፡

ሚኒስትር ዴኤታዋ በመግለጫቸው፤ መንግስት ባለፉት ወራት ይፋ ባደረገው በዚህ መርኃ ግብር ላይ ማንኛውም ሰልጣኝ ትምህርቱን በነጻ ማግኘት እንዲችል ሁኔታዎች መመቻቸታቸውን ገልጸዋል፡፡

የኮደሮች ስልጠና ይፋ ከተደረገበት 3 ወራት ወዲህ ባለው ጊዜ ከ242 ሺህ በላይ ሰልጣኞች ተመዝግበው ትምህርታቸውን እየተከታተሉ መሆኑን ተናግረዋል፡፡
https://web.facebook.com/EBCzena/posts/pfbid08hM2agAVnDJi6gn3Bj3JijjHwBThwmcptz9TdEvNDfMvPBrQ6JkXG7NtcWPwqAoBl

ከገቢ ግብር የሚሰበሰበው የኢትዮጵያ ገቢ ከጊዜ ወደ ጊዜ እያደገ መጥቷል፦ ገቢዎች ሚኒስቴር
****************

ባለፉት ዓመታት በተሰሩ የለውጥ ስራዎች ከገቢ ግብር የሚሰበሰበውን የኢትዮጵያ ገቢ ከጊዜ ወደ ጊዜ እያሻሻለው መምጣቱን የገቢዎች ሚኒስቴር ገለጸ፡፡

የገቢዎች ሚኒስትር ወ/ሮ ዓይን ዓለም ንጉሴ በተለይ ለኢቲቪ እንደገለጹት፤ግብርን በታማኝነት መክፈል የኢትዮጵያን ብልጽግና ለማረጋገጥ የሚረዳ መሰረት ነው፡፡

በ2010 በጀት ዓመት ከገቢ ግብር የተሰበሰበው 170 ቢሊዮን ብር እንደነበር ያስታወሱት ሚኒስትሯ፤ ከጊዜ ወደ ጊዜ እየተሻሻለ መጥቶ በ2016 ዓ.ም 512 ነጥብ 8 ቢሊዮን ብር ገቢመሰብሰብ መቻሉን ተናግረዋል፡፡

የሰው ኃይል አቅም ግንባታ፣ የህሕግ ማዕቀፎች፣የአሰራር ሥርዓቶች እንዲሁም የቴክኖሎጂ አማራጮችን ማሻሻል መቻሉ ለተገኘው እድገት አስተዋጽኦ ማድረጉን ጠቅሰዋል፡፡https://web.facebook.com/EBCzena/posts/pfbid02YVm5mB7cwbKZed3EmFLQ32LLUA4Ri6WW9bEuLWeFf2pohF5EBUysCHRr4DBGcjSTl